Saturday, May 2, 2009

HULA SCOOP: Huwag na Huwag Maiinis Sa Mapapanood Mo



HULA: Huwag na huwag maiinis sa anumang mapapanood mo, kahit pa patalastas pa ito. Pag nabasa mo itong hula ko, hindi ka na maiinis sa mapapanood mong mga patalastas, aabangan mo na ngayon at isusulat ang mga ito para mga sampung taon mula ngayon pwede mo nang itanong ito bilang trivia. Hala abangan nyo na!

SCOOP: Ang mga patalastas sa atin ang isa sa mga namimiss ko sa Pilipinas mula nang dumating ako sa US. Dati rati inis na inis ako basta may patalastas na, kasi nabibitin ako sa mga pinapanood ko. Ngayon napagtanto ko na malaki palang bahagi ang nagagawa ng patalastas sa buhay nating mga Pinoy. Ang iba nagiging peborit jingle ng mga bata, ang iba naman naging bukambibig o expressions ng mga tao, ang iba ginagamit na pan "diga" o panliligaw ang mga parirala o phrases sa patalastas....ang iba naman sumisikat ang mga model at nagiging sikat na artista.


Ngayon, marami nang mga slang words ang mga Pinoy na galing sa mga patalastas, hindi ko na nga alam ang iba sa dahilang wala na akong napapanood na mga patalastas....hmmp sayang talaga. Kaya pala dati nagtataka ako sa ilang jokes na natatanggap ko laging bukambibig nila ang "suportahan ta ka," yun pala pinasikat ni pareng Christian Vasquez yun, grabe sumikat tuloy siya sa pagka Ilonggo niya.


Narito ang ilang mga halimbawa na naging popular na "bukambibig" o "expressions" na natatandaan ko nang ako ay nasa Pilipinas pa.



1. Sa commercial na ito ay tinanong ang isang matabang babae (bungal pa yata) kung anong masasabi niya sa toothpaste, ang sagot naman niya, "lasang bebel gum" (imbes na bubble gum). Anong toothpaste 'to?

2. Dalawang batang magbestfriend na magkasundo sa pagkain ng ice cream. Nang ang isang bata ay lilipat na ng bahay ay natanong ng kanyang bestfriend, "Sinong bestfriend mo doon?" sagot naman ng isa, "Siyempre ikaw lang!" Ito ang naging sikat na expressions ng mga 1990s. Anong commercial naman 'to?

3. Naglalaro ang dalawang magkapatid ng pagtawag ng telepono nang makulitan ang batang babae sa pag request ng kuya niya kung saan talaga mag lo-long distance call kaya nasabi niya ang, "Ano ba talaga Kuya???" Anong commercial ito? (naging paboritong expression ko ito, basta may nagtatanong sa akin na nililito ako)


Ito pa ang iba na di ko na ipapaliwanag, masasagot nyo ba kung anong mga commercial ito??


1. Tatagal ka ba?

2. He loves me, he loves me not? He loves me, he loves me not? He loves me!!

3. Kulang lang sa practice!

4. I can feel it...shah!!

5. Walang tibay na maasahan

6. Hindi lang pampamilya, pang sports pa!

7. Tisa muna!


Eto naman, tinanong ko pa Ate ko noong mga 1997 o 1998 kung ano ang sikat na patalastas na namiss ko na, halata bang adik ako ? hehehe, ganyan ako ka home sick noon, tatawag lang para malaman ang mga bagong commercials:


Teacher: "What's the color of grass?"
Pupils: "GREEN!!"
Teacher: "What's the color of my shirt?"
Pupils: "BLUE!!"
Teacher: "And what's the color of my teeth?"
Pupils: Oh!! Off-white.... beige... mother of pearl!! :-)

Ano kayang commercial ito???

eto pa:

Maid: "KOYA!!! Tumawag si JEJE!"
BOSS: Si Jeje?????!!!....ohhhh si Jay-Jay!!!
Ano naman kayang nakakatuwang commercial 'to?


PAHABOL: Sa sobrang pagka adik ko sa mga patalastas may "live feed" na pala ang abs cbn at gma kung saan mapapanood ko na uli ang mga patalastas sa internet....yehey!!! Iba talaga ang nagagawa ng internet ngayon, nakakatanggal home sick na! Hmmm bawal kaya ito??? Wala naman kasing TFC at GMA Pinoy dito no! Sssshhh basta atin-atin na lang ito desperado akong makapanood na eh hehehe.


PAHABOL PA ULI: Ang larawan ay ang peborit kong champ sa jollibee!!! "Sigurado ka bang sa Jollibee???" naalala n'yo ba ang expression na yan??? Kung hindi....tumatanda na talaga ako waaaaaaaaaaaa


ISA PANG PAHABOL: May susunod pa ang mga patalastas na yan, abangan....sa susunod hehehe




11 comments:

  1. asus! napag-isip ako sa iyong hula ngayon. :D eto lang natatandaan ko na commercial ha...

    2.selecta ice cream ata un
    3. PLDT ba?
    eto ung sa iba; 4. lux soap? 6. rubbing alcohol (di ko matandaan ang brand); at ung fave mo...COLGATE ad un! yan sigurado ako! ung iba natatandaan ko pero di ko sigurado eh.

    at waaahhh!!! namimiss ko na ang jollibee! nagpaparamdam na sken talaga!!!! baket ba naman k'se wala nyan dito!!!!

    ReplyDelete
  2. you should visit this link from youtube. it's the current favorite commercial these days. :)

    http://www.youtube.com/watch?v=I9rnSO_jB8k

    shucks, i'm not familair with most of the commercials you mentioned, except for the rubbing alcohol. hehe...

    ReplyDelete
  3. Yung bebel gum ay yung Pepsodent--at si orly Mercado ang nagtanong dun sa babae.

    Yung hindi lang pampamilya-pang sports pa--yan yung Family Rubbing Alcohol na si Jose Padilla(referee ng boxing), ang artista.

    Yung iba hindi ko na matandaan kung anong produkto yun pero medyo naala-alala ko hehehe

    Pinaka-gusto kong patalastas ng Vito--yung panglagay sa kilikili at sinabi nung isa --naku may b.o. (body odor) siya at niregaluhan niya ng Vito hehehe

    ReplyDelete
  4. Ano ba ang ibig sabihin nitong entry na ito? Kahit na nakatatak sa isipan natin itong mga patalastas at produkto, hindi tayo agad maniniwalang totoo ang mga sinasabi nila rito?

    Hirap akong hulaan o sagutin ang mga naisulat mo, pero siyempre narinig ko 'yon lahat noon.

    Kagagaling ko lang sa Pilipinas, ang dami nang mga bagong patalastas. Mas magaganda pa ang mga ito kaysa sa mga patalastas ng sa TV ng Australia.

    ReplyDelete
  5. Alam mo inabot kami mag-asawa ng 2 days pero di pa rin namin nasagutan ito hahahaha.

    Yung tutpaste commercial ay Pepsodent. Yung second di namin masagutan pero natatandaan namin yung scene. Pangatlo ay tila PLDT. hahahaha, mahirap pero nakakatuwa.

    Tapos yung pahabol mo na 1-7 hmmm,


    1. sirit di ko alam ito;
    2, Sus ganun din pero natatandan ko ito;
    3. lalo na, nakalimutan ko hahahaha
    4. Palmolive Shampoo
    5. Spartan (?) basta sinelas
    6. Rubbing alcohol
    7. San Miguel Beer (?)

    Yung isa pang commercial ay Close Up

    Yung Jeje, hay di ko na matandaan hahahaha.

    Aabangan ko ang susunod mong trivia, ang saya saya.

    ReplyDelete
  6. syel- natawa ako dun sa sagot mo na lux soap hahaha, yun colgate lang ang tama mo e, tama yun rubbing alcohol pero family rubbing alcohol yun; dito rin walang jollibee kakamiss na nga

    Reena- napanood ko nga ang commercial na yan sa live stream, kakatuwa yun bata hehehe; kaya siguro di mo matandaan kasi baka bata ka pa noong sikat mga yan hehehe, matanda na talaga ako

    dennis- mukhang di nagkakalayo edad natin alam mo pa ang mga detalye; di ko na naabutan yun commercial ng vito hehehe ok yun ah; tama ka na pepsodent at family rubbing alcohol at tandang tanda mo pa si orly mercado nakalimutan ko na nga iyon eh hehehe

    RJ- walang aral ang entry na ito, pinapahayag ko lang kung gaano ko kamiss ang Pinas at ang mga commercials dito na minsan di na natin o di ko na magets mga kabataan sa atin sa mga slang words nila na kalimitan nakukuha rin nila ang mga bukambibig sa commercials. Malamang wala ka talagang interes sa mga commercials hehehe, ok lang kung di mo magets ito....basta ako homesick lang siguro hehehe at nagkataong nagpa trivia pa ako hahaha

    Pope- sensiya na at di ko kagad nasagutana ng trivia ko at nahirapan pa kayo ni misis hehehe, pero tama halos lahat ng sagot mo, yun pepsodent, palmolive pero hindi shampoo kundi soap hehehe, spartan at san miguel beer; yun rubbing alcohol dapat family rubbing alcohol, then hindi PLDT kundi RCPI

    ReplyDelete
  7. eto pala ang sagot sa mga tanong ko:

    1. pepsodent
    2. magnolia ice cream (di pa yata sikat ang selecta nito)
    3. RCPI

    at eto pa:

    1. Powerade- si Amanda Page ang nagtanong ng "tatagal ka ba?"

    2. Purefoods hotdog- name nun chubby na girl na bata sa commercial ay Trixia at may crush siya kay Patrick Garcia na ang name dito ay Carlo, kaya bawat kagat niya sinasabi niya na, "he loves me...he loves me not...tapos sinubo nya ng buo yun hotdog para lang ang sagot ay "he loves me")

    3. Purefoods Hotdog- si Vandolph ang nagsabi nito kay Dolphy, nagcacamping yata sila dito eh di mabuo ni Dolphy yun tent nila

    4. Palmolive soap- Alice Dixson, eto lagi rin naming bukambibig with matching face expression pa "I can feel it"

    5. Spartan- until now bukambibig ko pa rin ito hehehe

    6. Family Rubbing Alcohol- si referee Carlos Padilla, tatay ni ZsaZsa nagsabi nito; classic na ang ad na ito

    7. San Miguel Beer- nagbibilyar sila dito nalimutan ko na kung sino sila eh baka sina Efren Reyes yata I'm not sure hehehe, tapos sinabi doon na "tisa muna" naalala ko kasi ito dahil ito ang bukambibig namin noong high school kami, kasi nakatuwad yun PE teacher namin tapos sabi ng mga loko-loko kong mga classmates, "tisa muna" sabay tutok ng stick sa pwet ng teacher ko hehehe, kaya unforgettable sa kin itong commercial na ito.

    ReplyDelete
  8. Yun sagot pa pala sa dalawang huli:

    1. Colgate
    2. Bayantel

    salamat po sa lahat

    ReplyDelete
  9. Late na ako! Pero hindi naman ako na-late sa katatawa. At oo nga, nakakawala ng homesick ang post mo.

    A oo, naalala ko ung sa Spartan na medyo madrama pa nga ang babae sa tabing dagat dahil akala ko iniwan ng boyfriend. Un palang tsinelas ang kausap. Lukaret?

    At siempre pa ang Palmolive ni Alice Dixon (ginagaya ng mga bading lagi) at ung Family Rubbing Alcohol na gritty na nga ung film sa kalumaan.

    Favorite ko noon? Ung Jollibee commercial ni Carmina. Ung iniwan sya sa labas ng pinto pero binalikan din sya ulit. First time yata ni Carmina na lumabas sa tv.

    Favorite ko ngayon? A marami. In fairness, ang dami-daming magagandang commercials ngayon sa Pinas. Kahit ung idinemandang commercial sa Channel 7, gusto ko ung tono ng music. Ang sarap pakinggan. Ung ang lyrics ay 'Kung may lapis, kaya kong iguhit ang pangarap...kung may krayola..'. Makabagbag ang music nya.

    ReplyDelete
  10. ay! hahaha! kakaloka colgate lang ang tama! ang partner pala ni 'bata' sa tisa muna si FPJ yata. hehehe!

    ReplyDelete
  11. nebz- ok lang kahit late nagche check pa rin ako hehehe, oo nga naalala mo pa nga yun sa spartan ganun nga yun commercial; I remember rin yun commercial ni Carmina doon nga siya nadiscover; anong commercial naman yun lapis na yan?? hanapin ko nga yan sinasabi mo hehehe di ko alam yan eh

    syel- ahhh si FPJ nga ang kasama ni Efren bata dun hehehe galing mo sige plus 1 na score mo hehehe

    ReplyDelete