Showing posts with label awards. Show all posts
Showing posts with label awards. Show all posts

Wednesday, August 19, 2009

HULA SCOOP: Mapapansin Ka Rin Ng Iba


HULA: Mapapansin ka rin ng iba kahit gaano ka pa tagal naghintay, ang mahalaga napansin ka nila. Ang masakit pag nagpapacute ka na ni anino ng lamok at yapak ng langgam ay di mo man lang nakita.

SCOOP: Yehey napansin din ako! hehehe. Salamat sa lahat ng bumubuo ng Kablogs team at nabigyan ako ng parangal bilang "funniest blog" sa karamihan ng mga OFWs. Mabuti na lang at hindi "corniest blog" ang pinangalanan at pumasa pa ako sa funny blog. Kaya sa lahat, maraming maraming salamat po uli! HIndi ko na kayo babanggitin na isa-isa (hmmm feeling artista ako ah hehehe) at baka may malimutan pa ako.


---------------------------------------------------------------------------

Nasabi ko na dati ang "speech" ko nang ako ay naparangalan ng mga kablogero ko, pero "S-P-E-E-C-H" as in "speech!!!" lang sinigaw ko noon, hayaan n'yo naman akong makapagbigay ng maikli pero malaman na mga quotations ko:

Sard's quotations: (hay nalimutan ko na tagalog ng quotations, pasensiya na ninenerbyos ako sa award ko e naku araw ng wika pa naman ngayon)

"Ang buhay ay parang gulong, minsan para kang sinisilaban ng apoy at minsan naman para kang bato sa tigas....kaya nga may "fire stone."

Teka ano naman kinalaman nito sa napanalunan ko? Di ko rin alam eh pero isa pa, pagbigyan n'yo na ako:

"Ang buhay parang gulong talaga, minsan mabuti ka, minsan feeling mo rich ka at minsan feeling mo ok talaga ang may boyfriend, kaya ba may BF good rich?"

isa pa pwede?

"Ang buhay ay gulong na gulong (mabilis ang bigkas ha) talaga, minsan ang buo mong taon ay napakabuti para sa'yo, kaya pasalamat talaga ako dahil ako ay nanalo! "good year" talaga ang 2009 na to!"

BOW!


Sa mga kapwa ko awardee congrats sa inyong lahat mapa OFW o mga kababayan natin sa Pilipinas.......manigas kayo! (You rock! hehehe) Congrats uli!

PAHABOL: Sana pagkatapos kong ipost ito ay hindi bawiin ng kablogs team ang award ko dahil sa kakornihan ko ngayon hehehe.

---------------------------------------------------------------

Monday, April 20, 2009

HULA SCOOP: Magiging Masaya at Mapagbigay Ka

HULA: Magiging masaya at mapagbigay ka ngayon, di ko alam kung bakit. Nanalo ka kaya sa lotto? Hayaan mo na lang, ganyan talaga ang mahalaga hindi ka malungkot.

SCOOP: Masaya ako dahil nakatanggap ako ng mga awards mula kay NJ ng Dessert Aquaforce. Kahit kokonti palang ang mga tagasubaybay ko ay pinataba niya ang puso ko at pati na rin ni Pope na kapwa nagtiyaga (sa ayaw at sa gusto nila hehehe) at binigyan pa nga ako ng mga awards.

eto po ang makabagbag damdamin kong "TALUMPATI:"

Taos puso kong tinatanggap ang mga awards na ito
Aking pasasalamat kay NJ mula pa sa lupain ng disyerto
Lahat naman silang tumanggap ng awards ay magagaling na totoo.

Umaapaw na kasiyahan at inspirasyon talaga ang dulot nito
Mahirap man gumawa ng hula ay kakayanin ko
Pigain man ang munti kong utak at kahit pa imartilyo
Ang mahalaga lagi nang napapasaya at napapangiti ko kayo

Tumibay at magbuklod-buklod pa ang samahan nating mga Pilipino
Itong mga awards na ito nawa ang maging inspirasyon ng kapwa ko ka-bloggero.

BOW


PAUNAWA: Baka hanapin po ninyo ang talumpati ko, nagsisimula lahat ang bawat linya ng tula ko sa mga letra ng "TALUMPATI" hehehe (uuyyy babasahin niya uli). Tula pala tawag diyan pasensiya na sabi ko naman sa inyo tao lang ako.


Narito po ang ipinagmamalaki kong mga awards, yehey!!!


The Blogger Award (ang bigat!!!)




Blogger Friendship Award (wow prendship daw!!)




Uber Amazing Blog Award (kulay penk! kala ko purrrpel hehehe)



Dahil sa ako'y mapagbigay, ibinabahagi ko ang mga awards na ito (na ilan sa kanila ay kapwa nakatanggap din ng ganitong mga awards mula kay NJ, kaya ok lang kung mabanggit ko pa rin sila, ang mahalaga ay importante) sa mga ka blog ko na walang sawa na sumusubaybay sa aking hula scoop, bagama't may pagka corny ay naroon pa rin sila, pilit na tumatawa para sa akin....sa inyong lahat, karapat dapat din kayo na makakuha ng mga awards na ito:


The Pope of Palipasan

Kenji of Mr. Thoughtskoto
Nebz of Isla de Nebz
RJ of The Chook-Minder's Quill

At eto pa:

Reena of Reena's Thoughts
Ate Loida of 2L3Bs World
Dennis Villegas
Joy of Norwich Daily Photo
Syel of Snapshooting
Halfcrazy of An Ardent Cosmic Journey

PANUTO :

Uber Amazing Blog


Uber (synonym to Super) Amazing Blog Award is a blog award given to sites who:

~ inspires you

~ makes you smile and laugh

~ or maybe gives amazing information

~ a great read

~ has an amazing design

~ and any other reasons you can think of that makes them uber amazing!

The rules of this award are:

* Copy the badge and put the logo on your blog sidebar or post.

* Nominate at least 5 blogs (can be more) that for you are Uber Amazing!

* Let them know that they have received this Uber Amazing award by commenting on their blog.

* Share the love and link to this this post and to the person you received your award from.

* Come back and comment here so that your link could be added to the masterlist of awardees


Sunday, April 12, 2009

HULA SCOOP: Matutuwa at Mabibigla Ka Sa Matatanggap Mo




HULA: Matutuwa at mabibigla ka sa matatanggap mo ngayong araw na ito, kung ano man yun di ko na aalamin pa, pero sana naman ipaalam mo sa iba para mas masaya.

SCOOP: May natanggap akong award mula kay "The Pope" isang "Neno's Award" (yehey!! )at ang bahagi ng award na ito ay sagutin ang tanong na "Why you love blogging."

Bakit Mahal Ko ang Pagba Blog??

Hindi ko alam kung bakit nagustuhan ko ang pagbablog basta bigla na lang akong nandito sa "sapot" ng internet at parang bumagsak at lumagapak ako na ..."blog!" at doon nagsimula ang lahat....tingaling ngaling ngaling hehehe.

kahulugan ko:

web-sapot
blog- tunog ng bagsak


"Tabi muna bata" I mean "kidding aside" siguro namana ko ito sa lolo ko na mahilig magdiary....hmmm, "Si Lolo kasi, siya pala ang dahilan! hehehe." Kung pwede nga lang siya gisingin sa pagkakahimlay niya este sa pagkakabaon niya sa lupa ay ginawa ko na para sabihin na "Lolo you rock!!!" sabagay matigas na matigas naman talaga na si lolo, butong-buto na hehehe....ooopps patawad po 'lo, tao lang.

Para kasing diary itong "blog" yun nga lang open book sa lahat ng tao. Dito ko rin naibabahagi ang tinatago kong kalokohan at kaseryosohan sa buhay. At syempre pa gusto ko rin ibahagi ang konting nalalaman ko sa pagsulat sa "Wikang Filipino" kaya kung mapapansin ninyo medyo malalim pa sa balon ang mga hinuhukay kong mga salita at minsan naman napupulot ko lang sa kalsada ang mga salitang kanto.....lam niyo na...yun na nga! Medyo makabayan kasi tayo kahit pa nasa ibang bansa ako, naks naman parang totoo!! hehehe

Yun "Hula scoop" naman ay ang panghuhula ko, ang natatangi este "tinatago" ko na angking talino na namana ko siguro (siguro lang naman di pa sure) sa isang lolo ko, albularyo kasi siya kaya lang sinawing palad na lumipat sa kanya ang sakit ng kanyang ginagamot kaya ayun...dedbol na rin sa edad na 40 lang. Pero namana ng mga anak niya ang panggagamot niya. Teka tungkol pala sa akin ito at di tungkol sa mga tito, tita ko at nanay ko, pero di ko alam kung napunta sa akin ang "panghuhula"kasi di ba may kasabihan tayo na "it runs in the family" (tama ba yun ingles ko??) kaya ayun tumakbo ako ng tumakbo para di maibigay sa akin ang anting-anting hehehe, kasi panghuhula sa kalokohan lang ang alam ko. Ayoko naman na madedbol din ako no at magaya ako sa lolo ko, biruin ninyo nanggamot ka na nga ng sakit binigyan ka pa, di ba? Kaya nevah, di ko tinanggap, ok na sa akin ang manghula sa blog!

Yun isa kong blog na "Travelog" ay ang frustration ko sa buhay na magkodak-kodak ay wala pala akong kodak (kulit ko talaga, si lolo kasi panay ang banggit sa diary na "kodak" eh!), magnikon-nikon o magsony-sony pala hehehe at doon ko naibabahagi ang mga larawan na napuntahan ko nang lugar. Opo totoo po, ako rin si Missy ng Travelog kasi nauna kong ginawa ang blog na yun, medyo may sipon kasi ako nun kaya ang pinangalan ko sa sarili ko ay "Missy Pon" hehehe gets nyo?? hmmmm wateber! Di ko na pinalitan ang pangalan ko kasi, sakit sa ulo mag-isip eh wala pa naman akong isip kaya baka lang dumugo mahirap na, hayaan na lang natin na ganun, si Sardonyx ako sa Hula Scoop at Missy sa Travelog, di naman kayo inaano ng mga blog ko di ba?

Ang mga ibang hula scoop ko ay ginawa ko pa noong ako ay active member pa sa isang forum, sa pangalang "sardonyx" din, kaso ang hirap hanapin ng hula scoop ko kapag natabunan na ng ibang post kaya minabuti ko na lang na gumawa uli ako ng panibagong blog ko na puro hulascoop lang para mas madali kong makita ito pero syempre dinagdagan ko na rin ng "atbp" para may at iba pa na "pagtalakay sa mga bagay-bagay dito sa kaalamang munti," (hmmm parang pamilyar sa akin yun ah??)

Kung tutuusin noong 1997 pa ako nag umpisang gumawa ng homepage sa geocities.com (na binili na ng yahoo) at nahinto lang nang naging abala na ako sa aking trabaho, noon sa guestbook nakakapagcomment ang mga bisita ko pero ngayon di ko na na update ito simula noong 2000 pa. Dati mas mahirap gumawa, talagang html programming ang ginagamit ko ngayon mas madali may layout na. Itong hulascoop ko inumpisahan ko sa pinoyblogosphere noong 2007 pero biglang nawala yun blog ko ewan ko ba anong nangyari baka ninakaw hehehe kaya eto umpisa uli ako nitong December 2008 lang.

Teka, lumalayo na ang kwento ko napupunta na yata sa kasaysayan ng blog ko, sige tapusin na natin ito...."WAKAS" hehehe.

-----------------------------------------------------------------------------------


Sabi sa award ibahagi raw sa iba ang award mo, kaya eto na, "sa ayaw at sa gusto" nila ako naman ang mamimigay ng award na ito, sila ang naging inspirasyon ko na ipagpatuloy ang hula scoop ko, dahil kung wala sila, wala akong comments na matatanggap hehehe:

Reena's Thoughts
Dennis Villegas
RJ ng The Chook-Minder's Quill
Isla de Nebz
Ate Loida of 2L3Bs World
Thoughtskoto
NJ ng Desert Aquaforce
An Ardent Cosmic Journey


Eto ang rules pala:

The aims of this award:

  • As a dedication for those who love blogging activity and love to encourage friendships through blogging.
  • To seek the reasons why we all love blogging!
  • Put the award in one post as soon as you receive it
  • Don’t forget to mention the person who gives you the award.
  • Answer the award’s question by writing the reason why you love blogging.
  • Tag and distribute the award to as many people as you like.
  • Don’t forget to notify the award receivers and put their links in your post.

Wednesday, April 1, 2009

HULA SCOOP: Iwasang Maloko sa Araw Na Ito



HULA: Iwasang maloko sa araw na ito. Dalawa lang ang uri ng tao sa mundo, ang manloloko at naloloko; kaya ano ang pipiliin mo? Pili na!

SCOOP: Napag-isip-isip nyo ba na ilang beses na kayong naloko mula ng kayo ay sinilang sa mundo?? Ako maraming beses kong naiisip ito lalo na pag ganitong Abril a uno.

Narito ang ilang mga karanasan ko ng pagiging tanga ko:

1. Noong nagkaroon kami ng bagong telepono, sabik na sabik ako na may tumawag sa amin. Isang beses ako ang nakasagot ng phone kaya dali-dali ko itong sinagot....eto ang aming dialog ng lalaki na tumawag:

lalaki: Magandang tanghali, from Meralco po ito, pwede po bang malaman kung tumatakbo ang kuntador ninyo?

ako: Ay ok lang po, sandali lang po. (chineck kung tumatakbo naman at bumalik sa kausap) Opo tumatakbo po.

lalaki: Ah ganun ba?? Sige habulin mo! (sabay baba ng phone)

ako: (nabigla)....waaaa naloko ako!!! (hahaha)

2. Nakipag blind date ako, usapan namin ng ka date ko magsusuot ako ng "red" na blouse at siya naman ay "green" shirt. Dinescribe naman niya ang sarili niya noon so may clue ako kung anong hitsura ng guy na yun. Nang makita ko yun isang guy na naka blue shirt (pero usapan namin green ang susuotin niya) lakas ng kabog ng dibdib ko feel ko siya na yun pero nun tinanong ko siya, ang sagot ng guy, "Sorry di kita kilala, bakit naka green ba ako?" (gets n'yo?? waaaaaaaaaaaaaaa)

Marami pa sana, pero....April Fools' Day!!!! Naloko ko kayo di ko pa naranasan ang mga yan no, jokes ko lang yan hahahaha!!!! Never akong makipag blind date no!!! Yun #1, kaibigan ko ang naloko at hindi ako at never pa akong naloko hahaha dahil iniisip pa lang ng mga manloloko eh maloloko lang sila ng kakaisip kung paano nila ako lolokohin, lokohin nilang lelong nilang sea-man loloko.


PASASALAMAT: Salamat pala kay "The Pope" sa pagbibigay niya ng "UBER Amazing Blog Award" first time ko pong makatanggap ng award sa pagba blog kaya sa ayaw at sa gusto niya eto ang speech ko:

"SPEECH!" hahahaha




PAHABOL: Di ko tuloy alam kung niloloko lang ako ni Pope sa pagbigay nito pero kahapon pa niya niya pa ito binigay sa akin at hindi ngayong April 1, so malamang totoo ito hehehe.

Ibinabahagi at ipinapasa ko ang award na ito sa lahat ng mga fans ko hehehe hindi ko na kayo iisa-isahin pa baka kayo magselos pa hahaha. Lahat kayo ay karapat dapat na makatanggap ng "Uber Amazing Blog Award!"

PAHABOL PA: Ang larawang nasa itaas ay anak kong "niloloko" ang sarili, pilit na gustong lunukin ang tokyo tower kahit sa picture man lang hehehe