Wednesday, December 9, 2009
HULA SCOOP: Huwag mong balewalain ang mga bagay na binabalewala mo lang
HULA: Huwag mong balewalain ang mga bagay na binabalewala mo lang. Kahit pa ang mga gawain mong ginagawa sa araw-araw ay huwag mong tangkaing isumpa o kalimutan lalo na ang pagkain sa iyong hapag kainan. Dahil balang araw, malalaman mo rin kung bakit.... bakit! Hmmm bakit nga??
SCOOP: Kapag pala napalayo ka sa iyong bansa ang mga bagay na nasa harapan mo lang dati na binalewala mo ay nagiging napakahalaga nito kapag wala na sa paningin mo. Maging ang mga ginagawa mo dati at mga taong nasa tabi mo lang ay hahanap-hanapin mo talaga. Bakit kaya ganun? Pero kapag nandiyan naman binabalewala mo lang. Hay ang tao talaga walang kasiyahan sa buhay.
~~~~~~~~~~~~~~~~~~~~~~~~~~~~~~~~~~~~~~~~~~~
Isa sa mga di ko pwedeng kalimutan o balewalain ay ang ulam ng Pinoy, at siyempre ito ang peborit ng halos lahat, ang sinigang na baboy! Ano naman kinalaman nito sa hula ko?? Oo nga ano??? Hmmm isip-isip....kasi sa Pilipinas kapag sinigang na baboy ang ulam dapat ang mga sangkap ay tama rin. Anu-ano ba ang mga sangkap nito?
MGA SANGKAP NG SINIGANG
*baboy na kakakatay lang (liempo o ribs)
*sitaw
*kangkong
*sili
*kamatis
*sibuyas
*gabi
labanos
sampalok o tamarind soup base powder mix
optional:
okra
talong
sawsawan:
patis na may sili, bahala na kayo sa diskarte
Note:
* puro sariwa
Noong nasa Pilipinas pa ako (wag kayong mag-alala babalik ako sa bansa natin para magretire pag marami ng ipon na pera hehehe), kailangan tama ang mga sangkap kasi kung ang kangkong ay pinalitan mo ng pechay, ang sitaw pinalitan mo ng baguio beans at ang gabi pinalitan mo ng patatas hindi na ito sinigang, nilaga na yun! nilaga! hehehe pero kung ang lasa ay maasim pa rin, nilagang sinigang ang kakalabasan nito hehehe.
Dito sa Hilagang Japan (Northern Japan) kung saan ako napadpad ngayon (sa ayaw at sa gusto ko huhuhu) ay napakahirap makahanap ng kangkong at sitaw. Mayroon man pero mangilan-ngilan at kapag nakita ng mga kapwa ko Pinoy ang kangkong, bibilhin lahat ang mga ito, di man lang magtira sa iba na katulad kong sabik sa kangkong.Tapos gagawin lang nilang adobong kangkong. So kailangan talaga may nakalaan kang ipapalit sa mga sangkap ng sinigang dahil kundi mamumuti ang mata mo kakahintay. Ang sitaw naman, malabo talagang makabili isang beses palang akong nakakita dito sa loob ng isa't kalahating taon, binilhan lang ako ng kaibigan ko pa.
Ngayon nararamdaman ko na kung paano ko nilait ang pinsan ko nang minsan nagluto siya ng sinigang na ang sangkap ay cabbage baguio at baguio beans (hmmm pero di naman siya taga Baguio hehehe) at sinabihan ko siya ng "ang sarap naman ng nilaga mo" hehehe....sabi niya sa kin, sinigang yan no hmmp!....ayun napahiya na naman ako at pero mas lalo naman siya no hehehe.
Ngayon ito na ang sangkap ko sa sinigang:
BAGONG SANGKAP NG SINIGANG SA AMING LUGAR SA JAPAN
frozen baboy (liempo o ribs o neck bone)
baguio beans o bichuelas (sa tagalog) o green beans sa US
spinach na dapat kangkong (pampalakas naman ito no sabi ni Popeye)
*Japanese sweet chili pepper, sariwa(mahabang sili pero walang kaanghang-anghang, sweet nga no)
*kamatis, sariwa
sibuyas, sariwa
*gabi
sampalok tamarind soup base powder mix
optional: (depende kung mahal na ang mga ito)
labanos
*okra
talong
note:
*magiging frozen na ang mga ito ngayong winter kasi nag imbak na ako ng mga kamatis at sili sa freezer dahil pag winter dito ginto na ang presyo ng kamatis nasa $2 na ang isang piraso at yun sili wala ka ng makikita as in wala, yun gabi naman may nabibili ng frozen na hubad na gabi, balat na kasi eh hehehe
Waaaaaa kakainis mabuti pa sa America (sa California at Hawaii kung saan ako napatira ng ilang taon, kahit nga sa Alaska na nag-iisnow kung saan galing ang friend ko meron din nga e) halos lahat ng gulay sa atin meron doon para kang nasa Pilipinas na. May kangkong, sitaw, bataw, patani, kundol, patola, upo't kalabasa at saka meron pa labanos, mustasa, sibuyas, kamatis bawang at luya, sa paligid-ligid ay puno ng linga. ...lalalalalala kumanta na hehehe. Teka nakahalata yata ako ahhh bakit walang kangkong sa "bahay kubo" na kanta??? Hmmm di pwede yun walang kangkong kung walang sinigang....at walang sinigang kung walang kangkong!!! Wala rin baguio beans, gabi at sili!! Sino ba composer nun??? Siguro di kumakain ng sinigang yun??? Di ba?? Ano sa palagay niyo? Di kayo mapalagay? Ako rin eh.
LARAWAN: Luto ko, tara kain na tayo! Sinigang with spinach and green beans hehehe
Monday, September 28, 2009
HULA SCOOP: Ano Mang Bagyong Dumating Sa Inyo
-----------------------------------------------------------------------------------
Wednesday, April 29, 2009
HULA SCOOP: Pahalagahan Mo ang Bawat Oras Sa Iyong Buhay
HULA: Pahalagahan mo ang bawat oras sa iyong buhay, batbat man ito ng kahirapan o puspos ng pagpapala, ang mahalaga…wag kang makikisawsaw sa buhay ng iba.
SCOOP: Atin munang balikan ang mga salitang ginamit ko at ang kahulugan ko nito.
KAHULUGAN KO: (walang kokontra)
Batbat-palo-palo (you know when you play baseball, you use the "bat" like palu-palo)
Puspos-tulak-tulak (push is tulak so puspos is tulak-tulak, "_alf kapampangan ako kaya wala yun "h" ng push)
Sawsaw-dip-dip (wala lang gusto ko dip dip eh)
Marahil napansin ninyo ang mga ginamit kong mga salita, ang paksa natin ngayon ay ang mga inulit-ulit na salita, slang man o hindi. Narito ang mga salita na ginagamit sa pagluluto.
PAGLULUTO:
Pakpak
Pukpok
Dikdik
Tadtad
Gadgad
Budbod
Dagdag
Sawsaw
Pitpit
Sapsap
Halimbawa: handa sa hapunan
PINUKPOK NA PAKPAK NG MANOK RECIPE
1. Linisin maigi ang pakpak (wag papabigkas sa mga "kano" ang salitang ito, mag-iiba ang kahulugan) ng manok, tanggalin ang dulo nito para maalis ang lansa
2. Ipukpok ng malaking kutsilyo kung kinakailangan.
3. Magdikdik ng bawang
4. Magtadtad ng sibuyas.
5. Maggadgad ng niyog
6. Ilagay ang mga pakpak ng manok sa kaldero.
7. Ibudbod ang dinikdik na bawang at tinadtad na sibuyas sa kalderong may manok.
8. Magdagdag ng asin, paminta at suka.
9. Himasin este Lamasin maige ang ginadgad ng niyog at lagyan ng tubig.
10. Pitpitin ito hanggang kumatas ang gata.
11. Ibuhos ang gata sa manok at pakuluan.
Ayan, may ginataang manok na kayo na ginamitan ng dinoble-dobleng salita recipe hehehe….ternuhan natin ng….
PRITONG SAPSAP
Mga sangkap
Teka nakakahalata na ako ahhh, marunong naman kayong magprito di ba?? ok tapusin na natin ito.....TAPOS na! hehehe
PANUTO: Wala akong larawan ng pinitpit na manok kaya, "laslas" na itlog at "bilbil" ng manok ang nailagay ko na lang. At least dinoble na salita pa rin hehehe....pinilipit ko nga lang ang mga pangalan nito hehehe.
PAHABOL: Hindi ko pa tinangkang lutuin ang recipe na yan, patnubay ng "kaalaman" ang kailangan at gamot na diatabs ay huwag kakalimutan.
Thursday, January 8, 2009
HULA SCOOP: Magkakatampuhan kayo

HULA: Magkakatampuhan kayo ng mahal mo sa buhay, matutong manuyo sa kanila….huwag hayaan silang mabasa…..ng luha.
SCOOP: Kapag nagkakagalit kayo ng inyong asawa o kaibigan man kailangan at the end of the day ay magkabati na kayo….at para makabawi sa mga oras na nagkatampuhan dapat lang na suyuin nyo sila ng masarap na pagkain, sabi nga the way through a man’s heart is through his puson este tiyan. Narito ang mainam na iluto sa inyong mahal sa buhay, sigurado ko…mapapadalas ang away nyo, para maulit mo lang ang lutong ito hehehe
Binulatlat na tahong
Sangkap:
Isang dakmang tahong
Isang mahaba at matabang talong
Whipped cream
1. Hugasan maigi ang tahong, tanggalin ang mga buhok buhok nito.
2. Kapag di matanggal ang mga buhok, kuskosin ito ng maige ng brush.
3. Kapag malinis na ang tahong, painitan ito.
4. Kapag mainit na ang tahong, kusa na itong bubuka
5. Hayaan pang mag-init ang tahong at lalong bubuka ito.
6. Kapag nakabuka na ang tahong, bulatlatin maige at lagyan ng whipped cream sa gitna.
7. Isantabi muna ang tahong
8. Kunin ang talong at painitin ito, habang pinapainit ito ay maaari pa kayong manood ng tv
9. Kapag mainit na ang talong maari na itong ipasok sa tahong.
Servings suggestion: Good for two people
Ang unit of measurement ay hindi naibigay sa dahilan mahirap tantiyahin ang panlasa ng bawat isa kaya hayaan nyo kayo mismo ang makadiskubre ng ikasasarap ng luto nyo.
