Monday, December 28, 2009

HULA SCOOP: Mabibigla Ka....

#10

(dinekwat ko ang larawan na ito sa PEBA website)



HULA: Mabibigla ka dahil ang akala mong di mangyayari ay nangyari sa'yo. Pero kung ang akala mong mangyayari ay di nangyari, di ka lang sinuwerte, may next time pa naman. Malay mo..... malay ko.... yan ang totoo. Malay nating lahat hehehe.

SCOOP: Alam ninyo na siguro kung ano ang tinutumbok ng mga hula ko? Kung di mo pa alam, naku ha alamin mo na mga prends! Dahil akala ko....alam niyo na no hehehe

Eto na:

Congratulations sa PEBA winners!!!! Natapos din ang kaabang-abang na sandali ng 2009.

Eto ang mga akala ko na di mangyayari pero nangyari sa akin:

1. Hindi ko akalain na sasabit ako sa #10, sa top ten Pinoy OFW/Expats ng PEBA ..........yahoo!!!!!
2. Hindi ako nakapagbukas ng e-mail, akala ko wala akong award, hindi ko tuloy nabasa ang e-mail sa akin ni Ms. Azel, hindi tuloy ako nakapagrecord ng video para magpasalamat man lang sa PEBA team lalo na kay Mr. Kenji at NJ.
3. Hindi ko akalain na ang mga judges mapapansin ang hamak na aba at kaawa-awa kong blog entry hehehe, salamat talaga sa inyo!
4. Akala ko pupunta ang kapatid ko, hindi pala wala tuloy akong representative huhuhu.
5. Akala ko sasayaw si Mr. Thoughtskoto hindi pala hehehe (joke lang baka bawiin sa akin yun award hehehe).

Muli po nagpapasalamat ako sa bumubuo ng PEBA lalong lalo na kay Mr. Thoughtskoto dahil sa sipag at tiyaga naisakatuparan niya ang mga pinapangarap ng mga OFWs at Expats....ang maparangalan ang tinatago naming mga talento ay mali ang aming natatanging talento pala hehehe.

Sa mga judges, saludo ako sa inyo, mahirap magbasa ng 37 blog entries, kung ako nga di ko tinatapos basahin ang mismo kong blog entry yun pa kayang 36 na iba pang blog? di ba? hehehe. Kaya salamat sa pagtitiyaga at sa dedication na mapili ang tunay at karapat dapat na mapili.

At sa lahat ng mga nominees, panalo tayong lahat, may number nga lang kaya may nauuna at may nahuhuli at higit sa lahat may maswerteng nakakasabit sa dulo ng top ten, ako yun hehehe.

At sa #1 blogger.......congrats Nebz!! Galing mo naman! Blow out ha hehehe

Mula ngayon, pagsisikapin kong dalawin ang iba pang nominees na hindi ko nagawang bisitahin dahil sa naging busy ako ngayon (sana magawa ko, di bale may new year pa naman hehehe).

Narito ang PEBA website para mabisita ninyo kung sinu-sino pa ang mga nanalo.












Monday, December 21, 2009

HULA SCOOP: Magpasalamat Ka Kaibigan

Anong kakanin ito?


HULA: Magpasalamat ka kaibigan na ikaw ay malakas at masigla.

SCOOP: Sa huling buwan ng taon na ito ay tunay na dapat tayong magpasalamat sa Panginoong Diyos dahil sa tayo ay naging malakas, masigla at napanagumpayan ang lahat ng mga balakid sa buhay sa buong isang taon na ito.

Anu-ano nga ba ang dapat kong ipagpasalamat sa taon na ito?

1. Una .....sa Panginoong Diyos, dahil sa hanggang ngayon ay buhay at malakas ako at ang pamilya ko, naging matatag ako sa pananampalataya at sa anumang mga suliranin na pinagdaanan ko nitong taon na ito, utang ko sa sa Kanya ang aking buhay.

2. Pangalawa, sa asawa ko na naging mapagmahal (walang sawang nagsasabi sa akin ng "I love you" araw-araw- naks naman! ang sweet hehehe), mabait (hindi ako inaaway, ako lang ang dapat mang-away hahaha) , maunawain ( alam kung kailan ako magagalit na hehehe) at higit sa lahat galante (walang pakialam sa ginagastos ko sa pera namin kahit magpadala pa ako ng buwan-buwan sa Pilipinas hehehe).

3. Sa mga anak ko na kahit makulit at pasaway ay mayroong takot pa rin sa aming dalawang mag-asawa kahit na turing namin sa kanila ay matalik na kaibigan.

4. Nagkaroon ako ng trabaho sa isang taon kong paghihintay (narinig yata ang paghihinagpis ko sa entry ko sa PEBA contest hehehe).

5. Nagkaroon ako ng blog at nagkaroon ng maraming kaibigan sa mundo ng blogosphere.

6. Nakabili ako ng cellphone na magara, Nokia (sipsip!) at Iphone pa (hehehe).

7. Nakapagpadala na ako ng pera sa mga kapatid at Tatay ko at mga in-laws ko sa tulong ng Western Union (sipsip!)

8. Nakapagpadala ako ng balikbayan box sa mga kapatid ko sa tulong ng Forex (sayang di naging sponsor ng PEBA).

9. Na adik ako sa friendster (sipsip uli!) at facebook.

10. Nabigyan ako ng awards ng mga kaibigan ko sa blog (friendship, funniest blog, at marami pa)

11. Nakakatawag na ako ng madalas sa amin, gamit ko ang sarimanok one phone card (teka di pa ba sponsor natin ang channel2?? sipsip talaga hehehe) at tumatawag ako sa Ate ko sa Smart (sipsip uli...baka higop na nga e hehehe) cellphone number niya kasi naputulan na sila ng landline (hehehe).

12. At syempre bago ko malimutan, nagpapasalamat ako sa mga bagong nag tag sa akin. Sina Arlini at Roanne ay binigyan ako ng "Love Ya Awards".....love you both too!! Sa lahat ng mga kablog ko ibinabahagi ko rin sa inyo ang award kong ito. Di na ako magbabanggit ng pangalan kasi baka may malimutan pa ako (parang feel ko marami kayo e hehehe kahit konti lang).



13. Nagpapasalamat din ako at nagkaroon ng PEBA contest kung saan ay nakilala pa ng husto ang mga kakayanan ng mga expats at OFW sa larangan ng pagbablog. At ito ay pinangunahan ni Mr. Thoughtskoto (higop!!! hahaha).

14. At pahabol pa, nagpapasalamat ako at nagustuhan ng mga kaibigan ko ang espesyal kong kakanin, ang mochi! ala espasol ng laguna at sapin-sapin ng.....basta sapin-sapin sa atin di ko alam saang lugar marami nito sa Maynila marami nito e. Yan yun nasa larawan na nasa itaas. Salamat sa order ninyo mga prends hehehe pero di ko kaya gumawa ng maramihan eh pang potluck lang ako.

15. At sa lahat ng mga bumabasa nito, maraming salamat at nakaabot kayo na basahin hanggang #15 list ko (astig kayo hehehe).

PAHABOL: Waaaa di ako makakapunta sa PEBA Awards Night!!!! Congrats sa mga mananalo!!!


`````````````````````````````````````````````````

Silipin ninyo ang picture ko sa PEBA!.....baka mawala na yun hehehe!

HAPPY HOLIDAYS!!!









Wednesday, December 16, 2009

HULA SCOOP: May Maalala Ka Na Naman, Iwasan maging malungkot

Christmas Decor sa loob ng Shimoda Mall dito sa Japan (kahit wala silang Pasko)


HULA: May maaalala ka na naman, iwasang maging malungkot ngayon. Mahirap ngumiti kung malungkot ka talaga pero mas mahirap naman tumawa kung nakikita mong malungkot ka. Kaya ngumiti ka habang malungkot para mas masaya.

SCOOP: Mahirap talagang maging malungkot. Idaan mo na lang kaya sa mga pag-alala sa mga nakaraan para mas masaya, di ba??

Tara, balikan natin ang mga nakaraan natin noong maliliit pa tayo kapag ganitong kapaskuhan:

~~~~~~~~~~~~~~~~~~~~~~~~~~~~~~~~~~~~~~~

Noong maliit pa ako, mga anim na taon, nasa lansangan pa ako kapag gabi kasi nagtutuktok kami ng mga tansan para pangkulingling sa karoling namin. At kapag December 16 na, nagsisimula na kaming mangaroling, 9 na raw ang bubunuin bago mapaghatian ang mga perang nakalap namin sa karoling.

Ang mga unforgettable experiences ko sa karoling:

1. Pag iskinita ang pinupuntahan namin, hati ang grupo namin, sabay ang kanta pero magka-iba ng tinatapatan naming bahay....para tipid, hirap magvocalize no baka mamaos pa boses namin tutal magkatapat lang ang bahay nila kaya parehong kanta. Ika nga heating one bird with 2 stones ....teka mali pala chicken barbecue pala yan hehehe, hitting 2 birds with one stone pala.

2. Ang mga "patawad" na mga maybahay wala ring patawad sa amin ang mga yan kailangan pa rin kumanta ng "thank you thank you ang babarat ninyo thank you" sabay takbo yan, kailangan mabilis kasi aso na ang humahabol sa amin. Kaya naging runner ako kasi sa pagkakaroling ngek hehehe

3. Minsan sa sobrang hiya ko , napaluhod ako sa lupa para di ako makilala ng kapitbahay namin habang nangangaroling sa kanila pero di pala lupa yun naluhuran ko, "ebs" ng pusa hehehe (ang bantot ko nun, grabe!!)

4. Ang mga kanta namin noon ay: Ang Pasko ay Sumapit, Sa Maybahay, We wish you a Merry Christmas, Pasko Pasko, O Come All Ye Faithful, Joy to the World (pagkatapos yun tagalog version nito na O Magsaya), Rudolph the Red Nose Reindeer, Winter Wonderland (naks sosyal ang dating niyan medyo mahal na ang bigay sa amin nito kasi madalang nilang marinig ang kantang ito sa mga karolers), 12 days of Christmas (ang haba nito ginagawa na lang namin 5 days kasi pinuputol na kagad ng may ari ng bahay, binibigay na kagad ang pera wag lang namin ituloy ang kanta hehehe) at marami pa, at syempre ang popular sa amin na hindi popular sa iba ay eto....(sensiya na di ko alam ang title kaya kinanta ko na)......


Pagsasapit ang pasko namimili ang Mommy ko
Ng mga aguinaldo para sa araw ng Pasko
At itong aking Daddy gumagawa ng Christmas tree
Sasabitan ko naman ng mga laruan at mga candy

Ang iba't ibang kulay nitong ilaw ng Christmas tree
Ito'y lalong nagniningning pagsapit ng gabi
Ang magandang Christmas tree natutuwa ang marami
Lalo na't patay sindi itong ilaw ng Christmas tree....itong ilaw ng Christmas tree


o alam niyo bang kantahin yan??? kundi, hindi kayo certified na mangangaroling hehehe (joke lang no! )

O sige na matutulog pa ako, siyanga pala ako lagi ang pasimuno o lider ng grupo kaya mas maraming alam na kanta, in ka sa grupo namin kasi mas malaki ang bigay hehehe.


PAUNAWA: Ang mga naranasan ko ng pagdiriwang ng Pasko ay noong maliit lang ako pero noong lumaki na ay nagbago na ang lahat.......tililingling ling

Saturday, December 12, 2009

HULA SCOOP: Hayaan mong makapag-isip-isip ka ngayon

Mga mansanas


HULA: Hayaan mong makapag-isip-isip ka ngayon. Huwag mong biglain ang sarili mo, minsan ganun talaga, minsan meron, minsan wala, kadalasan wala talaga. Wala ka talagang isip.

SCOOP: Grabe! Wala talaga akong maisip!

~~~~~~~~~~~~~~~~~~~~~~~~~~~~~~~~~

Nangyari na ba sa inyo yun? Eto ha.....

1. Gusto mong magsulat pero wala ka naman masulat.
2. Gusto mong mag-isip pero wala ka namang isip.
3. Gusto mong mag-isip ng isang palaisipan pero nagdadalawang isip ka naman.
4. May sasabihin ka pero wala namang lumalabas sa bibig mo.
5. May lumalabas sa bibig mo pero mismong ikaw di mo maintindihan pinagsasabi mo.

Ayan ang nangyayari sa akin ngayon! Di kaya nalulungkot ako???

Miss ko lang kasi ang "sugarpie, honeybunch....lalalalalala (kumanta pa no hahaha)...siyempre ang aking mahal (naks naman!)...as usual wala na naman siya sa tabi ko.....business trip na naman (waaaaa!!) hay kung pwede lang hilahin ang mga araw para bumalik na siya (baka kasi magsnow wala akong kasamang magpala ng mga snow e hehehe).

Ayan teka may naiisip na ako, anu-ano ba ang mga tawag ng mga asawa sa kanilang mga asawa?? (ngek eh kasi wala naman tagalog ang husband o wife kundi asawa di ba??)...eto na spontaneous ito ha, naks naman medyo biglang tumaas ang signal ng radar ko eh.

cupcake- kapag may gustong ipabili ang misis (sweet naman)
mahal- gusto unique sila kaya tinagalog ang "love"para sweet din daw
honey- katamisan ng pagsasama, baka bagong kasal di pa nag-aaway
yes dear- kapag member si mister ng yukosa (yuko sa asawa)
damuho- kapag si mister wala ng maibigay na sustento sa kanyang pamilya
demonyo- kapag panay na ang punta ni mister sa "patay" ( sa lugar na patay sindi ang ilaw na may naglalambiting mga babae sa poste)
hayop- kapag nagalit na si misis
hayop ka rin- si mister sumasagot na, may kabit na!

PAUNAWA: Ang mga nabanggit na "katawagan" ay pawang katha lang ng may akda na walang maisip na ihula. Hindi paunawa ang kailangan kundi awa hehehe, huwag patulan ang mga katawagan ito, wala kayong mapapala.


LARAWAN: Ang larawan ay pinilit kong i-ugnay sa hula, pero totoo ang hula, wala talaga akong maisip na kaugnayan nito. Teka, ang mansanas nga ba ang kinagat ni Eba sa paraiso ng Eden? Hindi di ba??? Si Adam nga ba ang dahilan kung bakit may adam's apple ang mga lalaki? Nagtatanong lang naman. Sige tutulog na lang ako ...have a nice weekend everyone!

Wednesday, December 9, 2009

HULA SCOOP: Huwag mong balewalain ang mga bagay na binabalewala mo lang

Tara, kain na friends!


HULA: Huwag mong balewalain ang mga bagay na binabalewala mo lang. Kahit pa ang mga gawain mong ginagawa sa araw-araw ay huwag mong tangkaing isumpa o kalimutan lalo na ang pagkain sa iyong hapag kainan. Dahil balang araw, malalaman mo rin kung bakit.... bakit! Hmmm bakit nga??

SCOOP: Kapag pala napalayo ka sa iyong bansa ang mga bagay na nasa harapan mo lang dati na binalewala mo ay nagiging napakahalaga nito kapag wala na sa paningin mo. Maging ang mga ginagawa mo dati at mga taong nasa tabi mo lang ay hahanap-hanapin mo talaga. Bakit kaya ganun? Pero kapag nandiyan naman binabalewala mo lang. Hay ang tao talaga walang kasiyahan sa buhay.


~~~~~~~~~~~~~~~~~~~~~~~~~~~~~~~~~~~~~~~~~~~

Isa sa mga di ko pwedeng kalimutan o balewalain ay ang ulam ng Pinoy, at siyempre ito ang peborit ng halos lahat, ang sinigang na baboy! Ano naman kinalaman nito sa hula ko?? Oo nga ano??? Hmmm isip-isip....kasi sa Pilipinas kapag sinigang na baboy ang ulam dapat ang mga sangkap ay tama rin. Anu-ano ba ang mga sangkap nito?

MGA SANGKAP NG SINIGANG

*baboy na kakakatay lang (liempo o ribs)
*sitaw
*kangkong
*sili
*kamatis
*sibuyas
*gabi
labanos
sampalok o tamarind soup base powder mix

optional:

okra
talong

sawsawan:
patis na may sili, bahala na kayo sa diskarte

Note:
* puro sariwa

Noong nasa Pilipinas pa ako (wag kayong mag-alala babalik ako sa bansa natin para magretire pag marami ng ipon na pera hehehe), kailangan tama ang mga sangkap kasi kung ang kangkong ay pinalitan mo ng pechay, ang sitaw pinalitan mo ng baguio beans at ang gabi pinalitan mo ng patatas hindi na ito sinigang, nilaga na yun! nilaga! hehehe pero kung ang lasa ay maasim pa rin, nilagang sinigang ang kakalabasan nito hehehe.

Dito sa Hilagang Japan (Northern Japan) kung saan ako napadpad ngayon (sa ayaw at sa gusto ko huhuhu) ay napakahirap makahanap ng kangkong at sitaw. Mayroon man pero mangilan-ngilan at kapag nakita ng mga kapwa ko Pinoy ang kangkong, bibilhin lahat ang mga ito, di man lang magtira sa iba na katulad kong sabik sa kangkong.Tapos gagawin lang nilang adobong kangkong. So kailangan talaga may nakalaan kang ipapalit sa mga sangkap ng sinigang dahil kundi mamumuti ang mata mo kakahintay. Ang sitaw naman, malabo talagang makabili isang beses palang akong nakakita dito sa loob ng isa't kalahating taon, binilhan lang ako ng kaibigan ko pa.

Ngayon nararamdaman ko na kung paano ko nilait ang pinsan ko nang minsan nagluto siya ng sinigang na ang sangkap ay cabbage baguio at baguio beans (hmmm pero di naman siya taga Baguio hehehe) at sinabihan ko siya ng "ang sarap naman ng nilaga mo" hehehe....sabi niya sa kin, sinigang yan no hmmp!....ayun napahiya na naman ako at pero mas lalo naman siya no hehehe.

Ngayon ito na ang sangkap ko sa sinigang:


BAGONG SANGKAP NG SINIGANG SA AMING LUGAR SA JAPAN

frozen baboy (liempo o ribs o neck bone)
baguio beans o bichuelas (sa tagalog) o green beans sa US
spinach na dapat kangkong (pampalakas naman ito no sabi ni Popeye)
*Japanese sweet chili pepper, sariwa(mahabang sili pero walang kaanghang-anghang, sweet nga no)
*kamatis, sariwa
sibuyas, sariwa
*gabi
sampalok tamarind soup base powder mix

optional: (depende kung mahal na ang mga ito)

labanos
*okra
talong

note:
*magiging frozen na ang mga ito ngayong winter kasi nag imbak na ako ng mga kamatis at sili sa freezer dahil pag winter dito ginto na ang presyo ng kamatis nasa $2 na ang isang piraso at yun sili wala ka ng makikita as in wala, yun gabi naman may nabibili ng frozen na hubad na gabi, balat na kasi eh hehehe

Waaaaaa kakainis mabuti pa sa America (sa California at Hawaii kung saan ako napatira ng ilang taon, kahit nga sa Alaska na nag-iisnow kung saan galing ang friend ko meron din nga e) halos lahat ng gulay sa atin meron doon para kang nasa Pilipinas na. May kangkong, sitaw, bataw, patani, kundol, patola, upo't kalabasa at saka meron pa labanos, mustasa, sibuyas, kamatis bawang at luya, sa paligid-ligid ay puno ng linga. ...lalalalalala kumanta na hehehe. Teka nakahalata yata ako ahhh bakit walang kangkong sa "bahay kubo" na kanta??? Hmmm di pwede yun walang kangkong kung walang sinigang....at walang sinigang kung walang kangkong!!! Wala rin baguio beans, gabi at sili!! Sino ba composer nun??? Siguro di kumakain ng sinigang yun??? Di ba?? Ano sa palagay niyo? Di kayo mapalagay? Ako rin eh.

LARAWAN: Luto ko, tara kain na tayo! Sinigang with spinach and green beans hehehe











Saturday, December 5, 2009

HULA SCOOP: May Karanasan Ka Na Hindi Mo Malilimutan


HULA: May karanasan ka na hindi mo malilimutan, magsisilbing aral ito sa’yo upang lalo ka pang tumibay. Magpakatatag ka kung ito man ay dagok, lunokin mo na lang ano man ang dumating sa iyong buhay, mapa tubig, soda, juice, beer o wine, iwasan mo lang na wag sumobra dahil ang lahat ng sobra ay nakalalasing.

SCOOP: Akala yata ng ibang readers ko e ako si Ate Charo, Dra. Holmes, Ate Helen, Joe D Mango, si Kuya Eddie o kung aino pang showbiz personalities. Kaya eto meron na naman naligaw na e-mail sa akin tungkol sa kanyang karanasan kaya narito.

Dear Sardex,

Hindi na ako nagpapatumpik-tumpik at magpapaliguy-ligoy pa tutumbukin ko na ang aking problema. Nag umpisa ito noong dinala ako ng boyfriend ko sa isang liblib na pook. Natakot ako dahil first time ko na sumama sa kanya sa ganoong lugar, kaming dalawa lang kaya nakakailang. Ang sabi ng bf ko magpalit na raw ako ng damit para daw hindi madumihan at malukot damit ko, pero una ayoko pero sabi niya dapat na raw ako magbihis, napilit niya rin ako ewan ko ba pag ang bf ko na ang nagsasalita nababato balani na ako sa kanya ayun wala akong nagawa kundi magbihis. Kinabahan ako sa mangyayari sa min, pero ang sabi nya sa kin sya raw ang bahala at tuturuan niya ako, dahil alam nya first time ko yun. Siya ang first bf ko at siyempre first date ko kaya as in wala talaga akong kaalam alam nakakahiya mang aminin pero siya ang first sa lahat. Tapos sabi niya sa akin sumampa na raw ako siya na ang bahala ewan ko kung paano pero ang bilis ng pangyayari basta naramdaman ko na lang nakasampa na ako at hinawakan ko na lang ang kamay ng bf ko, naramdaman ko ang init ng katawan niya kaya naging kampante ako sa ano man mangyayari. Niyakap niya ako ng mahigpit ako naman napapisil na lang ako sa kamay niya at ang sabi niya sumabay lang daw ako sa galaw so sumabay ako at ang sabi niya sa kin pag nararamdaman ko na ok na ang lahat at nasasarapan na ako pwede ko raw bilisan at medyo iangat ko raw ang pwet ko, ginawa ko naman. Napapikit nga ako nang una kasi di ko alam anong mangyayari sa akin, pero masarap nga medyo nga lang masakit at nakakangawit sa balakang pero nang katagalan na binilisan ko na ang indayog ko ang sarap pala, panay na ang angat ko grabe at binilisan ko pa ng binilisan hanggang sa aaaahhhhhhhhhh ray!!! Bog bog bog…yun na lang ang narinig ko, nahulog ako sa kabayo hu hu hu. Yung bf ko di man lang ako sinalo ang sarap ng pwesto niya sa likod ko!!!

Kaya eto dalawang buwan na akong nakaratay sa kama at di pa rin makalakad kaya ako nakakapagbasa ng blog mo kasumpa sumpa talaga ang kabayo na yan! (hindi yun bf ko ha, kasi pogi sya no). Binreak ko na ang bf ko dahil sa ginawa niya sa kin, sinabi ko naman sa kanya first time ko sumakay ng kabayo pero ayun nahulog tuloy ako at ang nakakainis pa ni hindi niya pa ako nasalo o nahawakan sa kamay! Pero Sardx mahal na mahal ko pa rin siya, ano ang gagawin ko?

Ang iyong tagahanga
Ineng

~~~~~~~~~~~~~~~~~~~~~~~~~~~~~~~~~~~~~~~~~~~~~~~

Dear Ineng

Kung mahal mo pa talaga ang bf mo, balikan mo siya at siguraduhin mong siya na ang sakyan mo at nang di ka na mahulog, binitin mo pa ang mga readers ko ! hehehe

Sardonyx


LARAWAN: Mga rebulto ng kabayo sa Misawa Tonami Clan Park, you know....wala lang.

PAUNAWA: Patnubay ng matinong isipan ang kailangan, nasa isip lang ang naglalaro mong imahinasyon sa totoong pinapahayag ng nasasaad sa sulat. Mag-ingat.

Tuesday, December 1, 2009

HULA SCOOP: Susuwertehin Ka Ngayon


HULA: Susuwertehin ka ngayon sa mga bagay na may kulay “kahel” o orange, simulan mo ng hanapin ang mga kulay na yan, kapag lumipas na ang araw na ito, malas na yan.


SCOOP: Suwerte nga ba ang kulay na yan sa’yo? Ewan ko no hehehe

-----------------------------------------------------------------------

Napag-uusapan ang kulay kahel, ano nga ba ang nagpapaalala sa akin kapag nakakakita ako ng kulay na kahel o orange, eto:

Pumpkin- kapag ganitong taglagas o “fall” or “autumn” season sa US o Japan (nandito nga pala ako nakatira hehehe), ang napakarami at naglalakihang pumpkin ang karaniwang makikita sa grocery stores. Kapag Oct. 31 o Halloween ginagawa nila itong “Jack-o-lantern” at kapag natapos na ang Halloween, ginagawang pumpkin pie ang loob nito. Bakit nga ba walang pumpkin sa Pilipinas??? Ano ba ang tagalog ng pumpkin? Malaking kalabasa?? Kamag-anak ng bayarang babae??? hehehe


Wala naman kasi tayong Halloween talaga, nakikigaya na lang tayo ngayon, e sino ba namang Pilipino ang bibili ng malaking kalabasa tapos tatanggalin o kakayurin mo lang ang loob nito at bubutasan ang harap para magkakorte ng mukha ng tao? At lalagyan mo ng ilaw sa loob??? at ididisplay mo lang sa gabi para takutin ang mga bata??? Sa hirap ng buhay ngayon mayaman lang ang makakagawa nito sa atin, ang kaso mas marami ang mahirap sa atin so malulugi ang mga magtatanim nito. Hindi rin mahilig ang Pinoy sa pumpkin pie, malamang gagataan ng mga Pinoy ang pumpkin at isang buwan nila itong ulam sa laki ng pumpkin matagal maubos hehehe. Pero wala naman sigurong pumpkin sa atin so wag na lang natin problemahin kaya hehehe.


Persimmon- first time kong makakita ng persimmon ay sa California, ang akala ko noong una ay chesa ito, pinaka ayaw kong prutas pa naman ay chesa. Hindi naman pala, ang lasa nito ay pinaghalong “papaya” na “chiko” hehehe, ano kaya ang tawag nito sa Pilipinas??? Papako? Hehehe Nagsaliksik ako kay pareng google at ang sabi ay mabolo daw ang kamag-anak nito sa atin. Di ko pa natikman ang mabolo kasi ang mahal nito noon siguro naman hanggang ngayon din. So kamag-anak pala siya ni Mabolo ... ay ng mabolo. Kulay red ang mabolo pero yun lasa hindi ko maikumpara kasi di pa ako nakatikim nga, hayaan n’yo pag balik ko ng Pilipinas bibili ako ng mabolo para malaman ko ang pagkakaiba. Ang alam ko ang mabolo ay mabalahibo ang balat nito ala velvet ang dating, samantalang ang persimmon ay napakakinis ala porselana ang dating hehehe.


Nabigla ako nang makita ko na marami pala nito dito sa Japan at kung itinda nila ay kahon-kahon. Ang tawag nito sa Japan ay “kaki” pero di naman kulay kaki hehehe kulay orange din siya. Para sa akin, mas masarap ang persimmon nila dito kumpara sa California o Hawaii. Hindi kasi ako nahilig kumain nito nang nasa California at Hawaii kami e at iba ang hugis nito doon. Eto pa, dalawa ang klase ng persimmon, astringent at non-astringent akala ko ang astringent ay pang eskinol lotion lang hehehe so pati pala prutas ginagamit ang term na yan, na ang ibig sabihin ay “to bind fast” o “ “mabilis na pagdikit?” o “madikit na mabilis??” o rugby??? hehehe whatever! Iba-iba rin pala ang species nito, may itim or black persimmon, mabolo or velvet-apple (kulay red), date-plum (lasang date at plum) , American persimmon (orange) at ang Japanese persimmon (kaki)….kaya pala iba-iba ang lasa nito, kahit pare-pareho sila ay iba-iba rin pala hehehe, ang labo talaga!


Paano ito kainin- ibuka ang bibig, kagatin,ngatain, lunukin….teka babalatan mo pa pala hehehe


Orange- alam niyo naman kung ano ang orange so ok na yan, super haba na itong scoop ko no. Ask niyo na lang si mareng yahoo naman.


PAUNAWA: Walang kinalaman ang pumpkin at persimmon sa suwerte niyo, nasa tao yan. Kung suwerte ka, di ka malas at kung malas ka di ka naman suwerte. Ganun lang yun, pareho yan pero iba.

Saturday, November 28, 2009

HULA SCOOP: May Sasabihin Ka Pero Malilimutan Mo


kuha sa tapat ng bahay namin......ahhhh ano tawag nga sa mga ano na yan?? yun mga yun, nakikita ko yan sa farmtown at farmville eh


HULA: May sasabihin ka, pero malilimutan mo ang sasabihin mo. Kaya kahit wala kang dapat isipin mag-iisip ka ngayon kung ano bang iniisip mo na nalimutan mong isipin. Hay kakalitong mag-sip! Di ko maisip!

SCOOP: Bakit nga tayo minsan pag nagsasalita bigla na lang malilimutan mo na ang sasabihin mo o kaya wala ka na talagang masabi. Kaya mapapa ahhh ehhh ihhh oohh uhhh ka na lang hehehe, anu-ano kaya ang mga dahilan nito??

MGA HALIMBAWA NG MGA SALITA O KATAGANG NABIBIGKAS KAPAG WALA KANG MAISIP (ano nga bang tawag sa mga salitang ito??? di ko maisip tawag eh)

1. ahhh- kalimitang nabibigkas sa unahan ng pangungusap at nababanggit kapag nagtatalumpati sa maraming tao o kapag kinakabahan

halimbawa: ahhhh ahhhhh ahhhh kinakabahan kasi ako pasensiya na po

2. eh- kapag walang masagot na dahilan; o kaya nag-isisip kung paano magsinungaling

halimbawa:
mister- eh eh sensiya na dear ginabi kami ng uwi kasi galing kami sa patay eh eh eh......
dear- anong patay???baka sa "patay sindi" na mga ilaw kayo galing??? at umaga na no!!!! @#$%%^&@@!@!!!!!!!!!


3. ano- kapag hindi alam ang tawag sa isang salita, alam mo ang pangalan na tinutukoy mo pero nasa dulo ng dila mo at di mo masabi (kamayin mo kaya dila mo no ng maalala mo hehehe)

halibawa: kasi yung ano di ako makapag ano kapag naaano ako kaya wala akong maano, paki ano na lang ha makakaano ka rin kapag naano mo

4. yun- kapag may tinuturo na di alam ang pangalan o may tinutukoy na ayaw banggitin ang pangalan o di lang talaga alam ang pangalan

halimbawa: paki abot nga yun, oo yun, yun nga!

5. you know- nahawa ka na sa ingles ni pacman o baka idol mo na si pacman, you know

halimbawa: Kuto (Cotto) is tough "you know" that's why i let him hit me you know....

6. lalala- kapag hindi mo na alam ang kanta yan na ang lyrics na kinakanta mo

halimbawa: la la la la la

7. nanana- bagong "lalala" para maiba naman kakasawa na kasi ang lalala

halimbawa: eto click nyo yun video






Marami pa sana kaso di ko na maisip ang iba, kayo naman mag-isip kung may maisip kayo kung wala naman ehhh ok lang yun! Anuman yun basta ano yun, yun na!

Sunday, November 22, 2009

HULA SCOOP: Magmamahal Ka Ng Lihim

Taglagas na dito sa Japan


HULA: Magmamahal ka ng lihim sa isang taong lagi mong nakikita, mag-ingat ka baka ka mabulag ng iyong paghanga.

SCOOP: Talaga ngang nakakabulag ang humanga sa isang tao lalo na kung iba ang lakas ng dating sa iyo, nandito ang isang liham mula sa isa sa aking masugid na tagasubaybay. Kayo na ang humusga. Love can move grammar hehehe ano ba yan.

~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~


Dear Sards,

I know your blog is so popular now a weeks, months, or years especially to the people of blogosfir. And maybe you are strong to back out me with Papa Piolo. I’m so in lab with him, his eyes, his look, his ear ( I only like his right ear), his black, his 6 puck ab… , "you know" what I meant and that made him very sex appeal to me. I saw him here in personal but I was in disappointed. Here’s my letter I hope you understood why I’m mad at him but don’t correct me I still love him.

Its’ mhee
Duh-na

Letter:

Papa Piolo,

You always snob me, you know that
Heller, I’m not there, stupidly waiting and still hoping for your love.
Are you blind, even your blind you will look to me.
I know your blind, I’m not moving
I’m waiting always not now but maybe someday you will page me to find me
Somewhere down the road, me and you, you and me

My heart is pulpitating like cow and yours is tibuking like mine.

I hope, there’s something happen, why not now
I wish you can love me somewhere in time
You know nothing, that I’m here, waiting like punching to the moon

In the future I will have a nytmare nightmer nightmeyr dream that you will love me
I told you, you will love me.
Maybe today, next week, or next year not now bullet day you know it will come.

Your fan
Duh-na

PS: Please pardon my French fries I meant my english muffin, I can’t utter words to say how much I love Piolo so I copied one of my pinoy songs and converted it to english, you know it’s like transformer from 110V to 220V or vis verse. I bet I’m better in english than in tagalog when it comes to writing penpals. I hope you like it and post it to your frends in your hulascoop.

Finally yours
Duhna


My reply:


Dear Duhna,


The!!!…..duh!!!


Sards

~~~~~~~~~~~~~~~~~~~~~~~~~~~~~~~~~~~~~~~~~~~~~~~~

PAUNAWA: Yun sulat iningles lang yun isang kanta, ano kayang kanta yun? Eto yun video, bahala na kayo. Basahin nyo yun sulat uli habang pini play nyo itong kanta hehehe


Sunday, November 15, 2009

HULA SCOOP: Matutuwa Ka Ngayon

Larawan ni Manny galing sa yahoo, nanalo laban kay Cotto sa WBO Welter weight boxing title



HULA: Matutuwa ka ngayon kasi yun inaasahan at hinihiling mo ay natupad din.

SCOOP: Congrats sa'yo kaibigan, natupad din kung ano man yan inaasahan mo. Ako hindi lang tuwa ang nararamdaman ko ngayon, masayang-masaya na tuwang tuwa na ngiting ngiti habang tumatawa na mag-isa dahil natupad lahat ang inaasahan ko, nanalo kasi si Pacman hehehe.

-----------------------------------------------------------------

Sa mga umasa na mananalo si Pacman, congrats! Sa mga umasa na matatalo siya, congrats next time baka manalo na ang manok nyo hehehe.

Ito lang ang masasabi:

Sard's headline:

Manny "sinuyod' si Cotto
Cotto tiniris ni Manny
Hiniling "cotto," manalo si Manny
"Manny cotto" (ooppps pangit pakinggan hehehe)

~~~~~~~~~~~~~~~~~~~~~~~~~~~~~~~~~

Interview ni Manny pagkatapos ng laban niya kay Cotto: (napanood ko lang sa ESPN)

Brian Kenny ng ESPN ininterview si Manny:

Brian: Rounds 2, 3 and 4 were all time rounds, what is it like being involved in those rounds?
Manny: First 3 rounds I'm trying to measure his power that's why I didn't move and I'm trying to get hit to measure what I said, power.

Brian: What do you think his (Cotto) power?
Manny: Well, strong but I'm pretending that I'm not hurting his punches and "you know" I made it.....

Brian: Where is this rate in your career among the worst you fought?
Manny: One of the hard fight of my boxing career......I considered "kuto" is tough.....


Di ko na tinuloy kayo na magtuloy, nose bleed ako talaga sa ingles ni Manny, pero panalo ka pa rin Manny! galing mo sa "boxing", 7 titles, a really great boxer!

PAHABOL:

Dahil sa laban ni Pacman nawalan ako ng boses, kakasigaw bukod sa nabingi yun katabi kong kaibigan hehehe. Sakit din ng palad ko, kakapalo at hampas ko sa asawa ko hehehe

Nang iinterview-in na si Manny parang gusto kong ifast forward yun interview di naman pwede, wala kasi akong maintindihan sa mga sagot niya, "you know" hehehe

Thursday, November 12, 2009

HULA SCOOP: Mag-ingat Sa Mga Taong Nasa Paligid Mo

Eastwood, Libis


HULA:
Mag-ingat sa mga taong nasa paligid mo baka magoyo ka ng kanilang matamis na pananalita kamukat mukat mo dupang pala. Matutong dumiskarte sa ganitong pagkakataon, mahirap nang maisahan baka mapraning ka lang.

SCOOP: Goyo? Dupang? Diskarte? Praning? Gets nyo ba ang mga salitang ginamit ko? Muli natin tatalakayin ang mga salitang kanto o slang. Narito ang ilan sa mga napulot ko sa internet na mga halimbawa nawa’y kapulutan nyo rin ng aral:

1. banil- libag na makikita sa leeg at batok na mahirap matanggal sa kapal; pinagpatong-patong na libag
2. baktol- matinding putok o body odor
3. balbonik- taong mabalbon o mabuhok sa katawan
4. bakti- bakat ang panty
5. tutsang- buhok na lumalabas sa ilong
6. atchaka- buhok sa ilalim ng labi (from the phrase bigote “atsaka” balbas)
7. baskil- basa kilikili
8. karug- buhok sa ilalim ng pusod (“karug” tong ng buhok sa baba hehehe)
9. mcarthur- "dumi mo" na bumabalik pagkatapos mong iflush ang toilet (eeewwww)
10. wetpaks- pwet
11. hindot- bayarang babae
12. Booblets- maliit ang boobs (ooopps sorry, ano bang magandang ilagay ingles o tagalog nito??)
13. Boyoyong- malaki ang labi
14. Bumper- boobs o malaking hinaharap (ayan mukhang mas tama to)
15. nikotin- mantsa sa underwear na kulay tsokolate hehehe

BABALA: Ang mga salitang ito ay napulot lang sa tabi-tabi, patnubay ng matinong kaisipan ang kailangan. Kung nalaswaan kayo sa kahulugan paumanhin na lang kaibigan, sensiya na tao lang.

~~~~~~~~~~~~~~~~~~~~~~~~~~~~~~~~~~~~~~~~~~~~~~~~
BONUS:

Malapit na laban ni Pacman kaya nandito ang lumang mga jokes tungkol sa kanya, matalo, manalo, si Pacman pa rin sa akin ang panalo!!

Lumang Pacman Dyoks uli

>
>
> Pacquiao: honey, buksan mo na yung sweets...
> Jinky : lambing mo talaga. mwah !! nasan ang sweets honey?
> Pacquiao: yung sweets ng ilaw. di ako makakita... ang dilim!!
>
> ************************************************************
>
> Noodle!! Noodle!! Noodle!!
>
> -
Manny Pacquiao sa Deal or No Deal.. =)
>
>
>
> *************************************************************
>
>
> -Sa
Las Vegas-
>
> Waiter: May i take ur order, madam?
> Aling Dionisia: Soup
> Waiter: Chicken, asparagus, noodle, fish or soup of the day?
> Aling Dionisia: Soup drenks!
>
> **************************************************************

> 'you iS!'
>
> 'you is!'
>
> 'you is!'
>
> -sigaw ni Aling Dionisia pgdating sa Amerika. Andito na aq sa 'you is!'


> **************************************************************


LARAWAN: Ang kamay at paa na nasa larawan ay sa akin hehehe, pagpaumanhin ninyo ang mga kuko ko, si Pacman ang kinukunan ko dito hehehe

Monday, November 9, 2009

HULA SCOOP: Hindi ka Masisiyahan


Snow in Misawa, Japan



Bellows Beach, Oahu Hawaii


HULA: Hindi ka masisiyahan ngayon, parang laging may kulang ang pakiramdam mo. Gusto mong magkaroon na wala ka ngayon. Bakit kaya?? Di ko alam no!

SCOOP: Bakit nga ganun ang tao, lagi na lang walang kasiyahan? Kung anong wala, gustong magkaroon pero hindi naman lahat pwede. Narito ang ilang mga naisip ko na nakakabaliw kung iisipin na bakit natin hinihiling na magkaroon tayo.

PAGHAHAMBING:

1. Kulay

Mga Amerikano, puti o mga Caucasian- nagbibilad sa araw na naka two piece o nakahubad pa habang nakadapa pag nasa beach (gustong maging tan) pero ilang araw lang balik kaagad ang kulay puti nila hehehe

Mga Pilipino o mga Asian- mga Pinoy, naka long sleeve, may sombrero, nagtatago sa lilim ng puno pag nasa beach (ayaw mangitim) kasi kapag nainitan taon ang bibilangin para bumalik lang ang puti nilang kulay hehehe


2. Kulay uli

Mga Amerikano- bumibili ng tanning lotion, nagsa sun bath, nagpupunta sa tanning salon para lang maging tan sila

Mga Pinoy- bumibili ng papaya soap, bleaching or whitening lotion, nagpapableach sa Belo's clinic para pumuti lang sila


3. Tipo (type)

Mga Amerikano- gusto ang beauty ng exotic na Pinay (kung ano man ang definiton ng exotic, sarilinin nyo na lang hehehe)

Mga Pinoy- gusto ang pogi na maputlang kano basta blue, green o hazel eyes, matangos ang ilong at mahaba.....ang pasensiya ayos na ang buto-buto hehehe


4. Klima

Mga taong pinanganak at lumaki sa paligid ng snow- gustong tumira sa tropical area, konting araw tuwang-tuwa na sila, magsusuot na kaagad ng top tank, shorts o bikini, sabik magtampisaw sa dagat

Mga taong pinanganak at lumaki sa tropical season- sabik na makahawak ng snow binibilin pa sa friend na magdala ng snow sa bote para may souvenir daw hehehe; konting lamig naka jacket at leather boots na kagad makaporma lang


5. Buhok

Mga taong straight ang buhok- gusto magpakulot

Mga taong kulot ang buhok- gustong magpa straight ng buhok


6. Buhok Uli

Mga tao na blonde ang buhok o kulay mais ang buhok- nagtitina ng buhok para maging brunette o itim

Mga tao na brunette o itim ang buhok- nagpapa highlights o nagtitina ng buhok na kulay blonde kahit na pinagtatawanan na sa email ang mga blonde jokes sige pa rin sila magpakulay; ang sama lang ng hitsura kapag blonde hair tapos ang itim-itim at sarat pa ang ilong hehehe parang di bagay hehehe (ooopsss tabi-tabi po hehehe)


KONKLUSYON: Hay ang tao nga naman walang kasiyahan talaga, kaya nga ako sana di na lang ako nakapagtrabaho, kasi ngayon wala na akong time mag blog ng araw-araw, maglaro sa facebook tulad ng farm town, restaurant city, farmville, scramble, bejeweled blitz, mag friendster, magsurf sa ibang blog at manood ng mga teleserye sa TFC... kakainis sagabal ang magtrabaho pala hehehe (oooppps joke lang baka bawiin, e sayang naman ang paghihinagpis ko noon hehehe).


LARAWAN: Ang larawan na nasa itaas ay kuha ko. Namimiss ko na ang Hawaii ngayong nasa Japan na ako, pero noong nasa Hawaii ako gusto kong maglaro ng snow at makarating ng Japan. Ngayon narating ko na ang mga ito gusto ko nang bumalik ng Pilipinas, waaaaaaaaaaaaaaaa, iba pa rin ang sariling bansa....bow!




Tuesday, November 3, 2009

HULA SCOOP: Magbasa ng Nakakatawa Para Sumaya Ka


HULA: Magbasa ng nakakatawa ngayon para sumaya ka naman. Mahirap ang laging malungkot at nakatulala lang, lalo kang tatanda. Huwag mong isipin masyado yun, mahal ka rin nun! hehehe

SCOOP: Kapag ganitong nalulungkot ako dahil sa nadagdagan na naman ang taon sa edad ko kailangan na paminsan-minsan ay gumaan ang pakiramdam ko kaya binabalikan ko na lang ang mga sinipi kong mga jokes para tumawa uli ako at kahit paano maging feeling bata uli ako hehehe. Eto ibabahagi ko sa inyo ang mga sinipi ko na mga Manny Pacquaio at Aling Dionisia jokes dahil sa nalalapit na laban ni Pacman (idol ng asawa ko eh pinagpapalit ang hulascoop ko sa Pacland hehehe). Pasensiya na at wala akong maisip na hula, medyo mahina ang signal ko ngayon kasi nahaharang na yata ng mga snow na unti-unti ng bumababa dito hehehe.


DYOKS NI PACMAN AT ALING DIONISIA (Sikat na talaga siya)

Genie: Bibigyan kita ng isang kahilingan.
Aling Dionisia: Talaga?...gusto ko gumanda!
Genie: Buksan mo ang bote.
Aling Dionisia: At gaganda na ako?
Genie: Hindi. Babalik na lang ako.

************ ********* ***

Pacman: Sabi ng titser ko, bakit daw ang eggplant walang egg?

Aling Dionisia: Sabihon mo sa titser mo, na pag me egg yun, turta na yan, TURTA!

************ ********* ****

Reporter: Ngayonng nanalo ka Manny, anong pasalubong mo kay Jinkee?

Manny: Ibon syempre. Mahilig sya dun e.

Reporter: Ibon? Anong klaseng ibon?

Manny: Yung mga lipstek, pangmik up ba? Basta mga Ibon products! Yo know…

*********** ********* ****


Paano kung si Manny Pacquio ang presidente?
Magpapagawa sya ng school, PACQUIO UNIVERSITY …in short PAC U.
Eh anong tawag sa mga students? Edi PAC-ERS.
************ ********* ****

Dionesia: Doc gusto ko magpalagay ng breast.
Doctor (gulat) magpapasexsi ka na?
Dionesia: Breast sa ngipen ba. Para umayos yun ngepen ko! Deba uso yon?
************ ********* ****


Pacquiao: Wala, talo ka na kahit anung gawin mo.
Hatton: Pagandahan na lang tayo ng nanay!
Pacquiao: Ah! Wala namang ganyanan. I mean you know…
************ ********* ****

Aling Dionisia: Inday, akina nga yung seeds ko.
Inday: Bakit po magtatanim po ba kayo?
Aling Dionisia: Anung magtatanim sinasabi mo? Nasisilaw ang mata ko kaya kailangan ko yung seeds.

---------------------------------------------------------------------

GOOD LUCK Manny sa laban mo! Manny, Manny!


LARAWAN: Walang kaugnayan ang hula ko dito...you know (hahaha eto na pala ang expression ni Manny LOL) natawa lang ako sa ingles ng nakasulat kaya kinodak ko ito, baka lang kayo matawa....hehehe