Saturday, February 28, 2009

HULA SCOOP: May Matututunan Ka Ngayon




HULA: May matututunan kang aral sa araw na ito; huwag ka lamang lituhin ng magtuturo sa’yo.

SCOOP: Noong nakaraang blog (dalawin nyo naman baka di nyo pa nabasa) ko napag-aralan natin ang sawikain o idioms ngayon naman dumako tayo sa salawikain o proverbs.

KAHULUGAN:

Salawikain: Mga kasabihan ng mga matatanda na nagpapahayag ng payo batay sa kanilang mga karanasan, ito ay nagpasalin- salin na sa ating lahi.


SALAWIKAIN AT ANG KAHULUGAN KO:

1. "Walang matimtimang birhen, sa matiyagang manalangin."

-Magtiyaga ka mang manalangin di ka na makakakuha ng virgin.

2. “Habang maiksi ang kumot, magtiis kang mamaluktot.”
- Kuripot ka lang


3. "Ang mahaba ay putulan, ang maiksi ay dugtungan."

-Mamili ka maiksi o mahaba? Huwag na kaya nating putulan?


4. "Ang pag-aasawa ay hindi biro, 'di tulad ng kanin, iluluwa kung mapaso."

-Huwag mag-asawa kung iluluwa mo lang pag napaso, di biro ang maging kanin.

5. "Kumatok ka at ikaw ay pagbubuksan, tumawag ka at ikaw ay pakikinggan, humingi ka at ikaw ay bibigyan."

- Pulubi


6. "Buntot niya,hila niya, sungay niya, sunong niya."

-Kalabaw


7. "Damit na hiniram mo lamang kung di masikip ay maluwang."

-Manghihiram ka lang ng damit magrereklamo ka pa, bumili ka na lang kaya?


8. "Matibay ang walis, palibhasa'y magkabigkis."

-Matibay man ang walis mas ok na ang vacuum di na kelangan ibigkis.


9. "Ibong sa hawla'y ikinulong ng mahigpit, pag nakawala'y di na babalik ."
- Huwag higpitan ang ibon niyo maging mapagbigay para labas masok man ay sulit

10. "Mainam na ang pipit na nasa kamay kaysa lawing lumilipad."

-Malas mo, magtiyaga ka na lang dyan sa maliit mong ibon, asa ka pa (suntok sa buwan hehehe).

PAUNAWA: Dahilan sa ang mga salawikain ay nagpasalin salin sa iba’t ibang salinlahi ay nagkaroon na ng ibang pakahulugan ang iba’t ibang tao lalo na sa taong gumawa nito, huwag maniwala, nililito ka lang nito.

PAHABOL: Ang larawan ay pandisplay lang, kuha ito sa Tokyo DisneySea, alam ko naman hindi nyo mahuhulaan kung saang lugar ito hehehe

Friday, February 27, 2009

HULA SCOOP: Magiging Madrama Ka Ngayon


HULA: Magiging madrama ka sa araw na ito, pero lilipas din kaagad ito at maaaliw ka rin, sa pamamagitan ng paglipat lipat ng channel…matatagpuan mo rin ang pelikula o teleseryeng makakapagpasaya sayo.

SCOOP: Ang buhay ng tao ay parang pelikula minsan madrama, may comedy, may horror at minsan may action pa, kaya nga naisipan kong maghanap ng mga pelikulang tagalog na pwede ninyong panoorin para maibsan naman ang inyong lungkot. Narito na at para sa mga nahihirapan magtagalog ay isinalin ko pa sa english. Kaya hanapin nyo na to online at umpisahang panoorin na.


Masikip Sa Dibdib- Heartburn
Bituing Walang Ningning- Moon
Walang Kapalit- No Return No Exchange
Hula Mo Huli Ko- It’s a bird!
Di na natuto – Dumb
Kung Ako Na Lang Sana- Let Me Try
Tuhog- Barbecue
Bayarang Puso- Heart of Gold
Milan- Only me
Sabel- In Bell
Bakit Ikaw Pa Rin?- Next!
May minamahal- Taken
Sukdulan- Climax
Ama, Ina, Anak- Family
Honey, nasa langit na ba ako?- Honey, am I in yet?
Bata Bata Paano Ka Ginawa?- In and Out?
Eto na naman ako- Oh I’m coming again
Kaya kong abutin ang langit- I can come
Ngayong Nandito Ka- Now you’re in here
Hindi Pa Tapos ang Laban- Let’s have another round


PANUTO: Ang larawang nasa itaas ay pinilit ko talagang iugnay sa hula ko. Ito ay kuha sa Akihabara, Tokyo Japan. Bilihan yata (may DVD kasing nakasulat di ba??) ito ng mga DVD syempre Japanese, at least may "DVD" at may kaugnayan sa hula ko kahit katiting hehehe

Thursday, February 26, 2009

HULA SCOOP: Maiinis Ka sa Isang Tao



HULA: Maiinis ka sa isang tao, easy ka lang huwag patulan ang mga ganitong tao na makakapagpasira ng iyong araw daanin mo na lang sa hula.

SCOOP: May mga kaibigan tayo na sa katagalan makikita natin ang kanilang mga ugali, pero gaano man siya kasama o kabait dapat alam mo kung paano mo siya pakikitunguhan na hindi masisira ang inyong relasyon. Narito ang mga iba’t ibang salita na pag-aaralan natin tungkol sa kaibigan, mapa slang o bansag man.


Prend- slang word ng friend o kaibigan

Friendship- slang word na tawag sa kaibigan, ang unang nagpasimula ng slang na ito ay si Rufa Mae Quinto (ayon sa magazine na nabasa ko na pinadala pa sa akin ng byenan ko, kaya walang kokontra…. sipsip hehehe) na nagpasalin salin na sa bibig ng mga artista like Ai-Ai, Kris, etc at sa bibig ng bading, babae o kaya kayo.

Mababaw- dalawa ang pakahulugan nito kundi mababaw ang kaligayahan at humahagalpak ka kaagad ng tawa kahit sa corny jokes o mababaw ang dahilan para makipag away ka sa prend mo.

Nandadamay- kapag mababaw ka, malamang idamay mo at awayin ang prend mo na prend din ng inaway mong prend kahit wala syang ginagawa sa’yo…ngek parang ang gulo?? Yun na yun

KSP- kulang sa pansin; lahat ay gagawin magpapansin ka lang sa mga tao na hindi kumakausap sa’yo na gusto mong kausapin

TH- trying hard, hind ito yun taong magaling magpatigas ng ano…o ng kahit ano…..kundi super ang effort niya gawin ang isang bagay pero di pa rin pasado sa taste ng ibang tao, feeling niya in na siya sa crowd pero hindi pa rin

Ahas- kapag inagaw mo ang bf/gf o asawa ng prend mo

Tupperware- plastic ka, mabait ka sa prend mo pag nakaharap pero pag nakatalikod ang daming sinasabi sa prend niya, prend ka nga ba pag ganun?

Balimbing- pag mabait ka sa kaharap mong prend at sinisiraan mo ang other prends mo sa kanya then pag kausap mo naman ang other prends mo sila naman ang mabait at sinisiraan mo ang other prend mo… hay mas lalong magulo! Basta ganun!

Doble kara- e syempre dalawa mukha, parang bipolar siguro paiba iba ang ugali di mo alam kung may tama o may mali hehehe

Tirador- mahilig manira ng tao

BFF- best friend forever, syempre umulan man o bumagyo nandiyan pa rin siya sayo…prends mo pa rin, kahit ang lakas ng toyo mo, kahit patis pa, basta lagyan mo lang ng kalamansi ayos na hehehe.

Close friend- malapit na sa best friend, super close na kayo as in iingatan ang friendship nyo at gagawa ng paraan huwag lang masira ang friendship, hindi mandadamay

Berks- barkada, sa lahat ng lakad magkakasama

Kuyog- barkada na when it comes sa awayan laging magkakasama, gugulpihin ang kaaway ng isa

PANUTO: Ang larawan na nasa itaas ay inuugnay ko sa hula ngayon, ang "friendship" bow!! Gaano man kaikli ang shorts nila hindi nila ito kinakahiya ang mahalaga terno ang sumbrero at medyas sa short nila hehehe. Kuha ito sa Tokyo habang ako ay naglalakad, mga estudyante na tila di nilalamig at super ikli ng shorts nila.

Tuesday, February 24, 2009

HULA SCOOP: Iwasang Magsukat ng Kabutihan Mo sa Kapwa


HULA: Iwasang magsukat o magbilang ng kabutihang naitulong mo sa kapwa bagkus gawin mong isang pasasalamat ang mga ginawa mo sa kanila. Sandamakmak man ang naitulong mo sa iyong kapwa kung ang turing sayo ay kalaban ituring mo na lang na natalo ka sa sugal, pero kung gusto mong makapitik man lang e magsolian na lang kayo ng kandila? At least may kandila ka pa, pampabango rin ng bahay yan.

SCOOP: Nabanggit ko ang salitang sandamakmak, isa ito sa slang words ng Pinoy kung ang unit of measurements ang pag-uusapan at hindi ko maubos maisip kung may translation ito sa ingles. Narito pa ang ilan:


Konti- iilan
Kapiranggot- konti
Katiting- konti rin
Gahibla- kasing nipis ng hibla (ng nylon, ng buhok)
Gabuhok- kasing nipis ng buhok
Gabutil- kasing laki ng butil ng palay, asin, bigas, mais depende sa gusto mo
Gadaliri- kasing laki ng daliri, ewan anong daliri, mamili na kayo
Sandamukal- madami
Sankaterba- madami rin
Sankatutak- madami pa rin
Sandamakmak- madaming madami
Sandakma- isang dakma ng kamay, kung paano ka dumakma ng …ibon ganun, pero dapat kalapati para swak na swak
Himaymay- isang bahagi (fraction)
Dingding lang ang pagitan- yun na rin ang kahulugan
Isang dangkal- sukat ng inunat na kamay mula dulo ng hinlalaki (thumb) at dulo ng hinlalato (middle finger)
Isang dipa-sukat mula dulo ng 2 hinlalato pag inunat mo ang dalawa mong braso; pag di mo magets, kung alam mo ang UP oblation ganun magsukat ng isang dipa…ang braso ang susukatin at hindi yun nakatiwangwang sa gitna ha hehehe

PANUTO: Dagdagan nyo na lang kung meron pa kayong alam wala na akong maisip. Gabutil ng asin lang kasi ang utak ko e hehehe...


PAHABOL: Ang larawan na nasa itaas ay isang halimbawa na sandamakmak na tao sa tawiran ng Shibuya, Tokyo Japan. Nikon-an ko ito noong Feb. 19, 2009.

Monday, February 23, 2009

HULA SCOOP: Huwag Mamintas sa Panlabas na Kaanyuan


HULA: Huwag mamintas sa panlabas na kaanyuan ng isang tao, magpasalamat ka na lang dahil hindi ka katulad ng iba diyan…..ang sabi nga ni Melanie Marquez, “Don’t judge my brother, because he is not a book.”

SCOOP: Narito ang ilang mga panlalait na maririnig natin sa mga tao, kaya maging matalas ang pandinig pag narinig nyo ang mga slang na salita na ito…. habulin nyo kagad ng itak ang magsabi sa inyo kung…. kayo ay pikon pero kung hindi naman…tawanan nyo na lang, kasi ang asar…talo!


Pangako- mapanga
Barok o mongol- mongoloid
Miyak- may cleft lip
Rudolph- namumulang ilong dahil sa tigyawat
Buwan- mahaba baba (quarter moon)
Monay- bilog at matabang mukha
Airport- malapad ang noo pwedeng lumanding ang eroplano
nakakasilaw- panot, nakakasilaw ang liwanag sa ulo
Mr. clean- kalbo
Patpat- payatot
Sexy- dalawa ibig sabihin niyan sexy ka talaga o mataba ka
Aparador- malapad na kayo sa katabaan
May putok- lakas ng bo (body order) nyo
Usi- mas malakas ang putok (ang baril na usi di ba malakas ang putok??)
Kalansay- buto’t balat, isang germs na lang ang pipirma at sementeryo na ang punta nyo
Siksik- di na sexy
Laki radar- laki tenga; tengang daga
Burog- butas-butas na mukha dahil sa maraming tigyawat
Burog-burog- walang tigyawat….na paglalagyan (no space available hehehe)
Maita- May tama
Brenda- brain damage
Booba- malaki ang hinaharap

PAUNAWA:
Ang mga halimbawa na ito ay malamang na hindi na angkop sa panahon natin ngayon sa Pilipinas dahilan sa pinaglupaan na siguro ito ng panahon, in other words......ay sa madaling salita hehehe ang labo pa rin.

Dagdagan nyo na lang pag may alam pa kayo, pag humaba kasi ito di nyo na rin naman babasahin e.

PAHABOL PA: Ang larawang nasa taas ay kuha ko sa Tokyo, pinag-iisipan ko pa kung may kinalaman ito sa hula ko ngayon....hmmm saka na lang nga.

Monday, February 16, 2009

HULA SCOOP: Maghihintay Ka Sa Wala


HULA: Maghihintay ka sa taong hinahangaan mo pero...hindi siya darating. Malamang maghihintay ka talaga sa wala.

SCOOP: Kung nandito ka para icheck kung may hula ngayon ehhh meron....pero wala wala hehehe.

Pasensiya na at wala po akong maihula ngayon at sa darating pang mga araw dahil sa ako po ay namamangha pa sa ganda ng Tokyo. Baka po sa pagdating ko na lang uli ako makapanghula, hindi po kasi gumagana ang radar ko ngayon at nababangga ng mga nagtataasang mga gusali dito sa Tokyo. Pagbigyan na ninyo ako at unang pagkakataon ko na masilayan ang bayan ng Tokyo.

PAUNAWA: Ang larawan po na nasa itaas ay kuha ko po at hindi ko po hiniram. Iyan ang Tokyo Tower isa sa humaharang ng signal ko na makapanghula hehehe.

Friday, February 13, 2009

HULA SCOOP: Masaya ka sa Araw ng mga Puso








HULA: Masaya ang araw mo ngayon at bukas. Makakatanggap ka ng isang regalo na alam ko namang inaasahan mo na darating.


SCOOP: Dahil bukas ay araw ng mga puso kaya malamang talagang makakatanggap ka ng regalo sa iyong “babes, ” "waswit," “honey, ” “mahal," "mokong" o "damuho" man. Masaya ka ngayon kasi sabik ka na rin kung ano ang matatanggap mong regalo bukas.


Wala akong maisip na iregalo sa aking honey kaya ako’y gumawa na lang ng love letter, matagal-tagal na rin akong di nagbigay nito sa aking asawa. Kaya paki check lang po kung ok ba ito, alam kong corny kasi tagalog na tagalog pero ok lang yun, "ang nagmamahalan daw ay talagang corny" hehehe. Paki iwan po ang inyong "puna."



AKING VAL,


Wala mang mamutawing mga salita

At ang pagkakataong makapangusap ay wala

Maririnig pa rin kita


Kung wala mang mga luha

Ang maramdaman sa loob man ay wala

May damdamin pa rin ako sa’yo


Kahit man ang araw ay sumuko nang magliwanag

Kahit pa ang paglalambingan ay di na tugma

Ang puso ko pa rin ay sa'yo lamang

Hanggang matapos ang kailanman

Ikaw ang tangi kong kailangan

Aking mahal, aking Val


Sa aking buong buhay

Ikaw lang ang aking hinihintay

At lahat ng iyon ay ‘yong ibinigay

Minulat mo ang aking mga mata

At tinuro mo sa akin kung pa'no maging mapagbigay sa pagmamahal


Pinangarap ko ang ganitong pagkakataon maka ilang libong beses na

Maging sa aking panaginip ang lubusang mahalin ka ay di ko magawa

Ibibigay ko sa’yo ang aking puso

Hanggang matapos ang kailanman

Aking mahal, Aking Val



Martina


PS:

La da da

Da da da da


~~~~~~~~~~~~~~~~~~~~~~~~~~~~~~~~~~~~~~~~~~~~~~~~~


PANUTO: Syanga po pala ang tunay na pangalan ni Val ay Valentine kaya paki palitan na lang ang pangalan na Val sa Valentine at pakisalin sa ingles….presto may lyrics ka na ng kantang “My Valentine” by Martina Mcbride hehehe


PAUNAWA: Wala po akong blog sa araw ng mga puso dahil kami po ay magba blog-blog-an muna kung anuman ang ibig sabihin ng “blog-blogan” ay sa akin na lang yan huwag nyo nang alamin pa, malay n'yo....malay ko rin hehehe.


PASALAMAT: Ako po ay nagkaroon ng inspirasyon na isalin ang kantang ito dahil sa nabasa kong blog mula kay Mr.Thoughtskoto, sana lang mathought moko este makilala mo ako hehehe.


Salamat na rin sa nag upload ng video na ito galing kay cha20



Wednesday, February 11, 2009

HULA SCOOP: Huwag Malungkot Kapag May Problema


HULA: Huwag malungkot ngayon, kung may problema ka man idaan mo na lang sa pakikinig ng awit o kaya ikaw na lang ang umawit para ang makakakinig naman ang magkaproblema kung paano ka patitigilin.

SCOOP: Narito ang ginawa kong salin ng title ng english songs sa tagalog, mga title ng kanta na pwede nyong kantahin at para sa mga hindi nakakaunawa ng ingles, alam ko marami nang naglipana na katulad nito…sensiya na tao lang pero ang saling ito ay binuhos at piniga ko pa upang mapaganda lamang alang alang sa mga tagapagtangkilik kong lagi na lang nagtatago.

~~~~~~~~~~~~~~~~~~~~~~~~~~~~~~~~~~~~~~~~
Mga Awit sa Ingles na Tinagalog ni Sardonyx:

Break It To Me Gently- Dahan dahanin mong wasakin ako
Can We Start Over Again- Pwedeng Isa Pa?
Crazy For You- Lakas ng tama ko sa’yo
Don’t Give Up On Us- Huwag Mo Kong Ibitin
My Girl- Syota ko
Show Me The Way- Ituro mo ha
Take Me Out of the Dark- Ayoko ng madilim
That’s The Way It Is- Ganun talaga yun
Let’s Get Loud- Tara mag-ingay tayo
It’s Going To Take Sometime- hinay-hinay makatapos
Wake Me Up Before You Go Go- Gisingin mo ko kung tapos ka na
You Can Make It Happen- Kaya mong makatapos
Stairway to Heaven- Byaheng Langit
Hands to Heaven- Mariang Palad
In or Out- Sa loob o sa labas?
I’ll Never Get Over You (Getting Over Me)- Di Kita Mapatungan (laging ikaw ang nakapatong sa kin)
You Got Me Working- Tinrabaho mo ko
You Raise Me Up- Pinatayo mo ang akin
Rise and Fall- Ang pagtirik at ang Panlupaypay

PAUNAWA: Ang larawan na nasa itaas ay "akin" yehey!! Nikon-an ko po yan nang habang kami ay napadaan dito sa bar na ito sa labas lamang ng main gate ng Misawa Air Base, Japan.

HULA SCOOP: Huwag Damdamin Ang Nakaraang Hinagpis


HULA: Huwag damdamin ang mga nakaraang hinagpis; hindi makakatulong sa iyong pagtahak sa kasalukuyan. Kung ikaw ay naiinis idaan mo na lang sa paglinis at ayos ng inyong bahay at baka makatulong pa ito sa pagbalanse mo ng inyong kalusugan, ng yaman at syempre ang suwerte nyo sa buhay…yan ang feng shui! Bow!

SCOOP: Pag love ang pinag-uusapan sa feng shui, mas maganda talakayin ang aspeto ng romantic love, mas mabenta sa mga readers…ewan ko ba kung bakit.

Kung gusto nyo ng maganda at maayos na relasyon umpisahan nyo ito sa bedroom.
Ang pinakamahalagang furniture sa bedroom syempre ang kama, mas maganda ang kahoy na frame kesa sa metal. Mas maganda bumili kayo na may apat na matataas na poste, para pwedeng pwede kayong maglambitin dito at pwede nyo rin itali si mister pag ayaw umalis sa computer at di kayo makasingit sa kanya, siguro mas gugustuhin nyang maposas sa kama habang pinapanood ka nya na tawa ng tawa sa harap ng computer kesa magluto.

Narito ang ilan sa feng shui’s do’s and don’ts sa bedroom (totoo ito ha!):

1. Ayon sa feng shui, ang bedroom daw ay dapat hindi nasa taas ng garahe.
Kaya ilagay nyo na lang sa baba ang bedroom at sa taas ang garahe.

2. Hindi daw pwede sa immediate, above or below the toilet, kitchen, next to living room or children’s playroom.


-E san natin ilalagay? So sigurado dun nga sa labas ng bahay dun sa pwesto ng garahe.


3. Ang sleeping position at door entrance ay magmamatch sa personal trigram ninyo.

Di ko alam ano ang trigram ninyo e kaya malamang ang magandang sleeping position e nakatuwad o nakapatong….sa kama. Ang door dapat lagi sarado at dekandado pa, mahirap na baka pagpiyestahan pa ang position nyo.

4. Iwasan ang paggamit ng synthetic, chemicals, as well as electrical appliances such as synthetic curtains, electric blankets, waterbeds,computers, tv etc.

- So that means huwag bibili ng waterbed, mahirap naman kasing lumuhod dito at masyadong maalog pa at pag nadaganan pa kayo ng asawa nyo malamang di ka na makakaahon dito.
- Wag na mag electric blanket, buhay na kumot ayos na ayos na
- Naku bawal pala computer at tv sa loob, di pala kayo pwede magsurf sa internet at lalo na ang manood ng triple x (dusa to!)
- Huwag magtipid sa pagbili ng kurtina bili na kayo ng cotton o kung gusto nyo leather curtain hehehe


- 5. Kailangan maluwag ang bedroom na pwede nyong malayang maaayos ang mga kasangkapan sa loob depende sa mood nyo.

Ang ipinapayo ko pag ganito ay kama na lang ang ilagay nyo sa bedroom nyo, para di na kayo mahirapan maglipat ng gamit at pwede pa kayong maghabulan at mag paikot ikot sa kuwarto nyo.


- 6. Kailangan lagi full of energy, fresh at sensual ang bedroom.
-Laging maghanda ng oil, kahit anong klase siguro pwede, baby oil o cooking oil o efficacent oil, di ba pwede KY jelly?
Maglagay na rin ng kandila para just in case matabig nyo ang lampshades kakaalog nyo at napundi ang lahat ng ilaw meron kayong back-up.


PAUNAWA: Nawa’y kapulutan nyo ng pamahiin ang bawat payo na ibinigay ko sa inyo. Ang 6 na do’s and don’ts ay nakuha ko sa www.knowfengshui.com at ang payo syempre bukal sa aking pusong ibinabahagi ko sa inyo.


PASALAMAT: Salamat muli sa aking Kuya sa larawan na nakalathala ngayon. Maaari ninyong dalawin ang iba pa niyang mga larawan sa http://www.flickr.com/photos/ompoint59

Monday, February 9, 2009

HULA SCOOP: Huwag Mawawalan ng Pag-asa sa Pag-ibig


HULA: Huwag kailanman mawawalan ng pag-asa lalo na sa larangan ng pag-ibig mo at ng iyong minamahal. Ipaglaban mo anumang balakid ang humahadlang sa dinaraanan ninyo. Kung patuloy ito sa paghadlang …tumalon na lang kaya kayo?

SCOOP: Narito muli ang isang liham na galing sa isang taong in love, dito niya ipinakita kung paano siya umasa na sila pa rin ng mahal niya sa buhay gaano man ang kahadlangan sa kanila; muli kong ibinabahagi sa inyo ang liham na ito na nagkamali ng padala at sa akin bumagsak:

Dear Sarj

Sa titig palang ng iyong mga mata ay kinilig na ako.

Hay naku lukaret talaga ako pero naantig mo pa rin ang puso ko.

Akala mo pagkatapos ng lahat wala na akong mararamdaman gaya ng dati

Pero grabe lumambot na ang lahat hindi pa rin nagbago ang sa akin.

Umaasa ako na pagdating ng panahon mahal pa rin natin ang isa’t isa

Nanaginip nga ako na nakita natin ang isa’t isa…lam mo na in love pa rin

Araw-araw masaya ako kasama si Joy sa lahat ng paghahanap ko

Alam mo di ako ganun ka desperado
Naku kung may pagkakataon lang nga talagang hahablutin kita ng dalawang kamay ko

Talagang dapat lang na masundan pa ng ikalawang pagkakataon ito kahit na ikasunog ko pa.

Huwag na huwag na wag na wag na wag na wag Babes…. kailangan kita

Naniniwala akong magkakakasama pa rin tayo
Kung maniniwala lang tayo na ang tunay na pag-ibig ay hindi kailanman magwawakas

Kinakailangan din natin na mahalin muli ang isa’t isa

Naniniwala pa rin ako, oo, na balang araw mamahalin pa rin natin ang isa’t isa
Oh Babes oo talagang nanaginip ako na magkakasama pa rin tayo.

Naniniwala pa rin talaga ako, (oo talaga Babes, totoo yan) na balang araw tayo pa rin, bigyan mo lang ako ng pangalawang pagkakataon.

Sabi ko nga sayo na nanaginip ako (namimiss ko ang pagmamahal mo) na magkasama pa rin tayo, (Oo naniniwala pa rin ako) na talagang magmamahalan pa rin tayo Babe balang araw.

Maria Karengkeng

~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~

Dear Maria

Ang masasabi ko lang e……ang hirap! Ang hirap itagalog ng kanta mo grabe! Di ko malagyan ng green hehehe. Pero infernes peborit ko yan kanta mo na yan…kaka in lab! High school days ko yan. I love you Mariahhhhhhhhhhhh!!!!! hehehe

Sards

PAUNAWA: Salamat sa lahat ng tagsubaybay ng hula ko at nagkaron ako ng inspirasyon na makabuo ng panibagong imahinasyon sa larangan ng awit este pambobola sa inyo hehehe…teka alam n’yo ba ang pamagat ng kanta na tinagalog ko? Awit ito ni Mareng Mariah Carey ko??? Hello???

PAHABOL: Ang larawan na aking nilathala ay mula pa sa aking mabait na Kuya siya ang idol ko sa larangan ng photography (hmm ano ba ang tagalong nun?? Hmmm ahh basta photography ok na yun), ki-nanon niya yan (canon-an??) (ni-canon??) hehehe wateber. Pakidalaw na lang ang iba pa niyang mga larawan sa www.flickr.com/photos/ompoint59



Sunday, February 8, 2009

HULA SCOOP: Boring ang araw mo ngayon




HULA: Magiging boring ang araw na ito sayo, kaya kailangan haluan mo ng ibang sangkap ang buhay mo para magkalasa….manood ka ng mga bagong teleserye ngayon, bahala na kayo kung ano gusto nyo mapa kapamliya o kapuso pa ito.

SCOOP: Alam nyo ba na sa bawat ulam kailangan may sawsawan, kasi ito ang nagpapasarap sa pagkain natin? At sa bawat sawsawan ay may kahulugan ito…para sa akin…. ewan ko lang sa inyo basta blog ko to kaya huwag na lang kayo kokontra hehehe


~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~

Toyo- laging may “T” ang tao na to, “topak” at “toyo” pero pag tinanong mo kung may toyo sya ngayon, ang isasagot niya ay lumalagapak na “Wala! Wala! Wala akong toyo, meron ako, patis! Patis! Hmmm hay naku pagbigyan nyo na lang at tatabang din yan.

Patis- Mahilig sa maalat at mabantot na ulam ang taong ito, ang motto niya kasi ay “Ang mabantot na pagkain, masarap kainin.” Di ko lang alam kung anong klaseng ulam ang sinasabi nya, kung luto ng kusinero o luto ng diyos.

Suka- Mag-ingat sa taong ito, may “usi at kalibre 45” na laging bitbit, super lakas ng putok!! Mahihimatay ka sa amoy, ang intindi pa sa amoy ng suka! Pero mag-ingat ka sa tao na to, kahit edad 50, may asim pa.

Banana ketchup- sweet at favorite ang red ng tao na ‘to gusto laging napapansin kaya naman mapa fried chicken, adobo, menudo, corned beef at pritong isda laging may ketchup sa pinggan nya, namumula!

Suka na may sili- hot na hot ang tao na ‘to, mahilig pa….mahilig uminom ng tubig dahil sa anghang na kinakain nya. Pero wag ka, ang lutong adobo, kare-kare, tinola at nilaga baka may sili pa, check nyo kaya.

Toyo o patis na may kalamansi- may toyo na e mabantot at di pa maipinta ang mukha ng tao na ‘to kaya mag-ingat ka. Pangarap ng tao na to ang maging leader….datu puti nga lang ang kinalabasan.

Bagoong- lumaki sa hirap ang tao na ‘to kaya kahit bagoong lang ay ulam na ito sa kanya, dessert na nya ang manggang hilaw. Minsan namimiss pa nya ang pandesal w/ bagoong spread (eewwww). Handang makipagpatayan sa kapitbahay maluto lang ang kanyang bagoong sa loob ng bahay na umaalingasaw sa kapitbahay.

Suka na may toyo, sibuyas at sili at hinaluan pa ng konting asukal- mataba at pangit ang tao na to ipagsama sama mo ba naman ang katangian ng ibang sawsawan dito e di may toyo na, may putok pa, maasim ang mukha at hot na hot pa, grabe! Mahilig din! Mahilig…….sa malalaking pata! Gusto pa niya ang masabaw at nagsesebo…..hmmmmm…na crispy pata! Tsalap!

PAUNAWA: Nawa’y kinatakaman nyo ang hula ko ngayon at magsilbing sawsawan sa ulam nyo. Hala pili na! Wala pong berde dito, maghanap na lang kayo ng sili, sigurado may berde yun at hot na hot pa!

PAHABOL: Ang larawan na nasa itaas ay walang kinalaman sa hula ko ngayon, wala kasi akong makitang toyo, patis, suka at ketchup na maipopost ko dito kaya ang kuhang ito ay kinodak ko pa este ni-sony ko pa sa Maui, Hawaii hehehe

Friday, February 6, 2009

HULA SCOOP: Iwasan mapuyat ngayon



HULA: Iwasan mapuyat at mapagod sa gabi, hinay-hinay lang ang paggawa….sa gawaing bahay man o paggawa ng bata.

SCOOP: Tayo nang mag-aral ng gawaing bahay at nang dapat nating pagkaabalahan na sports, tara kaibigan basa na.

KAHULUGAN ko:

Hinay-hinay- dahan-dahan

Puyat- di natutulog ng maaga, kung anu-ano pang pinagkakaabalahan sa gabi ewan ko kung anu-ano yun.

Gawaing bahay- mga ginagawa sa bahay:

Halimbawa:

- paglilinis ng…kuwarto o kusina…wateber
- pagkalkal ng….bakuran, garden
- paghimas…ng manok
- paglamas ng….dough
- pagsundot ng….barang toilet
- pagbunot ng...damo
- pagkiskis ng…kawali
- paghugot…ng hose para magdilig
- pagdidilig…ng mga halaman


Ang mga sumusunod na sports ay halimbawa na dapat nating pagkaabalahan para maiwasan ang magkasakit, dapat tayong magsanay sa mga ito para maging expert sa larangan ng sports, pili na!

GOLF- kahit 18 holes kayang pasukin nito, wet, dry o bushy ayos sa kanya swing lang ng swing. May "birdie" at "Tee" pang pinag-uusapan kahit ano pang ibig sabihin, sounds like...you will love it!

SWIMMING- Magaling sumisid, mapabreast stroke o patalikod man

BOWLING- Inaasinta muna bago tumira, pag tira siguradong tumba

BASKETBALL- Wow, dribble muna bago shoot! O kahit pa shoot muna bago dribble. Mapa two o three points ayos na ayos, opensa o depensa man ok sya!

BOXING- matibay sa labanan, kahit 12th round nakatayo pa rin, kaya nyo yun??

FENCING- Ang galing sa espadahan

FOOTBALL- Ang galing dumakma, pa side man o paharap, walang kawala

BILLIARD- Tumututok muna bago shoot pag tumira naman sapol na sapol ( Tisa muna! Hehehe)

BADMINTON- pinaglalaruan ang cock, ay ang galing, palipat lipat lang sya. Ano? Shuttlecock ba tawag dun?? Hmmm pareho din yun!

CHESS- masyadong pinag-iisipan bago ‘tumira’ at pag tumira siguradong “mate” kagad!

EQUESTRIANISM- syempre pa magaling mangabayo!

Thursday, February 5, 2009

HULA SCOOP: Maging huwaran ka ng ibang tao



HULA: Hayaan mong maging huwaran ka ng ibang tao, sabi nga ng matatanda para kang isang butil na palay sakop ang buong buhay.

“Isang butil na palay, sakop ang buong buhay” ay hango sa isang bugtong na ang ibig sabihin ay “ilaw.” Kaya dapat lang na maging ilaw ka sa mga madilim ang pananaw sa buhay kaya, para lumiwanag ang inyong araw.....

bugtungan na!!!!

SCOOP:

Ang bugtong ay bahagi na lang yata ng “Filipino subject” sa elementary at high school na kapag hindi natin ito pinagyaman, baka mauwi na lang sa ibang kahulugan. Kagaya na lang ng bugtungan na ito, mukhang di yata natutunan ng sumasagot ang bugtong kaya iba ang kinalabasan. Ating silipin ang, “battle of the greenminded” hehehe sardonyx style

~~~~~~~~~~~~~~~~~~~~~~~~~~~~~~~~~~~~~~~~~~~~

Host: Maliit na bahay, puno ng mga patay.
Contestant 2: ulo? Puno na mga patay na buhok?
Host: Mali , nagsisimula ito sa letter “P”
Contestant 1: Pubic hair?
(Sagot: posporo)

Host: Baka ko sa palupandan, unga'y nakakarating kahit saan.
Contestant 1: halinghing?
Host: Hindi, It starts with letter "K"
Contestant 2: Kinikilig na humahalinghing??
(Sagot: kulog)

Host: Kung kailan mo pinatay, saka pa humaba ang buhay.
Contestant 1: Manoy?
Host: Ano??? Nag-uumpisa sa letter ‘K”
Contestant: Kanoy?
(Sagot: kandila)

Host: Nang sumipot sa maliwanag, kulubot na ang balat.
Contestant 2: Yan ang Manoy !
Host: Anong pinagsasabi mo? Gulay ito.
Contestant: Lantang gulay si Manoy?
(Sagot: ampalaya)


Host: Ako ay may kaibigan, kasama ko kahit saan.
Contestant 1: Ano bang mga tanong yan puro sagot e Manoy! Manoy?
Host: Hindi, maitim ito na lagi mong kasama
Contestant 2: Maitim na manoy?!
(Sagot: anino)

Host: Dumaan ang hari, nagkagatan ang mga pari.
Contestant 1: Piolo?!
Host: Ang layo naman, nasa pants mo ito.
Contestant 2: Manoy?!
(Sagot: siper)

Host: Naabot na ng kamay, ipinagawa pa sa tulay.
Contestant 1: Ano ba yan, e di manoy?
Host: Hindi no
Contestant 2: Manay?
(Sagot: kubyertos)

Host: Malaking supot ni Mang Jacob, kung sisidlan ay pataob.
Contestant 1: manoy ? Kasi nasa baba yun ulo e
Host: Mali ! Nag-iistart sa letter K
Contestant 2: ahhh alam ko na “Kiti”
(Sagot: kulambo)

Host: Heto na si Kaka, bumubuka-bukaka.
Contestant 1: Manay?
Host: Mali , hinawakan ito at nag-uumpisa sa letter “G”
Contestant 2: G spot?!!
(Sagot: gunting)


Host: Nagbibigay na, sinasakal pa.
Contestant 2: Manoy!!!
Host: Mali ! Ginagamit ito!
Contestant 1: Dildo??
(Sagot: bote)

Host: Hinila ko ang baging, sumigaw ang matsing.
Contestant 1: lalaki?
Host : Ang layo naman ng sagot mo?
Contestant 1: Syempre lalaki ang may-ari ni manoy? Hilahin ba naman si manoy kundi sya mapasigaw no
(Sagot: kampana o batingaw)


PAUNAWA: Pagpaumanhin po ninyo na ang mga nabanggit na sagot ay hindi nararapat sa mga bata, Patnubay ng magulang ang kailangan.

ISA PANG PAUNAWA: Kilala nyo naman na siguro ano ang “manoy” at "manay" ginamit ang mga pangalan na ito upang hindi naman brutal at nakakarimarim basahin at pakinggan sa ibang taong makitid ang pang-unawa. Pasensya na po sa hindi natawa, paki ignore na lang po ito.

PAHABOL: Anong kinalaman naman ng ilaw sa mga bugtong na ito hehehe....Yun ilaw kasi kulay..."BERDE!!" Di nyo gets? Hay di ko kayo kilala?? Hello???

ISA PANG PAHABOL: Ang larawan na nasa itaas ay wala po uling kinalaman sa hula ngayon, pero pwede nyo na ring hulaan kung saan kuha ito hehehe.