HULA SCOOP: Mawiwili Ka Sa Isang Libangan

HULA: Mawiwili ka sa isang libangan….ang pakikipagchat, mag-ingat sa iyong kausap baka madala ka ng kanyang matamis pero huwad na salita.

SCOOP: Nauso na ang pakikipagchat ngayon, isa sa dahilan ng pagkakaroon natin ng bagong kaibigan sa internet ay sa pamamagitan ng instant messenger …syempre sikat sa mga Pinoy ang Yahoo Messenger (YM). Minsan mapapansin nyo na maraming features ang YM, may phone call, may avatar, IM environment, smiley icons o emoticons at ang audible; ilan lang yan sa magagamit mo pag nakikipagchat ka. Kung di ka marunong nito…di ka “in”…your out!

Ang nakakatuwa merong audible para sa mga pinoy, ito yun animated characters na may sinasabing expressions in Filipino o Tagalog. Matagal na rin itong naglipana sa YM. Pero syempre sa bawat expressions may hidden meanings din, so ihahambing ko ang dalawang klase ng meaning; isa para sa nagliligawan o MU (mag "UN") at ang isa naman ay para sa magkaibigan lang o di type ang nanliligaw. Kaya kung ginamit ng kaibigan mo ang audible na to….think twice…baka niloloko na kayo nito hehehe. Kaya check nyo na audible nyo, kung wala kayo nito…hay naku di ko kayo kilala…dali maghanap na!

Audible expressions and their hidden meanings....sardonyx's version:




1. “Hello ok ka lang”-


Nagliligawan o MU- I miss you, do you miss me na?
Di Type ang nanliligaw o friend lang- Ano, Sigurado ka?



2. “Ang cute cute mo talaga”


Nagliligawan o MU- Hay naku crush talaga kita
Di Type ang Nanliligaw o friend lang- Feeling mo cute ka?



3. “Korek ka dyan”

Nagliligaw o MU: Ang smart mo talaga, Bilib na ko
Di Type ang Nanliligaw o friend lang: Sige na, tama na… feeling mo matalino ka?


4. “Hanep! Astig ng dating mo pare!!”


Nagliligawan o MU- Ang galing ng porma mo, kaka in love
Di Type ang Nanliligaw o friend lang- Baduy mo!! yuck kadiri!


5. “hmmm…teka muna”


Nagliligawan o MU- Sana mamiss mo ko kahit sandali
Di Type ang Nanliligaw o friend lang- Manigas ka dyan! Ang boring mo!


6. “Sori, strict ang parents ko”


Nagliligawan o MU- Type kita kaya lang pakipot muna ko
Di Type ang Nanliligaw o friend lang- Di kita type


7. “Ganun?”


Nagliligawan o MU- Yun lang? Wala bang I love you?
DI Type ang Nanliligaw o friend lang- Maniwala ako

---------------------------------------------------------------------------------------------

PAUNAWA: Ito’y sariling opinyon lang at huwag personalin at baka mamaya ang kausap mong kaibigan ay awayin…hehehe

ISA PANG PAUNAWA: Ito ay hawi sa isang e-mail uli na naglipana sa internet, pero itong ginawa ko ay galing sa yahoo audibles....pasensya na at mahirap magpiga ng utak...lalo na pagwalang laman hehehe.

TANONG: Sa palagay nyo madedemanda ba ako ng yahoo nito??? Abangan....

PAHABOL: Ang larawan na nasa itaas ay sa Sendai na pinuntahan ko kaya ako'y nawala ng ilang araw....wala itong kaugnayan sa hula ko.....nagkataon lang na blog ko ito kaya kahit ano ok lang ang ilagay ko hehehe.

HULA SCOOP: Maging Masipag Sa Trabaho

HULA: Maging masipag sa trabaho, labanan ang anumang masamang impluwensiya na bumabalot sa’yo. Kung hindi mo ito mapigilan malamang ikaw ang na ang mababalutan ng…katamaran.

SCOOP: Narito ang mga payo ko sa mga tinatamad sa kanilang trabaho, na pwede naman mag absent pero sa panghihinayang sa araw na masasayang at sa sweldo na makakaltas sa kanila e pilit pa rin pumapasok sa trabaho kahit walang ginagawa.

1. Maghubad- pagdating na pagdating sa trabaho maghubad kaagad ng iyong pangginaw o blazer o jacket at buksan kaagad ang dapat buksan, syempre pa ang computer, magsurf kaagad sa internet para masaya kaagad ang araw mo.

2. Paligayahin ang sarili- Pag walang tao, dahan dahan mong ipasok ang kamay mo at hugutin…. ang cell mo sa bag pasimple lang para di kayo mahalata at magstart ng magti text o tumawag sa mga friends mo, alam ko naman yun ang magpapaligaya sa araw niyo eh.

3. Magbutingting- butingtingin mo ang inyong sariling lamesa, matuto ka dapat magbutingting ng kahit ano sa mga gamit na nasa harap mo. Pag wala kang magawa pa rin kunin ang nail cutter o nail clipper at putulin ang iyong mga kuko.

4. Magbulatlat- Kung patay pa rin ang oras mo magbulatlat ka ng kahit anong mga papeles sa filing cabinet at titigan ang mga ito, kung di ninyo maintindihan itago muli at magbulatlat na lang kayo ng inyong bag, malamang mas marami pa kayong alam sa laman ng bag nyo kesa papeles nyo.

5. Iyugyog mo- iyugyog mo ang keyboard mo malamang marami ng mumu ng pagkain na nakasiksik dito kakakain nyo ng mga chichiria sa harap ng computer.

6. Labas-pasok- pag wala pa rin kayong magawa labas pasok kayo sa internet syempre puntahan ang mga peborit na blogs, pindutin lagi ang refresh at icheck nyo kung may bagong posts syempre huwag kakalimutan ang payo ng hulascoop ko.

7. Lamasin- pag inaantok at wala pa rin kayong magawa o tinatamad lang talaga kayong gumawa lamas lamasin mo ang stress ball mo, kung wala ka nito sa office mo bumili ka na lang ng pandesal yun ang lamasin mo at pag nagsawa ka na, isawsaw mo sa kape pwede pa yun. Sabi nga sa movie, “Walang matigas na tinapay sa mainit na kape.”

8. Kung matagal pa ang oras na hihintayin nyo count 1 to ten, basta count to ten ng count to ten lang, hindi mo mamamalayan ang oras at uwian na pala.

PASALAMAT: Ang paksa na ito ay hawi ito sa isang email na naglipana sa internet pero binigyan ng ibang kahulugan, kulay at pinaikli ng inyong lingkod na aakma sa aking blog.

PAHABOL: Ang larawan ay talagang akma sa hula ngayon. Kayo na ang maghusga.

HULA SCOOP: Iwasan Ang Makipag-away

HULA: Iwasan ang makipag-away, kung batuhin ka ng bato, batuhin mo ng tinapay…..may palamang corned beef……na nasa lata…..yun tinapay footlong……yun corned beef, tatlo.

SCOOP: Sabi nga sa salawikain noon, “kung batuhin ka ng bato, batuhin mo ng tinapay” pero ngayon parang iba na talaga ang nagiging kahulugan nito sa tunay na pakahulugan noon, kagaya na lang nga ng hula ko….mismo! "siyang-siya" ang halimbawa nito.

Kaya narito tayo nang magsalawikain muli pero walang kahulugan ang ibibigay ko kundi paghahambingin lang ang bersiyon noon at ang bersiyon ko....remember bersiyon ko as in sardonyx's version po.



NOON: Ang hindi lumingon sa pinanggalingan
hindi makakarating sa paruruonan.
SARDS: Ang hindi lumingon sa pinanggalingan,
wala ng leeg sa katabaan


NOON: Ako ang nagbayo ako ang nagsaing
saka ng maluto'y iba ang kumain.
SARDS: Ako ang nagbayo ako ang nagsaing
saka ng maluto'y sunog pala ang kanin.


NOON: Aanhin mo ang palasyo,
kung ang nakatira ay kuwago
SARDS: Aanhin mo ang palasyo,
kung ang nakatira ay multo


NOON: Mabuti pa ang bahay kubo,
ang nakatira ay tao.
SARDS: Mabuti pa ang bahay kubo,
laging may pusa at aso.

NOON: Ang paala-ala ay mabisang gamot,
sa taong nakakalimot.
SARDS: Ang paala-ala ay mabisang gamot,
sa may utang at taong kuripot

NOON: Ang taong nagigipit,
kahit sa patalim ay kumakapit.
SARDS: Ang taong nagigipit,
kahit sa pangit nangangalabit.

NOON: Magsisi ka man at huli
wala nang mangyayari.
SARDS: Magsisi ka man at huli,
huli pa rin ang pagsisisi.

NOON: Matalino man ang matsing,
napaglalalangan din.
SARDS: Matalino man ang matsing,
walang salawal pa rin

NOON: Kung nasaan ang asukal,
naruon ang langgam.
SARDS: Kung nasaan ang asukal,
naruon ang kape

NOON: Ang tunay na kaibigan,
karamay kailan man.
SARDS: Ang tunay na kaibigan,
kahit sa lamay mo ay nandyan.


NOON: Kapag may isinuksok,
may madudukot.
SARDS: Kapag may isinuksok,
may butas na natusok

NOON: Ang lumalakad nang matulin,
kung matinik ay malalim.
SARDS: Ang lumalakad nang matulin,
kung walang tsinelas talagang matinik malalim.

NOON: Ang langaw na dumapo sa kalabaw,
mataas pa sa kalabaw ang pakiramdam.
SARDS: Ang langaw na dumapo sa kalabaw,
isang hataw lang wala na siyang pakiramdam.

NOON: Huwag magbilang ng manok,
hangga't hindi napipisa ang itlog.
SARDS: Huwag magbilang ng manok,
kung wala ka namang itlog.


NOON: Kung sino ang unang pumutak,
siya ang nanganak.
SARDS: Kung sino ang unang pumutak,
siya ang manok.

NOON: Kapag bukas ang kaban,
nagkakasala sinuman.
SARDS: Kapag bukas ang kaban,
wala ng bigas na mararatnan.

NOON: Sala sa lamig,
sala sa init.
SARDS: Samalamig,
sago sa tag-init.

NOON: Aanhin pa ang damo,
kung patay na ang kabayo.
SARDS: Aanhin pa ang damo,
kung meron ng shabu.

NOON: Bato-bato sa langit
Ang tamaan ay wag magagalit
SARDS: Bato-bato sa langit
Ang tamaan ay talagang masakit

NOON: Ang sakit ng kalingkingan,
damdamin ng buong katawan.
SARDS: Ang sakit ng kalingkingan,
damdam ng ilong ang kalungkutan.


PANUTO: Ang larawan na nasa itaas ay halimbawa ng salawikain, pinilit kong lumingon kasi ayokong masabing di ako marunong lumingon sa pinanggalingan kaya at least kaya ko pang lumingon di pa naman mataba ang leeg ko hehehe.

HULA SCOOP: Huwag Madaliin ang Pag-ibig, Kusa Itong Dumarating

HULA: Huwag madaliin ang pag-ibig, kusa itong dumarating at nararamdaman pero dapat mo ring hanapin ang iyong “mahal” at hindi nakanganga na naghihintay.

SCOOP: Ang paghahanap ng mahal sa buhay ay sineseryoso at hindi binabalewala dahil ito ay pang habangbuhay mong pagsisisihan kung ikaw ay di tumama at habang buhay ka namang masaya kung ang mahal mo ang kasama.

Kaya narito ang mga ilang tips ni Sardonyx kung paano humanap ng pang habang buhay na kapakner:

1. Kailangan humanap ng kasintahan at hindi “syota-syotaan” lang. Iba raw ang syota, pang display lang daw yun at pang isang buwang relasyon lang. Teka ang tawag ba sa bf sa tagalog na slang ay “syoto?”

2. Huwag mong hanapin ang ugali ng Nanay mo sa hinahanap mong gf. Baka gusto mong gf ay yun katulad ng Nanay mo na masipag, marunong magluto, maglaba, mamalanta at mahusay magmasahe ng t-uhod,….teka e baka naman si “Inday” ang hinahanap mo at baka gusto mo pang itawag sa gf mo ay “cupcake” hehehe (remember si Inday tawag ni Sir sa kanya, “cupcake”…. hmmmp, ah ewan pag di mo magets, sige next hula na lang yun).

3. Huwag mong hanapin ang ugali ng Tatay mo sa hinahanap mong bf. Huwag kang umasa na ang lahat ng lalaki ay katulad ng Tatay mo na mahaba….mahaba ang pasensiya, matigas…..matigas ang loob at mataba…mataba ang puso.

4. Think postitive lagi pero huwag mo namang buntisin ang girl o magpabuntis ka sa guy na kakakilala mo palang, positive sa larangan ng relasyon ninyo. Isipin mo na “sana siya na nga…..ang manlibre ngayon,” sana siya na nga ang para ….parating magbabayad sa sinehan” o sana tulungan niya akong makatapos….ng pag-aaral” basta puro sana ang isaisip ninyo.

5. Huwag mag-tanong sa sarili na puro negative yun tipong di pa nga nanliligaw o nililigawan ay ang dami ng tanong na ganito:
“tatagal ka ba?”
“ang laki niya, kakayanin ko ba siya?”
“mahaba kaya ang p niya as in pasensiya?”
“baka di siya marunong….magluto o maglaba”
“kuripot yata….kuripot humalik”
“titi_gasan kaya siya….ng loob kung may problema na kami?”
“kiki_slap kaya mga mata niya pag nag I love you ako?”
“susu_nod kaya siya sa akin pag umalis ako ng bansa?”

6. Huwag maghanap ng ideal man or woman at “suntok sa buwan” ang hinahanap ninyo. Nasa libro, internet, at isipan lang ng tao yan, huwag kayong magpapaniwala diyan. Ang paghahanap ng lifetime partner ay comes in a “package ” na, kaya mahalin din ninyo ang kahinaan niya, malay mo, malay niya, at malay nating lahat, di ba?

7. Dahan-dahaning mong balatan… ay balutan pala…hehehe… ng pagmamahal ang lab mo para mamimiss ka niya lagi kahit wala ka. Ok lang na magpipindot-pindot ka dyan sa cellphone mo at magti-text lagi ng “I lab u,” lam mo na, mga mala-arnibal, at mala panot-sa na salita at kahit ano pang matamis na panghimagas ang ihalintulad mo basta lang na nakakapagpakilig sa lab mo, di ba?

8. Kung matalino ka naman at naghahanap ka ng mas matalino sa’yo naku malabo yan, magbilang ka na ng uban mo at asahan mong mawawala ka na sa kalendaryo. Buti pa nga ang kalendaryo may date baka ikaw di na kelan man magkakaron ng date hehehe, swertehan yan huwag ka lang talagang malasin hehehe.

9. Kung bobo ka naman, oooppps sorry bawiin ko sinabi ko, kung di ka naman matalino, sa palagay mo anong hahanapin mong kapakner??? Hmmm siyempre hanapin mo ang matalino na, kasi ang matatalino raw “bobo” sa pag-ibig hehehe at least magiging matalino ka na rin di ba? Malas lang niya.

10. Kung masyado ka talagang pihikan at hinahanapan mo kaagad ng baho o pagkakamali ang ka-date mo hay naku huwag ka na lang magbasa ng tips ko dahil, hula ko matigas talaga ang sa’yo, matigas ang ulo mo, dyan ka na nga pinapasakit mo lang lalo ang ulo ko at ulo ng mga may ulo hehehe.


PANUTO: Ilalathala ko sana ang larawan naming mag-asawa noong kami ay magkasintahan palang pero baka kayo masuka kaya beach na lang sa Hawaii ang nilagay ko. Ang payo ko dalhin ninyo sa beach ang "lab" niyo pero huwag ninyong lulunurin ha, para naman hindi ninyo malilimutan ang araw na kayong dalawa ang magkasama, kung ano man yun gusto ninyong gawin doon ehh di ko na aalamin pa hehehe.

PAHABOL: Iniaalay ko ang hulang ito kina RJ at Reena, nawa'y kapulutan ninyo ng kalokohan ang scoop ko sa araw na ito.

PAHABOL PA ULI: Baka hanapin ninyo ako sa larawan na naka two-piece, wala po ako doon ako po yun kumukuha ng larawan hehehe

Huwag Mong Dalhin Mag-isa Ang Iyong Mga Suliranin

HULA: Huwag mong dalhin mag-isa ang iyong mga suliranin, mararamdaman mo ang bigat na ito kung iyong kikimkimin. Kung gusto mong umiyak ng umiyak at tumakbo, sige lang huwag kang tamarin, tumakbo ka na….takbo! Good exercise yan, bawas bilbil, bawas taba...nakakagaan ng feeling.

SCOOP: Alam naman natin na ang bawat isa ay may mga suliranin o problema sa buhay kaya naman narito ang mga sinipi kong inspirational quotes at ang ilang mga payo ko sa inyo, nawa’y kapulutan ninyo ito ng aral at magbigay saya sa inyong malungkot na buhay. Sa ganitong kadalamhatian, kailangan din natin ng kasiyahan upang humupa at magpagaan man lang ng unos sa ating buhay. Kaya narito….tawa naman kayo.

~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~

MATINDING PROBLEMA:

Kung may problema ka, mahirap idaan ito sa walang kibo.
Mahirap idaan sa walang salita. Mahirap idaan sa pag-iyak.
Bakit di mo sabihin sa mahal mo? Malay mo? Malay ko din!


PAG-IISA

Minsan, naglalakad ako, nag-iisa.
Lumingon ako sa kanan, wala akong nakita.
Lumingon ako sa kaliwa, wala rin akong nakita.
Kaya ayun, tumawid na ako!

Huwag kang malulungkot o
magdaramdam kapag ika'y nag-iisa.
Sapagkat sa mata ng duling, lahat tayo ay dalawa.
Hangga't may duling, hindi ka nag-iisa!


ULAN:

Ang buhay ng tao ay parang ulan,
handa ka man o hindi, bumubuhos.
Pero sa tuwing pagpatak nito,
may isang taong handang mabasa kasama mo.
Sya yung taong wala ring payong!

Minsan, sa buhay natin, hindi
maiiwasang mabasa ng ulan, maranasan ang bagyo.
Pero sa mga pagkakataong ito,
tandaan mo, magdala ka ng payong
ng hindi ka na mabasa, hunghang!


DILIM:

Kung dumating ang oras na
madilim ang iyong tinatahak na daan
at parang wala ka nang makitang sikat ng
araw sa iyong buhay, sigurado, gabi na!
Matulog ka na kaya? Hello!


Minsan, mali tayo sa napili nating mahalin.
Nasaktan sa maling pagmamahal, umiyak sa maling dahilan.
At kung tatanungin mo ako?
Wala akong alam dyan, ako pa ang tinanong mo,
hula-scoop gusto mo?


In our life, there will come a
time where in we will hate the things
that hurt us but we should
never give the blame to our lives because...
whateber! Waah! Hirap mag-english!
Sige na nga good bye na lang!

PANUTO: Itong hula ko ay iniaalay ko sa mga taong may mga mabigat na suliranin ngayon at isa na nga dito ay si Yanah, isang blogger. Bagama’t hindi ko pa siya kilala at ngayon lang ako nagawi sa blog niya ay alam ko ang bigat na nararamdaman niya ngayon. Salamat na lamang kay Mr. Thoughtskoto sa kusang pagtulong niya dito na magkaisa ang ilang mga pinoy sa blogosphere para tulungan siya. Bagama’t wala akong maiaabot na tulong na materyal at sa ako man ay nahaharap sa isang masalimuot na sitwasyon ngayon ay kahit man sa ganitong “hula” ko ay mapasaya siya (sana di naman ako maka- tisod ng tao jokes lang po ito). At sa lahat ng naging bahagi ng pagsisikap na tulungan si Yanah…salamat din na maipakilala ninyo siya sa mga taong baguhan sa blog at isa na ako dito. Mabuhay kayo!

PAHABOL ULI: Ang larawan ay kuha ko dito sa likod bahay namin noong summer pa. Mga magsasaka ng Japan na tila walang mga problema sa buhay. Masayang nagpakuha ng litrato sa akin sa kabila ng hirap ng kanilang hanap-buhay…. ang magbungkal ng lupa at mag-ani ng gulay. Sana ganito tayo lagi….laging masaya.

HULA SCOOP: Ipakita Mo Ang Pagmamahal Mo

HULA: Ipakita mo ang pagmamahal mo sa iyong asawa….hindi sa asawa ng iba. At sa mga tumanda na wala pang asawa…..mag-asawa na kayo hehehe

SCOOP: Paano ba maipapakita ang pagmamahal mo sa iyong asawa? Narito ang ilang mga payo ko, at sa mga wala pang asawa ay kakailanganin nyo na rin ito kaya hala basahin na....now na!

KAY MISTER:

1. Gawin mo ang ayaw na ayaw ni misis:

Kung ayaw ni misis maglaba- maglaba ka
Kung ayaw ni misis mamalantsa- mamalantsa ka
Kung ayaw ni misis magluto- e di magluto ka
*Nasusulat nga, mahalin mo ang iyong asawa

2. Husband, kailangan ikaw pa rin ang hari ng inyong tahanan, si misis….syempre ang “alas.”

3. Mister huwag kang magreklamo sa ulam na inihain sa inyo ni misis:
Di ba sabi nga sa joke:

Mr: Hon anong ulam natin
Mrs: Nandyan sa mesa, pumili ka
Mr: Hon, sardinas lang ang nandito e. Ano bang pagpipilian ko?
Mrs: Mamili ka kung kakain ka ng sardinas o hindi ka kakain


4. May tatlong rules daw ang mga lalaki pag nambabae, kaya make sure gawin nyo to:
Una- Huwag papahuli
Pangalawa- Pag nahuli, huwag aamin
Pangatlo- Pag umamin, huwag mandadamay

KAY MISIS

1. Pag galit si mister huwag mo na syang sagutin, tumahimik ka na lang.
Paano mo kokontrolin ang galit mo?
Maglinis ka na lang ng toilet bowl, paano ito makakatulong sa galit mo?
Gamitin mo na lang ang toothbrush ni honey mo.
**Nasusulat, pasakop sa inyong asawa.

2. Kung noon mag on palang kayo ni mister e “darna” ang tawag sa inyo sa kaseksihan mo, huwag mong hayaan na “dornin” (hindi darling ha) na ang itawag sa iyo…dat means nirereklamo na kayo ni mister na kasing lapad ka na ng “dornin”-yo

3. Misis, hayaan mong si mister ang magdesisyon ng mga plano nyo sa buhay…..pag nakapagdesisyon na sya, aprubahan mo o ireject kung kinakailangan….syempre ikaw pa rin ang masusunod desisyon lang sa kanya no hehehe

4. Huwag magselos sa bagong cellphone ni mister, huwag mong isipin na may bago ng pagkakaabalahan ang fingers ni honey mo, I’m sure sa gabi pahinga na sya sa cellphone nya.


PAANG PAUNAWA (FOOTNOTE):
* Colossians 3:19
**Colossians 3:18

Basahin nyo ang mga talata na yan sa Biblia... Yan lang ang totoo dito hehehe

PANUTO: Ang larawan na nasa itaas ay bahagyang iniugnay ng may akda sa hula ngayon. Bakit? Dapat magkaroon kayo ng oras sa asawa at pamilya kaya yayain ninyo ang inyong asawa o syota man na mag "road trip." Ayan kuha ko yan nang magroad trip kami papuntang Tokyo, kahit pa 9 na oras ang dinrayb ng asawa ko ay ok lang....wala naman siyang magagawa eh.....kasi "ayokong magdrive," di ba sabi ko nga, "mister gawin ninyo ang ayaw ni misis" hahaha

HULA SCOOP: Mag-ingat at Magmasid Sa Masasalubong Ninyo

HULA: Mag-ingat at magmasid sa mga taong makakasalubong n'yo, baka kayo na ang hinahanap n'ya, kung bakit….. hindi ko rin alam, alamin nyo na lang….. paano?….basahin nyo tong scoop ko.

KAHULUGAN KO:

Magmasid- batong buto:
magma- uri ng rock o bato,
sid- buto; so batong buto (wag na kayong kumontra)

scoop- ideyang may kalokohan na hinalukay sa kung saan-saan na may kaugnayan sa hula

-----------------------------------------------------------------------------------------------------------------
SCOOP: Kayo ba’y nagmamasid sa mga taong nakakasalubong n'yo? Wala ba kayong napupuna sa mga kasuotan, porma, tindig, kilos o galaw at paano maglakad sila? Malamang ang isasagot nyo lang sa akin ay “Ma” at “Pa” Malay ko at pakialam ko.

Well ako may pakialam, kasi nga nanghuhula ako….o di ba? Kaya batay sa aking obserbasyon (wag na kayong makialam) ito ang napag alaman ko at ngayon nga ay ibinabahagi ko sa inyo:

Mga uri ng tao na nakasalubong at naradar ko:


Architect- laging nakatingala at chinicheck ang mga designs ng buildings at mga bahay sa dinadaanan, malamang namamangha at hinuhulaan kung anong klaseng materiales ang ginamit dito kung mahinang klase o nagtipid sa pera o maganda ang kalidad.

Telecommunications engineer - pag walang signal ang cellphone, ang ingay! asahan mo kung anu-ano ang mga reasons nya kung bakit may dead zone sa lugar na yun kesyo dahil wala raw cell tower, walang antenna sa lugar , may interference daw ….whatever their terms are, di naman tinatanong …. pero sa hindi engineer, basta walang signal tapos!

Doctor- yun stethoscope nakakabit pa rin sa tenga, feeling nya ipod nya yun (hmmm wala akong maisip sa kanila hehehe)

Fashionista- Pag naglalakad laging nakatingin sa mga bags at damit ng mga taong nakasalubong, bakit? ano pa, chinicheck kung fake ba o real ang bag nila o ang logo ba ng damit ay orig. Pag nagustuhan naman ang bag o damit pustahan tayo hahanapin na nila yun sa internet para icheck kung magkano at kung orig nga

Accountant/banker/teller- pag galing sa mall or any stores, asahan mo busy sa pagcheck ng resibo o sukli….binibilang ang pera kailangan mabalance at accounted sa check o credit card nya

Musician- kada may naririnig na music, gumagalaw ang mga daliri, akala mo nag gigitara, nagpipiano, nagda drum o nagta trumpet sa hangin habang naglalakad….ba’t di na lang nila lagyan ng glue ang mga instruments nila sa kamay nila no! kakainis!

Sales Agent- pormal ang suot na may dalang briefcase at laging may kausap sa cellphone, syempre kailangan kasing kumota sa month na yun

Customer ng Sales Agent- yun kasama ng sales agent na obviously hindi sila sweet, tinreat ng agent sa 5 star restaurant para siguradong aprub ang deal nila syempre…”ang lagay eh…ganun na lang?”

Programmer/IT- disente ang suot, kung walang contact lens syempre makapal ang salamin, laging tulala habang naglalakad, malalim ang iniisip, pag may kausap hindi napapansin at di naririnig...may sariling mundo, minsan ngumingiti, bakit nag-iismile? malamang may solution na s'ya sa program nila sa office....kaya ayun iniwan ang ka-date at haharapin na ang computer n'ya.

Stripper- laging nakatingin o napapalingon pag may nakikitang “bar” o “poste” sa daan gusto sigurong yakapin, maglambitin at magtutuwad dun hehehe

Snatcher- pagtingin ng tingin sa bag, cellphone at sa alahas mo, humanda ka iisnatchin na ang mga ito sa'yo! hehehe

~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~
PAUNAWA: Ang mga obserbasyong nakalahad dito ay pawang kathang isip lang at bunga na rin ng kalokohang imahinasyon ng may akda nito. Pasensya na kung nagkataong isa kayo sa mga ito....di sinasadya nagkataon lang.

PANUTO: Ang larawan na nasa itaas ay kuha ko sa loob ng train, naloka ako sa kanila pare-pareho ang mga suot nila, puro itim mahirap hulaan kung anong trabaho nila, di ko kinaya.

HULA SCOOP: Huwag Maniwala sa Sabi-Sabi

HULA: Huwag maniwala sa sabi-sabi ng mga tao, pagmumulan lang ito ng sigalot….chismis lang yan!

KAHULUGAN KO:
Sigalot-sunog na lote
Mula sa salita na: siga=sunog; lot= lote

TOTOONG KAHULUGAN:
Chismis= sabi- sabi;, satsatan; mula sa Spanish word na chisme

SCOOP:
Ang chismis ay bahagi na ng buhay ng mga Pilipino, namana na siguro natin sa ating mga ninuno. Maging sa libro ni Rizal na Noli at Fili ay pinamalas niya kung gaano kachismosa ang mga Kastila…nangangahulugan kaya na sa kanila natin dapat isisi ang pagiging chismoso o chismosa ng Pinoy? Ang salitang chismosa ay salitang Kastila o Spanish kaya pinakikita lang na minana natin sa kanila ang katangiang ito (oo na lang kayo blog ko ito....remember hehehe).
Kadalasan ang chismis pag lumaki nag-iiba sa pinagmulan na katotohanan at kung minsan nagiging katawa-tawa na ito o nagiging jokes na rin.

Maging sa araw-araw ng ating buhay hindi natin maiaalis na pagchismisan natin ang mga artista, sa mga news segment laging may halo ng showbiz hindi pwedeng wala kundi lalangawin ang news segment nila at minsan imbes na documentary show ang pinapanood, nakatutok tayo sa showbiz news halimbawa na ang The Buzz o Showbiz Central, at ngayon nga ang bagong SNN Showbiz News Ngayon (now na! hehehe).

Narito ang pinagtagpi tagpi kong kaalaman na ihahambing ko sa inyo kung ano ang pagkakaiba ng chismis at ng katotohanan. Katotohanan ang umpisa pero nang nagpasalin salin na sa iba’t ibang bibig ng mga tao e naging chismis na lang at pag nakakatuwa, joke na!

TOTOO: Nagpakasal sila kahit bata pa, kasi love nila ang isa’t isa.
CHISMIS: Si Love buntis na kaya kahit bata pa sila, nagpakasal na syempre ano pa nga ba ang dahilan ng kasal nila no, hello?

TOTOO: Niregaluhan niya ang girlfriend nya ng Victoria’s Secret lotion.
CHISMIS: Naku, balita ko dinala raw niya ang girlfriend niya sa *Victoria Court at nagdala pa ng lotion huh!

TOTOO: Nakakita ng malaking ahas si Mario sa bahay nila Ligaya.
CHISMIS: Ayyy sabi ni Ligaya ang laki raw ng ahas ni Mario…naku type ko sya!

TOTOO: Si Luigi dinala ang girlfriend sa clinic at nahilo sa dami ng bata sa school.
CHISMIS: Si Luigi nakabuntis dinala pa nga raw nya ang girlfriend niya sa clinic para malaman kung ok ang bata.

TOTOO:
Tanong: Bakit daw laging naka wrist band ang left arm ni Erap?
Sagot: Kasi tinatago raw niya ang peklat niya dito.

CHISMIS:
Tanong: Bakit daw laging naka wrist band ang left arm ni Erap?
Sagot: Para malaman daw ni Erap kung nasan ang kaliwang kamay niya.

TOTOO:
Tanong: Bakit kaang o sakang maglakad si Erap?
Sagot: Pinanganak siyang ganun maglakad no, ano bang pakialam mo?!

CHISMIS:
Tanong: Bakit kaang o sakang maglakad si Erap?
Sagot: Kasi sabi raw ng duktor ni Erap high choleterol daw sya kaya iwasan daw ang itlog….kaya ayun iniingatan niyang huwag madikit sa itlog niya hehehehe…gets nyo? Ewan ko sa inyo, slow ka!

TOTOO:
Tanong: Bakit ang brief may bulsa sa harap?
Sagot: Syempre para mabilis ilabas ang “bird” ng mga lalaki pag iihi.

CHISMIS:
Tanong: Bakit ang brief may bulsa sa harap?
Sagot: Lalagyan daw ng asin yun?? Hmmm di ko yata gets?? Ah ewan!

PANUTO: Ang huli ay di ko alam kung totoo nga yun "totoo" o chismis lang, hehehe kayo ano hula nyo?? ah ewan.

PANUTO ULI: Ang larawan na nasa itaas ay sinony o ni-sony ko sa Hawaii, top view ng Waikiki. Iniwasan ko ang chismis ng araw na yan kaya ako ay naghike sa tuktok ng Diamond Head. Di ko alam kung malaki ang kaugnayan nito sa hula ko.....ang hula ko....eh...malamang eh...yun na nga.

HULA SCOOP: Huwag Dibdibin Ang Mga Suliranin Sa Buhay

HULA: Huwag mong dibdibin ang mga suliranin mo sa buhay, hindi malulunasan ng beer ang mga ito, sakit ng ulo lang ang ibibigay sa’yo....mag rootbeer ka na lang kaya? At least beer din, di ba?

SCOOP: Ang paglalasing ba ay may buti ba o sama lang ang idudulot nito sa buhay ng isang tao?
Ating paghambingin ang una at pangalawang paksa:

UNA: Alam nyo ba na kahit ang lasinggero sa Pilipinas ay magaling sa mathematics, ano ang katibayan natin? Eto mga halimbawa:

Magaling sa unit ng Volume, ibang klase nga lang, di na kailangan sauluhin ang ml o milliliter o litro man, hugis lang swak na swak na......only in the Philippines:

LASINGGERO NA BUMIBILI :

halimbawa : Tawag- meaning (true volume)

Bilog- gin na ginebra (round bottle, 250 or 350ml)
Lapad- na tanduay (250 or 375ml)
Quatro kantos- na ginebra (square bottle, 350 or 700ml)
Long neck-na tanduay (750ml)

Maging ang bata mahusay din sa volume, kapag ang bata inutusan ng nanay nya na bumili sa tindahan lahat ng bote ng lasinggero niyang tatay e mapapakinabangan din nila. Heto:

BATA NA INUTUSAN NG NANAY NA BUMILI:

Bilog na toyo
Lapad na mantika
Quatro kantos na suka
Long neck na patis

PANUTO: Hindi nangangahulugan na kapag lasinggero ka at magaling sa mathematics ay magandang huwaran na ito sa mga anak nyo.

~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~
PANGALAWA: Eto naman halimbawa ng joke kung bakit masama maglashing:

Naglalakad ng gabi ang dalawang lasing na sina Noel at Jaime.
Jaime- pare may cake doon o
Noel- pare hindi cake yun, tae yun men
Jaime- hindi, shabi na nga cake yan eh.
Nagtalo yun dalawang lashing….
Noel- Tikman kaya natin para malaman natin
Jaime- Oo nga no, ang galing mo phare
Tapos tinikman na nila
Jaime- Oo nga, tama ka dun. Tae pala
Noel- Buti na lang hindi natin natapakan.

KONKLUSYON: Para sa akin, masama ang naglalashing masama ang naglalashing kasi kasi paulit- ulit paulit-ulit ang salita ang salita. Naiintindihan naiintindihan nyo ba nyo ba??

PAHABOL: Ang larawan na nasa itaas ay isang bar sa loob ng igloo. Kuha ko ito noong kami ay mapadpad sa Lake Towada Snow Festival.

SITAS MULA SA BIBLIYA: (totoo ito)

Efeso 5: 18 Huwag kayong malasing sa alak na naroroon ang kawalan ng pagpipigil sa sarili, sa halip ay mapuspos kayo ng Espiritu.

At paki tagalog na lang itong Proverbs wala akong bibliya na tagalog hehehe

Proverbs 23

31 Do not gaze at wine when it is red,
when it sparkles in the cup,
when it goes down smoothly!

³² In the end it bites like a snake
and poisons like a viper.

HULA SCOOP: Huminahon Ka Sa Balitang Iyong Matatanggap

HULA: May mga pangyayari sa iyong buhay na maaari mong ikagulat sa balitang iyong matatanggap. Kaya huminahon ka at para huwag mabigla huwag ka na lang bumili ng dyaryo, baka nandun ang iyong balita.... e yun ay kung artista ka. Bakit artista ka ba?

SCOOP: Napag-uusapan ang tungkol sa balita kaya naisipan kong gumawa ng mga headlines na makakapukaw ng paningin ng isang mambabasa kung makita niya ang mga pamagat na ito, kalimitan ang unang talata lang ng balita ang binabasa ng mga abalang tao, kaya narito basahin nyo:


PALABAS SA SINE LIBRE

Magandang balita sa lahat, ang mga “palabas” sa mga sinehan ay LIBRE, ang “papasok” lang ang may bayad.

PATAY SA AKSIDENTE

Nagkaroon ng aksidente sa kanto ng EDSA at P. Tuazon, Cubao hinggil sa impormasyong nakalap ay dalawang SUV na BMW X5 at isang Lexus RX350 ang nagbanggaan at napag-alamang patay ang isa, patay ang makina ng Lexus.

NASAGASAAN, LASUG-LASOG KITA PATI BUTO

Isa na namang aksidente kaninang umaga sa kahabaan ng Northern Luzon Express Way; di umano’y may nasagasaan at kitang kita ng mga bystanders na nagkalasug lasog at kita ang mga buto…. ng mga kamatis na galing sa isang truck. Wala naman naitala na nasugatan sa insidente. Hanggang ngayon nagpupulot pa rin ang driver nito at napilitang isara ang dalawang lane na kinaantala ng mga commuters papuntang Maynila .

EMPLEYADO NAHULI

Isang empleyado ng pribadong kumpanya ang nahuli sa kanyang meeting sa dahilang abala di umano ito sa pag-uusyoso sa isang aksidente sa dinadaanan niyang expressway. Laking panghihinayang niya nang malamang kamatis lang pala ang nagkalasog lasog at kita ang mga buto. Ayan ang napapala ng mga “usi”….mga usisero! Kaya matraffic dahil sa mga usi!



MISIS BIGAY TODONG LUMUHOD KAY MISTER

Isang mister ang umuwi ng dis oras na ng hating gabi sa kanilang tahanan na ikinagulantang niya na sa dahilang muntik na syang madaplisan ng itak na hawak hawak ng naghuhuramentadong misis niya. Walang nagawa si mister kundi magtago sa ilalim ng kama, at si misis kinailangan pang lumuhod para makita ang hinahanap na mister na ngangatog na nasa ilalim ng kama.

NANGHULA, BINATO

Isang nanghuhula ng kalokohan na nagpopost ng HULA SCOOP sa kanyang blog ang binato...ng mga reply na posts na pagpapasalamat dahil kahit daw corny ang mga hula niya ay napagtityagaan pa rin daw nilang basahin....dahil wala raw silang choice.

PAUNAWA: Sana nabasa nyo ang pinaka huli, paramdam naman kayo.... ouch! ang sakit wag naman talagang post, wag naman poste ang ibato nyo sa kin... kayo talaga di mabiro....sige na nga maglurk na lang kayo hehehe.


PANUTO: Ang larawan na nasa itaas ay hindi mga usi-sero, abala lang ang tawiran na ito sa Shibuya Crossing sa Tokyo, isa daw ito sa pinaka abala (busiest) na tawiran sa buong mundo....at yan lang ang totoo sa hula ko hehehe

PAHABOL: Hanapin ninyo ako sa larawan na nasa itaas hehehe

HULA SCOOP: Ipagmalaki Mo Kung Saan ka Nagmula

HULA: Ipagmalaki mo kung saan ka nagmula, huwag ikahiya. Sabi nga sa idiom, blow your own trumpet….hala iblow nyo na ang inyong trumpet.

Hayaan ninyong isalin ko muna sa ingles ang ilang tagalog na ginamit ko sa hula.

KAHULUGAN KO sa INGLES: (walang kokontra)

Ipagmalaki- make it bigger
Ikahiya- every shy (ika is every; hiya- shy)

SCOOP: Napag-uusapan ang idioms, eto na naman tayo, idioms uli pero ngayon ay ang english version na isasalin sa tagalog…syempre may sarili akong kahulugan (blog ko ito no). Alam naman natin na ang idioms o idiomatic expressions ay ang mga pananalita na iba ang kahulugan sa mismong salita, gets nyo? Kung hindi nyo gets, ask nyo na lang si mareng encarta o kumpareng webster mga kachokaran ko mga yan.

IDIOMS:

Actions speaks louder than words- chancing muna bago magsabi ng “I love you”
Cloud nine- chocolate na nabibili sa Pilipinas
Cold Feet- patay na
Draw the line- maglaro ng patintero
Hang on- sampay

Not have a leg to stand on- pilay
Pay through the nose- putol ang kamay
Give me a ring- gusto engage agad
Bitter End- matapos ng maayos
Black and white- dalmatian

Bring home the bacon- pasalubong na bacon
Water under the bridge- kanal
Wet behind the ears- luga
Holy smoke- insenso
Cut and dried- daing

Below the belt- bird?
Find your feet- lumpo
Pork barrel- sandamukal na baboy
Pot luck- hataw palayok (swerte ka kung mahataw mo)
Man of straw- pulubi

Music to my ears- ipod
Man’s bestfriend- kabit ni misis
Hold all the aces- si misis yan
Work your fingers to the bone- fingeran mo hanggang sa buto (ooopps sorry)
What will be will be- kung mag-aano, mag-aano

PAUNAWA: Kung ang salin sa tagalog ay hindi ninyo nagustuhan malamang ....ayaw nyo nga. Alam ko naman hindi nyo rin ibibigay ang tamang sagot kaya....hayaan n'yo na lang ako.

PAHABOL: Ang larawan na nasa itaas ay kuha ko sa isang train station sa Tokyo nang ako nagbakasyon dito.....hindi ko rin siya maintindihan kaya nilagay ko dito....intindihin na lang natin hehehe....

HULA SCOOP: Marami ang Hahanga Sa'yo

HULA: Marami ang hahanga sa'yo sa natatago mong talento o talino pero magdadalawang isip ka kung itatago mo na lang nga ito o ilalabas pa.

SCOOP: Dahilan sa ibinahagi kong liham sa inyo galing kay Anonymous noong nakaraang blog ko (paki klik na nga lang ito kung di ninyo pa nabasa) ay nagdagsaan naman ang inbox ko ng mga e-mail na mula pa sa iba’t ibang anonymous, ang dami nila di ko malaman kung sino ang una kong babasahin.

Narito ang ilan di ko na tatapusin at nais ko lang ibahagi sa inyo kung ano ang nilalaman ng panimula nilang liham.

1. Dear Sards, Ang galing mong gumawa ng hula scoop pwede ba akong magpaservice ng hula sayo, babayaran kita kahit magkano.
2. Dear Sardonyx, I admire your writings, can I ask you a favor pwede bang paki gawan mo naman ako ng essay namin sa Filipino? Isa submit na namin next week pasensiya na bobo kasi ako sa subject na to.
3. Dear Ms. Sardonyx, Mahuhulaan mo kaya kung may kabit ang asawa ko? Utang na loob naman oh, please huwag mo akong tanggihan.
   
4. Dear Chards, Naalala ko pa nang dumating ang bagyo sa buhay ko, tandang tanda ko pa ang lahat....kuliling-ling-ling (sa tunog ng MMK maalaala mo kaya)
   
5. Dear Ate Sardie, Napakasakit Ate Sardie ang mawalan ng mahal sa buhay.
6. Ms. Sarj, Can I make a request? Pwede ba yun love song ko?
7. Sardonyx, Magpakatotoo ka na! Umamin ka na, na talagang titser o writer ka! Di ba? Di ba? Ano???
8. Dear Sards, Single ka pa ba? Pwede ba tayong mag EB, eyeball naman tayo.
9. Dear Sardins, Para kang sardinas sa buhay ko, ikaw ang nagtatawid gutom sa kumakalam kong sikmura.
10. Dear Xerex, Paano ko ba mapapaligaya ang kabit ko ginawa ko na ang lahat na posis…….(hay di ko na to tinapos grabe sensored napagkamalan pa ako na sex guru nito)

PS: Kung di ninyo kilala si Xerex e ang ibig sabihin nyan: matagal ka nang nakatira sa US/ abroad o matagal ka nang wala sa Pilipinas.....o ayaw mong umamin na kilala mo siya hehehe

PANUTO: Ang larawan na nasa itaas ay kuha muli sa Tokyo, dito ako uminom ng beer.....A&W rootbeer para languin ang sarili ko matapos mabasa ang mga email ng mga anonymous na yan....hay dumugo ang ilong ko....nose bleed!!!

HULA SCOOP: Hindi Mo Matatanggihan ang Sino Mang Makikisuyo Sa'yo

HULA: Hindi mo matatanggihan ang sino mang makikisuyo sa'yo, pagbibigyan mo ito anuman ang mangyari dahil sa...mabait ka.

SCOOP: Usong-uso sa mga blog, friendster, myspace at facebook ang makatanggap ng "25 random facts/ things about me" at dahil mabait ako at matiyaga ako sa ganitong mga bagay ay narito na ang totoong talambuhay ko hahaha. Pasensiya na at super haba pala

25 Random Facts About Me

1. Noong bata pa ako ay mahilig na akong mag “text” ibang klase nga lang noon, lumilipad ang text namin na walang cellphone pero may pato ito. Pinipitik paitaas na may tatlong teks na magkakapatong. Mga kalaban ko ay mga lalaki at syanga pala babae pala ako mukha lang siguro akong lalaki hehehe. Ganito kami magbilang ng text noon : Pag lima ang bilang: I-sa, dala-wa, tsa (meron pa nga yun “isang babae….kagabi” di ko na matandaan bastos pala yun ngayon ko lang nalaman hahaha).

2. Nagtapos ako ng elementarya sa “Mababang Paaralan ng… “Pangalan ng Bayani na heneral” at ng high school naman sa “Mataas na Paaralan ng …“Pangalan ng Bayani na naman na heneral din”….” Hindi ko na sasabihin ang pangalan at di rin naman kayo magkaka interes sa mga ito, samakatuwid…public school. Pag kasi private kalimitan ay mga santo at santa ang mga pangalan ng school nila na masarap at sosyal pakinggan (halimbawa: St. Paul, St Joseph, St Scholastica, St. Bridgette, San Beda, San Sebastian, Santa Claus kung meron man hahaha, atbp) bukod pa sa kilalang paaralan na UP, Ateneo La Salle, atbp.

3. Nagtapos ako ng college sa hindi pa rin pangalan ng mga santo at santa (hay naku ano ba yan) pero hindi na ito pangalan ng bayani (wow di na ako poor…konti na lang hehehe), pangalan na ng may-ari ng school namin (noon). Kapit-eskwelahan namin ay PLM, Lyceum at Letran sa tapat ng Manila City Hall ang lugar namin. Sikat daw sa larangan ng engineering. Hmmmm uyy alam na nila.

4. Nagtapos muna ako ng PhD then MD at ang huli kong natapos ay BS. Ang kahulugan ng mga ito para sa akin ay: Phd- Pahinga (isang sem lang naman)Habang Di pa nanganganak; MD- Marriage Degree at ang huli BS- Bachelor of Science (eto ang totoo hehehe) in Electronics and Communications Engineering.

5. Nauto ako ng asawa ko nang kami ay magkaklase sa Calculus at mula noon ay di na niya ako pinakawalan,bantay sarado dekandado ang ginawa nya sa kin (gusto ko naman hehehe), hanggang ngayon ay maligayang nagsasama na para pa rin magkasintahan…hanep! (panay kasi ang ligaw niya at panay naman ang pakipot ko hehehe).

6. Lumaki ako na nakatira kami sa isang maliit na kuwarto sa QC sa bahay ng lolo't lola ko na mahigit kumulang na sukat na 20x20 na talampakan o 400 talampakan na kuwadrado (400sq.ft, tama ba ang tagalog?? a ewan), nagkasya kaming pito doon na parang sardinas at hanggang lumipat kami sa medyo malaki-laki na lugar sa loob pa rin ng bahay na yun na noong ako ay 11yrs old na. Pagpasok nyo ng bahay namin ay nasa labas na rin kayo hehehe….samakatuwid kami ay….POOR!

7. Mahilig ako sa pusa pero parang ako ay may pagkapusa, nabundol ako ng dyip at tumilapon lang naman sa kalsada sa sobrang takot ay nagawa ko pang tumakbo. Ako noon ay pitong taon palang at mahilig tumakas na parang pusa para lang maglaro sa labas.

8. NPA ako ngayon- No Permanent Address, dahil sa ako ay asawa ng US military kaya kung saan-saan kami tinatapong lugar. Nanggaling na kami ng California at Hawaii at ngayon nga dito sa Japan.

9. Magaling akong magluto ng barbecue, bananacue, turon at gumawa ng samalamig na sago’t gulaman, buko at milon pati na rin ice candy. Di nyo naitatanong (dahil alam ko naman hindi nyo talaga itatanong) ako ay dating nagtitinda ng mga ito nang ako ay bata pa sa tapat ng basketbolan sa lugar namin sa QC kada may liga sa amin.

10. Nagtrabaho ako sa Jollibee SM Cubao ng tatlong buwan habang ako ay nag-aaral ng kolehiyo, di ko kinaya ang batiin lahat ang mga customer batay sa pitong hakbang (7 steps to greet customers) habang pilit ang ngiti o hindi ko lang talaga linya ang makisalamuha sa mga customer, kaya minabuti ko na lang na sanayin ang sarili ko sa pagbuhat ng T-square at drawing board at makinig sa titser kong muntik na akong ibagsak (kakasurprise quiz!) na ubod na ng tanda at uugod na ay nasa school pa namin at minamani ang Chemistry at ako naman ay pilit intindihin ang namamaos niyang boses at walang maintindihan nyang turo.

11. Bago ako nagtrabaho bilang inhinyero sa California ay naging Chemist ako, “Chemist-er umasa ng halos kumulang sa higit na isang taon hehehe.

12. Nagpapa arkila ako ng komiks noon bata pa ako, ang paborito kong komiks noon ay Funny komiks at nailathala pa ang drawing ko noong 1978 at nagpadala uli ako ng isa pa. Ang mga drawing ko : Rabbit na nauna sa pagong (nag-uunahan sila di ko matandaan ano name nito) at yun pangalawang drawing ko ay si Mahimud Ali, yun kalabaw na boksingero.

13. Mahilig akong mag- KODAK ay di pala mag SONY at NIKON pala hehehe. Kahit saan ako pumunta dala-dala ko ang dalawang camera ko malimutan ko na ang lahat (wag naman ang anak ko), wag lang camera ko hahaha.

14. Noong high school ako, pag CAT na namin, ganito ako tumawag: “Mga pinuno ng talupad mag…..ULAT!!!” At minsan naman sinasabi ko sa buong talupad…”PASA-MASID!!”

15. Astig ako nang ako ay bata pa laging laman ng kalsada, ang mga peborit kong laro ay: agawan base, shato, luksong tinik, trumpo, patintero lagi akong patotot, text o teks, harangan taga, lupa, langit at impiyerno, Chinese garter, football, pitik bulag, larong goma, tumbang preso, jolens, laro ng tansan na may taya na balat ng sigarilyo na Marlboro, hope, Philips morris, more, Camel (pinakamataas na halaga)

16. Takot akong manood ng “horror movies” dahil sa pinagpapatuloy ko ang story sa panaginip ko na mas nakakatakot pa pero may creativity at artistic naman ang dating hahaha syempre ako ang bida at may anting-anting pa. Duda na nga ang asawa ko sa akin baka raw namana ko ang anting-anting ng Nanay ko, sabi ko naman baka yun hula lang …..nyahahaha

17. Marunong akong mag gitara, bandurya at electronic organ pero hindi ako magaling.

18. Ang unang TV namin ay bili na ng Kuya ko na panganay, colored TV na ito (walastik ha!!!) pero first year high school ako nang nagka tv na kami (grabe!!). Kaya di ko pwedeng awayin ang pinsan ko noong wala pa kaming tv, kundi di ako makapanood ng Voltes V at Analiza hehehe.

19. Lima kaming magkakapatid, hindi ako panganay lalong hindi pangalawa, pangatlo o pang-apat man. Masuwerte na rin ako kahit paano konting hirap lang naranasan ko at pinag-aral ako ng kapatid ko.

20. Ang pangalan ko ay galing sa pangalan ng Nanay ko nang siya ay nag-aaral sa Good Shepherd’s convent (sa may Katipunan, QC), noon kasi ay pinapalitan ng mga madre ang mga pangalan ng mga bata (kasama na ang Nanay ko) na pinag-aaral nila ng libre (pangmahirap lang) bukod pa sa mga batang pasaway (spoiled brats), kapalit ang serbisyo at pagrorosaryo araw-araw. Marami kasing tumatalon ng bakod na mga pasaway na estudyante…..ooppps chismis na to teka wala pala syang kaugnayan sa pangalan ko hehehe

21. Takot ako sa “kulong” na lugar o claustrophobic ako pero pinipilit ko pa rin labanan huwag mo lang ako dadalhin sa kweba na mag-isa, kulong at madilim o sa rides na madilim at walang lagusan at makakatikim ka ng batok at suntok na di mo pa nararanasan hehehe. Pero kahit paano ay nakakasakay na ako ng elevator na mag-isa…di ba may improvement na?

22. Nagcocollect ako ng mga stamps, iba’t ibang klase, namana ko yata sa lolo ko ang libangan na ito. Kinokolek ko lang pero di ko pa nailalagay sa album dahil sa kaka blog ko hehehe.

23. Marunong akong magdrawing pero kailangan may kopyahan, nahasa nang bahagya nang matuto ako ng autocad mula sa sariling sikap sa pag-aaral habang nagtatrabaho, nagtipid kasi amo ko….mokong na yun, user!

24. Lagi akong nakukuhang muse sa klase namin (elementary at high school) pero laging talunan, wala kasing pera pambili ng dyaryo, ganun ang mga pacontest sa pampublikong paaralan, Ms. Junkshop Contest hahaha.

25. May dalawa akong anak, isang sweet 16 na babae at isang makulit na walong taon na lalaki at iisa pa rin ang asawa ko hehehe ang one and only ko. Labing anim na taon na ring nagbobolahan at 16yrs x 365days (+/- 3 I love you tolerance per day) na nagsasabi ng “I Love you” bukod pa sa ligaw days hahaha.

PANUTO: Ang larawan na nasa itaas ay kuha sa Tokyo DisneySea, hinalintulad ko ang buhay ko sa globe ay sa mundo pala...ang mundo ay bilog minsan nasa ibabaw ka at minsan nasa ilalim...bow!

PAHABOL: Salamat pala kay Reena sa pag tag niya sa akin (pahabol niya hehehe).