Showing posts with label tayutay. Show all posts
Showing posts with label tayutay. Show all posts

Thursday, September 24, 2009

HULA SCOOP: Maging Mahinahon.....


HULA: Maging mahinahon sa mga maririnig mo sa ibang tao. Masakit pero minsan totoo. Pumikit ka na lang para di mo marinig hehehe


SCOOP: Mahirap maging mahinahon kung ang bawat salita na marinig mo ay lumalatay sa katawan mo. Katulad na lang ng mga salita na binigyan ko ng kahulugan. Mga salita na “gamit” o “kagamitan” pero pag nabasa mo ang kahulugan ay nagiging pang-uri (adjective)ang mga ito, masasabi natin na nagiging uri na ng tayutay. Sa palagay ninyo anong uri ng tayutay ang mga salita na ito?:


Aparador- tawag sa mga nanay na walang hinto sa paglaki ng katawan

Bariles- namimilog at lumalaking katawan ng babae o maging ng lalaki

Tingting- payat na tao na pwede nang gamitin sa pagwalis ng dumi sa bahay

Sandok- taong may mahabang mukha na animo’y pwedeng gamitin sa pagsalok ng sabaw

Patpat- taong walang pag-asang tumaba at pwede ng ipanghampas sa mga bangaw na umaaligid sa bahay

Palito- tao na animo’y wala ng laman sa katawan at pwede ng gamitin pansindi ng posporo

Uling- maitim na tao na akala mo napabayaan masunog sa kusina; mga ngipin, palad at talampakan lang ang tila di nasunog

Band-aid- ahhhh band aid lang pwede ng isuot di na kailangan ang bra hehehehe


Kahulugan:

Tayutay- tawag ng isang anak sa kanyang ama na nakahandusay sa sahig dahil sa kalasingan, "tayutay! tayu" hehehe


Sunday, April 5, 2009

HULA SCOOP: HIndi Mo Maiiwasan Na Hanapin Mo Sa Isang Bagay Ang Kahulugan Nito sa Iyong Buhay


HULA: Hindi mo maiiwasan na hahanapin mo sa isang bagay ang kahulugan nito sa iyong buhay.Di mo alam kung bakit pero nasa isip mo na lang, basta hayaan mo na lang di ka naman niya inaano e.


SCOOP: Narito ang ilang sinipi ko na masasabi kong quotes na ginamitan ng isang uri ng “tayutay,” ang pagtutulad o simile.


TUNAY NA KAHULUGAN SA INGLES:


Tayutay- figure of speech; ay salita o isang pahayag na ginagamit upang bigyan diin ang isang kaisipan o damdamin


Pagtutulad – Simile; paggamit ng pariralang wangis, parang, katulad, mistula at iba pa.


Mga Quotes na Nagsasaad ng Tayutay, ang Pagtutulad o Simile:


1. Ang kaibigan ay parang ebak,

mainit at malambot, mahirap tiisin,

hindi mo magawang tapakan sapagkat madikit.

at once na matapakan mo sigurado aalingasaw ang baho mo.


2. Ang love, parang sintas ng sapatos.

Dalawang dulo ang kailangan para mapagbuhol,

pero isang dulo lang ang kailangan para kumalas.


3. Ang mga babae daw ay parang alak.

Edad:

17-18 lasang Shandy

19-25 like Champagne

26-35 Brandy

36-45 Whisky

46-50 Ginebra

51-55 Rubbing Alcohol

56 and up, formalin


4. Ang pag-aaral, parang beer.

Mapait sa simula pero masarap kapag nasanay ka na.

Masakit sa ulo at nakakaantok. Ang pagkakaiba lang, mas mura ang beer.

Kaya bakit pa tayo mag-aaral? Inuman na lang!


5. Minsan, nag-aaral akong maggitara.

Masakit sa kamay, mahirap pag-aralan.

Dun ko lang naisip na ang gitara, parang love.

Kailangan munang mangawit at magkakalyo ang kamay bago makaisa.


6. Ang pagkakaibigan ay parang bulate sa puwet,

hindi mo nakikita pero nadarama mo yung kiliti nito.

Salamat mga blog friends, kasi kayo ang bulate sa pwet ko,

ang kati nyo di ko kayo matiis mga prends!


PANUTO: Ang larawan na nasa itaas ay halimbawa ng pagkakaibigan, dalawang batang hapon mukhang nag-uusap bago sila magpakita ng galling sa pagtambol.


PAHABOL: Kapag wala kayong makitang bagong blog dito dalawin ninyo ako sa isang blog ko, click nyo ito. Minsan kasi dito ako tumatambay.