Sunday, March 14, 2010

HULA SCOOP: Huwag pigilin ang nararamdaman

nagsnow na naman nitong Miyerkules, March 11 kaya busy akong nagpala ng snow namin, anak ko yan, mana lang sa akin papansin hehehe


HULA: Huwag pigilin ang nararamdaman, minsan kailangan aminin mo sa sarili mo na kung ano ka talaga. Wala namang masama kung aaminin mo sa sarili ang kakaibang nararamdaman mo. Teka ano ba yun nararamdaman mo? Baka kailangan mo lang pumunta ng banyo no? go na!

SCOOP: Aminin mo na no.....na .....adik ka na sa pagba blog at pagbisita pa ng ibang blog. Kundi ka naman adik sa pagba blog, malamang sa facebook. Wala nang paligoy-ligoy pa, tara basahin mo na ang post ko, kasi waalng kinalaman ang hula ko sa sasabihin ko ngayon hehehe.

~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~

Sige aaminin ko na adik na talaga ako sa pagba blog at pagbisita ng ibang blog at syempre pa ang facebook at mga applications nito. Di ko nga alam kung paano ko nahahati ang oras ko sa bahay. Dahil lahat ng gawaing bahay nagagawa ko pa pero di ko nararamdaman ang pagod ko pag nasa harapan na ako ng laptop ko. Malaking tulong talaga sa akin ang internet, naaaliw ako sa kalungkutan ko at syempre parang feeling bata ako dahil panay pa ang facebook hehehe.

Sa sobrang adik ko sa blog at facebook wala na akong time manood ng mga TFC shows. Pero kahapon nagtry akong manood sa live stream, at first time kong nanood ng showtime, nabigla ako at ang slang words na "madlang people" ay gamit na gamit sa show na yan. So hindi pala naluluma ang ibang mga slang words ng Pinoy. Natatandaan ko kapanahunan namin nang mauso ang katawagang "madlang people." So at least pwede ko pa palang gamitin dito sa blog ko ang mga lumang slang words hehehe.

Kaya eto mag-aral uli tayo ng mga slang words ng Pinoy:

napapanahon sa eleksiyon:

1. Dekwat- kupit, nakaw
2. Kulimbat- kurakot/kupit/ nakaw sa gobyerno
3. Erap- isa pang tawag sa pare

labo-labo: (hula ko lang pinauso ito ng mga tambay sa kanto hehehe)

4. Petiks- nagliliwaliw, nakikipagdaldalan o nagrerelax habang oras ng trabaho
5. Utol- mula sa salitang "kaputol" meaning kapatid
6. Yosi- sigarilyo (yun "yo" sa dulo at "si" sa unahan na salita ay pinagdugtong, tama ba? hula ko lang hehehe)
7. Arbor- paghingi o paghiram ng isang nagustuhang gamit sa kaibigan o kamag-anak (saan kaya nakuha ang salitang ito??)
8. Sisiw- madali, kayang-kaya (bakit sisiw? bakit di na lang manok?? hehehe)
9. Astig- siga, mula sa salitang "tigas"
10. Bangag- high sa drugs

Mga pinauso ng mga bading:

1. kikay- girly girl
2. maida/aleli- katulong
3. charing- biro lang
4. praning o aning-aning- may "tama" o may mental disorder
5. chaka- pangit
6. chipipay- hindi mahal, mura, hindi maganda ang quality
7. lafang- pagkain ng pagkain hehehe (bahala kayo, alam yo na yan no, aminin
8. echozera- taong chismosa
9. anda- pera (bakit anda?? daan ba yun?)
10. naman batman palaman superman- oo naman (ngek ang haba!)

Madami pa yan kaso ayokong magalit mga bading sa kin e hayaan ko na lang sa kanila ang portion na yan, i-google nyo na lang ang mga kaek-ekan at mga kachenelyn o chervalou nilang gay lingo.

10 comments:

  1. May bago akong naririnig na bakalang salita ngayun pero di ko pa alam ang meaning: yung "churva" tsaka, "eklavu"
    hehehe.
    Addict ka pala ha!!!! sa internet ;)

    ReplyDelete
  2. anak mo talaga yun? haha ang kulet!

    ito naman sa mga feeling conio :)

    IGNORANUS - stupid asshole
    CHOOSY BEGGAR - binibigyan na nga namimili pa hehe

    adik din ako... kaya hindi ko na pinipigilan!

    ReplyDelete
  3. hahaah. namiss ko na blog na to. na-addict ako sa farmtown. lol. pero i deleted that FB account na.

    so napapanuod niyo yung showtime? hehe.

    ReplyDelete
  4. 70's and 80's linggo
    Haybols - bahay o tambayan
    Erpat at Ermat - si father at mother
    Tsong o Kosa - tawagan ng mga mag barkada
    Terror - tawag sa malupit na professor
    Sundo - piso
    Yoyo - relo
    jeproks - laki sa layaw! >: D

    ReplyDelete
  5. adik din ako. di lang sa blog, pati sa pagpapalit ng layout ng blog ko. haha

    alala ko ung labo labo, parang sa basketbol yata un eh. naririnig ko sa kuya ko saka mga insan ko dati.

    ReplyDelete
  6. Dennis- yun chaka, pangit nandito sa post ko un no hehehe yun ibang sinabi mo di ko rin alam, parang chukchak chenes ang dating LOL

    Roanne- anong conio? hahaha outdated na talaga ako sa mga slang words sa atin ngayon

    Reena- bakit mo naman dinelete yun account mo? sayang naman pwede pa sana kitang maging neighbor sa farmtown ko hehehe, actually nagsawa na ako sa farmtown at farmville kaya scrabble, bejeweled blitz at restaurant city ang nilalaro ko na lang hehehe

    blogus- alam ko nga ang mga binanggit mo pang mga slang words hehehe, may gumagamit pa kaya ng haybol?? parang wala no? meron haus as in "haus" ang spelling hehehe, yun tsong/tsang ginagamit ko pa sa isang barkada ko, yun jeproks parang laos na rin di ba?? kasi si Mike Hanopol laos na LOL

    choknat- buti ka pa may time magpalit ng layout, adik ka na talaga! hehehe, yun labo-labo tama ka parang pang basketbol nga hahaha, nakatira kasi kami dati sa tapat ng basketball court kaya yun siguro lagi kong naririnig pag may liga at away hehehe

    ReplyDelete
  7. Sardz!!!!!!!!!!! Ang tagal kong hindi nakabalik dito, marami lang inaasikaso na kaso pero wala lahat kaso. haha

    I miss this blog! Nakakatawa. Thanks for sharing your witty thoughts, it feels jolly.

    ReplyDelete
  8. Kenji- salamat sa dalaw, kahit matagal ok lang hehehe, masyado ka namang nagpapayaman, hinay-hinay lang hehehe

    ReplyDelete
  9. Cribs na ngayon. Hindi na haybol.

    'Anda' for pera dahil from the word ang datung.

    Maida ang katulong. Tawag naman namin, chimimi (for tsimay).

    Tawa ako nang tawa sa #10. (Tsaka dun sa photo ng anak mo. Haha).

    ReplyDelete
  10. Nebz- salamat sa dalaw kahit late hehehe sorry ngayon ko lang nabasa e, so yun anda pala galing sa ang datung kala ko naman baliktad ng daan hehehe, napansin ko lang parang mas updated ka sa kin hehehe

    ReplyDelete