Showing posts with label sulat. Show all posts
Showing posts with label sulat. Show all posts

Saturday, December 5, 2009

HULA SCOOP: May Karanasan Ka Na Hindi Mo Malilimutan


HULA: May karanasan ka na hindi mo malilimutan, magsisilbing aral ito sa’yo upang lalo ka pang tumibay. Magpakatatag ka kung ito man ay dagok, lunokin mo na lang ano man ang dumating sa iyong buhay, mapa tubig, soda, juice, beer o wine, iwasan mo lang na wag sumobra dahil ang lahat ng sobra ay nakalalasing.

SCOOP: Akala yata ng ibang readers ko e ako si Ate Charo, Dra. Holmes, Ate Helen, Joe D Mango, si Kuya Eddie o kung aino pang showbiz personalities. Kaya eto meron na naman naligaw na e-mail sa akin tungkol sa kanyang karanasan kaya narito.

Dear Sardex,

Hindi na ako nagpapatumpik-tumpik at magpapaliguy-ligoy pa tutumbukin ko na ang aking problema. Nag umpisa ito noong dinala ako ng boyfriend ko sa isang liblib na pook. Natakot ako dahil first time ko na sumama sa kanya sa ganoong lugar, kaming dalawa lang kaya nakakailang. Ang sabi ng bf ko magpalit na raw ako ng damit para daw hindi madumihan at malukot damit ko, pero una ayoko pero sabi niya dapat na raw ako magbihis, napilit niya rin ako ewan ko ba pag ang bf ko na ang nagsasalita nababato balani na ako sa kanya ayun wala akong nagawa kundi magbihis. Kinabahan ako sa mangyayari sa min, pero ang sabi nya sa kin sya raw ang bahala at tuturuan niya ako, dahil alam nya first time ko yun. Siya ang first bf ko at siyempre first date ko kaya as in wala talaga akong kaalam alam nakakahiya mang aminin pero siya ang first sa lahat. Tapos sabi niya sa akin sumampa na raw ako siya na ang bahala ewan ko kung paano pero ang bilis ng pangyayari basta naramdaman ko na lang nakasampa na ako at hinawakan ko na lang ang kamay ng bf ko, naramdaman ko ang init ng katawan niya kaya naging kampante ako sa ano man mangyayari. Niyakap niya ako ng mahigpit ako naman napapisil na lang ako sa kamay niya at ang sabi niya sumabay lang daw ako sa galaw so sumabay ako at ang sabi niya sa kin pag nararamdaman ko na ok na ang lahat at nasasarapan na ako pwede ko raw bilisan at medyo iangat ko raw ang pwet ko, ginawa ko naman. Napapikit nga ako nang una kasi di ko alam anong mangyayari sa akin, pero masarap nga medyo nga lang masakit at nakakangawit sa balakang pero nang katagalan na binilisan ko na ang indayog ko ang sarap pala, panay na ang angat ko grabe at binilisan ko pa ng binilisan hanggang sa aaaahhhhhhhhhh ray!!! Bog bog bog…yun na lang ang narinig ko, nahulog ako sa kabayo hu hu hu. Yung bf ko di man lang ako sinalo ang sarap ng pwesto niya sa likod ko!!!

Kaya eto dalawang buwan na akong nakaratay sa kama at di pa rin makalakad kaya ako nakakapagbasa ng blog mo kasumpa sumpa talaga ang kabayo na yan! (hindi yun bf ko ha, kasi pogi sya no). Binreak ko na ang bf ko dahil sa ginawa niya sa kin, sinabi ko naman sa kanya first time ko sumakay ng kabayo pero ayun nahulog tuloy ako at ang nakakainis pa ni hindi niya pa ako nasalo o nahawakan sa kamay! Pero Sardx mahal na mahal ko pa rin siya, ano ang gagawin ko?

Ang iyong tagahanga
Ineng

~~~~~~~~~~~~~~~~~~~~~~~~~~~~~~~~~~~~~~~~~~~~~~~

Dear Ineng

Kung mahal mo pa talaga ang bf mo, balikan mo siya at siguraduhin mong siya na ang sakyan mo at nang di ka na mahulog, binitin mo pa ang mga readers ko ! hehehe

Sardonyx


LARAWAN: Mga rebulto ng kabayo sa Misawa Tonami Clan Park, you know....wala lang.

PAUNAWA: Patnubay ng matinong isipan ang kailangan, nasa isip lang ang naglalaro mong imahinasyon sa totoong pinapahayag ng nasasaad sa sulat. Mag-ingat.

Tuesday, September 15, 2009

HULA SCOOP: Madali kang matatanggap ng ibang tao


HULA: Madali kang matatanggap ng ibang tao maging sino ka man lalo na kung malaki ang iyong hinaharap….na pangarap sa buhay.

SCOOP: Marahil nabasa nyo na siguro ang isang joke na naglipana sa mga email ninyo tungkol sa isang babaeng nag-aapply ng trabaho. Naisip ko lang na isalin ito sa tagalog yun nga lang medyo naiba yata ang pagkakatranslate ko. Kaya eto na, kayo na humusga:

-----------------------------------------------------------------------------------------

Ser deer

Nais q pong mg aply ng trbho bilang sixytary ninyo na nkita ko sa nwspipr. Mgaling po aQ pumindot, kahit 1 finger lang makktapos kaagad po ako sa acconteng…magcount 1 to ten lang, basta count to ten lang ng count to ten.

S tingin q po mgaling din po aq khit sa fon lang, nkktpos din po aq dun, dhil ako’y mhilig talaga . Ang mga tao ngugus2han nila kaagad aq ewn q po ba qng bkit.

Gus2 q pong mging sexytry nyo pro ayaw q nman na mhihirapan ako.

Psensya na po sa ispeling at txt shortcut po lang ang alam q, pero mdlas nattnggap kgad ako bcoz of my pirsonlity. Aq ay laging open kaya pwedeng daanin sa maboteng uspan ang byad na sa tngin nyo po ay spat sa ggwin q s inyo.

Pwede po aqng mgsimula ngaun. Tnk u n advnce 4 ur answer,

Ang pee nakamagaling na mag aply sa lahat


Tapat na po,

May Bigpee Satililing

PS

Maikli lang ang resimay ko kaya nglgy n rin aq ng pix q


















Sagot ng magiging amo:


Dear May Bigpee,

Ok lang iha, sanay naman ako magbasa ng text messages punta ka na kaagad dito at rerentahan kita.

~~~~~~~~~~~~~~~~~~~~~~~~~~~~~~~~~~~~~~~~~~~~~

Original version:
Deer Sir,

I waunt to apply for the secritary job what I saw in the paper. I can Type real quik wit one finggar and do sum a counting.

I think I am good on the phone and no I am a pepole person, Pepole really seam to respond to me well.

Im lookin for a Jobb as a secritary but it musent be to complicaited

I no my spelling is not to good but find that I Offen can get a job thru my persinalety. My salerery is open so we can discus wat you want to pay me and wat you think that I am werth,

I can start imeditely. Thank you in advanse fore yore anser
hopifuly Yor e best aplicant so farr.


Sinseerly,

Peggy May Starlings

PS : Because my resimay is a bit short - below is a pickture of me

(pareho picture sa taas tinamad na akong magdownload eh hehehe)

Employer's response:....

That's OK honey, we've got spell check, you just come on in and we'll hire you.....








Tuesday, March 3, 2009

HULA SCOOP: Marami ang Hahanga Sa'yo


HULA: Marami ang hahanga sa'yo sa natatago mong talento o talino pero magdadalawang isip ka kung itatago mo na lang nga ito o ilalabas pa.


SCOOP: Dahilan sa ibinahagi kong liham sa inyo galing kay Anonymous noong nakaraang blog ko (paki klik na nga lang ito kung di ninyo pa nabasa) ay nagdagsaan naman ang inbox ko ng mga e-mail na mula pa sa iba’t ibang anonymous, ang dami nila di ko malaman kung sino ang una kong babasahin.


Narito ang ilan di ko na tatapusin at nais ko lang ibahagi sa inyo kung ano ang nilalaman ng panimula nilang liham.


  1. Dear Sards, Ang galing mong gumawa ng hula scoop pwede ba akong magpaservice ng hula sayo, babayaran kita kahit magkano.
  2. Dear Sardonyx, I admire your writings, can I ask you a favor pwede bang paki gawan mo naman ako ng essay namin sa Filipino? Isa submit na namin next week pasensiya na bobo kasi ako sa subject na to.
  3. Dear Ms. Sardonyx, Mahuhulaan mo kaya kung may kabit ang asawa ko? Utang na loob naman oh, please huwag mo akong tanggihan.
  4. Dear Chards, Naalala ko pa nang dumating ang bagyo sa buhay ko, tandang tanda ko pa ang lahat....kuliling-ling-ling (sa tunog ng MMK maalaala mo kaya)
  5. Dear Ate Sardie, Napakasakit Ate Sardie ang mawalan ng mahal sa buhay.
  6. Ms. Sarj, Can I make a request? Pwede ba yun love song ko?
  7. Sardonyx, Magpakatotoo ka na! Umamin ka na, na talagang titser o writer ka! Di ba? Di ba? Ano???
  8. Dear Sards, Single ka pa ba? Pwede ba tayong mag EB, eyeball naman tayo.
  9. Dear Sardins, Para kang sardinas sa buhay ko, ikaw ang nagtatawid gutom sa kumakalam kong sikmura.
  10. Dear Xerex, Paano ko ba mapapaligaya ang kabit ko ginawa ko na ang lahat na posis…….(hay di ko na to tinapos grabe sensored napagkamalan pa ako na sex guru nito)


PS: Kung di ninyo kilala si Xerex e ang ibig sabihin nyan: matagal ka nang nakatira sa US/ abroad o matagal ka nang wala sa Pilipinas.....o ayaw mong umamin na kilala mo siya hehehe


PANUTO: Ang larawan na nasa itaas ay kuha muli sa Tokyo, dito ako uminom ng beer.....A&W rootbeer para languin ang sarili ko matapos mabasa ang mga email ng mga anonymous na yan....hay dumugo ang ilong ko....nose bleed!!!

Monday, February 9, 2009

HULA SCOOP: Huwag Mawawalan ng Pag-asa sa Pag-ibig


HULA: Huwag kailanman mawawalan ng pag-asa lalo na sa larangan ng pag-ibig mo at ng iyong minamahal. Ipaglaban mo anumang balakid ang humahadlang sa dinaraanan ninyo. Kung patuloy ito sa paghadlang …tumalon na lang kaya kayo?

SCOOP: Narito muli ang isang liham na galing sa isang taong in love, dito niya ipinakita kung paano siya umasa na sila pa rin ng mahal niya sa buhay gaano man ang kahadlangan sa kanila; muli kong ibinabahagi sa inyo ang liham na ito na nagkamali ng padala at sa akin bumagsak:

Dear Sarj

Sa titig palang ng iyong mga mata ay kinilig na ako.

Hay naku lukaret talaga ako pero naantig mo pa rin ang puso ko.

Akala mo pagkatapos ng lahat wala na akong mararamdaman gaya ng dati

Pero grabe lumambot na ang lahat hindi pa rin nagbago ang sa akin.

Umaasa ako na pagdating ng panahon mahal pa rin natin ang isa’t isa

Nanaginip nga ako na nakita natin ang isa’t isa…lam mo na in love pa rin

Araw-araw masaya ako kasama si Joy sa lahat ng paghahanap ko

Alam mo di ako ganun ka desperado
Naku kung may pagkakataon lang nga talagang hahablutin kita ng dalawang kamay ko

Talagang dapat lang na masundan pa ng ikalawang pagkakataon ito kahit na ikasunog ko pa.

Huwag na huwag na wag na wag na wag na wag Babes…. kailangan kita

Naniniwala akong magkakakasama pa rin tayo
Kung maniniwala lang tayo na ang tunay na pag-ibig ay hindi kailanman magwawakas

Kinakailangan din natin na mahalin muli ang isa’t isa

Naniniwala pa rin ako, oo, na balang araw mamahalin pa rin natin ang isa’t isa
Oh Babes oo talagang nanaginip ako na magkakasama pa rin tayo.

Naniniwala pa rin talaga ako, (oo talaga Babes, totoo yan) na balang araw tayo pa rin, bigyan mo lang ako ng pangalawang pagkakataon.

Sabi ko nga sayo na nanaginip ako (namimiss ko ang pagmamahal mo) na magkasama pa rin tayo, (Oo naniniwala pa rin ako) na talagang magmamahalan pa rin tayo Babe balang araw.

Maria Karengkeng

~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~

Dear Maria

Ang masasabi ko lang e……ang hirap! Ang hirap itagalog ng kanta mo grabe! Di ko malagyan ng green hehehe. Pero infernes peborit ko yan kanta mo na yan…kaka in lab! High school days ko yan. I love you Mariahhhhhhhhhhhh!!!!! hehehe

Sards

PAUNAWA: Salamat sa lahat ng tagsubaybay ng hula ko at nagkaron ako ng inspirasyon na makabuo ng panibagong imahinasyon sa larangan ng awit este pambobola sa inyo hehehe…teka alam n’yo ba ang pamagat ng kanta na tinagalog ko? Awit ito ni Mareng Mariah Carey ko??? Hello???

PAHABOL: Ang larawan na aking nilathala ay mula pa sa aking mabait na Kuya siya ang idol ko sa larangan ng photography (hmm ano ba ang tagalong nun?? Hmmm ahh basta photography ok na yun), ki-nanon niya yan (canon-an??) (ni-canon??) hehehe wateber. Pakidalaw na lang ang iba pa niyang mga larawan sa www.flickr.com/photos/ompoint59



Friday, January 9, 2009

HULA SCOOP: Ilabas ang Kalungkutan


HULA: Maaalala mo ang iyong mga mahal sa buhay lalo na ang mamuhay sa iyong bayan. Hayaan mong ilabas ang lahat ng iyong hinanakit at kalungkutan upang ito’y mawala at ikagaan ng iyong kalooban. Magbanyo ka kaya, baka masolusyonan kaagad?

SCOOP: Mayroon akong ibabahagi sa inyo na isang liham na nagmula sa isang lurker dito sa aking walang kwentang blog, isang seryosong tao na nangangailangan ng isang kaibigang masasandalan.

~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~
Dear Sardonyx

Matagal tagal na rin akong tagasubaybay mo sa iyong hulascoop, yun nga lang ako’y nahihiya na sumagot sa iyong mga posts.

Ako’y bago palang dito sa US kaya ako’y nalulunod sa kakaibang kulturang nakikita ko na malayong malayo kung ikukumpara sa ating bansa.

Minsan pumunta ako sa McDo, nag order ako ng spaghetti wala daw sila, ano ba namang klaseng McDo dito walang spaghetti buti pa sa Pilipinas meron kaya nag order na lang ako ng Chicken McDo w/ Rice nag extra garlic rice pa nga ako hay naku wala rin daw sila kaya ayun bumili na lang ako ng bigmac yun ang sikat sa atin e kaso marami pang tinanong e di ko naman maintindihan ang ingles, ang huling narinig ko kung daw bang plain ang gusto ko kaya para di na ako mag ingles pa e sinabi ko na oo plain na nga, ayun binigyan ako na hamburger na wala man lang lettuce at kamatis ni cheese wala, di ko tuloy makain ni ketchup wala nga e.

Nag order din ako ng softdrink ano raw yun, hello? Ingles na nga di pa naintindihan sabi ko yun coke ayun saka palang kami nagkaintindihan soda pala tawag nila hmmmp arte!….pero sabay banat na wala raw sila coke, pepsi lang daw….hay ang tao nga naman pag minamalas hindi talaga sinuswerte at ang nakakainis pa di ako binigyan ng tissue so nanghingi ako ng tissue, ibinigay ba naman sa akin e pamunas ng pwet, bathroom tissue ba naman! Nagreklamo ako at sinagot ba naman ako na napkin daw tawag dun, ang alam ko ang napkin kasi sa atin ay pantapal sa pekpek ooppps sorry excuse my french. Nagtawanan ang ibang mga Filipino na nakarinig sa akin, naulinigan ko ang sabi nila FOB daw ako at nalaman ko ang kahulugan nito nang itanong ko sa aking kaibigan, Fresh of the Boat daw parang promdi version sa atin yun …..nakipagtalo pa nga ako sa kaibigan ko sabi ko hindi naman ako sumakay ng barko o lantsa o kahit bangka man papunta dito, nag-eroplano naman ako, kahit ganito ako di naman ako tangang magbabarko papunta dito sa States ang tagal nun ah!

Nang papauwi na nga ako tumawid ako sa tinatawag nilang crosswalk, hanap nga ako ng hanap ng krus e wala naman akong makita buti pa sa ‘tin pedestrian lane ang tawag, e totoo naman na mga tao naglalakad doon. Natuwa nga ako kasi high tech ang sign dito para maglakad at huminto sa tawiran. Noong makita ko na ang sign na “walk” lumakad na ako pero wala pa ako sa kalagitnaan ng kalsada nag flash na kaagad ng “don’t walk” kaya napahinto rin ako, baka ako hulihin ng pulis mahirap na no, naku nagbusinahan mga sasakyan sa kin pano ba naman nasa gitna ako ng kalsada, ang tanga naman kasi nun sign na yun ang bilis bilis pinahinto ba naman ako sa gitna tapos magrereklamo mga hinayupak na mga drivers na yun!

Minsan naiinis na nga ako dito gusto ko nang umuwi, puro kasi nag iingles mga tao at ang masaklap puro Amerikano sila kundi nakakasilaw ang didilim nila!!! Sa totoo lang Sards ang labo naman talaga nila kahit nga english words nila di ba? Kagaya na lang ng boxing ring, bakit bilog ba ang ring noong may laban si Pacquiao di ba square naman? Tapos ang mga lemon juice dito gawa naman sa artificial flavor samantalang ang mga dishwashing liquid soap gawa raw sa real lemon. Hay kakaloka!! Hello???

Mahaba-haba na ito, malamang tatamarin ka ng magbasa nito.
Salamat Sards at pinagbigyan mong basahin ang liham kong ito at
sana ay maunawaan mo ang aking nararamdaman ngayon. Kung may panahon ka sana naman magchat tayo ha, marami pa akong ikukuwento sa iyo.

Ang iyong masugid na tagasubaybay,
Anony Mous