Showing posts with label idioms. Show all posts
Showing posts with label idioms. Show all posts

Wednesday, May 11, 2011

HULA SCOOP: Bigyan Mo Ng Pagpapahalaga Ang Naging Bahagi Na Ng Buhay Mo

Kay Selyo...ay Ang Selyo pala hehehe


HULA: Bigyan mo ng pagpapahalaga ang naging bahagi na ng buhay mo. Huwag maging "ningas-kugon." Ano o sino pa man ito patuloy mong pahalagahan ang mga ito, ang mahalaga talaga ay importante....hehehe

SCOOP: Ano at sino nga ba ang mahalaga sa buhay natin, na minsan nakakaligtaan na natin dahil mayroon na tayong bagong pinapahalagahan, na hanggang sa simula lang at hindi na natin natatapos?

-------------------------------------
Teka bago tayo magsimula e hayaan nyo munang ipaliwanag ko ang binanggit kong idiom, para may matutunan naman kayo dito sa hulascoop ko, naks naman hehehe:

Kahulugan ko:
"ningas-kugon"-
ningas- apoy
kugon- uri ng damo? (tama ba?)

-siguro madaling mag-apoy kaya sa simula lang maningas tapos pag upos na e di wala na...hmmmp syempre wala ng ililiyab di ba e ubos na nga e? di ko alam kung saan nanggaling ang idiom na ito pero ang tanda ko lang, namana natin ito sa mga kastilaloy hehehe....at pati na rin ang pag-uugali na yan

O sige na nga hayaan ko naman kayong mag-isip ng kahulugan niyo, eto na ang aking topic......

MGA NASIMULAN KO NA HINDI KO MATAPOS-TAPOS

1. Natuto akong mag gitara ng maliit pa ako, pero hanggang basic na chords na lang na A, B, C, D, E, F, G ang natutunan ko wala na kasing H kaya hindi ko na rin tinapos ang pag-aaral ko, kung yun ngang chords e hanggang G lang e bakit ko pa tatapusin ng hanggang Z, di va?

2. Noong nasa mataas na paaralan na ako, mahilig akong mag-ipon ng mga selyo naging pangulo pa ako ng Philatelic Society Club sa aming paaralan. Iningatan ko ang mga ito, inisa-isa kong balutan ang bawat isang selyo para hind madumihan o masira ang perforation o mga ngipin ng mga ito. Hanggang ngayon marami pa rin akong mga selyo na dinala ko pa dito sa US pero wala ng balot, mga hubad na silang lahat hehehe.

3. Noong nasa mataas na paaralan pa rin ako, naging miyembro din ako ng rondalla, tumutugtog ako ng bandurya noon, pero ngayon iba na ang tinutugtog ko....pinipindot ko na lang ang ipod o iphone ko at may tumutunog na rin naman hehehe at hindi pa ako nagkakalyo.

4. Noon nasa college ako, gusto kong matutong tumugtog ng piano, ang problema wala kaming pambili ng piano hehehe. Natuto rin ako ng kaunti sa pamamagitan ng aking matalik na kaibigan pero nakikigamit lang ako ng piano sa kanila hehehe, ngayon may electronic organ naman kami pero di ko na rin tinutugtog....ibang organ kasi ang gusto ko sana......hmmm bamboo organ sana no! hahaha

5. Noong unang dating ko sa US, sa sobrang pangungulila ko, natuto akong manahi ng "cross-stitch" pero ang nagawa ko ay simpleng si "tweety" lang, di ko na kinaya ang mga mala anghel na mga disenyo .......hay hanggang tweeter na lang yata ako talaga hehehe....tweet na lang ng tweet

6. Noong napunta kami sa Hawaii, bumili naman ako ng ukulele( tamang bigkas ayon sa mga taga Hawaii ay: u as "uu" sagot ng mga nagtitext kung oo o hindi ang tanong, ku-le-le ang "u" ay hindi binibigkas na you, kuha mo? hahaha

7. At nitong wala na akong trabaho, naisipan kong gumawa ng blog...ayun sinipag magpost, dalawang blog pa ang nilikha, nanalo ng top 10 sa PEBA 2009 lalong sinipag magpost, pero ngayon halos isa sa isang buwan na lang ako magpost ng blog.....wala na kasing nagcocomment sa post ko e hahaha, nagsawa na sa hula ko, corny kasi e hehehe.

Bakit kaya ako ningas kugon? Y??

Eto pa, nagtayo ako ng resto ko, pero nagsawa din ako, napabayaan ko na rin.....bumili rin ako ng ekta-ektaryang lupain para ipabungkal sa mga magsasaka para makatulong sa paglago ng kanilang sakahan pero.... iniwanan ko rin at ngayon balak kong maging mayor, kakayanin ko kaya??? Hay grabe kaka adik talaga ang mga larong yan sa Facebook! Na adik kasi ako sa Farmville, Farmtown, Restaurant City at ngayon eto inuumpisahan ko na ang Cityville. Kuha mo?? Kung hindi, manood ka na lang ng 100 days to heaven ng channel 2 hahaha, yan kasi ang bukang bibig ng bida e lol.

Ang iniisip ko lang, siguro pwede ko pang ipagpatuloy ang mga nabinbin kong mga paglilibangan sana, kundi lang dahil kay Mark Zuckerberg, kung bakit naimbento pa niya itong facebook ngayon adik na adik na halos lahat ng mga tao at isa na ako doon. Kahit yata ang mga may-ari ng mga pagawaan ng mga kamera ay lumakas dahil kakafacebook ng mga tao, post ng picture dito, post doon. Punta sa party o gumala kung saan post ng pictures uli hehehe....parang ako hehehe

Hay, nagpapasalamat pa rin ako dahil sa facebook, nalilimutan ko ang pangungulila at lungkot ko lalo na kung maghapon ka lang sa bahay....kung walang facebook.....baka masira ang ulo ko kakabilang ng mga langgam na gumagapang sa dingding namin hehehe....kuha mo??

Wednesday, June 10, 2009

HULA SCOOP: Huwag Piliting Baguhin Ang Mga Nakaraan Mo


HULA: Huwag mong piliting baguhin ang mga nakaraan mo, pero kung mapilit ka sige gawin mo na gusto mo, bahala ka hehehe.

SCOOP: Parang gusto ko uling talakayin ang mga sawikain natin, kung anuman ang kaugnayan nito sa hula ay akin na lang yun. May mga sawikain o idioms tayo na tila hindi na angkop sa ating henerasyon na unti-unting binabago ng mga tao ang kahulugan nito o ang iba ay unti-unti ng hindi nagagamit at minsan iba na ang pakahulugan ng mga tao. Narito ang ilan.

1. Noon-sampid bakod (nakikitira)
Ngayon-sampid (nakikitira pero wala ng bakod yun bahay hehehe)

2. Noon-Nagbibilang ng poste-(walang trabaho) madalang pa poste noon kaya ngayon iba na
Ngayon- ...."nagbibilang ng tuhod" (ayaw na talagang magtrabaho, kinareer na, tambay sa kanto, binibilang ang mga nagdadaang tuhod hehehe)

3. Noon- makati ang paa (mahilig gumala)
Ngayon- makati (mahilig gumala para humanap ng kapakner at ng maibsan ang kati hehehe)

4. Noon- makapal ang palad (masipag)
Ngayon- mariang palad ay hindi pala hehehe 'makapal ang palad' pa rin pero iba na ang kahulugan ( may kalyo sa kaka...sulat?? basta may kalyo di ko lang alam kung bakit hehehe, baka nga masipag kaka....salin ng tubig?? ewan)

5. Noon- matigas ang leeg (mapagmataas)
Ngayon- matigas ang "ano"(maraming kahulugan ang ano,bahala na kayo, pwedeng matigas ang loob o kaya matigas ang tuhod, kahit anong matigas pwede hehehe)

PAUNAWA: Ang mga nabanggit na sawikain noon ay pawang totoong kahulugan ngunit huwag maniwala sa sawikain "ngayon" gawa-gawa lang yan ng taong walang magawa.....ako hehehe.

UKOL SA LARAWAN: Ang larawan ay kuha ko sa isang city dito sa Japan, sa Sendai. Wala lang, gusto ko lang ishare yun pangalan ng store, akala ko kasi mali spelling hehehe (bakit ba ako nakikialam sa mga Hapon? hehehe).

PAHABOL:

Sa mga di pa nakakabasa ng blog entry ko sa PEBA, paki click lang po ito.

Pag nagustuhan ninyo, pakiboto na rin po ako. Paki click ito o yun logo ng PEBA na nasa right side bar.


Muli po ang taos puso kong pasasalamat sa mga bumoto, at sa mga nag-aalanganing bumoto, sa mga ayaw bumoto at sa walang time na bumoto, ok lang po, salamat na rin po.

Monday, May 4, 2009

HULA SCOOP: Mapapangiti Ka Kahit Walang Dahilan




HULA: Mapapangiti ka kahit walang dahilan, siguro may biglang pumasok sa isip mo.....ang iyong di makalimutang nakaraan.

SCOOP: Minsan may mga pagkakataon na bigla na lang tayong napapangiti kahit wala tayong kausap, kasi bigla na lang sumagi sa isipan mo ang mga di mo makalimutang nakaraan sa buhay mo na nagpasaya sa'yo o kaya naman may naalala kang crush mo o kaya love mo, di ba totoo yan? Aminin!

Madalas mangyari sa akin ang mapangiti sa sarili na para akong sira ulo at minsan lagi akong nahuhuli ng bunso kong anak. Napapahiya tuloy ako hehehe, lakas pa naman mang-asar ng anak ko....mana sa pinagmanahan hehehe.

Ang huli kong hula ay tungkol sa mga patalastas, malaki talaga ang naging impluwensiya nito sa akin. Pero pag ganyang laban naman ni Pacman, mabubuwiset ka talaga kung puro commercial na ang mapapanood mo hehehe, matagal pa ang commercial kesa sa laban hehehe. Thank you nga pala kay Mr. Thoughtskoto at nakapanood ako ng laban ni Pacman (mabuti walang commercial hehehe)....galing mo!

Balik tayo sa aking kuwento (ting-a-ling-aling -a ling), natatandaan ko pa nang nasa college ako, di sa pagyayabang mabenta ako noon hehehe ikaw ba namang mag-aral sa engineering school na puro lalaki ang mga estudyante kundi ka ba naman pagkaguluhan hehehe (yabang no! hahaha).....pagbigyan n'yo na lang ako, hehehe.....wala kasi silang choice hahaha kaya pinagtiyagaan nila ako. Tatlo lang nga kaming babae sa humigit kumulang na 45 na lalaki sa isang klase, kaya malamang 1:15 ang ratio hahaha....ang haba ng hair ko yata noon ah hahaha.

Narito ang mga baduy na strategy na panliligaw ng iba sa akin at ang paghusga ko sa katauhan nila sa pamamagitan ng sawikain o idioms:

1. Nagpalipad ng papel na eroplano na tamang-tama na lumanding sa akin, binasa ko ang nakalagay, "Can I buy you a royal tru orange?" napatawa ako hahaha, grabe walang originality, ginaya si Joey ng commercial ng royal tru orange as in pareho ang sinulat. Tanda ninyo pa ba ang commercial na yun? Sayang di ko mahanap sa youtube eh.

idiom ko: "mahina ang loob"


2. Nanghiram ng notebook, at sabay kausap sa akin kung taga saan ako. Pagkatapos na makausap ako hindi naman hiniram ang notebook ko, nadenggoy tuloy ako. Pero di pa rin niya nakuha ang phone number ko, ano siya hilo?? hehehe.

idiom ko: "matamis ang dila"

3. Pagsakay ko ng jeep papuntang Cubao bigla na lang may nagbayad sa akin, hindi ko kilala, naku gusto raw akong ihatid sa bahay namin, hindi man lang nagpakilala ang mokong.

idiom ko: "mahangin ang ulo"

4. May sumusulat sa akin lagi, di ko kilala kung sino, ang nakalagay na pangalan, "your secret admirer" Kinilig naman ako hahaha, hay kakainis di pa kasi uso noon ang text

idiom ko: "bahag ang buntot"

5. Hinatid ako, sumakay kami ng jeep mula sa Manila City Hall hanggang bahay namin hindi ako kinausap, tama ba yun? Nanliligaw ba ang lagay na yun?? Hello??

idiom ko: "panis ang laway"

TANONG: Sino ang hula ninyo ang nakatuluyan ko? Kayo naman ang manghula no! hehehe

Eto pala si Joey (RJ Ledesma in real life), maraming series yun RTO na commercials na si Joey ang bida, baka matandaan ninyo siya.



UKOL SA LARAWAN: Ang larawan ay isang halimbawa ng panliligaw....ng kapwa matanda hehehe, dapat pala bibilhan mo ng sorbetes ang liligawan mo hahaha, kasi napapalibutan na sila ng bulaklak. Kuha ko ito sa Hirosaki, Japan ang cherry blossom festival.

Wednesday, March 4, 2009

HULA SCOOP: Ipagmalaki Mo Kung Saan ka Nagmula


HULA: Ipagmalaki mo kung saan ka nagmula, huwag ikahiya. Sabi nga sa idiom, blow your own trumpet….hala iblow nyo na ang inyong trumpet.

Hayaan ninyong isalin ko muna sa ingles ang ilang tagalog na ginamit ko sa hula.

KAHULUGAN KO sa INGLES: (walang kokontra)

Ipagmalaki- make it bigger
Ikahiya- every shy (ika is every; hiya- shy)

SCOOP: Napag-uusapan ang idioms, eto na naman tayo, idioms uli pero ngayon ay ang english version na isasalin sa tagalog…syempre may sarili akong kahulugan (blog ko ito no). Alam naman natin na ang idioms o idiomatic expressions ay ang mga pananalita na iba ang kahulugan sa mismong salita, gets nyo? Kung hindi nyo gets, ask nyo na lang si mareng encarta o kumpareng webster mga kachokaran ko mga yan.

IDIOMS:

Actions speaks louder than words- chancing muna bago magsabi ng “I love you”
Cloud nine- chocolate na nabibili sa Pilipinas
Cold Feet- patay na
Draw the line- maglaro ng patintero
Hang on- sampay

Not have a leg to stand on- pilay
Pay through the nose- putol ang kamay
Give me a ring- gusto engage agad
Bitter End- matapos ng maayos
Black and white- dalmatian

Bring home the bacon- pasalubong na bacon
Water under the bridge- kanal
Wet behind the ears- luga
Holy smoke- insenso
Cut and dried- daing

Below the belt- bird?
Find your feet- lumpo
Pork barrel- sandamukal na baboy
Pot luck- hataw palayok (swerte ka kung mahataw mo)
Man of straw- pulubi

Music to my ears- ipod
Man’s bestfriend- kabit ni misis
Hold all the aces- si misis yan
Work your fingers to the bone- fingeran mo hanggang sa buto (ooopps sorry)
What will be will be- kung mag-aano, mag-aano

PAUNAWA: Kung ang salin sa tagalog ay hindi ninyo nagustuhan malamang ....ayaw nyo nga. Alam ko naman hindi nyo rin ibibigay ang tamang sagot kaya....hayaan n'yo na lang ako.

PAHABOL: Ang larawan na nasa itaas ay kuha ko sa isang train station sa Tokyo nang ako nagbakasyon dito.....hindi ko rin siya maintindihan kaya nilagay ko dito....intindihin na lang natin hehehe....

Monday, December 15, 2008

HULA SCOOP: Huwag maging balat sibuyas


HULA: Sa araw na ito ay masyado kang balat sibuyas, ibaon mo na lang sa hukay ang galit mo.

SCOOP: Sa araw-araw ng ating buhay, hindi natin namamalayan na nakakasambit tayo ng mga katagang malalim na iba ang pakahulugan. Katulad na lang ng mga katagang nasa hula na ito, halimbawa ito ng mga sawikain o idiomatic expression o idioms sa ingles.

Narito pa ang ilang mga halimbawa:

KAHULUGAN KO (walang kokontra):

Di makabasag pinggan- mahinhin(dutin)
Balat Sibuyas- amoy putok
Kaututang dila- kachokaran, ka telebabad
Ibaon sa Hukay- walang perang pamburol
Makalaglag Panty- Piolo!!!



Sawikain Noon at Ngayon:


Noon: Suntok sa Buwan
Ngayon: Asa ka pa!

Noon: Pana-panahon lang yan
Ngayon: Late ka na naman?!!


Noon: Larawan ng kawalang malay
Ngayon: Ma at Pa (Malay ko at Pakialam ko!)

Noon: Walang tulak-kabigin
Ngayon: Hirap pumili, parehong ok sa olrayt!!

Paunawa- Ang mga nabanggit ay mga kahulugan at expressions ko at hindi layunin na turuan kayo ng tamang kahulugan.

PASALAMAT: Salamat sa picture na ginamit ko mula sa aking kapatid na expert sa photography hehehe