Showing posts with label kanta. Show all posts
Showing posts with label kanta. Show all posts

Sunday, November 22, 2009

HULA SCOOP: Magmamahal Ka Ng Lihim

Taglagas na dito sa Japan


HULA: Magmamahal ka ng lihim sa isang taong lagi mong nakikita, mag-ingat ka baka ka mabulag ng iyong paghanga.

SCOOP: Talaga ngang nakakabulag ang humanga sa isang tao lalo na kung iba ang lakas ng dating sa iyo, nandito ang isang liham mula sa isa sa aking masugid na tagasubaybay. Kayo na ang humusga. Love can move grammar hehehe ano ba yan.

~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~


Dear Sards,

I know your blog is so popular now a weeks, months, or years especially to the people of blogosfir. And maybe you are strong to back out me with Papa Piolo. I’m so in lab with him, his eyes, his look, his ear ( I only like his right ear), his black, his 6 puck ab… , "you know" what I meant and that made him very sex appeal to me. I saw him here in personal but I was in disappointed. Here’s my letter I hope you understood why I’m mad at him but don’t correct me I still love him.

Its’ mhee
Duh-na

Letter:

Papa Piolo,

You always snob me, you know that
Heller, I’m not there, stupidly waiting and still hoping for your love.
Are you blind, even your blind you will look to me.
I know your blind, I’m not moving
I’m waiting always not now but maybe someday you will page me to find me
Somewhere down the road, me and you, you and me

My heart is pulpitating like cow and yours is tibuking like mine.

I hope, there’s something happen, why not now
I wish you can love me somewhere in time
You know nothing, that I’m here, waiting like punching to the moon

In the future I will have a nytmare nightmer nightmeyr dream that you will love me
I told you, you will love me.
Maybe today, next week, or next year not now bullet day you know it will come.

Your fan
Duh-na

PS: Please pardon my French fries I meant my english muffin, I can’t utter words to say how much I love Piolo so I copied one of my pinoy songs and converted it to english, you know it’s like transformer from 110V to 220V or vis verse. I bet I’m better in english than in tagalog when it comes to writing penpals. I hope you like it and post it to your frends in your hulascoop.

Finally yours
Duhna


My reply:


Dear Duhna,


The!!!…..duh!!!


Sards

~~~~~~~~~~~~~~~~~~~~~~~~~~~~~~~~~~~~~~~~~~~~~~~~

PAUNAWA: Yun sulat iningles lang yun isang kanta, ano kayang kanta yun? Eto yun video, bahala na kayo. Basahin nyo yun sulat uli habang pini play nyo itong kanta hehehe


Wednesday, September 2, 2009

HULA SCOOP: Maaalala Mo Kung Anu-anong Bagay Ang Mga Nangyari Sa'yo


HULA: Maaalala mo kung anu-anong mga bagay ang mga nangyari sa'yo nang nagdaang taon. Hayaan mong sariwain mo ang mga matatamis mong mga nakaraan, maaaring makapagpakilig sa iyo at ganahan ka sa araw na ito. Kung anong gana, di ko alam kung saan, bahala ka na do'n.

SCOOP: Minsan habang lulan ka ng sasakyan at binabagtas mo ang kahabaan ng daan ay marami kang naiisip at naaalala mo ang mga nakaraan na nakapagpabago sa'yo ngayon (kagaya na lang ng nasa larawan, naks naisingit din hehehe). Naalala ko tuloy itong napulot ko, isang diary notes, isang babae na isinulat ang lahat ng nilalaman ng kanyang puso.....ang problema may pagka forgetful siya at naiwan niya sa upuan sa isang restaurant, kaya eto binabahagi ko sa inyo. Ssssh wag niyong ipagkakalat ha, atin-atin lang to hehehe.

~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~

Dear Diary......(tililing tilling may kuliling)

June 1, 2008

Huwag mong hayaang mawala
at huwag mong hahayaang makaalis, alam ko ito at dapat lang na malaman ko
alam mo naman kung saan lumalabas ang galing ko......

June 23, 2008

Minsan pag nagdidikit ang ating mga katawan
Nababasa ako sa'yo....para ka kasing isang malawak na karagatan
Mabuti na lang nahuhugot mo sa takdang oras
huwag mo ako hayaang malunod at patuloy na pumaibaba sa'yo, dahil sa'yo kaya nasasabi ko ang lahat ng 'to

July 6, 2008

Eto nandito na naman ako nawawala sa sariling bait
Lagi na lang binabanggit ang pangalan mo, gusto ko kasi maipamukha sa'yo
na hindi naman tama na tumitig lang sa'yo
at hayaan isipin na ang lahat ng mga bagay......ay ikaw ang lahat ng mga yun


July 31, 2008

Kung anuman ang masabi at lumabas sa aking bibig
Dapat ngang sabihin ko na sa'yo kung bakit,,,,,uulit- ulitin kong sasabin ang katotohanan na....
sabihin mo sa akin na dito ka na lang lumagi.
Huwag ka naman labas masok lang na lagi mong ginagawa, minsan naman umindayog ka ng kagaya ng ginagawa ko
Oohh- ohh gusto kong malaman ang lahat sa'yo
Walang gamot dito at walang katiyakan kung kailan
Na ang lahat ay bigla na lang nagbago, lumabas lahat
Nagbigay tuloy sa akin ng pagdududa nakakapagod din

Parang wala na akong gana nagtatalo na ngayon ang ulo at puso ko
Wala na rin akong katuwiran, nawasak na
At ngayon naging maasim na ang lahat
Na dating matamis kada hapon

Sabihin mo naman ng mag-iistay ka, huwag naman na basta ka na lang papasok at lalabas......


September 2, 2009 (ngayon)

Sards; Ano kailangan ko pa bang ituloy? Wala na po tapos na, kasi Sept 2, 2009 na ngayon hehehe. Kailangan ko pa bang sabihin sa inyo na tinagalog ko lang po ang lyrics ng "sway" na kinanta ni Bic Runga, na kinanta rin ng MYMP na theme song ng American Pie??? hehehe kung di ninyo alam yun kanta na yan, eto baka mapa indak ka pa hehehe.....at baka kantahin nyo na rin yan sa karaoke ninyo hehehe.


Friday, February 13, 2009

HULA SCOOP: Masaya ka sa Araw ng mga Puso








HULA: Masaya ang araw mo ngayon at bukas. Makakatanggap ka ng isang regalo na alam ko namang inaasahan mo na darating.


SCOOP: Dahil bukas ay araw ng mga puso kaya malamang talagang makakatanggap ka ng regalo sa iyong “babes, ” "waswit," “honey, ” “mahal," "mokong" o "damuho" man. Masaya ka ngayon kasi sabik ka na rin kung ano ang matatanggap mong regalo bukas.


Wala akong maisip na iregalo sa aking honey kaya ako’y gumawa na lang ng love letter, matagal-tagal na rin akong di nagbigay nito sa aking asawa. Kaya paki check lang po kung ok ba ito, alam kong corny kasi tagalog na tagalog pero ok lang yun, "ang nagmamahalan daw ay talagang corny" hehehe. Paki iwan po ang inyong "puna."



AKING VAL,


Wala mang mamutawing mga salita

At ang pagkakataong makapangusap ay wala

Maririnig pa rin kita


Kung wala mang mga luha

Ang maramdaman sa loob man ay wala

May damdamin pa rin ako sa’yo


Kahit man ang araw ay sumuko nang magliwanag

Kahit pa ang paglalambingan ay di na tugma

Ang puso ko pa rin ay sa'yo lamang

Hanggang matapos ang kailanman

Ikaw ang tangi kong kailangan

Aking mahal, aking Val


Sa aking buong buhay

Ikaw lang ang aking hinihintay

At lahat ng iyon ay ‘yong ibinigay

Minulat mo ang aking mga mata

At tinuro mo sa akin kung pa'no maging mapagbigay sa pagmamahal


Pinangarap ko ang ganitong pagkakataon maka ilang libong beses na

Maging sa aking panaginip ang lubusang mahalin ka ay di ko magawa

Ibibigay ko sa’yo ang aking puso

Hanggang matapos ang kailanman

Aking mahal, Aking Val



Martina


PS:

La da da

Da da da da


~~~~~~~~~~~~~~~~~~~~~~~~~~~~~~~~~~~~~~~~~~~~~~~~~


PANUTO: Syanga po pala ang tunay na pangalan ni Val ay Valentine kaya paki palitan na lang ang pangalan na Val sa Valentine at pakisalin sa ingles….presto may lyrics ka na ng kantang “My Valentine” by Martina Mcbride hehehe


PAUNAWA: Wala po akong blog sa araw ng mga puso dahil kami po ay magba blog-blog-an muna kung anuman ang ibig sabihin ng “blog-blogan” ay sa akin na lang yan huwag nyo nang alamin pa, malay n'yo....malay ko rin hehehe.


PASALAMAT: Ako po ay nagkaroon ng inspirasyon na isalin ang kantang ito dahil sa nabasa kong blog mula kay Mr.Thoughtskoto, sana lang mathought moko este makilala mo ako hehehe.


Salamat na rin sa nag upload ng video na ito galing kay cha20



Wednesday, February 11, 2009

HULA SCOOP: Huwag Malungkot Kapag May Problema


HULA: Huwag malungkot ngayon, kung may problema ka man idaan mo na lang sa pakikinig ng awit o kaya ikaw na lang ang umawit para ang makakakinig naman ang magkaproblema kung paano ka patitigilin.

SCOOP: Narito ang ginawa kong salin ng title ng english songs sa tagalog, mga title ng kanta na pwede nyong kantahin at para sa mga hindi nakakaunawa ng ingles, alam ko marami nang naglipana na katulad nito…sensiya na tao lang pero ang saling ito ay binuhos at piniga ko pa upang mapaganda lamang alang alang sa mga tagapagtangkilik kong lagi na lang nagtatago.

~~~~~~~~~~~~~~~~~~~~~~~~~~~~~~~~~~~~~~~~
Mga Awit sa Ingles na Tinagalog ni Sardonyx:

Break It To Me Gently- Dahan dahanin mong wasakin ako
Can We Start Over Again- Pwedeng Isa Pa?
Crazy For You- Lakas ng tama ko sa’yo
Don’t Give Up On Us- Huwag Mo Kong Ibitin
My Girl- Syota ko
Show Me The Way- Ituro mo ha
Take Me Out of the Dark- Ayoko ng madilim
That’s The Way It Is- Ganun talaga yun
Let’s Get Loud- Tara mag-ingay tayo
It’s Going To Take Sometime- hinay-hinay makatapos
Wake Me Up Before You Go Go- Gisingin mo ko kung tapos ka na
You Can Make It Happen- Kaya mong makatapos
Stairway to Heaven- Byaheng Langit
Hands to Heaven- Mariang Palad
In or Out- Sa loob o sa labas?
I’ll Never Get Over You (Getting Over Me)- Di Kita Mapatungan (laging ikaw ang nakapatong sa kin)
You Got Me Working- Tinrabaho mo ko
You Raise Me Up- Pinatayo mo ang akin
Rise and Fall- Ang pagtirik at ang Panlupaypay

PAUNAWA: Ang larawan na nasa itaas ay "akin" yehey!! Nikon-an ko po yan nang habang kami ay napadaan dito sa bar na ito sa labas lamang ng main gate ng Misawa Air Base, Japan.

Monday, February 9, 2009

HULA SCOOP: Huwag Mawawalan ng Pag-asa sa Pag-ibig


HULA: Huwag kailanman mawawalan ng pag-asa lalo na sa larangan ng pag-ibig mo at ng iyong minamahal. Ipaglaban mo anumang balakid ang humahadlang sa dinaraanan ninyo. Kung patuloy ito sa paghadlang …tumalon na lang kaya kayo?

SCOOP: Narito muli ang isang liham na galing sa isang taong in love, dito niya ipinakita kung paano siya umasa na sila pa rin ng mahal niya sa buhay gaano man ang kahadlangan sa kanila; muli kong ibinabahagi sa inyo ang liham na ito na nagkamali ng padala at sa akin bumagsak:

Dear Sarj

Sa titig palang ng iyong mga mata ay kinilig na ako.

Hay naku lukaret talaga ako pero naantig mo pa rin ang puso ko.

Akala mo pagkatapos ng lahat wala na akong mararamdaman gaya ng dati

Pero grabe lumambot na ang lahat hindi pa rin nagbago ang sa akin.

Umaasa ako na pagdating ng panahon mahal pa rin natin ang isa’t isa

Nanaginip nga ako na nakita natin ang isa’t isa…lam mo na in love pa rin

Araw-araw masaya ako kasama si Joy sa lahat ng paghahanap ko

Alam mo di ako ganun ka desperado
Naku kung may pagkakataon lang nga talagang hahablutin kita ng dalawang kamay ko

Talagang dapat lang na masundan pa ng ikalawang pagkakataon ito kahit na ikasunog ko pa.

Huwag na huwag na wag na wag na wag na wag Babes…. kailangan kita

Naniniwala akong magkakakasama pa rin tayo
Kung maniniwala lang tayo na ang tunay na pag-ibig ay hindi kailanman magwawakas

Kinakailangan din natin na mahalin muli ang isa’t isa

Naniniwala pa rin ako, oo, na balang araw mamahalin pa rin natin ang isa’t isa
Oh Babes oo talagang nanaginip ako na magkakasama pa rin tayo.

Naniniwala pa rin talaga ako, (oo talaga Babes, totoo yan) na balang araw tayo pa rin, bigyan mo lang ako ng pangalawang pagkakataon.

Sabi ko nga sayo na nanaginip ako (namimiss ko ang pagmamahal mo) na magkasama pa rin tayo, (Oo naniniwala pa rin ako) na talagang magmamahalan pa rin tayo Babe balang araw.

Maria Karengkeng

~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~

Dear Maria

Ang masasabi ko lang e……ang hirap! Ang hirap itagalog ng kanta mo grabe! Di ko malagyan ng green hehehe. Pero infernes peborit ko yan kanta mo na yan…kaka in lab! High school days ko yan. I love you Mariahhhhhhhhhhhh!!!!! hehehe

Sards

PAUNAWA: Salamat sa lahat ng tagsubaybay ng hula ko at nagkaron ako ng inspirasyon na makabuo ng panibagong imahinasyon sa larangan ng awit este pambobola sa inyo hehehe…teka alam n’yo ba ang pamagat ng kanta na tinagalog ko? Awit ito ni Mareng Mariah Carey ko??? Hello???

PAHABOL: Ang larawan na aking nilathala ay mula pa sa aking mabait na Kuya siya ang idol ko sa larangan ng photography (hmm ano ba ang tagalong nun?? Hmmm ahh basta photography ok na yun), ki-nanon niya yan (canon-an??) (ni-canon??) hehehe wateber. Pakidalaw na lang ang iba pa niyang mga larawan sa www.flickr.com/photos/ompoint59



Thursday, January 15, 2009

HULA SCOOP: Tanggapin Mo Ang Anumang Balita


HULA: Tanggapin mo ang anumang balitang maririnig mo maging ito man ay masama o mabuti para sa iyo. Hindi lahat ng balita ay maganda kaya kung pangit ang balita e may magagawa ka ba? Magpakatao ka na lang dahil mas mahirap kung ang hayup ang magpapakatao.


SCOOP: Narito ang isang halimbawa ng hindi pagtanggap ng pagkatalo,

ito ay mga text nang dalawang tao, isang manliligaw at nililigawan:

~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~


Amanda,


Kung alam mo lang

Sa puso ko

Ikaw lang naman,

Nag-iisa


Don Romantico,


Una sa lahat

Nais Kong malaman mo

I’m sorry

Ayoko na.

~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~

Sagot ni Don:


Bakit?

Bakit sayo pa?

Di ko kaya

Kapag nawala ka


Sagot ni Amanda:


I feel for you

I know the feeling

Huwag ka nang umiyak

Kaya mo yan

~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~

Don:


Before I let you go…..

Neknek mo!!


Amanda:

Haller!

Hudas!


Don:

Humanda ka!

Amanda:

Baliw!


Don:

Sino ako?

Amanda:

Ikaw lang naman


Don:

Volta !


Amanda:

Feeling Guwapo!


Don:

Wowowee!


Amanda:

Beep beep beep

~~~~~~~~~~~~~~~~~~~~~~~~~~~~~~~~~~~~~~~~~~~~~~

PAUNAWA: Ang mga nabanggit na text message ay actually mga kanta na nakuha sa magic sing song list ko, tagalog chip #7 yan kung wala kayo niyan bili na hehehe.


Song Numbers:


Amanda - 3071

Kung alam mo lang - 3370

Sa puso ko - 3310

Ikaw lang naman, - 3483

Nag-iisa - 3309

Don Romantico - 3470

Una sa lahat - 3437

Nais Kong malaman mo - 3072

I’m sorry - 3063

Ayoko na. - 3128

Bakit? - 3153

Bakit sayo pa? - 3364

Di ko kaya - 3122

Kapag nawala ka - 3421

I feel for you - 3089

I know the feeling - 3436

Huwag ka nang umiyak - 3451

Kaya mo yan - 3177

Before I let you go….. - 3140

Neknek mo!! - 3234

Haller! - 3029

Hudas! - 3047

Humanda ka! - 3381

Baliw! - 3450

Sino ako? - 3187

Ikaw lang naman - 3483

Volta ! - 3014

Feeling Guwapo! - 3435

Wowowee! - 3236

Beep beep beep - 3488


Note: Ang larawang ito ay wala pa ring kinalaman sa hula ko, feel ko lang ilagay ang mga kuha ko nang nasa Hawaii pa ako. Baka lang may magtanong, kuha ito sa Ala Moana Beach Park, Waikiki, Hawaii. Ang gamit kong camera ay pipitsuging sony touch screen LCD lang po at hindi po DSLR.

Saturday, December 13, 2008

Hula Scoop: Maaalala Mo Ang Iyong Kaibigan

HULA: Muli mong babalikan at sasariwain ang mga nakalipas sa iyong buhay isa na dito ang dati mong pinagsamahan sa iyong kaibigan.

SCOOP: Iniaalay ko ang tulang ito sa mga magkakaibigan na nawalay na ng tuluyan dahil sa di maipaliwanang na kadahilanan. Nawa’y maalala niyo pa ang inyong minsang naging kaibigan na matalik.



NOONG UNANG PANAHON

Kailangan bang limutin ang dating samahan?
At di na muling gunitain sa ating isipan
Kailangan bang limutin ang ating pagkakaibigan
Sa panahong sa ati’y lumipas at nagdaan

Sa panahong nagdaan, my dear
Sa panahong yaon
Ating pagsaluhan sa isang tasa ang ating magandang nakaraan
Para sa ating pinagsamahan

Malamang bibili ka pa ng isang tasa na takalan
At sinisiguro ko na bibili rin ako ng para sa akin
At muli tayong magtatagayan
Dahil sa ating pinagsamahan

Tayong dalawa noon ay tumatakbo sa gulod
Namimitas ng mga daisy pa noon
Marami tayong nalibot kahit na pagod na ang ating mga paa
Noon tayo pa ay nagsasama

Tayo rin ay nagsagwan sa isang batis
Mula umaga hanggang hapon
Kahit ang lawak ng karagatan ay umangal sa atin
Noon tayo ay nagsasama pa

At may isang kamay, aking kaibigan
Ilalagay mo ang iyong kamay din
At tayo ng…..magtatagay, toma na!!
Noon panahong nakalipas na.


TANONG: ano ang title ng kanta na ito na tinagalog ko sa tulang ito?? 20 points! hehehe

SAGOT: Sige na nga, eto na ang sagot alam ko namang walang magrereply hehehe, AULD LANG SYNE ang english version po nito.

Friday, December 12, 2008

HULA SCOOP: Makakaraos Ka Sa Iyong Mahal

HULA: Ang dating mahal mo sa buhay ay muli kang babalikan pero huli na ang lahat….nakaraos ka na….sa kanyang pagmamahal. Huwag mo na syang hayaang makapasok pa sayo.

SCOOP: Narito ang isang halimbawa ng paghihinagpis sa buhay iniaalay ko ito sa aking kaibigan.


MAKAKARAOS AKO

Sa simula natakot ako
Sobrang takot
Iniisip ko hindi ako mabubuhay
Nang wala ka sa tabi ko

Pero nakaraos ako ng maraming gabi
At inisip ko kung anong nagawa mong kasalanan sa kin
Naging malakas ako
Nakaya kong buhatin sarili ko


At ngayon bumalik ka
Mula kung saan lupalop
Pumasok ako at nakita kita
Na nakabusangot ang mukha
Dapat pinalitan ko na lang yun bwiset na kandado
At pinaiwan ko na lang sana ang iyong susi
Kung alam ko lang na sa isang kisap mata
Na babalik ka para lang ako guluhin


Hay naku, lumayas ka!
Bumalik ka na sa pinaggalingan mo
Di ka na pwede dito
Di ba sinaktan mo ako nang magpaalam ka
Akala mo magwawala ako
Akala mo magkikikisay ako sa sahig na parang mamamatay
Hoy hindi no, hindi ako yun!

Makakaraos ako
Hangga’t alam ko umibig
Alam kong mabubuhay ako
Nasa akin na ang buhay para mabuhay
Nasa akin na ang lahat ng pag-ibig para ibigay
At mabubuhay ako

Makakaraos ako
Kinailangan ko ang lakas para lang ako wag mag gutay gutay
Nagsikap akong buuin ang pira piraso kong puso
At maraming gabi ang ginugol ko
Para lang kaawaan ang sarili ko

Dati umiiyak pa ako
Ngayon taas noo na ako
At makikita mo akong isang taong bago
Hindi ako batang nakatali pa rin sa pag-ibig mo

Pakiramdam mo makakabalik ka
At inaasahan mong ako’y magiging malaya
Ngayon iipunin ko na ang pagmamahal ko
Sa taong mamahalin ako.

PAUNAWA: Pasensiya na tinagalog ko lang naman ang kantang “I will survive” na kalimitang kinakanta sa karaoke o magic sing sana nagustuhan ninyo ang tagalog version ko.