HULA SCOOP atbp

HULA SCOOP: Ilan sa mga hiling mo ay matutupad na rin

2011-12-21T06:02:00.000+09:00

Sale!! sale!!!

HULA: Ilan sa mga hiling mo ay matutupad na rin huwag lang yun imposibleng mangyari....at hindi lahat, isa-isa lang. Kaya wait ka pa rin sa ibang hiling mo.

SCOOP: Dapat maging masaya ka na kung may natupad na sa ilan sa mga hiniling mo bagamat hindi lahat ang mahalaga, meron natupad, di ba?

-------------------------------------------------------------------

Pag ganitong Disyembre na, abala na naman ang maraming tao. Nagkukumahog na naman sa pagbili ng mga regalo. Maraming mga "sale" sa mall at dito sa US nagkalat sa mailbox namin ang mga flyers o brochures ng mga sale items at maraming mga kupon din na mga diskwento sa gusto mong bilhin. Lalo na tuwing Biyernes, pagkatapos ng Thanksgiving Holiday (tuwing huling Huwebes ng Nobyembre ang Thanksgiving dito), na tinatawag nilang "Black Friday" dito nagtitiyaga ang mga tao na pumila ng madaling araw para lamang mabili ang gusto nilang bilhin na bagsak presyo, na karamihan ay mga electronics items at mga damit na pang regalo na nila sa Paskong darating.

Isa na ako dati sa mga yan pero nagbagong buhay na ako ngayon hehehe. Dati rati mga alas singko palang nasa outlet o mall na ko, ngayon alas otso na medyo pa late effect na ko e hehehe, ayoko na kasing makipag siksikan sa mga tao tapos hindi mo rin pala mabibili ang gusto mo dahil ubos na. At isa pa, wala rin akong malaking budget para pambili ngayon hehehe (yun pala dahilan hahaha).

Muli na naman bumalik sa alaala ko ang mga karanasan ko noong bata pa ako pag Pasko. Hindi kaya dahil sa ang Pasko ay para lamang sa mga bata? O di kaya ang Pasko lamang ay para sa mga mayayaman? O ang pasko ay negosyo lang? (sabi ng tatay ni Nonoy sa teleserye ng Ikaw ay Pag-ibig) o dahil sa hindi ko malilimutang karanasan pag Pasko ang syang nagpapanumbalik sa alaala ko?? Ang alam ko lang noong maliit pa ako, pag gabi ng December 24 nagsasabit ako ng medyas sa may bintana namin at wala kaming noche buena noon, hindi ko nga alam noon ang salitang noche buena dahil nga wala naman kaming pagkain, ang pagkakaalam ko noon, ito ay gabi ng pagsabit ng medyas hahaha. Inaabangan ko pa si Santa Klaus nun, kala ko naman maaabutan ko kahit na nagtataka ako kungmakakapunta sya sa bahay namin na wala namang chimney hehehe. At pag umaga na, sabik na sabik akong buksan ang medyas ko noon, tapos ang makukuha ko lang naman pala ay isang mansanas at dalandan at may konting kendi at konting barya (ang cheap ni Santa hehehe). Nagkukumpara kami ng mga pinsan ko ng laman ng medyas namin dahil yun isang pinsan ko mas marami syang nakukuhang kendi at chocolate kesa sa akin, kaya sa isip ko noon, may favoritism si Santa na kapag mayaman mas maraming kendi ang binibigay niya (yun tatay kasi ng pinsan ko nasa Saudi kaya mas maraming laman ang medyas niya hehehe). Wala akong natatanggap na regalo mula sa magulang ko noon, mula lang kay Santa, yun nga mansanas at dalandan hehehe ay minsan pala may kasamang chiko kaya ang bigat ng medyas ko noon kala ko maraming kendi puro prutas lang pala laman hehehe.

At pag pasko na, ang alam ko kumakain kami ng mga kakanin na niluto ng Nanay ko, kagaya ng biko, ube at kamoteng kahoy na suman pero parang mga tira lang yata yun mula sa order sa kanya hehehe. Umaga palang magbibihis na ako ng bago kong damit, (na malamang yun ang sinuot ko nun Christmas party namin sa school ) at pupunta na ako sa mga Ninong at Ninang ko na kapit bahay namin at mamamasko na ako at minsan pupunta kami ng mga pinsan ko sa isang lolo ko na mayaman na may isang dosenang sasakyan yata nila, bibigyan kami ng tig-sasampung piso nun (hmmm teka parang ang barat yata nila ah? lugi kami sa pamasahe hahaha), masaya naman kami, kasi sama-sama kaming nagpupunta. Ganun ang pasko namin noon, kaya kung ang iba ay nagrereklamo na champorado lang ang noche buena nila, e masuwerte pa rin sila dahil kami natutulog na lang at nagangarap na sana kahit champorado meron hehehe.

Pero nang nagkatrabaho na ang mga kapatid ko may noche buena na rin kami, medyo umunlad na yata kami noon, mga high school na yata ako nang magkaroon na kami ng Noche Buena na matatawag, may pansit at menudo na kami at fruit salad, naks naman, may work na kasi si Kuya at Ate hehehe. At may mga inaanak na ang Ate at Kuya ko na nagpupunta sa bahay namin at hindi na rin ako nagpupunta sa mga Ninong at Ninang ko (lugi yata ako ah sayang sana bata pa ako).

Ngayong nandito na ako sa US......ibang-iba na, masaya na ang puso ko na makapagpadala ng pera at balikbayan box sa mga kapatid ko at mga in-laws ko. At kapag may sale na ganito, ang nasa isip ko pa rin ay kung magkakasya ba sa box o kasya ba ang mga ito sa mga kapatid ko, Tatay ko, tiyahin, tiyuhin, hipag, bayaw o mga byenan ko.

Hindi na ako nagdiriwang ng pasko, nagpapasalamat na lang kami sa Diyos sa lahat-lahat ng mga biyaya naming natanggap sa buong isang taon, hindi man natupad ang ilang kahilingan ko, nagpapasalamat pa rin ako dahil sa buhay at lakas na pagkalaoob sa akin para harapin ang taong 2012.......sa ganitong paraan mas masaya, mas maluwag sa puso hindi materyal kundi spiritual na pagdiriwang. At kapag pasko, pupunta na lang kami sa bahay ng kaibigan namin at makikikain hehehe. Ang mga anak ko, walang regalo at hindi rin naghahanap ng regalo dahil kahit hindi pasko ay nakukuha naman na nila ang gusto nila. Para sa akin hindi lamang tuwing Pasko ang pagbibigayan, dapat araw-araw. Ang mahalaga dapat nagpapasalamat tayo sa Diyos sa mga natatanggap nating mga biyaya maliit man o malaki at ibahagi natin ang kung anong meron tayo (naks, parang totoo, teka ako ba to?? hahaha). Pero....yan ang totoo!

-------------------------------------------------------------

HAPPY HOLIDAYS

White Christmas tree, gawa ng Tatay ko mula sa totoong sanga ng puno at nilagyan ng sabon at itinayo sa minola cooking oil na lata na nilagyan ng maraming bato sa loob hehehe

HULA SCOOP: Magkakaroon Na Ng Linaw ang Lahat ng Malabo Sa'yo

2011-12-01T07:15:00.001+09:00

Ang El Fili

HULA: Magkakaroon na ng linaw ang lahat ng malabo sa'yo.
SCOOP: May mga malabo ba sa isipan nyo na kailanman ay di nabigyan ng linaw? Kung ako ang tatanungin, oo, marami, sa sobrang kalabuan hindi ko na mabilang pa hehehe. Sa panahon ngayon, mas madali nang masagot ang mga katanungan natin, mapa kasaysayan, showbiz, mga balita ngayon, jokes, dictionary, encyclopedia, medisina, media, kultura, atbp.

-------------------------------------

May mga pagkakataon na sasagi na lang sa isipan ko ang mga katanungan na hindi ko nabigyan ng kasagutan noon, pero sa araw-araw ng aking pamumuhay ang mga katangungan na yun ay unti-unti ring nasasagot, hindi ko lang alam kung saan-saan ko ito pinagpupulot.

Natatandaan ko noong 4th year high school pa ako, ayaw na ayaw kong basahin ang El Filibusterismo ni Dr. Rizal, nakakatamad basahin ang mga malalalim na salita at mga kahulugan ng bawat karakter sa nobela na yun. Isang beses nga e napatayo pa ako ng guro ko dahil hindi ako nakapagbasa ng isang kabanata na sya namin paksa sa araw na yun. Nang ako ang tawagin, ayun wala akong masagot, malas ko ang "tigre" naming guro nagpapatayo talaga kapag hindi nakasagot. Ang nakakahiya pa, katabi ko pa ang manliligaw ko hahaha, buti na lang napatayo rin siya hehehe kaya ok lang, quits lang kami hehehe. Hanggang ngayon di ko malilimutan ang guro ko na yun sa Pilipino dahil sa tanang buhay ko, sa kanyang klase lang ako napatayo at napahiya, ang una at huling pagkakataon na yun. Kaya simula noon, nagbasa na ako ng El Fili, wala akong choice. Pero natatandaan ko ang unang kabanata ng El Fili na "Sa Kubyerta" kung saan sa umpisa palang ay di ko na maintindihan ang mga karakter na nakakalito na e puro mga bahagi pa ng "tayutay" (figure of speech po sa ingles, kuha nyo? hehehe) ang mga binabanggit doon (labo talaga ni idol Rizal e hehehe). At natatandaan ko rin na nagtanong ang guro ko tungkol sa"Bapor Tabo" kaya ang bapor na yan ay hinding-hindi ko malilimutan kahit magkaroon pa siguro ako ng Alzheimer disease baka banggitin ko pa rin ang salita na yan, peksman! hehehe. Mas masuwerte nga ang mga kabataan ngayon dahil isang click lang ng mouse ng computer ay makikita na nila ang mga buod ng El Fili, mas madaling magresearch ngayon hindi tulad dati na pupunta ka pa ng library para makapagbasa at pahirapang gumawa ng sariling buod ng bawat kabanata.

Eto ang nakakatuwa paminsan-minsan may mapupulot akong aral.....sa isang teleserye hehehe. Natuwa kasi ako sa isang eksena sa bagong teleserye ng ABS CBN o TFC sa ibang bansa, ang "Angelito (Ang Batang Ama)." Hinaplos nitong muli ang mga alaala ko noong mga araw ko sa high school. Sa pangalawang araw ng teleserye nito (Nov. 15, 2011 hala alam ko pa ang date hahaha) ay natuwa ako na binanggit dito ang El Filibusterismo, ang unang kabanata, "sa Kubyerta" kung saan tinalakay nila ang Bapor Tabo. Eto pa, sa kagustuhan kong i-blog ang paksa na ito ay sinaliksik kong muli ang mga eksena nila sa pamamagitan ng internet. Ayun, natagpuan ko sa website na lagi kong pinupuntahan, ang pinaytambayan.com kaya kung may namiss kayong mga teleserye o shows punta lang kayo doon at sasaya na ang araw niyo hehehe. So eto ang talakayan nila:

Sa klase ni Rosalie:

Rosalie (ang gf ni Angelito na nabuntis niya): "Nahahati po sa dalawang kubyerta ang Bapor Tabo na sinakyan ni Simoun sa unang kabanata ng El Fili. Yun nasa ilalim po ay yun mga Indiyo at ang nasa itaas ay yun mga prayle at mayayamang Espanyol. Para sa kin, sa tingin ko po na sinadya ni Dr. Rizal na 'tabo" ang itawag sa bapor na sumisimbolo sa pamahalaan noon kasi hugis bilog, hindi umaandar, mabagal ang kilos at walang kapupuntahan."

Naks, yun pala ang kahulugan ng Bapor Tabo hehehe...eto naman ang eksena sa klase ni Angelito:

Guro: Ano ang sinisimbolo ng Bapor Tabo sa El Fili? (Tinawag si Angelito na hindi nakikinig kakaisip kay Rosalie, nahuli kasi siya ni Rosalie na tumalon sa "Talon" na nakahubo hehehe)

Angelito: Ma'am di ko po alam.

Guro: Ano ang nasa isip mo pag sinasabing tabo?

Angelito: Ma'am, kailangan po itong gamitin pag naliligo sa banyo at hindi po dapat maliligo sa ilog na nakahubo.

hahahaha

Natawa ako dito, parang mga kaklase ko noong high school puro kalokohan ang mga sagot, hindi man yan ang eksaktong sagot nila ay yun paraan ng pagsagot, swak na swak sa sira ulo kong mga kaklase.

Ang tanda ko lang at nakakaintriga at nakakabigla talaga sa nobela ni Rizal ay itong si Padre Damaso pala ang tunay na ama ni Maria Clara, kala ko kasi chismis lang yun hahaha.

Isa pang naalala ko, nang minsan, nagtanghal ang grupo ng mga kaklase ko na kung saan ang isang karakter ay si Hule, eto kasing kaklase ko na gumanap bilang Hule ay may "kakaibang amoy" as in alam nyo na may BO hehehe, kaya yun mga siraulo kong kaklase, lumipat ng upuan papunta sa akin at sabay sabi na "Si Hule may putok, may putok!!!" hahaha grabe kaya simula noon, "Hule" na ang bansag sa kaklase ko na yun hahaha mabuti nga at hindi "putok" e kasi yun isa kong kaklase ay nabansagan na kasi na "USI" as in malakas kasi ang putok din bwahahaha.

PAHABOL: Ako pala ang naging Best in Filipino noong graduation namin sa kabila ng pamamahiya sa akin ng aming guro, naks naman kaya si Angelito may pag-asa pa hehehe.

HULA SCOOP: Magmumuni-muni ka sa iyong mga nakikita sa paligid

2011-11-10T05:12:00.000+09:00

HULA: Magmumuni-muni ka sa iyong mga nakikita sa paligid, may mga bagay kasi na akala mo pareho pero iba at may mga bagay na akala mo iba pero pareho pala.

SCOOP: Napag isip ba kayo ng hula ko? Ako, oo! Di ko naintindihan kasi yun hula ko e hehehe, masyadong malalim pero parang mababaw naman, ayan parang katulad ng sinabi ko na yan, walang pinag-iba yan sa pareho pero iba. Hay naku nakakaloka, kahit hindi hahaha.

--------------------------------------------------------------

Nakita ninyo ba ang larawan na nasa itaas?? Yun isa sa kanan galing Japan at yun isa galing pa ng Pilipinas. Binili ko muna yun sa Japan kasi nga natawa ako sa spelling nila at nang umuwi ako ng Pilipinas noong isang taon talagang bumili pa ako ng rexona para lang ipaghambing ang dalawa at para lang sa blog ko na to ha, hehehe (ang weird ko talaga!! hahaha). Sa palagay nyo iisa lang ba ang may gawa nito? Pareho sila pero nagkakaiba sa spelling, inisip ko na lang na hindi lang marunong magspelling ang mga Hapon o yun lang talaga ang pagbigkas nila ng Rexona. Mukhang pareho namang tama yun dalawa kasi may check pa ibig sabihin tama yun spelling hehehe. Pero dapat yun made in Japan na yan e "ekis" o "x" ang nilagay at hindi check kasi nga mali ang spelling, hindi ako makakapayag e hahaha. Yun sa Japan pala ay spray at ang Pilipinas naman ay roll-on, so anong gusto ninyo? Pili na! hehehe. Siyanga pala, walang Rexona dito sa US, sa aking pagkakaalam dahil ginalugad ko na ang mga groceries dito pero wala akong matagpuan hehehe.

Eto pa, nivea naman tayo, pareho ba sila o iba?? alin, alin, alin ang naiba? isipin kung alin ang naiba, isipin mabuti, isipin kung alin, isipin kung alin ang naiba lalalala kinanta ko na lang yan hehehe kung natatandaan nyo pa yun batibot yan ang isa sa kinakanta nila Kuya Bodjie hehehe (yun ay kung kasing edad ko kayo hehehe).

Yun nasa kanan, Japanese version ng Nivea, nakita nyo ba yun drawing na parang lotion o logo nito? yun nasa kaliwa na US version ay pahalang ang logo/drawing nila na may parang droplet at yun nasa kanan naman ay pataas ang drawing nito o pa-vertical, kuha mo? kuha mo?? (hahaha tagline na naman ng 100 days to heaven).

Salonpas!! Alin ang naiba?? Pareho sila pero iba, hahaha. Actually naitapon ko na yun salonpas na nabili ko sa Japan (sayang! kakainis) kaya yun nasa kaliwa ay US version at yun nasa kanan naman ay galing pa ng Pilipinas, roll-on na po. At kung hindi pa ako napunta ng Japan hindi ko malalaman na galing pala talaga sa Japan ang salonpas at mabibili ito sa 50 bansa kaya di nakakapagtaka na meron din dito nito at made in Japan talaga ang nakalagay at yun roll-on naman na nabili ko sa Pilipinas ay made in Indonesia naman.

PAHABOL: Wala lang.....hehehe

HULA SCOOP: Magiging abala ka sa mga araw na darating

2011-10-29T12:28:00.002+09:00

Holen

HULA: Magiging abala ka sa mga araw na darating, pero sa kabila nito mag-aalala ka pa rin sa kapalaran na alam mong darating sa'yo, ginagawa mo lang na abala ka sa sarili mo upang hindi mo maramdaman ang pag-aalala, tama ba?

SCOOP: Pasensiya na po at super busy po ako (hay as usual). Pero sa totoo lang iniisip ko pa rin ang mangyayari sa kin kapag ganitong tumatanda na ko. Parang swak na swak talaga sa kin ang lahat ng hula ko?? hehehe (nagtaka pa no).

-----------------------------------------------------

Kahit ganitong abala ko, minsan bigla na lang sumagi sa isipan ko ang lahat ng "alaala" na "naaalala" ko pa rin hanggang ngayon. Ating ngang "alalahanin" ang mga ito:

1- Tatlong araw palang akong sinilang nang magkaroon daw ako ng sore eyes, kawawa naman pala ako noon. Hindi pa nga ako nakakakita e mutain na kaagad ako hehehe. Noong isang taon na ako, wala raw party syempre walang cake at lobo, can't afford daw kami e hehehe.

2- Mga dalawang taon ako dumedede pa rin daw ako sa Nanay ko.

3- Mga tatlong taon, dumedede pa rin daw ako sa Nanay ko, paminsan minsan, "am" daw ang iniinom ko pag may sakit ang tyan. Pero gatas pa rin ng Nanay ko ang iniinom ko, libre na masustansiya pa hehehe.

4- Mga apat na taon ako, ang Tatay ko na ang.....ang sumipil sa kin sa pagdede ko hahaha (wag naman sanang iba ang naisip nyo dito lol), biro lang di ko matandaan e.....pero alam ko gala ako noon, laging laman ng lansangan, naglalaro ng taguan pong at bahay-bahayan...yun ang sabi ng Tatay at Nanay ko

5- Limang taon ako noon mas layas ako at mas marami na akong alam na laro, may agawan base, agawan panyo, chinese garter, piko, patintero, yoyo, open the basket, pick-up-sticks, pass the message (naks ingles mga to ah hehehe), pitik bulag, larong goma, larong trumpo, shato, tumbang preso, sipa, harangang taga, luksong baka, langit, lupa at impiyerno, holen at meron pa yun kaha ng mga sigarilyo ang ginagawang pera at yun tansan ang kinakalog mo (yun pinakamahal na kaha ay yun camel, 100 pesos ang halaga, ang champion ay 50 pesos yata, 5 piso lang ang marlboro ang dami kasing naninigarilyo nito) at marami pang iba na hindi ko na maalala. Pag pasko naman pinipitpit ang tansan para gawing parang marakas. At yung iba pang mga laro ay may halong kanta na kagaya ng monkey,monkey anabelle, Nena (as in "noong si Nena ay bata pa kaya ang sabi niya ay um-um um a-a-a) at ang iba ngayon ay pinauso ng composer na si Lito Camo kagaya ng sasara ang bulaklak, boom tarat tarat, atbp

6- Mga anim na taon ako, mas marami akong alam na laro na at mas bihasa na ako, bihasa na ko sa text, ibang klase ang text nun, pinipitik mo lang ang tatlong text na yari sa karton at lumilipad na, aabangan mo lang bumagsak at malalaman mo kung panalo ka o talo. Ngayon, ibang klase na ang text, pinipindot mo lang ang cellphone mo, zoom! mabilis pa kay superman tanggap na nang tao na tinext mo, di na kailangan lumipad, panalo ka kung sinagot ka, talo ka kung walang load yun tinext mo hehehe.

7- Pitong taon- eto yun nabundol ako at tumilapon lang naman sa kalsada, awa ng Diyos eto nagsusulat pa rin ng blog na binabasa ninyo, matino pa rin naman hehehe kahit may sayad ng konti, sayad sa kalokohan.

8- Walong taon, marunong na akong tumula, na ayon sa Tatay ko mahaba na para sa edad ko na masaulo ko ang limang saknong na may tig-sampung linya. Hindi ko lubos na maisip na nagawa ko na tumula sa maraming tao at lalo na kung napakinggan ako ng maraming tao sa radyo dahil sumali ako sa "Tita Betty's Children Show" sa DZBB. At sa sobrang kaba ko e nalimutan ko lang naman ang tula ko hahaha, pero pinagpatuloy ko naman nang maalala ko na hehehe, ayun second place lang. Ang pamagat ng tula ko, "Ang Kabataan At Ang Pananampalataya" hay di ko na matandaan ang buong tula e, sayang.

9- Siyam na taon na ako, so ayun grade 3 na ako, mahilig daw akong magdrawing sabi ng guro ko, pero hindi siya nasiyahan dito kasi raw sa desk raw ako nagdo-drawing hehehe habang nagtuturo pa siya (dino-drawing ko lang naman siya e hahaha).

10- Sampung taon, grade 4 na ko, ginawa akong muse ng teacher ko kahit ayaw ko at sinali ako sa contest, paramihan ng dyaryo, kung sino pinakamaraming dyaryo siya ang panalo at Ms......nalimutan ko na ang name ng contest na to.....sabihin na lang natin na "Ms. Dyaryo" hehehe. Ayun isa akong talunan, "kulelat pa" hahaha ni isang pirasong dyaryo wala akong binigay (sayang e, kami na lang nagbenta may pera pa kami hehehe). So ang nanalo yun bumili ng lahat ng dyaryo sa junk shop hehehe.

11- Labing isang taon ako, napabilang ako sa program na "Tulong Dunong" ng Ateneo kung saan ang masuwerteng o napili na "matatalinong" mag-aaral ng isang paaralan ay mabibigyan ng pagkakataon na magkaroon ng tutor na poging Atenista (yes!) hehehe. Tuwing Martes, inaabangan na namin ang bus ng Ateneo para makita ang mga crush naming Atenista hehehe. At nagkaroon ako ng pagkakataon na mag-aral ng summer sa Ateneo (Loyola), grabe nose bleed ako sa english doon at pati ang Math, sakit sa utak hahaha. Ang layo ng nilalakad ko noon mula Aurora Blvd/Katipunan hanggang loob ng Ateneo High School, minsan sumasakay kami sa "love bus" hanggang sa loob ng Ateneo, doon kasi dati ang garahe ng Love Bus kaya konti na lang lalakarin namin papuntang high school building. Kung bakit mga tao dun lahat may kotse kakainis hehehe.

12- Labing dalawang taon, grade 6 na ko, umasa ako na magiging scholar ako ng "Tulong Dunong" isang programa ng Ateneo na tumutulong sa mahihirap na makapag aral sa pribadong paaralan na tulad ng Ateneo, Maryknoll o kilala na ngayon na Miriam College, St. Joseph, at yun isa pang exclusive school for girls na malapit sa Katipunan, St. Bridgette (hay naalala ko rin)...ayun si Fr. O'Brien di ako kinuha na magtest for scholar, masama ang loob ko talaga noon, hanggang ngayon dala ko pa rin. Nakataga sa bato ang pangalan ng pari na yan hahaha, May favoritism talaga siya, hayyy sayang talaga. Ang isa pa sa kinuha niya na estudyante ay yun may sariling bahay sa Antipolo, samantalang kami walang sariling bahay , pero yun isa sa napili niya di rin naman nakapasa sa test, siguro ako baka nakapasa pa ako hahaha (ang yabang), syempre ang basehan ko eh may honor ako noon yun napili niya wala. Kaya hinding-hndi ko malilimutan ang pari na yan hehehe (sorry). Bakit hindi ako nakuha??? Why as in Y?

13- 16 years- high school days ang unforgettable days daw ng isang estudyante...kaya ayun di ko rin nalimutan, pero kalimutan nyo na muna yan, masyado ng mahaba ito e hahaha, basta ang alam ko magaling akong magkalas ng M-1 Garrand, naks yabang! Mga events: JS Prom, Graduation Ball, Valentine's Booths at Corps of Sponsors, ako ang nagpasimuno ng mga yan hehehe

17- Seventeen na ko! Naks first time makahipan ng cake! Grabe first time ko palang magkaroon ng cake hehehe pero hindi pa sa bahay namin, sa isang kursilyo hahaha.....uy pero mabait ako noon ha, alam nyo naman, yayaan ng barkada kaya napasama ako. Binale ko lang ang paniniwala na kapag masama ka e dapat daw magkursilyo, hahaha. Binaliktad ko yun, kapag mabait ka dapat magkursilyo ka para lalong bumait hahaha.

18- Debut ko, walang kutilyon.....yun pinsan ko nagdala ng mirror ball, component at speakers ayun nagkaroon ng maliit na party sa amin lang magpipinsan.....Coup d'etat- anak ng pating si Gringo Honasan binomba ang Aguinaldo e sa likod lang namin yun, ayun na evacuate kami, first time kong makakita ng tora-tora nakakatakot parang giyera talaga( pero sayang wala pang cellphone may cam nakuna ko sana ng picture), may mga tangke ng sundalo na nakaharang sa kalsada. Dumadagundong ang daan dahil sa pagbomba. Unforgettable yan, kesa sa araw na nakilala ko ang asawa ko hahaha.

19- MU na kami ng ex bf ko as in "Mag-Un" nabola ako hahaha, pakakasalan daw ako sa lahat ng simbahan, corny pero kinagat ko ang pambobola niya, kala ko totoo....eto pa, nasa Mapua ako noon, nang lumindol ng malakas mga 6.3 yata sa Metro Manila pero 7.8 sa epicenter sa Nueva Ecija, yun ang araw na gumuho na parang accordion ang Hyatt Hotel sa Baguio, para kaming dinuduyan....ayun pagkatapos ng lindol wala nang masakyan, naglakad ako mula Mapua (malapit sa Manila City Hall) hanggang QI sa Araneta Ave....waaaa sakit sa paa! Di ko talaga malilimutan ang araw na yan!

20- Twenty na ko! Ang Mt. Pinatubo pumutok naman, nagkaroon ng lahar at yun abo narating pati Metro Manila pati nga karatig bansa eh at yun din ang araw na yan na ang ex-bf ko lumipad papuntang US, maraming nagsasabi kalimitan daw na pumupunta sa US hindi na bumabalik, binale ko rin ang paniniwala na yan! Thrice a week siya kung sumulat sa kin, nagkakasalubong na nga sa ere ang mga sulat namin e hahaha

21- Yun ex ko bumalik (naks!) mahal pala talaga niya ako hehehe, ayun di nako pinakawalan, nagbunga....ang araw hahaha, ng bata pala hehehe

22- Yun ex bf ko, mananatiling ex bf na talaga, dahil pinakasalan na niya ako hehehe, asawa ko na pala siya. So matapos makuha ko ang MD ko as in Marriage Degree ay nakuha ko rin ang BS degree ko in ECE, naks sa wakas nakatapos din! Nauna nga langa ng MD ko sa BS Degree ko lol

23- Hay nakapagtrabaho din kahit mahirap makakuha ng trabaho lalo na pag may asawa ang isang babaeng katulad ko.....ang lupit sa discrimination kapag may asawa ka na! Pero enjoy ako sa mga Hapon, ang hirap makaintindi ng ingles!! Uy hindi po ako naging japayuki (wala akong K hehehe), mga amo ko sila sa isang manufacturing ng semiconductor, SHARP LEDs ang aming produkto, hanep! techy na ko niyan!

24- Twenty four na ko, pero ayoko na! Nagresign na ko sa work, at inaayos ko na ang papeles namin ng anak ko papuntang US.

25- Sa wakas nakarating din sa US! Masayang masaya na naging buo na rin ang aming pamilya na minsan pinaghiwalay ng tadhana (naks ang lalim!). Manghang-mangha ako sa California, ang freeway ang lapad, pero maraming Pinoy para akong nasa Pilipinas pa rin. Lahat ng kamag-anak at kaibigan ko sinulatan ko sa sobrang homesick ko, bakit kasi di pa uso ang internet noon??

26- Twenty six na ko, dito na ko tumigil sa pagbilang ng araw hehehe...pagbibilang ng sulat sa mailbox ang inatupag ko sa sobrang lungkot, sa 30 na sulat ko mga wala pang kalahati ang natatanggap ko huhuhu, ang lungkot pag nagbibilang ka lang ng langgam na umaakyat sa kisame sa loob ng bahay, wala naman kasi akong makitang butiki dito, di pala uso dito yun.

27-29- Sa wakas nakapagtrabaho din, at sa manufacturing ng power supply...nag-umpisa ako bilang technician, nagkukumpuni ng power supply na sa hinagap ko e hindi ko naisip na magagawa ko yun at kalaunan na promote naman bilang component engineer, kalimitan nagtetest ako at hindi ako nagdedesign kaya hindi ako ganun sa iniisip nyo na "bigatin," unti-unti lang akong bumigat nun....sa timbang nga lang hehehe.

30- Trenta na ko, yun bunso ko sinilang ko, ang layo ng agwat nilang magkapatid nag-alala kasi ako na walang mag-aalaga ng magiging anak namin kaya tumagal ng mahigit walong taon bago nasundan ang anak ko, para akong nanganganay pero nagtrabaho pa rin ako sa same company, loyalista kasi ako hehehe.

31- 32- Masyado akong loyal pa rin, Engineer pa rin ako sa power supply company

33- 37- Lumipat na kami ng Hawaii, tinalikdan ko ang matagal kong trabaho sa California at pinili ang pamilya ko na makasama kahit saan man kami mapadpad at awa ng Diyos nakapagtrabaho naman kaagad sa isang research and development ng medical device company.

38- 39 Konti na lang ang maalala ko, tumatanda na yata talaga ako, mula sa Hawaii nalipat kami sa Japan.... nag enjoy kami sa Japan pero kailangan uling umalis, so ayun nagresign na naman ako.....hayyy

40 - Oct. 29 birthday ko na pala, parang ang bilis ng panahon, 40 na pala ako, waaaaaaaaaaaaaaaaaaa!!! Tingnan natin kung talagang totoo na "Life Begins at 40"

HULA SCOOP: Tatamis ang pagsasamahan ninyo ng iyong minamahal

2011-09-06T00:58:00.033+09:00

mansanas na binalutan ng tsokolate na hinugisan na parang daga hehehe (kuha sa Disneyland)

HULA: Tatamis ang pagsasamahan ninyo ng iyong minamahal, kaibigan man ito o iyong pagsintang mahal sana lang huwag mo lang matikman ang pait dahil kung mapait....malamang pagkain lang yang minamahal mo hehehe.

SCOOP: Bakit nga sa buhay kung may tamis laging may pait pagkatapos ng lahat? Di ko talaga magets, kayo kuha niyo? Mabuti pa ang chocolate laging matamis kahit galing ito sa mapait na kakao hehehe.

-----------------------------------------------------

Nakakatawa minsan isipin pero iisipin ko pa rin na minsan nagpatamis sa buhay ko ang pagkain ng candy at tsokolate.

Naalala ko kasing bigla yun buhay ko noong bata pa ako. Simple lang ang lahat, pagkagising sa umaga, kakain ng almusal, maglalaro sa kalsada, tatawagin ako ng Nanay ko sa pamamagitan ng mahabang sipol at pag narinig ko na yun, oras na para umuwi kasi kakain na ng tanghalian. Tapos dapat matutulog na pero tumatakas ako para maglaro uli at minsan pag may barya bibili ng candy sa kapitbahay namin na may tindahan kahit na may tindahan naman kami hehehe.
Pero ang naalala ko yun nagpasira sa mga baby teeth ko ang aking mga paboritong chocolates at candies, teka ano nga uli ang tagalog ng candy?? Kaya nandito ang listahan ko, kulang pa nga ito kung may time kayo, dagdagan n'yo na lang para mas masaya.

MGA CHOCOLATE AT CANDY NOONG BATA PA AKO (LATE 70's and EARLY 80's):

nips- eto ang m&m pinoy version natin, hugis butones at makulay, matanong ko lang may kulay blue na ba na nips noong 70s? kasi ang m&m noong 1995 lang nagkaroon ng kulay na blue

swiss cups- di pa uso ang chocnut nun, eto ang paborito ko noon, hugis na bilog na flat siya pero mas maliit, lasang chocnut din, pinapalaman ko ito sa pandesal o pandelemon, kaya lasang peanut butter na rin hehehe, sino kaya ang manufacturer nito? nalugi na siguro hehehe

lipps- naalala ko lang itong candy na ito noong minsan nag-usap kami ng mga high school classmates ko sa facebook at nauwi sa mga paborito namin candy noon (kaya naiblog ko ngayon ang topic na ito); ito yun kulay pula na candy pag kinain mo e pupula ang dila at labi mo sa sobrang food coloring nito hehehe

kendi mint- kulay berde yun wrapper nito, kulay white naman yun candy at syempre mint ang lasa may palaman na chocolate sa loob

vi-va- kulay orange brown ang wrapper nito at lasang kape ang candy na to (salamat kay mamu na friend ko at pinaalala nya ito)

Peter's ball- bilog na candy kulay orange, kung saan ako nabilaukan at muntik ng di makahinga noong kumain ako niyan habang nakahiga hehehe, kaya hindi ko dapat malimutan ang pangalan ng candy na yan hehehe, tawag naman dito Peter ball lang, moral lesson: wag matutulog o humiga kapag may candy pa ang bibig lol

vicks candy- candy na lasang vicks hehehe, hugis tatsulok o triangle nabibili ng tingi o isa-isa

storck- kulay green ang wrapper na menthol candy, di pa uso noon ang maxx na candy, eto ang sikat noon kahit na ang chismis ay nakakabaog daw ito hehehe, chismis lang naman ng mga bata yan ha, gusto nyo bang malaman kung bakit?? hehehe

chiclets- chicletin mo baby! naalala ko yan commercial tag line na yan hehehe, chewing gum na sikat noon hanggang ngayon

juicy fruit- ang prutas na walang buto hehehe chewing gum na di ko alam kung paano naging prutas?

double mint- kamag-anak ng juicy fruit, kulay berde ang wrapper

texas- matigas na bubble gum, sakit sa ngipin pag kagat mo pero gusto ko pa rin, pag nangata mo na medyo may buo-buo pa ito, at pag wala na yun buo-buo nito that means wala ng lasa ito, tama ba ako?

bazooka joe- bubble gum na nakakabulon sa laki, pero malasa at matamis, nagkokolek ako noon ng comic strips nito kasi kada isa nito ay may nakasingit na comic strip, hindi ko naman mabuo ang comic strips na yun, kelangan mo pang bumili ng marami at makapagpalobo ng sangkatutak para matapos mo ang istorya

cloud 9- syempre ang pinoy version ng snickers, mala-nougat ang dating na may mani at caramel, dito raw pinaglihi ang pamangkin ng asawa ko kaya ang kulay ng balat nito ay parang cloud9, may patse-patse na dark brown, medyo brown at white pero hindi siya dalmatian ha, hehehe

big bang- chocolate na may pinipig, mas gusto ko ang chocolate na ito sa cloud9 kasi mas paborito ko ang pinipig kumpara sa mani, tinitigyawat kasi ako sa mani....ayyy sa mukha pala hahaha

serg's- milk chocolate bar, meron pa ba nito?

goya- hugis kabaong ang chocolate na ito, ang dami na palang klase ng goya chocolate ngayon kaya di ko alam ang pangalan ng chocolate nila na ito dati, basta ang alam ko pag may bumibili sa min, sinasabi lang na "pabili ng goya"

curly tops- curly kasi yun gilid nito at hinulma ito sa pangkaraniwang hugis ng muffin pero syempre maliit na version lang pero may kasamang papel pa ito noon kapag binibili kaya pwedeng tingi ang tinda, medyo may kamahalan na ang chocolate na ito noong bata ako kaya hindi ako pwedeng kumain ng marami nito hehehe

flat tops- flat kasi ang top kaya flat tops hehehe, hugis bilog at kulay orange ang wrapper at ang nakalagay na marka sa top nito ay "Ricoa" yun kasi ang manufacturer nito

choco mallows- marshmallow na binalutan ng chocolate, minsan nauubos ko ang tinda namin na to kaya nagagalit ang Nanay ko, lugi raw kami sa chocolate na yan hehehe, kaya tinigil na namin magtinda mula nang maadik ako dyan

choco crunchies- kamag-anak ni choco mallows ito kasi isa lang ang may gawa, ang Fibisco hanggang ngayon paborito ko pa rin ito, crunchy kasi talaga ang biskwit nito sa loob, nabebenta ng tingi ito noon ewan ko lang ngayon, mahal na rin ito noon kaya dumidekwat ako nito sa tindahan namin pag hindi nakatingin ang Tatay ko hehehe

belekoy- makunat na parang nougat sabi ng iba lasang Instik daw, tanong ko naman, "bakit nalalasahan ba ang Intsik?" hehehe at pag tinitinda namin wala na siyang balot kulay brown siya, meron pa kaya nitong nabibili na tingi sa tindahan?

ampaw- eto yun kanin na nilagyan ng brown sugar (hindi asukal na pula ha, brown siya as in brown hehehe), popped rice tawag sa ingles

matamis na sampalok na nakapalibot sa laruan na kutsara at tinidor (pero walang buto)- singko yata isa ang candy na ito, nabibili ng tingi, kailangan mo munang kainin ang sampalok bago mo makuha ang libreng laruan na kutsara o tinidor, at kapag marami na meron ka ng koleksyon na laruan na kutsara't tinidor (eto lang ang mga laruan ko noon e wala akong manika)

yema- nakabalot sa matingkad na kulay pula o yellow na papel na cellophane at hugis pyramid, matamis na lasang kondensada na gatas; yun wrapper nito nilalagay namin sa bibig namin, wala lang hehehe dumidikit kasi pag nabasa lol

macapuno balls- sarap nito napapalibutang asukal na lasang macapuno kahit wala akong makain na macapuno ayos lang

bukayo- minatamis na shredded na niyog

sampaloc candy- minatamis na sampalok, asukal at asin ang una mong matitikman bago ka magiging busy sa pagtanggal ng buto sa bibig mo hehehe at yun buto pwede ng gamitin sa larong sungka hehehe

sundot kulangot- ang walang kamatayang paborito kong candy hehehe, arnibal lang ito na nilgay sa maliit na kawayan at sinusundot mo ito ng stick para makain mo, mabantot ang pangalan pero masarap! miss ko na ito...nabibili lang namin ito sa labas ng school namin...meron pa kaya ito ngayon? gusto ko uling matikman ito at kokodakan ko hehehe

Ano ang tawag o pangalan ng mga ito?:

hugis bilog na kulay red brown na kapag naglalaro kami ay ginagawa namin ostiya, lasang Intsik din daw sabi ng iba, sabi ko naman, "mabuti pa sila nalasahan na ang Intsik, ako hindi pa" hehehe

apa o barquillos na hugis cylinder na may pulboron sa loob- bago mo kainin dapat mong higupin ang pulboron sa loob, ginagawa naming sigarilyo pag naglalaro kami hehehe, pero iwasan lang mabasa ng laway kasi kukunat ito hahaha

hugis bote ng gatas ng bata- susupsupin mo ito para makain para kang dumedede rin hehehe at ang laman ng loob ay powdered milk

chocolate na hugis itlog, ano na nga ang tawag sa chocolate na to??

Pasensiya na, walang sagot kasi hindi ko talaga alam ang tawag sa mga yan, kaya ako nagtatanong no.

PAHABOL: Sayang wala akong pictures ng lahat ng mga peborit ko na yan, parang gusto kong umuwi ng Pilipinas at hanapin ang mga ito at kokodakan ko silang lahat hehehe

ISA PANG TANONG: Bakit noon, hindi ko alam na nakaka hyper pala ang kumain ng candy at tsokolate? Kayo, alam nyo ba? Nang dumating lang ako sa US saka naging big deal ang pagkain ng candy at chocolates sa mga bata.

HULA SCOOP: Matututo ka ng maraming kaalaman sa internet

2011-08-04T03:07:00.010+09:00

HULA: Matututo ka ng maraming kaalaman sa internet. Pero mag-ingat ka, baka matulad ka sa iba dyan, lam mo na....alam ko na rin yun, alam mo na nga ba?? hahaha basta alam mo alam ko na rin!

SCOOP: Paano ba mag-ingat para matuto? Pulutin mo ang mabubuti para sayo at itapon mo ang di dapat pero huwag ka naman maging basurero. Magshare ka rin naman sa iba. Tama di ba??

--------------------------------------------------

Sa panahon ngayon parang ang hirap matuto na nag-iingat, masyadong maimpluwensiya ang internet ngayon. Pero minsan nakakatuwa rin isipin na mas napapadali ang lahat dahil sa paggamit ng internet dahil sa pagtanong mo kay pareng google o kahit pa kay kumareng yahoo, may sagot agad, na dati rati parang milya-milya ang layo para malaman mo ang isang bagay na hindi mo alam. Noon kapag hindi mo makita si kapitbahay na Merriam o kahit pa si Britannica hindi mo na alam ang sagot sa mga katanungan mo e paano na lang kung wala kang kapitbahay na Merriam o Britannica?? Di ba? Pupunta ka pa sa public library, para lang alamin pero sa sobrang tamad ng mga tao at sobrang abala hindi na nanaisin pang malaman o pumunta sa library..... teka ano nga ba ang tagalog ng library? Teka matanong nga si pareng google......hintay kayo ha.

Ayun, aklatan! Nalimutan ko na nga yan salita na yan sa Tagalog, pero ngayon mas mabilis na lalo na kung wala akong English-tagalog na dictionary(wala naman talaga), sa internet nandun na ang kasagutan. Ang dati-rati na "milya-milya" ang layo, o kahit "ga-dipa" o ga-kamay" (meron ba nun? hehehe) ang layo ng dictionary mo sayo, ngayon "ga-keyboard" o "ga-daliri" o "ga-pindot"na ang lapit hahaha.

Natatandaan ko nga noong ako pa ay nagtatrabaho sa California, may ka opisina ako na Pinoy din at naitanong niya sa akin ito, mga 10 taon na itong nakakalipas kaya siguro noon eh hindi pa niya masyadong ginagamit si google ng buhay ko hehehe:

Joe: Sards alam mo pa ba ang preamble ng Philippine Constitution natin?
Sards: Ahhh oo naman (sabay type sa google ng "preamble of the Philippines Constitution.....habang nagchecheck ako ng sagot sabay tanong ko na).....bakit di mo ba yun alam??? (ayun lumabas na ang sagot, ang bilis!)
Joe: hindi e, nalimutan ko na. Talaga alam mo pa rin yun preamble? Saulo mo pa rin? Sige nga sabihin mo sa kin. (Aba ang mokong hinahamon talaga ako, hehehe)
Sards: Oo naman, eto (sabay basa sa internet, dahan-dahan na parang sinasaulo at ninanamnam):

"We, the sovereign Filipino people, imploring the aid of Almighty God, in order to build a just and humane society and establish a Government that shall embody our ideals and aspirations, promote the common good, conserve and develop our patrimony, and secure to ourselves and our posterity the blessings of independence and democracy under the rule of law and a regime of truth, justice, freedom, love, equality, and peace, do ordain and promulgate this Constitution."

Joe: Ang galing mo naman.
Sards: Syempre sinaulo ko yan nun nasa College ako no at until now saulo ko pa rin. Ang higpit ng teacher ko nun.
Joe: Eh yun 1987 Philippine Constitution alam mo lahat??
Sards: Sobra ka naman, di ko na alam yun no, ang hirap kaya nun! (baka mahalata na ko nya no, hahaha)

Aral 1: Daig ng wais ang mabagal magtype, hahaha.
Aral 2: Ibahagi ang nalalaman, huwag maging taga pulot na lang, kasi basurero labas mo nyan.
Aral 3: Minsan kailangan mong mag sinungaling kaysa maging hambog para makuha mo ang paghanga ng iba.

Sana lang huwag niyang mabasa ito, dahil hanggang ngayon di pa niya alam ang sikreto ko, hahaha.

HULA SCOOP: Mapalad ka sa darating na mga araw

2011-07-23T01:26:00.013+09:00

HULA : Mapalad ka sa darating na mga araw pero hindi mo lang alam kung kailan at anong araw yun. Ang mahalaga susuwertehin ka at papalarin na darating ang araw na yun. Maghintay ka lang, may araw ka rin.

SCOOP: Ang suwerte minsan lang dumating sa buhay natin kaya dapat sinusunggaban kaagad yan. At kapag dumating na sa buhay mo huwag mong hayaan makawala dahil hindi naman lumilipad ang suwerte e kaso bakit minsan nawawala?? Yun ang dapat mong malaman. Bahala ka na kung paano hehehe

-------------------------------------------------------------

Mag-iisang buwan na pala nang manalo ako sa pakontest ni Blogusvox sa kanyang blog na "The Sandbox" at ang premyo ay ang larawan na nasa taas, ang aking caricature, ang ganda no? alam ko maganda yun drawing nya at hindi ako hehehe.....ok lang, ganun talaga. Salamat Blogus! Super fan po niya ko sa larangan ng kanyang mga nilikhang mga caricatures at cartoons kaya tuwang-tuwa ako nang manalo ako.

Ang tanong niya sa contest ay "Sino ang utak sa pagpatay kay heneral luna," nakasulat ito sa ating katutubong "alibata" kailangan munang ibreak ang code na yun para mabasa mo. E hindi naitatanong ng iba (actually ng lahat pala hehehe) na ka-birthday ko si kumpareng Antonio Luna, kaya medyo alam ko ng konti ang kanyang buhay, "blessing in disguise" naswertehan ko na manalo....."luck-luck" (swerte-swerte) lang talaga na manalo sa pacontest.

Siyanga pala, naging adik na rin ako sa twitter bukod sa facebook kaya ibabahagi ko lang ang ibang mga tweets ko dito sa blog ko dahil madalang na akong magpost dito, isang buwan palang akong nagtwi-twitt, adik ba? hehehe

Mga tweets ko:

Mga katanungan na walang sumagot:

bkit nga ang hirap iwnan ang isang bgay na minsan mo nang naumpisahan na? khit alam mong pinaiikot-ikot ka na ng pagkakataon?
Gaano kadalas ang minsan para minsan malaman natin kung gaano kadalas ito? Hayy ang labo ko talaga
Bkit may mga taong wlang pic ang profile s facebook? Kya nga facebook dpat kita face,kung takot silang mglgay sna nagtwitter na lang sila
Pag ba kumakalam ang sikmura nagugutom na? O naiirita lang ang bituka dahil puro hangin lang ang nakakain niya??

Wala Lang:

Ang hirap gumising! kung pwede lang tungkuran ang mga pilikmata ko ng posporo kaso wala e ayoko nmang lighter ang gamitin ko
Mahirap magsimula sa umpisa pero mas mahirap magsimula sa dulo, dahil mahuhuli ka, kuha nyo? Kailan kaya dadami followers ko? Hehe
Ang hirap ng gutom ang ingay ng tyan ko di ko naman mapagalitan
"Pagmulat ng mata langit nakatawa sa nanana-....." wala lang kumakanta ng theme song ng batibot hehe
Motto ko: "walang matigas na kape sa mainit na kapeng pagsasawsawan"
Ang buhay ay parang paglangoy kailangan mo munang mkainom ng tubig bgo mo mlman n nalulunod ka na, kya ayokong lumngoy alm ko n lsa ng 2big

Hula:

May gumugulo sa isip mo, wag mong hyaan guluhin ka nito baka lalong magkagulo at lalong gugulo ang buhay mo.
Hindi mo maiiwasang mainis, pero iwasan mo pa rin mahirap na baka lalo kang mainis.
Maganda ang umaga mo, masisilayan sayo ang ngiti kahit na may panis na laway pa sa'yong labi.
Magbabaksali k sa isang bgay n d mo pa ngawa pero susubukan mo p rin kc pasaway ka hehehe
May isang tao n hindi mo malilimutan, 2 lang ang dhilan nito mlamang pntibok o sinksak ang puso mo ni2. Buti pa puso ng saging manhid
May isang tanong sa'yo na magbibigay sa'yo ng kasagutan na isang katanungan din. "Bakit" kuha mo?
Magdadalawang isip ka, iniisip mo kung pag-iisipan mo bang iniisip ka ng iba o iniisip mo na iniisip ka ng nag-iisip sa'yo

HULA SCOOP: Maganda ang umaga mo, masisilayan ang 'yong mga ngiti

2011-06-24T03:44:00.012+09:00

Kape at Pandesal bida sa almusal

HULA: Maganda ang umaga mo sa araw na ito, masisilayan ang yong mga ngiti kahit na may panis na laway sa'yong mga labi. Mag-ingat ka pagdating ng tanghali.....dahil baka labi mo'y mapangiwi.....hindi ko na alam ang sunod pang mangyayari. Bahala ka na dumiskarte life mo yan no...go, go, go dali!

SCOOP: Malamang masaya ka ngayon kasi mapapangiti ka raw e. So ako naman isip-isip, paano nga ba ako mapapangiti?

-----------------------------------------------------

Sa totoo lang ang hirap talaga mag-isip ng ipopost ko dito, kung bakit kasi hulascoop pa ang paksa ng blog ko, para talagang naghanap ako ng pako na ipupukpok sa ulo ko....ay martilyo pala na may pako hehehe. Ang hirap!! Minsan wala talagang pumapasok sa utak ko as if meron naman akong utak? hehehe

Ayun, eto nagtatype lang ako pero wala pa akong topic, bahala na si daliri kung saan ako dalhin go lang ng go, sunod lang ako, wag lang sa parte na mamasa-masa e ibang lugar na yan....tubig na yan no! hahaha kala nyo ha! di yata ako makakapag type sa tubig no! So eto, balik uli ako sa keyboard, basta pindutan medyo mabagal ako e, sanay kasi ako sa himas ba....himas ng ballpen lang kasi alam ko habang nag-iisip. Ganyan ako nun di pa uso ang computer...hehehe.

So eto nagbabalik tanaw na lang ako, lam n'yo naman kahit matagal na ako dito sa Amerika ang puso't isipan ko ay nasa Pilipinas pa rin.

Eto mga ginawa ko kanina bago ako gumawa ng blog:

1. Pag gising ko, may ngiti sa aking mga labi, naks totoo pala ang hula ko! "Happy Yipee Yehey" talaga! hehehe...hmmm bakit kaya? syempre birthday ng aking Papa kahapon lam n'yo na, dapat may surprise gift....kaya ayun....bingyan ko siya ng......secret....syempre secret dapat yun niregalo ko sa kanya no hehehe. Eh masaya ang aking Papa kaya masaya rin ako kaya hanggang pag gising ko masaya pa rin ako, basta ganun hehehe. Wala kasi akong bad dreams no hehehe.

2. Mga 6:45am nag alarm ang celfon ko , so "pinindot" ko ang snooze, idlip uli ako....tumunog na naman yun alarm, pindot na naman ako, ayun pindot-idlip-pindot ang ginawa ko, kakapagod kaya ginising ko na rin sarili ko, nakakagising pala talaga ang pindot...hehehe. Bakit kasi nauso ang "snooze" sa alarm clock o kahit sa cellphone? E kaya ka nga nag-aalarm para magising ka tapos maglalagay sila ng button na snooze para umidlip uli? Ang labo talaga ng tao, di ko magets minsan.

3. Pinatay ko na ang alarm ko at handa ng tumayo mga 7:10 yun, dakma kaagad ako sa aking peborit....ang aking celfon. Wala na pala ang aking Papa, pumasok na sa trabaho, nagising nga pala ako sa kanyang halik para magpaalam na aalis na siya. Kaya ayun, check ko ang twitter ko, hanep 2 days ago lang ako nagsimula na magtwitt pero 2 years na akong may twitter. Medyo feel ko maaadik yata ako dito, dati kasi facebook ang una kong chinecheck ngayon twitter na. Masamang senyales na naman ito, tsk tsk tsk. So ayun, nagtwitt na ako then nagcheck ng facebook at nagkolekta ng mga pera sa aking cityville hehehe. Teka, follow nyo naman ako sa twitter ko, "hulascoop" ang username ko hehehe.

4. Bumaba ako at tumungo na sa aming kusina ng 8am, ang dalawa kong magaling na mga anak, tulog pa rin, napuyat kakapanood ng korean soaps (hmmm ewan ko ba naadik na sila dun, mabango kaya yun mga soaps ng Korean?? hehehe), hayy.... bakasyon na kasi sila, kitang-kita ko ang "ibidinsya" makalat ang kwarto!! grabe! Pero hindi ako nagpaapekto sa aking magandang umaga, ignore ko na lang sila, tatanda lang ako kagad kung magagalit ako no. Kaya nagtoast (ano nga ba ang toast sa tagalog? hay naku nalimutan ko na) ako ng pandesal at take note po, wheat siya binili ko sa Valerio's bakery...feeling healthy hehehe. Gumawa rin ako ng kape. Hmmm ano kayang palaman, peanut butter! Eto na naman ako nagbalik sa alaala ko ang ginagawa kong palaman noon na swiss cup na chocolate lasang chocnut yun, wala na yata ngayon ganun sa Pilipinas. Pero tanda ko talaga ang pangalan kasi may tinda kami nun sa tindahan namin, hugis bilog siya at hindi hugis cup at masarap, peborit ko yun. Dinudurog ko at binubudbod yun swiss cup sa pandesal, lasang peanut butter na hehehe.

Tsalap!! Kaya pandesal na peanut butter ang palaman at kape ko ngayon sa almusal, labit!lab it! Isasawsaw ko pa sana sa kape pero nahiya ako sa sarili ko hahaha, may palaman naman pandesal ko e kaya di ko na ginawa para ano pa, para pagkatapos isawsaw sa kape, hihigupin yun kape kasama yun mga "mumu" mula sa pandesal?? hehehe para masabing super linis ko?? gawain ko yan dati hindi na ngayon....paminsan-minsan na lang hehehe.

5. Naalala ko ang mga kapatid ko sa Pilipinas, kailangan na naman daw ng tulong e kaya, tumawag muna ko, bandang 8:15am yun. Ayun kwento-kwento about buhay-buhay nila then buhay-buhay uli ng ibang tao....kung ano ng nangyari kina nina Javier, Alexander, ang mag-inang Via at Magda, Abel, Rein, Ana Manalastas, atbp. hay nakakaadik kasing manood ng mga teleserye sa TFC no hehehe di pa ako makuntento e tinanong ko pa sa Ate ko hehehe. Kaya kung di nyo sila kilala, wag pansinin mga bida lang yan sa mga teleserye ng channel 2 hehehe. So kwentuhan uli at yun sa "hinaba-haba ng prusisyon, sa pagpadala ng pera din ang tuloy" ayun magpapadala ako ng pera bukas hehehe. Kung bakit pa kasi ako tumawag e hehehe.

6. Pag tingin ko sa orasan namin, 8:30am na pala so akyat uli ako sa taas at chineck ko pa muna ang facebook ko at saka nagpalit na ng damit, pumasok na naman sa alaala ko ang kanta ni Yoyoy Villame ang sikat na "Mag exercise tayo tuwing umaga" handa na kasi akong mag "jazzercise" todo na to! exercise to the max na hehehe. Ayun sinundo ako ng Thai friend ko para mapasabak uli sa exercise na umaatikabo.

7. Mga 10:30 na ako nakabalik mula sa jazzercise namin, iniisip ko kung kakain uli ako, gutom na kasi ako e hehehe, pero napigilan ko pa rin. Akyat na ko at check uli ng twitter, ayun isip ako ng hulascoop ko na ipopost ko sa twitter. After maipost, parang gusto ko rin mag update ng blog ko kaso wala talagang maisip na iba blog e. Hanggang eto gumawa na lang ng post kung anong pinag gagawa ko ngayon as in now na!

8. Tinatawag ako ng anak ko, gising na rin...at gutom na! Wala pa pala kaming ulam 12:30 na hahaha, pasensiya sila at nagkaroon sila na adik na Nanay, adik sa facebook, blog at twitter hehehe. Ano kayang uulamin namin??? Hmmm isip-isip...lucky me pancit canton na lang hahaha. O sige na magluluto na ko ng lucky me tapos lalagyan ko na lang ng itlog ng pugo. Peborit ko yan nunmaliit ako, laging may naglalako sa min ng itlog ng pugo, lagi ko rin almusal.

"Lucky me!" ay wish me luck pala...sa aming tanghalian, hehehe.

So anong masasabi nyo sa tanghalian namin, Pinoy na Pinoy ba? hehehe

HULA SCOOP: Mapagbigay at Maalalahanin Ka Sa'yong Minamahal sa Buhay

2011-06-18T05:23:00.009+09:00

Ang Tatay ko, mana sa kin hehehe

HULA: Mapagbigay at maalalahanin ka sa 'yong minamahal sa buhay, huwag mong babawiin ang anumang binigay mo na, alalahanin mo na lang na binigay mo na nga sa kanila yun kaya walang bawian....kuha mo? hehehe

SCOOP: Dapat lang na maging mapagbigay at maalalahanin ka lalo na sa iyong ama ngayong nalalapit na ang Father's Day at kahit saan man sya naroroon kapiling mo man o hindi, alam mo kung gaano mo siya kamahal at dapat lang na pahalagahan mo kung paano ka niya pinalaki at naging ano ka man ngayon ay dahil sa kanya, bahagi sya ng buhay mo. Teka, may regalo ka ba sa kanya?? hehehe kung wala e.....bumili na no!

----------------------------------------------------------

Malapit na ang Father’s day kaya bilang pagpapaalala sa mga ama natin ay narito ang ilang sinipi kong mga jokes na pinulot ko sa kung saan-saang panig ng cellphone at email ko:

Tatay: Anak, painumin mo ang kalabaw!

Anak: Opo tay!

Anak: Tay, ayaw uminom ng kalabaw eh!

Tatay: Saan mo ba inilagay?

Anak: Sa baso!

Tatay: Sus! Katangang bata! Lagyan mo ng straw

Tatay: Juan, mag-aral ka ha!

Juan: Ayoko tay, bobo kasi ako. Hindi ako makaintindi.

Tatay: Mag-aral ka nga para makaintindi ka!

Juan: Ayoko nga tay! Bakit hindi ka makaintindi? Bobo ka rin ba tay??

Nanay: Bobo ka talaga! 1 to 10 lang di mo kayang bilangin?
Anak: Mas bobo si tatay 'nay, kasi narinig ko minsan sabi niya, “Tama na Inday, hanggang tatlo lang ang kaya ko.”

Tatay: Lakas mong kumain ah, kapal talaga ng mukha mo! Bwisit!
Anak: Itay naman! E kung yung baboy, kumakain, tuwang tuwa pa kayo! Sino ba talaga ang anak nyo, ako, o yung baboy?

Tatay: Anak, Aatras ko BMW ha, sabihan mo ako kung mabubunggo na!
Anak: Ok.Tay. Sige, atras... Atras pa! Sige, atras pa! Atras pa! BOG! Ok, bunggo na tay!

Ina: Anak, tawagan mo nga ang tatay mo sa cellphone. Pauwiin mo dito. (Pagkatapos tawagan)
Anak: Inay, babae po ang sumagot!
Ina: Lintik! Sinasabi ko na nga ba, may itinatago yang tatay mo eh! Anong sabi?
Anak: You only have zero pesos in your account. Hindi ko na tinapos, inay, mukhang matapobre eh!

HAPPY FATHER's DAY sa aking Tatay at sa mga Tatay na nagbabasa ng hulascoop ko at sa mga Tatay ng mga Tatay na nagbabasa nito!!! At syempre sa Tatay ng mga anak ko hehehe

HULA SCOOP: Bigyan Mo Ng Pagpapahalaga Ang Naging Bahagi Na Ng Buhay Mo

2011-05-11T05:04:00.007+09:00

Kay Selyo...ay Ang Selyo pala hehehe

HULA: Bigyan mo ng pagpapahalaga ang naging bahagi na ng buhay mo. Huwag maging "ningas-kugon." Ano o sino pa man ito patuloy mong pahalagahan ang mga ito, ang mahalaga talaga ay importante....hehehe

SCOOP: Ano at sino nga ba ang mahalaga sa buhay natin, na minsan nakakaligtaan na natin dahil mayroon na tayong bagong pinapahalagahan, na hanggang sa simula lang at hindi na natin natatapos?

-------------------------------------

Teka bago tayo magsimula e hayaan nyo munang ipaliwanag ko ang binanggit kong idiom, para may matutunan naman kayo dito sa hulascoop ko, naks naman hehehe:

Kahulugan ko:
"ningas-kugon"-
ningas- apoy
kugon- uri ng damo? (tama ba?)

-siguro madaling mag-apoy kaya sa simula lang maningas tapos pag upos na e di wala na...hmmmp syempre wala ng ililiyab di ba e ubos na nga e? di ko alam kung saan nanggaling ang idiom na ito pero ang tanda ko lang, namana natin ito sa mga kastilaloy hehehe....at pati na rin ang pag-uugali na yan

O sige na nga hayaan ko naman kayong mag-isip ng kahulugan niyo, eto na ang aking topic......

MGA NASIMULAN KO NA HINDI KO MATAPOS-TAPOS

1. Natuto akong mag gitara ng maliit pa ako, pero hanggang basic na chords na lang na A, B, C, D, E, F, G ang natutunan ko wala na kasing H kaya hindi ko na rin tinapos ang pag-aaral ko, kung yun ngang chords e hanggang G lang e bakit ko pa tatapusin ng hanggang Z, di va?

2. Noong nasa mataas na paaralan na ako, mahilig akong mag-ipon ng mga selyo naging pangulo pa ako ng Philatelic Society Club sa aming paaralan. Iningatan ko ang mga ito, inisa-isa kong balutan ang bawat isang selyo para hind madumihan o masira ang perforation o mga ngipin ng mga ito. Hanggang ngayon marami pa rin akong mga selyo na dinala ko pa dito sa US pero wala ng balot, mga hubad na silang lahat hehehe.

3. Noong nasa mataas na paaralan pa rin ako, naging miyembro din ako ng rondalla, tumutugtog ako ng bandurya noon, pero ngayon iba na ang tinutugtog ko....pinipindot ko na lang ang ipod o iphone ko at may tumutunog na rin naman hehehe at hindi pa ako nagkakalyo.

4. Noon nasa college ako, gusto kong matutong tumugtog ng piano, ang problema wala kaming pambili ng piano hehehe. Natuto rin ako ng kaunti sa pamamagitan ng aking matalik na kaibigan pero nakikigamit lang ako ng piano sa kanila hehehe, ngayon may electronic organ naman kami pero di ko na rin tinutugtog....ibang organ kasi ang gusto ko sana......hmmm bamboo organ sana no! hahaha

5. Noong unang dating ko sa US, sa sobrang pangungulila ko, natuto akong manahi ng "cross-stitch" pero ang nagawa ko ay simpleng si "tweety" lang, di ko na kinaya ang mga mala anghel na mga disenyo .......hay hanggang tweeter na lang yata ako talaga hehehe....tweet na lang ng tweet

6. Noong napunta kami sa Hawaii, bumili naman ako ng ukulele( tamang bigkas ayon sa mga taga Hawaii ay: u as "uu" sagot ng mga nagtitext kung oo o hindi ang tanong, ku-le-le ang "u" ay hindi binibigkas na you, kuha mo? hahaha

7. At nitong wala na akong trabaho, naisipan kong gumawa ng blog...ayun sinipag magpost, dalawang blog pa ang nilikha, nanalo ng top 10 sa PEBA 2009 lalong sinipag magpost, pero ngayon halos isa sa isang buwan na lang ako magpost ng blog.....wala na kasing nagcocomment sa post ko e hahaha, nagsawa na sa hula ko, corny kasi e hehehe.

Bakit kaya ako ningas kugon? Y??

Eto pa, nagtayo ako ng resto ko, pero nagsawa din ako, napabayaan ko na rin.....bumili rin ako ng ekta-ektaryang lupain para ipabungkal sa mga magsasaka para makatulong sa paglago ng kanilang sakahan pero.... iniwanan ko rin at ngayon balak kong maging mayor, kakayanin ko kaya??? Hay grabe kaka adik talaga ang mga larong yan sa Facebook! Na adik kasi ako sa Farmville, Farmtown, Restaurant City at ngayon eto inuumpisahan ko na ang Cityville. Kuha mo?? Kung hindi, manood ka na lang ng 100 days to heaven ng channel 2 hahaha, yan kasi ang bukang bibig ng bida e lol.

Ang iniisip ko lang, siguro pwede ko pang ipagpatuloy ang mga nabinbin kong mga paglilibangan sana, kundi lang dahil kay Mark Zuckerberg, kung bakit naimbento pa niya itong facebook ngayon adik na adik na halos lahat ng mga tao at isa na ako doon. Kahit yata ang mga may-ari ng mga pagawaan ng mga kamera ay lumakas dahil kakafacebook ng mga tao, post ng picture dito, post doon. Punta sa party o gumala kung saan post ng pictures uli hehehe....parang ako hehehe

Hay, nagpapasalamat pa rin ako dahil sa facebook, nalilimutan ko ang pangungulila at lungkot ko lalo na kung maghapon ka lang sa bahay....kung walang facebook.....baka masira ang ulo ko kakabilang ng mga langgam na gumagapang sa dingding namin hehehe....kuha mo??

HULA SCOOP: May Mga Lugar Kang Hindi Binibigyan ng Pansin

2011-04-07T07:06:00.012+09:00

Bang bang bang, tunog ng mga baril

HULA: May mga lugar kang hindi binibigyan ng pansin na simula ngayon ay mapapansin mo na rin. Hindi mo lang alam kung ano ang mga ito na hindi mo napapansin noon na papansinin mo na nga ngayon.

SCOOP: Napag isip-isip n'yo ba na may lugar kayong "ini-echa pwera" n'yo na meron palang kabuluhan sa pagkatao o buhay n'yo?? Dami kaya, sige ibabahagi ko sa inyo ang ilan tapos kayo na bahala sa iba.

------------------------------------------------------------------

MGA LUGAR NA SA TINGIN KO AY KSP ("KI"NULANG SA PANSIN)

1. Kung saan ka lumaki o pinanganak- naisip nyo ba na kunan ng larawan ang lugar n'yo noong bata pa kayo? Ako naisip ko lang ngayon dahil uso na facebook hehehe, pwede na magbida...at pwede na magshare ng mga old memories.....then tag dito tag doon ng pictures hehehe, yun ay kung may ipagmamalaki ka sa lugar nyo. Naisip ko nga e kung saan ko naitago ang mga pictures ko na kuha kung saan ako lumaki. Pinagmamalaki ko naman ang lugar namin kahit pa hindi maganda ang bahay namin kahit gutay-gutay na ang pinto. Teka pinto nga lang yata ang makikita sa bahay namin e hehehe gutay-gutay pa.

2. May maituturing ka ba na iningat-ingatan mong picture na may kuha sa tapat ng school nyo? Kung may kuha ka man, binigyan mo ba ito ng pansin? Ako, wala lang....background lang yun school pero ako pa rin ang bida sa picture no hehehe. E ngayon hinahanap ko kung meron ba akong kuha ng picture ng mga school ko, lam nyo na pang "fezbuk" baga hehehe.

3. Naisip mo ba noon na bumisita sa isa man lang probinsiya o isla na malayo sa bahay ninyo at tapos magpa picture ka sa mga magagandang tanawin? Ngayon uso na to! Salamat sa internet, sa cellphone, sa digital camera at sa fezbuk uli at kung super hi-tech ka na salamat na rin sa DLSR camera hehehe. Parang lagi na natin bitbit ang mga gadgets natin tapos magpakodak-kodak ba.....kasi nga may facebook na no at meron ng blog pa, isa pa yun! Magpopost ng mga pictures para ishare, kung saan-saan na nakarating na lugar, pero dati ba naisip natin ito? Sa totoo lang, mas marami pa akong napuntahang lugar dito sa US kesa sa Pilipinas, kasi naman noon nasa Pilipinas pa ako ni pamasahe nga sa bus pahirapan pa kung saan hahagilapin, yun pa kayang magtravel papuntang Cebu o Palawan no?? ni hindi nga ako nagla lunch sa school para lang makatipid e, hayyy buhay nga naman parang buwan, bilog hahaha. Di bale pagdating ng panahon o bullet day mapapasyalan ko rin ang Cebu, Palawan, Bohol at mga scenic views, isa yan sa mga pinaplano ko pag-uwi ko uli ng Pilipinas, "tangkilikin ang sariling" atin ika nga.

4. Eto pa, alam niyo ba kung saan lugar ang Zapote at ano ang mahalagang kasaysayan nito?? Ehem, history naman tayo hehehe. Hindi yan kapote ha na sinusuot sa ano... sa katawan, para di ka mabasa hehehe.... ako tanda ko lang sa Zapote nakikita ko ito sa sign board ng mga dyip sa tin, sa may bandang Las Pinas yan e. Pero parang di ko pa ito napuntahan, nasakyan ko lang yata ang dyip hehehe. Ano naman kinalaman nito sa topic ko? Wala lang, blog ko to e so pwede kahit anong segway ko di ba? hehehe. Wag na kayong kumontra....at walang aangal. Teka, ito pa di ba ninyo alam na may kaugnayan si Emilio Aguinaldo dito?? Yun tinatawag nilang "Battle of Zapote." Eto ang chismis, si Emilio daw ang namuno sa laban na ito di ko lang alam kung totoo ito ha, hehehe. Ang alam ko lang, pininta ng pamangkin ko ang mural ng "Battle of Zapote" na matatagpuan sa Gen. Emilio Aguinaldo Museum sa Baguio hehehe. Salamat sa pamangkin ko, nalaman ko na meron palang Battle of Zapote hehehe parang absent yata ako yan ng tinuro sa kin ng teacher ko e hahaha. Kaya tara na ating puntahan ang museum na ito.....teka kayo lang pala di ako pwede malayo ako e, pag-uwi ko na lang uli sa Pilipinas. Isa pang teka, di ko alam kung bukas na yun museum hehehe, ang mahalaga pinaghirapan yan ng pamangkin ko kaya dapat lang na ipagmalaki ko yan. Kaya sana lang masilip nyo ang museum na yun pag nagawi kayo sa Baguio....at silipin ninyo ang mural na gawa ng pamangkin kong si Russell, eto yata ang unang malaking project niya na nagawa. Galing niya no, sayang di ako kasing husay niya hehehe, actually wala pala ako sa kalingkingan niya..... ni kuko nga wala e hahaha, baka cuticle lang ako sa kahusayan niya, jejeje. Yun tungkol pala sa kasaysayan ng Battle of Zapote, tanungin nyo na lang si kumpareng google at kumareng yahoo o kay kabayang yehey, mahahanap nyo naman yun e, pahihirapan nyo pa akong ipaliwanag dito hehehe.

Eto pa yun ibang mga larawan:

Battle of Zapote final version

HULA SCOOP: Marami Kang Malalaman Na Hindi Mo Pa Nalaman Noon

2011-03-20T02:29:00.013+09:00

Downtown Seattle, Washington

HULA: Marami kang malalaman na hindi mo pa nalaman noon na ngayon ay inaalam mo na. Lalawak na ang iyong kaalaman basta lang alamin mo ang mga ito.

SCOOP: Sa mga natutunan mo sa buhay at anuman ang iyong mga pagkakamali ay itutuwid ka nito sa tamang daan ng iyong buhay. Dito pumapasok ang bago mong kaalaman, korek ba? korek!! Hala alamin mo na no!

-------------------------------------------------------------

Maglalabing limang taon na rin pala ako umalis ng Pilipinas, 13 taon sa bansang America at dalawang taon sa Japan, marami na rin akong natutunan dito sa US lalong lalo na pagbigkas ng ingles.

Anu- ano ba ang mga natutunan ko dito na mali ang pagkakaalam ko nang nasa Pilipinas pa ako??

1. Akala ko noon, ang bag at bug ay homonyms...hindi pala! ang bigkas ng bag ay medyo mahaba na may halong arte at yun bug naman ay pabigla as in kablag na parang may sumundot sa pwet mo at nagulat ka hehehe.

- Mga ilang linggo palang ako dito sa US nang magtanong ako sa cashier, "Miss do you have an extra bag?" ang sagot sa kin ay "I'm sorry, what was that again?" so sagot naman ako, "Bag so I can put my other clothes there" at sagot naman ng bruha, "Ohh did you mean "baaag?" sabi ko naman "Yes, baaaaag!" (bruha! hehehe) Bakit nahihingi kaya ang bug?? luko-loko talaga ang bruha! Hindi ba niya makuha sa sentence ko?? hello?!!

2. Ang bank at bunk ay hindi rin homonyms, wala rin pinag iba yan sa bag at bug. Kaya pag magbibigkas kayo ng bank dapat may arte na rin na parang "bennnk" kundi hindi ka maiintindihan dito. Akala nila bunk ang sinasabi mo.

3. Huwag kang magtatanong ng kung nasaan ang CR nila dito, dahil tinanong ko rin yan nun unang dating ko sa airport di nila naintindihan, so sinabi ko na malumanay na ...."CR as in comfort room" hay di pa rin nila ko naintindihan kaya sabi ko na lang "How about toilet???" anak ng tinapa di pa rin ako naintindihan!!! Hay hinanap ko na nga lang at ayun nakita ko ang sign "Rest Room!!" Pahingahan pala ng sama ng loob hehehe.....kaya mula nun di ko na ginamit ang buset na CR at Toilet na yan wala palang pakinabang dito. Ingles na nga di pa rin maintindihan!

4. Ang salitang "arrive" ay di nila ginagamit dito, ang iba di yata naiintindihan yan. Tanda ko nun sabi ko "What time did you arrive?" ang tanong sa kin "What did you mean?" Hmmm di nila pala ginagamit ang word na yun para bang sa tagalog ehh napakalalim na salita na sa kanila yun. Ang gamit nila ay "come" or "get" kagaya ng "what time did you get in here?" or "what time are you coming in here?"

5. Ang sundo ay "pick up" at hindi nila ginagamit ang "fetch." Kagaya ng "I will pick up my kids later today."

6. Ang "hatid" ay "drop-off" at hindi accompany.

7. Ang "often" ay hindi pala silent "t," anak ng pating yun titser ko tinuro sa min silent t ang bigkas ng often as in "ofen" yun pala of-ten pa rin, bakit ganun?? Sino bang mali, ang titser ko o ang titser ng titser ko??

8. Ang bigkas ng "tube" ay "toob" parang tu-ba at hindi "choob" tawanan ka pa nila dito! hehehe kaya pag sinabi nyo ang "youtube" siguraduhin ninyo hindi ito "you choob" bigkasin ha, ok ulitin nyo, basahin nyo uli hehehe. Walang pinag-iba yan sa tulip, paano nyo ba bigkasin ang tulip? chulip o tulip? syempre tu-lip , ganun din ang tube hehehe.

9. Huwag kang magsasalita ng malakas dito na winawarningan mo ang anak mo at sasabihin, "Madapa ka"....dahil ang "madapa ka" tunog ng "Mother F***ker sa kanila hehehe.

10. Ang salitang "aso" pag narinig ng mga Amerikano ay napapalingon sila kasi akala nila minumura mo sila na "As*hole" hahaha, pagpasensiyahan nyo na sila mga bingengot kasi sila e.

11. Ang madalas sabihin ng mga Pinoy na pag di nila naintindihan ang kausap nila ay, "Come again" (lalo na sa telepono) di ka nila maiintindihan dito niyan come again mong yan, baka iba ang dumating sayo niyan hahaha, ask mo na lang sila ng "I'm sorry I didn't hear it" o "Execuse me, can you say it again" at alam ko sa Canada ang expression nila ay iba rin kumpara sa US, "pardon me" ang gamit nila. At huwag ka rin sasagot ng "Ha?" pag di mo sila naintindihan. E "Bakit" siguro ang itatanong mo sa kin??....... wag ka naman magtanong sa kin nyan hehehe

12. Dahan-dahan sa pagbigkas ng "beach" dahil baka "bitch" ang dinig nila, so hindi rin sila homonyms.

13. Ang ballpen ay di nila kilala, si "pen" lang hehehe

14. Ang pentel pen ay brand ng marker kaya tawag nila ay "marker"

15. Ang puncher ay hole puncher o two-hole punch o three-hole punch

Hay ang dami no! Kakaloka! Yun iba nalimutan ko na e, next time na lang....pero ang naiinis ako yun pinag-aralan ko sa Home Ecananay (HE) ay di naman pala ginagawa dito, kagaya ng pag nagseserve sila ng pagkain, laging walang kutsara! puro tinidor, di tuloy ako makakain ng masyado pag tinitinidor ang kanin, kainis! e paano pa kaya kung buhaghag ang sinangag, e di hindi ako matapos-tapos sa pag gamit ng tinidor, unfair talaga sila, bakit ang Chinese at Japanese tanggap nila na gamit ay chopsticks pero bakit ang Pinoy di nila i-accept na kutsara't tinidor ang gamit sa pagkain. Hay kahit nakakahiya, yun serving spoon, ginagamit ko pag kumakain kami sa restaurant hehehe, pakialam nila no! Pinoy yata ito!

UKOL SA LARAWAN: Wala lang, wala akong mailagay e, share ko lang sa inyo kung ano ang hirsura ng downtown Seattle hehehe, at least ngayon may nalaman na kayo so swak pa rin pala sa hula ko hehehe.

HULA SCOOP: Tatapusin mo ang naumpisahan mo nang gawa

2011-03-15T06:18:00.007+09:00

O tukso layuan mo ako!

HULA: Tatapusin mo ang naumpisahan mo nang gawa, ang problema mo lang kung saan mo uumpisahan ang nasimulan mo, na hindi matapos-tapos sa simula palang.

SCOOP: Dapat talagang tapusin ang naumpisahan mo na dahil hindi ka magwawagi kung hindi ka mananalo hehehe, labo ko talaga! May tawag diyan e....."palabra de honor" o "may isang salita," yan ang magpapalaya sa inyo! Naks naman.

-----------------------------------------------------------

Kahulugan ko:

Palabra de honor- matinding paninidigan na nangangahulugan ng "may isang salita," yan ang natutunan ko kay Eddie Garcia mula sa pelikula na "Palabra de Honor" hahaha

Ano naman ang kaugnayan nito sa hula ko?

Well kung may palabra de honor ka, at nangako ka sa isang bagay o gawa na tatapusin mo, dapat tatapusin mo talaga! Diyan ko iniugnay ang hula ko kahit baluktot pilit kong tinutuwid na iugnay ito hehehe

Ano naman kinalaman nito kay Sards?

Tatapusin na ba ni Sards ang pagbablog niya?? Hmmm (esep-esep) oo nga no?? Actually, hindi po! Ngayon ko lang naisip yan tanong na yan pero sa ngayon, sasagutin ko yan na hindi po talaga. Actually, si Sards may palabra de honor, sineseryoso ang pagpapapayat hehehe...yun ang totoo! hehehe...remember yan ang New year's resolution ko, sana nga lang pumayat ako huhuhu

Bakit ko ba naisipan na magdiet na??

1. Mataas ng konti ang cholesterol ko, nasa borderline na
2. Kulang ako sa Vitamin D, pahamak na Washington state to e, hindi kasi umaaraw dito hindi man lang ako nadadantayan ng sinag ng haring araw hehehe
3. Hirap na akong magsintas ng sapatos pag nakaupo ako hehehe
4, Hirap din akong maglagay ng snowboard shoes ko sa snowboard ko, tumatagaktak na pawis ang inabot ko bago magsnowboard.
5. Higit sa lahat sinabihan na ako ng asawa ko na tumataba na ko waaaaaaaaaaaaaaaaaaa, ang sakit sobra akong nahurt huhuhu (masakit tanggapin ang katotohanan pero...totoo! waaaa)

Kaya eto, hindi na ako masyadong nakakapagblog, panay ang exercise at workout ko, zumba dito zumba doon, giling dito giling doon, kembot dito kembot doon hahaha......kaya pagpasensiyahan nyo na kung madalang akong magpost ngayon may palabra de honor lang ako hehehe

Pero may isa pa rin akong salita, hindi ko pa rin pababayaan ang blog ko.

Hanggang sa muling pagtutuos,
Zumba hehehe

HULA SCOOP: Matututo Ka ng Ibang Bagay

2011-02-05T05:25:00.010+09:00

Yipee ako yan, nagsnowboard ako! May naburn akong calories hehehe

HULA : Matututo ka ng ibang bagay na hindi mo pa ginagawa sa tanang ng buhay mo, kailangan mo lang pag-aralan ito ng husto.

SCOOP: Bagong taon na, dapat bagong buhay, bagong pag-asa....at bagong pagkatao. Ano bang New Year's resolution ninyo? Alam kong malapit ng Valentine's Day pero kailangan meron muna tayong layunin sa taon na ito. Teka, ano nga palang pakialam ko sa inyo, KKB na lang! Kanya-kanyang Buhay hehehe.

---------------------------------------------------------------------

Huli man daw at magaling ay.....ok pa rin hehehe. Kaya kahit February na, go pa rin ako sa New Year's Resolution sa blog ko, anyway blog kko yata to hehehe. Kung bakit ba naman ang January ang laging nakatoka para sa New Year's Resolution, bakit di pwedeng December o kaya March? Natatandaan ko pa noong elementary ako, pagbalik namin mula sa Christmas vacation, yung teacher ko lagi kaming pinapasulat kung anu-ano ang mga New Year's Resolution namin kahit yata hanggang high school pinagawa pa rin sa min yun. Nakakasawa na!

Dati ang New Year's Resolution ko ay "tumaba" bakit ngayon iba na ang takbo ng ihip ng hangin, pabaliktad na talaga, ngayon naman, "pumayat!" Ang nakapagtataka lang, parang taon-taon din iisa lang ang New Year's resolution ko pero wala pa ring pagbabago hehehe.

Ang New Year's Resolution Ko:

1. Pumayat!
2. Pumayat pa rin
3. Dapat akong pumayat talaga!

3 in 1 yan! Pero kahit isa pa yan parang ang dami ko pa rin gagawin para magawa yan.

Anong Kailangan Kong Gawin Para Pumayat?

1. Iwasan ang itlog, mataas daw sa cholesterol

hmmm pwede ba yun?? kelangan ko ang dalawang itlog!! lol. Eh bakit nun bata pa ako parati akong pinapakain ng itlog, sabi ng nanay ko kailangan ko raw yun, ngayon naman bawal?? ano ba talaga Kuya?

2. Mag exercise

anong klase??? alam ko lang yun may "s" sa unahan ng exercise, hehehe joke lang! kayo talaga. Hay bakit noon bata pa ko, kahit di ako nag eexercise ang payat-payat ko pa rin. Hay di na talaga ako bata (asa pa hehehe)

3. Iwasan ang mani

ano naman kinalaman ni mani?? kakainis naman

Yun mani daw may 6 calories isang piraso kaso kung kumain naman tayo, "sandamakmak" kaya kung naka 100pcs ka, 600 calories pala yun?? tama ba?? teka anong klase kayang mani yun? may buhok este may balat o basa? o tuyo? hahaha...

4. Iwasan ang hotdog

naman?? as in naman! why??? mataas daw ang cholesterol nito at maraming fats, hay favorite ko pa naman ang hotdog lalo na pag pinapasok...sa stick anong tawag dun? ahhh nakatuhog pala hehehe

------------------------------------------------------------

Ayoko na yatang pumayat ang pagkaing Pinoy kasi ay mayaman sa cholesterol hehehe....at hindi ko kailanman maitatanggi ako ay Pinoy (hahaha ang layo, basta may dahilan lang para hindi magdiet dinadamay pa ang pagka Pinoy hehehe) basta ako ang natutunan ko ngayon, marunong na akong magsnowboard, 400 calories ang nawala sa kin ng isang oras kaso pagkatapos magsnowboard, kumain naman ng malaking alimasag! ang sarap pa ng mga aligi! hehehe....hay buhay nga naman parang life...life is so beautiful ika nga.

HULA SCOOP: Anuman ang pinaplano mo sa buhay ay matutupad na rin (Diary ng Aking Lolo- Part 8)

2011-01-21T04:21:00.017+09:00

HULA: Anuman ang pinaplano mo sa iyong buhay ay matutupad na rin. Kailangan mo lang pagplanuhin ng mabuti para hindi ka mabigo. Kung mabigo ka man, ganun talaga may panalo may talo, at isa ka na dun.

SCOOP: Paano ka nga ba magplano? Inuumpisahan mo ba sa bagong taon? o inuumpisahan mo sa huli? Ibang-ibang uri ng tao iba-iba rin ang basehan kung kailan at saan ang simula. Ang iba naman wala ng plano-plano basta pasok lang ng pasok kaya ayun dumarami......ang mga bata hehehe. Iba pala ang pinasukan hahahaha.

Ako gusto ko may plano rin ako, para bang New Year's resolution, kailangan may baguhin sa mga bagay na dapat lang na baguhin hehehe. Kaya nga medyo nawala ako sa pagba blog ko ilang linggo lang naman, gusto ko kasing tapusin ang pag unpack ng mga gamit namin tapos saka ko raratsada ng pagba blog hehehe. Sa wakas, natapos na rin ang aking paglilinis konting ayos na lang ng mga frames at kurtina, ayos na ang buto-buto. Kaya eto pwede ng mag pa "petik-petik" sa facebook at blog.

Kung kayo ay matagal ng taga subaybay ko, alam niyo siguro yun tungkol sa diary ng lolo ko. Sa aking paghalungkat, nakita ko na rin sa wakas, dahil sa pag-aayos ko ng mga "anik-anik" ko,nakita ko ito sa isa sa mga baul ko hehehe. Hanggang part 7 lang ang naipost ko noon sa diary ni lol, kasi nga di ko makita yun original na diary. At ngayong nakita ko na nga, gusto ko lang ibahagi sa inyo ang ilan sa new year's resolution ni Lolo, sana ma-inspire naman tayo niya.

Mula sa Diary ng Aking Lolo:

"The Past is the basis of Progress"

What have we done during the last two years?

1. That we were the victims of house rents in the total amount of ₱ 97.50 during our stay in Uncle's house at 319 Prudencio as of December 31, 1932. (Sards: Wawa naman pala sina Lolo)

2. That we were always in a financial burden even incurring a debt in the chinese store in the sum of ₱ 6.oo every fortnight. (Sards: Sinasabi ko na nga ba, hindi talaga makakaiwas sa Intsik, Mang Akong din ang pangalan nito hehehe, baka di pa uso ang bumbay nun hehehe)

3. That our meager income of ₱40.00 was reduced to ₱39.20 since May 1, 1932. (Sards: Grabe ₱40.00, ang baba naman ng sweldo noon, pang text lang yun ngayon e)

4. That as of December 31, 1932, we had saved only ₱1.00 in the People's Bank & Trust. (Sards: So may bangko pala noon na People's Bank & Trust, grabe piso lang nasave ni Lolo, isang text lang yun!)

5. That family quarrels were not avoided as they ought to be. (Sards: Sino kaya may kasalanan parati?? Aminin Lolo! hehehe)

Family Resolution for 1934

Spiritual and Moral Culture

In order that we shall prosper in our present mode of living, we should never neglect under no circumstances our spiritual obligations. Experience reveals to us that no human being on earth can ever succeed in his endeavor without the Help and Guidance of the Divine Power. The grandest thing in this world of ours is the purification of our soul and character. For if our very conscience and soul are absolutely pure and clean, prosperity and Good Luck will always lead us in our path. And in order to acquire this, the following points must be observed daily:

1. That we must always be CHEERFUL and CALM.
2. That we must be always honest, courteous, kind and humble in all our dealings.
3. That we must be always charitable to those who deserve our help and must try to do a noble act everyday.

Sards: Galing naman ni Lolo may ganito pa siyang nalalaman, feeling ko napaka strict niya, talagang in black and white pa ang lahat hehehe.

Pakibasa na lang yun karugtong, itong nasa baba na picture, tinatamad na kong magtype e hehehe at baka wala na rin magbasa.

Eto pa yun family budget ni Lolo, nakasulat lahat, hay sana ganito rin ako hehehe. Kaso walang naitatabi si Lolo sapat lang ang sweldo niya eh, kaya pala mahirap din kami hehehe.

Hmmm, gawa rin kaya ako ng family budget namin? Teka, gumagawa ba talaga dapat nun? Hindi pa kasi ako gumagawa nun eh hehehe, kaskas lang kaskas kay kumpareng master at minsan kalabit naman kay kumareng visa. Mahirap yun, sakit sa ulo, wag na lang, hayaan ko na lang maging avid fan ni Lolo, ang magbasa ng diary niya e masaya na ako. Kayo may family budget din ba kayo??

HULA SCOOP: May bahagi sa puso mo na maawain...

2010-12-18T04:41:00.012+09:00

Balai ni Mamay Private Resort Hot Spring sa Calamba, Laguna (dito kami nag outing)

HULA: May bahagi sa puso mo na maawain, palakihin mo pa yan.

SCOOP: Ang pagiging maawain ay likas na sa isang tao, siguro lalo na sa Pinoy, di ba? Syempre Pinoy tayo hehehe. Ang problema lang ay paano mo ito gagamitin sa tamang paraan at paano mo ito mauunawaan na awa ba ang umiiral sa'yo o katangahan na hehehe.

----------------------------------------------------------

Nang nagbakasyon ako sa Pilipinas nitong buwan ng Setyembre, ay nagkaroon kami ng munting salo-salo ng pamilya ng asawa ko, isang outing pagkatapos ito ng kasal sa selebrasyon ng ika-50 anibersaryo ng mga byenan ko. Nagpunta kami sa Calamba, Laguna kung saan sikat ang hot spring at mga private pool na alam naman natin na doon sila kilala.

So madaling sabi, swimming-swimming, chika-chika, hula-hula, kain-kain at kanta-kanta lam niyo na di mawawala ang karaoke dun hehehe, nag overnight kami ng dalawang araw...ay gabi pala (kaya nga overnight e hehehe). Syempre pag may outing dapat may kainan din so kami ang toka sa pagkain, para makatipid (hehehe) pumunta kami sa "pamilihang bayan" (alam nyo ba ano yun?? hehehe). Matagal tagal na rin akong di nakakalanghap ng simoy ng imburnal este nakakaamoy ng amoy palengke, kaya ayun dun kami nagpunta. Nakakapanibago para sa kin pero sa mga tao na naroon eh walang pagbabago sa kanila hehehe, amoy palengke pa rin sila lol.

Habang namimili kami ng hipag at byenan ko, may lumapit sa kin na batang babae, nag-aalok ng kalamansi. So naawa naman ako dahil sa madungis na ay nakayapak pa siya, bumili ako ng dalawang balot na kalamansi, 15 pesos isang balot na plastic. Maya-maya, may nag-aalok uli ng kalamansi, sabi ko nakabili na ako sa kanya, sabi naman niya hindi raw siya yun. Ngek di pala siya yun, ay napahiya pa ako, akala ko kasi siya rin yun pareho kasing madungis hehehe at parang magkamukha sila, so bumili uli ako sa kanya ng isang balot. Aba, maya-maya meron na namang lumapit sa kin, wala pa raw siyang benta so ayun naawa naman ako, bumili uli ako. Kahit di ko naman kailangan ng kalamansi huhuhu....sana nga that time may ubo ako para binili ko na lang lahat ng tinda niya hehehe.

Anak ng kalamansi, di pa ako nakakalayo meron na namang kumalabit sa kin, at nag-aalok ng kalamansi uli sabi ko marami na akong nabiling kalamansi mukhang ngang magtitinda na ako ng kalamansi juice e sabi ko sa kanya at mas marami pa akong hawak kesa sa kanya. Hindi ko pinansin eh nangalabit na naman, sa loob-loob ko naaamoy ba nila ang galing ng ibang bansa at panay ang kalabit sa kin? amoy toblerone ba ko? hehehe (naks naman!)....so ayun naawa uli ako bumili uli ako sa kanya, mas mura pa 10 pesos lang, sabi ko sa nga sa kanya bakit ngayon ka lang nag-alok mas mura pala sayo (hehehe nanisi pa no). Sa loob-loob ko na lang, ano ba naman ang 10 o 15 pesos kumpara sa presyo ng kalamansi sa US. At least dito sariwa sa US madalang ang sariwa kalimitan nakalagay sa container at nakalabel na frozen "fresh" calamansi juice, frozen na fresh pa hehehe.

Medyo marami-rami na rin kaming napamili, may tilapia, manggang hilaw, bagoong, itlog na maalat, kamatis (tsalap! tsalap magkamay!) at syempre dito ako nakabili ng 5 kilong lansones. Magkalimutan na lahat wag lang ang lansones ko hehehe. Ayun, sa pagod kakalakad, nauhaw kami at nakita ko ang buko juice. Favorite ko yun at sabik na sabik ako sa buko juice. So bumili kami ng buko juice pamatid uhaw. Nang sa di kalayuan na kami, may nangalabit na naman sa kin, batang lalaki akala ko nagbebenta ng kalamansi uli...so inunahan ko na siya, sabi ko "boy ang dami ko ng kalamansi hindi na ko bibili," sabi niya hindi, sabay turo sa iniinom kong buko. Nauuhaw na raw siya kung pwede raw mahingi ang buko ko....ngek, anak ng buko nabigla ako pati pala iniinom mo eh hihingin pa rin sa'yo. Medyo malayo na kami sa magbubuko kaya sa halip na bilhan ko siya ng sarili eh binigay ko na rin! hehehe Hay naku, awa ba ito o katangahan na??? Hay nabitin tuloy ako sa buko juice! Di ko pa nananamnam ang sarap eh nahingi pa.

Ano ba yan! Ano bang nangyayari sa bansang Pilipinas??? Nakakaawa ang mga paslit na bata na sa murang edad ay naghahanap-buhay na sa halip na mag-aral ay laman na ng kalsada o palengke. Nakakaawa pero wala naman akong magawa kundi ang bilhan na lang ang kanilang tinitinda, kahit sa maliit na paraan ay makatulong sa kanilang naghihikahos na buhay....kahit na sa tingin ko na ang susunod na magtitinda ng kalamansi juice sa dami na napamili ko ay AKO hehehe.

Sayang kukunan ko sana ng picture ang mga batang kalamansi kaso iniisip ko baka hingin din ang camera ko eh at baka sa awa ko ay.....hindi ko pa rin ibibigay hahaha, eh gulpihin naman nila ko mahirap na.

PAHABOL: Siya nga pala bago tayo magkalimutan, dalawin nyo naman ang "The Kablogs Journal" nafeature po ako dyan sa Dec issue. Makikita nyo na po ako dyan, panakot sa mga daga ninyo sa bahay hehehe.

Click mo na lang itong "Click" para madali.

PAHABOL ULI: Kung may tanong kayo kung anong direction papunta sa Balai ni Mamay Private Resort na yan, itanong nyo na lang sa iba, di ko rin kasi alam e, pasensiya na, pasahero lang hehehe.

HULA SCOOP: May Gusto Kang Makita Na Makikita Mo Na Rin

2010-12-03T03:48:00.009+09:00

good luck sa kin sa pag-ayos ng kararating lang namin na mga gamit, sana mahanap ko ang hinahanap ko

HULA: May gusto kang makita na makikita mo na rin, maliban na lang kung naghahanap ka talaga nang gusto mo ngang makita (ang kulit!) na hindi mo pa nakikita.

SCOOP: Kung nagbabasa ka ng hula ko ngayon, malamang iisipin mo kung may hinahanap ka nga, kung wala, babalewalain mo na lang ito, kung meron naman mangingiti ka na lang sabay sabi na "ay oo nga!"

-------------------------------------------------

Kahit na wala pa kong internet eh naghanap talaga ako kung paano ako makakapagpost ngayon, mali kayo kung hinuhulaan nyong nakita ko na ang hinahanap ko. Well, medyo medyo pala na tama kayo hehehe pero kung anuman ang iniisip nyo, nagkakamali kayo hehehe. So ayun, ginamit ko ang "My wi" application sa iphone ko para magamit ko ang wifi ng cellphone ko sa laptop ko (thank you sa aking anak na dalaga, galing mo talaga!! thank you na rin sa pag jail break ng iphone ko hehehe) dahil kalilipat palang namin sa aming bagong bahay (hay sa wakas!! mga 3 buwan din kaya kaming naka suit case lang, ang hirap no!)...so sa madaling sabi (hay naku ang dami ko pa kasing kwento hehehe, lam mo naman ako, dami intro hahaha)....wala pa kaming internet connection. Ayun "the end" hehehe wait hindi pa..... na feature po ako sa "The Kablogs Journal" (click nyo yan after magbasa ng post ko ha) para sa December issue. Kaya......pagkakataon nyo na masilayan ang gusto niyong "makita" na si Sardonyx hehehe (baka tanggalin nila kagad yun at baka amagin ang journal nila sa kin hahaha)!!! Teka hanapin nyo pala sa "spotlight" feature sa bandang kanan ng page yun feature article para sa kin.

Salamat kay Nebz ng "Isla de Nebz" blog sa pakikipanayam sa akin (naks) sa pamamagitan ng email hehehe dahil sa magandang paglalathala ng aking buhay hehehe, siya po ang editor-in-chief at ang no.1 sa PEBA 2009 . Ang galing mo talaga Nebz, idol! At syempre sa bumubuo ng "The Kablogs Journal's" core team na sina Kenji Solis ng "Thoughtskoto," Charlie ng "Lord CM", at kay George ng "Palipasan." At sa iba pang editors, RJ, AZEL, Jess, atbp.

Di ko na hahabaan ito at naubos na ang memory ng cellphone ko hehehe, bye!

UKOL SA LARAWAN: Kuha mula sa cellphone ko, habang nag-a-unpack ng mga gamit ko (teka ano bang tagalog sa isang salita lang yun "unpack"? hindi naman impake kasi "pack" yun di ba?? hay naku bahala na kayo!). Naubos ko na ang maraming kahon na nakapatong-patong ng lagay na yan so malamang isang buwan ito bago matapos lalo na kung panay ang blog ko hehehe. Good luck for me!

HULA SCOOP: Maghahanap ka ng pagkakaabalahan mo

2010-11-16T01:58:00.008+09:00

Congrats Manny!! (kuha este kinuha ko yun picture mula sa internet hehehe)

HULA: Maghahanap ka ng pagkakaabalahan mo upang kahit man lang sa isang saglit ay hindi mo maalala ang nagpapalungkot sa'yo.

SCOOP: Ubusin mo ang oras sa walang kapaparakang bagay para di mo maramdaman ang lungkot. Teka ano ba yang "kapararakang" na salitang tagalog na yan?? hehehe hindi ko rin alam, imbento ko lang hahaha

-----------------------------------------------------

Dahil sa wala rin akong magawa, ako'y naglakbay sa youtube para aliwin ko ang mga fans ng blog ko (teka meron ba??) yun nga...wala nga kong fans kaya, maghahanap na rin hehehe.

Ayun napunta ako sa mga videos ng laban ng idol ko na si Manny at naaliw ako sa mga comments ng mga tao, sila-sila nag-aaway sa laban ni Manny at ni Margarito, kaya eto ibabahagi ko sa inyo kung saan ako natawa, sana matawa din kayo:

Mga Comments sa laban ni Manny vs Margarito:

1. I couldn't tell if margacheato was chinese. His eyes looked chinito after getting his face whooped.

2. Rice is mightier than corn

3. MarGAYito hahahah big mouth at first zzzzz cant handle the fist of pacquiao? since when did you get that sausage on your eyebag margayito? haha

4. Whos da puto now ?!! haha margarita deserves it haha from mexican to chinese hahaha also now i know margarita is a cheater because after the fight he has 3rd eye hahaha

5. Poor margarito's face... hahahaha... that will be his christmas gift from manny's punches... happy holidays...

6. Yeah he can really take a punch and smart enough to throw a constant jabs. somebody should have told him that he has two hand. he threw left jabs the whole fight. what a dummy.

7. Manny Pacquiao really clearing the mexican boxers because he really wants to fight ZORRO

8. Margarito is very thankful to Pacquiao because pacman opened margarito's 3rd eye hehe :)

9. Indeed.. loud mouth like brandon rios.. shame on both of you.. PUTO de Kutchenta..

10.He's now called the "TIJUANA TORTILLA"

11. Gayweather shit his pants while watching pacquiao vs margarito fight and eating kfc...coz he does chicken right...lol

12. TO TO, TO TO TO, TO TO TOTOMATO FACE...

13. Pacquiao is the MEXICUTIONER!!!!!

14. Margarito should be really thankful that pacman gave him the chance to be paid as "punching bag" for 6million dollars...ur an expensive bag amigo...hahhaa..well i cd laughed at you now and this is the right time for me to pick on your street character mal educado mentalidad...now who is the puto like u said on tv?u'r such a poorboy but you have a braveheart...let me call u braveheart...hehehehe

15. D face of margarito become pizza margarita hahahahaha

16. Margarito is a PUTO and "puto" in the Phils. is a small cake, so pacman ate margarita

17. President Obama wants to know if they can build a huge Manny Pacquiao statue to scare off Mexicans from illegally crossing the US border :))

18. Isang congressman nambugbog ng mexicano hindi na kulong hahahaha peace we love you manny

eto ang matinding nag-away at nagsagutan:

palacioatir: wild beast o mabangis na hayup talaga itong si pacquiao(manny) sana makasama niya ang diyablo ang mabangis na hayup(ravening wolf) sa lawa ng apoy at lahat ng masasama na itatapon doon maliban na kung magsisi.kasi ang isasama ni GOD THE WORD JESUS CHRIST sa KAHARIAN NG AMA NIYA ay yung Mga parang Tupa o mga Righteous Man na Maaamo.kasi si CRISTO hindi kailanman nanakit ng Tao nung nandito pa SIYA sa lupa bagkus SIYA pa ang sinaktan at lpinatay na parang tupa sa patayan.Amen.

gudkisser: tumahimik ka baka isunod kita kay margarito, banal banalan kang hayup ka eh sa halip na ipagdasal mo si paquiao na magbago eh pinapupunta mo sa impiyerno, sabi mo hayup si paquiao eh mas hayup ka hindot kapa hahahaahahaha mamatay ka sa ingit bugok

palacioatir: sa iyo gudkisserr ang kapal ng pagkawalanghiya mo dapat ay purihin ka ng iba huwag ng iyong sariling bibig.huwag mong itaas sarili mo dahil ibababa ka rin hanggang burning coals of hell.lumalabas na ang pagiging mabangis na hayup mo dapat sa inyo itapon sa lawa ng apoy kasama ng mga mababangis na diyablo at demonyo sa lawa ng apoy magpasawalanghanggan maliban na kung magsisi o kung hindi magsisisi pati na si manny(tunog pera)ang pag ibig sa salapi ugat ng lahat na kasamaan.repent,and live.

Skah07: aba me nag mamalinis dito wo. .hahaha talagang me pag ka crab mentality tong taong to .. di mo ba alam yung pinag sasasabi mo eh kasama sa 7 deadly sins yan .. yung pagiging inggit? cguro natalo ka sa pusta kasi ke margarito ka pumusta? . ok lang yan tol ... wag kang iiyak ..

PAUNAWA: Ang salitang puto sa mga Mexicano ay masama, ang kahulugan nito ay lalaking puta (oooppps ang salitang yan ang masama sa Pinoy hehehe pero hindi puto)

PAHABOL: Pagpasensiyahan n’yo na ang mga comments ng mga Pinoy, mga pintasero talaga pag nananalo si Manny hehehe, at hindi maiiwasang nagkakapikunan sa mga sagot kaya nag-aaway pa, hay ang Pinoy nga naman...pasaway talaga

Anyways….congrats uli Manny and to my idol….Mommy Dionisia, I’m so proud of you pinalaki niyong mabuting anak si Manny….sabi nga ni Mommy D, let's celebrate, "blue the kick" !!! blue the kick!!! (blue the kick= blow the cake) hahaha

HULA SCOOP: Ingatan mo ang iyong kinakain

2010-11-05T14:20:00.000+09:00

lechong mamoy ni Pingping

-------------------------------------------------------------

HULA : Ingatan mo ang iyong kinakain, mag-ingat sa mga taba at maalat, high blood malamang ang iyong katapat kung di ka papaawat.

SCOOP: Bakit nga ang maraming Pinoy laging sakit ay ang alta presyon?? Kasi naman ang ating pagkain ang number one na promotor!! Hmmmm bahala na si Ironman basta ako, mamamatay sa pagkaing masarap hehehe

-----------------------------------------------------------

Natapos na rin ang bakasyon ko sa Pilipinas, pero di ko maiiwasang kumain ng mataba at maalat, so talagang swak na swak sa akin ang hula nito (obvious ba?) hehehe, kaya eto na, ipapatakam ko sa inyo ang aking pinagsawaan.

pritong gagamba ng congo grille hahaha (pritong alimasag ba to o talangka?? basta masarap siya!)

ensaladang mangga na may bagoong

magellan landing ng seafood island

anak kong nagkamay sa loob ng seafood island restaurant hahaha

---------------------------------------------------------

At ang pinagkaabalahan kong prutas, 5 kilong lansones, inubos ko! hehehe siguro naman makakabawi na ako dito sa mga kinain kong maalat at mataba

tsalap!!! my peborit!

HULA SCOOP: Mararamdaman mo ang kirot sa iyong puso

2010-10-27T23:56:00.007+09:00

Pansamantala naming tinitirhan (Air Force Inn)

HULA : Mararamdaman mo ang kirot sa iyong puso, kahit na pilit mong pasayahin ang ibang tao, hindi pa rin maikakaila ng iyong puso ang pighating nararamdaman nito.

SCOOP: Ano ibig sabihin ng hula?? E di malungkot ka, di ba? TH ka pa dyan as in "trying hard" na ngumiti pero di ka pa rin masaya. Naramdaman niyo na ba ito?? Hmm hula ko eh..."OO" lahat tayo ganyan, weather-weather lang yan as in "pana-panon" lang talaga natin yan hehehe, ang malungkot nito, panahon ko ngayon hehehe.

--------------------------------------------------------------

Bakit ako malungkot ngayon?

1. Nandito na kami sa Washington, US. Bagong lugar, bagong kultura, bagong kapaligiran.....walang mga kaibigan. Mabuti meron isang pamilya na kaibigan namin na nagpapasaya sa min.

2. Namimiss ko ang Japan, wala na akong nakikitang mga tao na nagba bow sa akin tuwing papasok at lalabas kami sa restaurant o mall. Wala na rin nagba bow sa tuwing pinapadaan ko ang mga taong nasa harapan ko tuwing ako'y nagmamaneho sa mga intersection. Miss ko na ang mga magagalang na Japanese!

3. Wala na naman akong work, mag-aapply na naman ako! Pahirapan na naman ito!

4. Nakatira pa rin kami sa temporary lodging hanggang makakita kami ng matitirhan. Nabubuhay kami ngayon sa maleta lang in other words, we are living in a suitcase, ika nga, naks ingles yan ha!! hehehe

5. Ang bagal ng internet dito, di ako makapaglaro ng restaurant city hehehe at di ako makadalaw sa mga peborit kong blogs kasi maghihintay ako ng mga 20 minuto para lang dalawin ko ang sarili kong blog. Buti na lang mabilis ng konti sa facebook hehehe.

6. Namimiss ko ang pamilya ko sa Pilipinas, matapos ang mahigit tatlong linggo namin bakasyon doon, mas nararamdaman ko ang pagkamiss sa kanila.

7. Birthday ng anak ko ngayon, Oct. 27 at 18 years old na siya!! Malungkot ako kasi hindi namin siya nabigyan ng debut party o kahit simpleng party lang kasi wala naman kaming maimbitahan dito sa bago naming tirahan, bagong lugar, bagong state at bagong bansa. Malungkot ako kasi dapat ito ang pinakamasayang birthday ng anak ko pero wala naman akong magawa para pasayahin siya....waaaaaaaaaaaaaaaa

8. he he he, naramdaman nyo ba na kahit ang "he he he" ko ay parang hindi masaya?? Miss ko na rin kasi ang blog ko na puno ng comment ko sa hehehe

9. Tumatanda na rin pala ako, magbibirthday na rin ako in two days, dumadami na naman ang uban ko, ang kati kaya nun! kakainis.

PAHABOL: Next post ko sana mabilis na mag upload ng mga pictures, para maishare ko na sa inyo ang bakasyon namin sa Pilipinas at Korea! Miss you all, pasayahin nyo naman ako, magcomment naman kayo hehehe

HULA SCOOP: Matutupad na rin ang inaasam-asam mo

2010-09-15T00:13:00.006+09:00

HULA SCOOP: Matutupad na rin ang inaasam-asam mo sa buhay, kung gaano ka kasabik na malasap ito ay ganun din kasabik ang kaibigan mo at maging kaibigan ng kaibigan mo o kahit kakilala pa ng kaibigan mo.

-----------------------------------------

Parang super sikat yun "inaasam-asam" na yan, sino ba siya o ano ba yun?? hehehe

Basta ako natupad din ang "inaasam-asam" ko dahil......nandito ako ngayon sa "inaasam-asam" ko na makitang bansa (hulaan nyo kung nasaan ako hehehe, tignan nyo yun picture) at bukas pauwi na ako sa aking sinilayang bansa! hehehe

Yahooooo!!! Mga kamag-anak ko, ready na ba kayo??? Ay dapat pala baguhin ang tanong, "Sards ready ka na ba??"

Huhuhu, "gastos" na umaatikabo pero "super" saya ang feeling ko, dahil makikita kong muli ang mga mahal ko sa buhay! Saka na ang "kwenta" ang mahalaga talaga, IMPORTANTE!! hehehe

Malinaw man na malabo ang post ko ngayon, ang mahalaga, hindi malabo na malinaw, hahaha.

Sige na nga, hanggang sa muli and my adventure continues..........jejeje

Dalawin nyo na lang muna ang aking travelog sa kabilang pahina ng aking blog, so pano ba yan? ganun na lang muna, ganyan talaga, minsan kahit anu-ano pa yan, may ganun talaga hahaha (nababaliw ako sa kasiyahan!!)

PAHABOL: Makikita at mahahawakan ko na rin sa wakas ang trophy ko mula sa PEBA, excited na kong mapicture-an ang aking award, naks naman. At syempre kung sino man ang gustong sumali sa PEBA 2010, join na! click-click lang sa logo ko, ayos na ang buto-buto.

HULA SCOOP: Iiwas ka sa mabigat na trabaho

2010-08-29T12:50:00.003+09:00

HULA : Iiwas ka sa mabigat na trabaho, kasi ayaw mong mapagod.

SCOOP: Pag pagod ka na sa iyong trabaho at gawaing bahay man, kailangan mo rin mag unat-unat o magbanat-banat ng buto.... kaya hala, tama yan, magpahinga ka ng husto!! Magbakasyon na sa tabing dagat! o kahit sa tabing ilog pwede na rin! O kaya sa tabi-tabi dyan, ayos na rin!

--------------------------------------------------------

Pasensiya na at ako'y naglimayon sa tabi-tabi dyan, nagtampisaw sa aplaya, hayyy ang sarap muling matikman ang tubig alat ng dagat. Namiss ko ang dagat na may maligamgam na tubig, malinaw at bughaw na kulay ng dagat, ang pinong buhangin na kay sarap tapakan......di tulad sa Japan na nadadampian ko na lang lagi ay ang malamig at maputing niyebe, matapakan ko man ang pinong niyebe minsan madudulas pa ko hehehe!!

"Jejeje!!", ano ba yan, ang lalim ng mga salita ko na naman! hehehe, namiss ko na ang hulascoop blog ko, grabe!

Yipee!! Nakadalaw kasi muli kami sa Hawaii!!! Feels like home!! Grabe sarap ng feeling pag nasa tropical na panahon! Dalawang araw na lang at lilisanin na naman namin ito huhuhu. Pero ilang araw na lang at masisilayan ko na naman ang bansang aking sinilangan, at maaamoy ko na rin ang hanging imburnal hahaha....pero kahit ano pa amoy, iba pa rin ang dating sa kin nito.....Pinoy yata to, ito ang totoo! hahaha...Pilipinas....game ka na ba???

-------------------------------------------------------

UKOL SA LARAWAN: Ang larawan na yan ay kuha ko sa pinaka peborit kong beach sa Hawaii, ang Bellows Beach kung saan ay makikita nyo rin sa aking homepage logo.

O sige, liligo muna ko ha!! See you all!!

HULA SCOOP: Malungkot ka na masaya ngayon

2010-08-16T08:22:00.006+09:00

HULA: Malungkot ka na masaya ngayon, pero wag kang sisimangot kasi magtutuloy-tuloy ang malas mo. Pag ngumiti ka e di masaya ka na nga! hehehe

SCOOP: Kailan ka ba nakaranas na malungkot na masaya? Ang labo di ba? Ganun talaga, minsan malabong malinaw ang mga bagay hehehe.

---------------------------------------------------------------
ANG BUHAY NI SARDS- MALUNGKOT NA MASAYA

MALUNGKOT AKO, KASI.......

- wala na naman akong trabaho! waaaaaaaaaaaaaaa
- iiwan na namin ang Japan
- gastos na naman sa paglipat
- mamimiss ko ang mga magagalang na Japanese sa lugar namin
- mamimiss ko ang murang sushi at ang miso ramen
- mamimiss ko ang magarang inodoro na wini-wisik-wisik ang iyong lam mo na, libre hugas hehehe..ang "bidet"
- mamimiss ko ang maraming snow
- wala na ang cute kong pajerong luma na nasa kanan ang manibela, wala na rin ang van namin na kasa-kasama namin sa malalayong lugar tulad ng Tokyo
- binebenta na namin ang bahay namin sa Hawaii (bilhin nyo na!)
- mamimiss ko ang mga kaibigan ko dito at sa church namin
- mamimiss ko ang kitkat na iba-ibang flavor (may toyo, wasabi, strawberry banana, soy beans, yogurt, apple, sakura, atbp)
- pigil na ang pagshopping ko kasi wala na ako work hahaha ay huhuhu pala
- mamimiss ko ang mga festival dito

MASAYA AKO, KASI

- bago kami lumipat sa aming bagong destinasyon, dadalaw kami sa Hawaii at makikita ko uli mga kaibigan ko doon
- bibisita kami sa Pilipinas
- dadaan kami ng Korea para makakita ng mga Koreayuki ay Koreano pala hahaha
- di na ako gigising ng maaga para magwork
- aalis na kami sa Japan so wala ng lindol na mararanasan
- bago na naman ang sasakyan
- bagong lugar na mas konti ang snow
- at higit sa lahay, buong araw na akonag makakapag facebook at blog! hahaha

MASAYA NA MALUNGKOT AKO, KASI

- makikita ko ang Tatay at mga kapatid ko at mga kamag-anak at kaibigan sa Pilipinas pero...mabubutas naman ang bulsa ko hehehe...gastos na naman!

- makikita ko uli ang Hawaii pero....gastos na naman!

- bago nga ang sasakyan pero panibagong bayarin na naman! huhuhu

- ibebenta na ang bahay namin, mamimiss ko ang bahay namin pero masaya ako dahil wala na akong babayarang super dooper mahal na mortgage

- wala akong work kaya facebook all day! pero wala naman kita....waaaaaaaaaaaaaa

ayoko na ang hirap naman ng nasa military! malabo na malinaw, matino na magulo at higit sa lahat, palipat-lipat na matatag ang buhay hahaha, kakaloka talaga!

Miss you all!!

HULA SCOOP: Hindi mo mapigilang sumimangot

2010-07-15T23:01:00.020+09:00

HULA SCOOP: Hindi mo mapigilang sumimangot ngayon parang wala ka sa mood, hindi maganda yan kaibigan pag nalulungkot ka na.....alam mo na dapat ang gagawin mo......ang paligayahin ang sarili.....ang ibig kong sabihin maghanap ng ikalilibang mo sa iyong sarili hehehe.

------------------------------------------------

Lagi kong naalala ang namayapa kong kaibigan, pag ganitong nalulungkot ako. Dahil unforgettable kasi ang kwento niya sa kin. Ang asawa niya noon ay naghahanap ng trabaho. Pinag-aapply niya sa isang opisina, sagot ng asawa niya, boring daw dun. So pinag a-apply niya sa department store, ayaw rin dun dahil daw hindi daw masaya so sinabi na lang ng kaibigan ko na mag apply na lang siya sa Disneyland, pinakamasaya raw na lugar sa balat ng lupa hehehe. Yun pala ang slogan ng Disneyland- "The happiest place on earth!" hahaha

Speaking of Disneyland....diyan kami nagpunta sa Tokyo Disneyland!!!!! So masayang-masaya talaga ako, para nga akong bata eh!

Eto share ko na lang ang mga pictures ko sa inyo, tinatamad kasi akong magkwento e. Umuulan ng magpunta kami pero awa ng Diyos nagpakita rin si Haring Araw mga bandang 4pm na, at least umaraw din.

Sumakay kami ng train mula sa JR station hanggang sa Disneyland 200 yen ang bayad, one way lang, (ano ba yan may bayad pa pala wala pa nga sa loob ng Disneyland) ang cute ng bintana mickey mouse shape

Kastilyo ni Cinderella

Cute ng mga Japanese girls, sumakay sila sa splash mountain ride, di na kami sumakay kasi ang haba ng pila mga 2 hours ang waiting time

Bahay ni Mickey Mouse sa Toon Town, ang haba rin ng pila magpa-picture lang kay Mickey, isang oras ba naman hmmmp wala kaming tyaga pumila e

mga bahay sa Toon Town

Japanese girls naka minnie mouse head bands at naka costume pa sila hehehe, cute nila

Sa Cricket Country yata ito, resto lang ang nasa loob niyan, dyan sana kami kakain kaso natakot ako sa ambiance hehehe masyado kasing madilim di ako makakapagconcentrate kumain nun

It's a Small World!! Pumunta kami sa loob at mapapakinggan mo yun kanta na It's a small world habang makikita mo iba't ibang manika na naka costume mula sa iba't ibang bansa

eto sample ng nasa loob ng It's a small world

Ginabi na kami para hintayin yun electrical parade, ganda ng mga lights

Ayan nag umpisa na ang electrical parade, syempre ang bida ang una, si Mickey at Minnie Mouse

Si Beauty kasama si Beast (parang nawala ulo niya hehehe pero nakaharap lang siya sa kabilang side kaya ganun, mabigat siguro ulo niya kaya nakayuko lol)

Si Snow White, kasama yun mga dwende niya pero di ko nakunan ng picture, ang dami kasi nila di kasya sa picture ko lol

Ayun, wala rin, nagkwento rin pala ako hehehe. Dami pa sanang pictures kaso tinatamad akong mag upload ngayon e hehehe at least di ako nakasimangot di ba, yun ang mahalaga! hehehe

Malapit na kaming umalis ng Japan kaya panay-panay na ang gala namin....kaya abangan nyo na lang ang iba ko pang mga post, hula na travelog pa hehehe

HULA SCOOP: Magiging Abala Ka Sa Araw Na Ito

2010-07-04T16:17:00.003+09:00

shinkansen o bullet train

HULA SCOOP: Magiging abala ka sa araw na ito at sa mga susunod pang mga araw. Huwag kalilimutang ngumiti kapag ikaw ay masaya at huwag kalimutang magbasa ng mga balita o magasin na sa iyo'y magpapangiti. Bullet train..... ay bullet day pala (balang araw) magiging masaya ka dahil hindi ka na rin abala.

-----------------------------------------------------------

Pasensiya na sa matagal kong hindi pagdalaw sa sarili kong blog at sa mga tagasubaybay ko sa tabi-tabi dyan (meron ba? hehehe). Kami po ay nagbakasyon lang sa lalawigan ng Tokyo, mga 10-11 oras kung amin itong lalakbayin na gamit ang aming sasakyan pero dahil sa nakakapagod magmaneho ay minabuti na lang naming sumakay ng bullet train para may maipagmamalaki naman ako sa mga kabigan ko pag kami ay lumisan na sa bansang Japan at masasabi ko na....."ang bilis pala ng bullet train" hehehe, kaya ayun...zoom!!! tatlong oras lang nasa Tokyo na kami.

Habang nasa bakasyon ako ay di pa rin pwedeng di ko gagamitin ang internet, dahil sa wala akong maisip na hulascoop ngayon ay ibabahagi ko na lang ang napulot ko sa facebook, eto:

Top 10 Lies

10. I'm on my way (maliligo pa lang)- hmmmm parang asawa ko to a hehehe
9. Miss na kita (may masabi lang)- hmmm asawa ko pa rin
8. I don't smoke (pag kasama ka lang)- asawa ko pa rin (???) grrrr
7. I like you (naniniwala ka na naman)- hmmm mga nanligaw sa kin na sinabihan ko nito
6. Sleep na ko (tinatamad ka ng katext)- hayyy sayang di ko naranasan ang ligawan thru texting
5. Busy pa ko (may katext na iba)- ahhh parang may nareceive na ko na ganito
4. Low bat na ko (nasa gimikan)- parang nasabi ko na to pero ibang klaseng gimik lang nga
3. Nakasilent phone ko (ayaw sagutin tawag mo)- teka parang alibi ko to minsan ah hahaha
2. Walang load (may kasamang iba)- ahh di applicable sa kin to di kami naglo load dito e

at yung no 1

1. "i love u "(para tumahimik ka na)- ang sweet pa rin marinig kahit sinungaling nagsabi nito hehehe

Kayo nagamit nyo na rin ba mga lines na yan? aminin!!!

HULA SCOOP: Isa sa mahal mo sa buhay ay magbibigay sa'yo ng karangalan

2010-06-16T21:05:00.011+09:00

HULA: Isa sa mahal mo sa buhay ay magbibigay sa'yo ng karangalan. Kaya abangan mo na ito, malapit na, di maglalaon, ay di magluluwat, at higit sa lahat hindi na magtatagal......manapay.......nasa mga pintuan mo na hehehe.

SCOOP: Anuman ang karangalang ibibigay sa'yo ng mahal mo, dapat mo talaga itong ipagmalaki. At huwag ka ng magreklamo, just grab ka na lang ng grab.

---------------------------------------------------------

Bago ang lahat......hihingi lang ako ng pasensiya sa anak ko pero di ko sasabihin sa kanya, dito na lang hehehe (baka magalit LOL):

1. Pasensiya na anak, kung hindi kami kuntento sa grade mo pag "B" at nagtatanong ng, "Bakit B?" Anong nangyari? B lang?"

2. Pasensiya na anak, kung lagi namin sinasabi sayo na gumawa ka lagi ng homework mo at huwag matutulog nang hindi tapos.

3. Pasensiya na anak, kung napapaiyak ka namin dahil sa mataas lagi ang expectation namin sa'yo dahil alam namin kaya mo at alam namin na matalino ka.

4. Pasensiya na anak, kung kailangan mo pa rin gumawa ng gawaing bahay kahit tambak na ang homework mo.

5. Pasensiya na anak, kung minsan gustong awayin ng Papa mo ang mga teacher mo kapag may B ka sa klase.

6. Pasensiya na anak, kung minsan nagiging makulit kami, na tinutulak ka namin para maging aktibo sa mga extra curricular ng school niyo. Lam mo naman si Mama mo showbiz ang dating hehehe

7. Pasensiya na anak, yan lang ang kaya namin ipapamana sa'yo ang edukasyon at ang maging matalino sa klase.....kasi ganyan din ang sinabi sa amin ng mga magulang namin.......kaya kami nandito ngayon sa kinalalagyan namin. Alam kong mali pero yan ang tama , hehehe ang drama ko!!! Sige na nga tama na yan.....baka maging mali pa yan hehehe.

Di na ko magpapaliguy-ligoy pa, I'm proud of my daughter!!! Yahoo, Congrats Lei! Love you
Eto na po ang Salutatorian speech niya.....salamat naging mabuti kang anak!!

Di ka pa tapos anak, simula pa yan ng panibagong kabanata ng iyong buhay. May college pa, pahirapan pa lalo pero kaya mo yan! Kung iiyakan mo ang college days, ok lang yan kaya nga may luha para malinisan ang mga mata hehehe. Madugo magpa-aral baka kami ang umiyak sa'yo hehehe pero ok lang yan. Kaya natin yan! Congrats! and we love you!! mwahhh

HULA SCOOP: Sobrang Saya Mo Na Naman Ngayon

2010-06-12T10:43:00.007+09:00

HULA: Sobrang saya mo na naman ngayon, parang kang nasa ulap.

SCOOP: Paano mo ba masasabing sobrang saya mo??? Kanya-kanyang sagot yan, kaya wag na lang tayong magkopyahan hehehe ay mag inggitan pala.

-------------------------------------------------------------
STAGES ng SOBRANG SAYA
(ayon lang kay Sards)

bata- masaya na sa lollipop

teen-ager- sobrang masaya kung marami na siyang pambili ng lollipop na ibibigay niya sa barkada niya, di lang lollipop kahit chocnut, cloud 9, flat tops, atbp pwedeng pwede na

may syota na- sobrang saya dahil hindi lang lollipop ang nabibili niya, nadiskubre din niya na ang cloud 9 ay hindi lang chocolate pala

may-asawa na- sobrang saya niya kung.....(itutuloy ko pa ba??) ibang klase na ang lollipop niya at ang cloud 9 ibang meaning na sa kanya

sensiya na masayang masaya lang talaga ako e, eto na lang......

Masayang Masaya Ako Kasi.......

1. Dumating na ang asawa ko!!! yipeeee! ( puyatan na naman!! .....unahan sa internet no.... kayo talaga! hehehe)

2. Gumradweyt na ang anak ko sa high school!! (na dapat graduate na siya kung sa Pilipinas siya nag-aral, at nasa 2nd year college na sana siya ngayon)

3. Dumating ang asawa ko dalawang araw bago ang graduation ng anak ko (matapos makipag-away sa mga nagpapaalis sa kanila para ipilit isingit ang sarili sa mauunang batch na aalis hehehe, para lang makaabot sa graduation)

4. Tagumpay ang speech ng anak ko as Salutatorian.

5. Sinunod ng anak ko ang payo ko na banggitin niya ang "facebook" sa speech niya hahaha !!! Yes, tagumpay as in success ang speech maraming natawa!!!!

Next time ko na ipopost ang speech ng anak ko magpapaalam muna ko hehehe, mahirap na at baka mapagalitan pa ako hehehe.

HULA SCOOP: Mamomoroblema ka sa problema ng iba

2010-06-02T21:43:00.010+09:00

Mabuti pa ang mga isda hindi namomoroblema sa kakainin nila samantalang ako, pinoproblema ko kung paano ko sila kakainin hahaha

HULA: Mamomoroblema ka sa problema ng iba. Kaya bilisan mong maghanap ng solusyon dahil baka magkaproblema ka naman.

SCOOP: Bakit nga ba tayo namomoroblema sa problema ng iba? Eh di naman natin problema yun? Ganun talaga ang Pinoy! Magaling magpasan ng problema ng iba. Napansin nyo ba yun?
---------------------------------------------------------------------------

Paano mamroblema ng problema ng iba ang mga nasa abroad o OFWs?

1. Walang trabaho ang kapatid
Solusyon- magpadala ka ng pera

2. Walang pangtuition ang mga anak ng kapatid
Solusyon- magpadala ka ng pera

3. Walang pampuhunan sa negosyo ang kapatid
Solusyon- magpadala ka ng pera

4. Walang pambayad ng kuryente at telepono
Solusyon- magpadala ka ng pera

5. Walang pambayad sa upa ng bahay
Solusyon- magpadala ka ng pera

Konklusyon- magpadala ka na lang ng pera buwan-buwan para di mo na marinig ang problema ng iba hehehe

Speaking of problema ng iba, ang anak ko namomroblema sa speech niya, Salutatorian siya pero may speech pa rin ang Salutatorian dito (swerte naman niya!). Kaso until now wala pa rin siyang maumpisahan. So nagtanong siya sa akin kung anong idea ang magandang topic. Ako pa ang tinanong niya eh hulaan nyo kung anong sinabi ko?? E ano pa sabi ko since uso ang facebook, twitter, tumbler or whatsoever eh di ipasok niya yun sa speech niya hehehe, natawa na lang ang anak ko sa kin (hmmmp kung di ko pa alam e baka gamitin din niya yun hehehe, we'll see).

Isa pang pinoproblema ko, di yata makakarating ang asawa ko sa graduation ng anak ko sa June 11 mula sa deployment niya sa Middle East. Yan ang pinoproblema ko kasi, malungkot ang anak ko, mamimiss ng Tatay niya ang pinakamahalagang bahagi sa high school life ng anak ko, yun graduation niya bukod pa sa makukuha niyang award, waaaaaaaaaaaaaa.

Di bale, ang mahalaga....importante talaga!! hahaha, nababaliw na ko! Ang pinapanalangin ko lang ngayon, makarating sa araw ng graduation ang asawa ko, kundi.......ganun talaga, that's life LOL ayoko ng mamoroblema pa. Kung di ukol, bukulin mo na lang! hehehe

HULA SCOOP: May matatanggap kang balita na ikasasaya mo

2010-05-25T21:48:00.005+09:00

Statue of Liberty ng Japan- "pareho pero iba" ng nasa New York
(mga 20 minutes drive mula sa amin)

HULA: May matatanggap kang balita na ikakasaya mo pero pag nalaman mo na masaya ka, bigla ka namang malulungkot.

SCOOP: May mga balita tayong natatanggap talaga na masasabi nating bad at good news. ...tipong sabay ba. Walang pinag-iba yan sa kara o krus eh, lam n'yo yun? alamin nyo na lang bakit kara o krus di ko rin alam eh, bigla na lang pumasok sa utak ko yan hehehe. Kayo anong una niyon binabalita, good or bad news? Ako......

------------------------------------------------

BAD NEWS

1. Babalik na kami sa US- di pa ko ready na bumalik kasi, nag-eenjoy pa ako dito sa Japan.

GOOD NEWS

1. Aalis na kami sa Japan- di na rin ako makakaranas ng lindol kada linggo

Tama na yan! Masyado ng mahaba ang post ko e hehehe......dapat pala "bad new" at "good new" lang yan kasi iisa lang naman as in "singular" lang ang balita ko hehehe. E kapag ba maraming balita, ang tawag ba natin, balitas? hindi naman di ba? Napansin nyo ba, pareho sila pero iba? Ang labo talaga no? sinong malabo yun hula ko o ako? pareho! hehehe

Hulaan nyo saang States ako mapapadpad? "Maulan doon, sa lugar na yun doon hindi makatulog sina Tom Hanks at Meg Ryan" LOL

HULA SCOOP: Marami Kang Maiisip Na Palaisipan

2010-05-16T21:31:00.006+09:00

HULA: Marami kang maiisip na palaisipan pero wala ka namang maisip na sagot. Pag-isipan mong mabuti kung anu-ano ang dapat isipin para hindi ka nagdadawalang isip diyan.

SCOOP: Parang malabo ang hula ngayon, naisip nyo ba ang naiisip ko? Ako, hindi hehehe. Ang labo talaga pero maliwanag naman, kaya ok na yan hehehe.

----------------------------------------------------

Dahil sa malabong pag-iisip ko ay naisip ko na ipakilala ko sa inyo ang bahagi ng aking pagkatao, kaya narito po.

SI SARDZ, ISANG PANGKARANIWANG TAO LANG:

1. Marunong akong mag gitara pero hindi ako magaling.

2. Marunong akong mag piano pero hindi ako magaling.

3. Marunong akong magbandurya pero hindi ako magaling.

4. Marunong akong magsulat pero mas magaling ako sa pindutan ng keyboard.

5. Marunong akong kumanta pero mas magaling akong kumanta na walang sound.

6. Marunong akong tumula pero mas magaling akong gumawa ng tula.

7. Marunong akong mag gantsilyo pero hindi ako magaling manahi.

8. Marunong akong magbake ng brownies pero mas magaling ako sa luto ng Diyos...... pagkain ng Diyos pala ay teka yan ba ang tagalog ng "Food for the gods?" hehehe tinagalog ko lang naman yan eh, parang mali ang dating.

9. Marunong akong matulog sa papag na matigas pero magaling ako sa kama.....

Parang bitin?? oo nga bitin, yan ang di ako marunong, di ako marunong maglambitin sa poste hehehe.....

sige na tama na to, marunong ako sa bolahan pero mas magaling akong mambola hehehe.

HULA SCOOP: Maghahanap ka pero di mo makikita

2010-05-04T22:39:00.005+09:00

HULA: Maghahanap ka pero di mo makikita. May makikita ka pero di mo pa rin mahanap yun hinahanap mo.

SCOOP: Ganun talaga, may mga bagay na wala pero parang meron.

----------------------------------------

Baka bukas meron na, bukas na ang hula ko wala akong tym pa eh, pasensiya na po tao lang.

HULA SCOOP: Magulo ang buhay mo ngayon

2010-04-26T23:21:00.005+09:00

Kitkat sa Japan, pare-parehong kitkat pero iba-iba

HULA: Magulo ang buhay mo ngayon. Pero kahit paano, malalagpasan mo ang lahat ng yan, basta madaanan mo lang, yun ang mahalaga. Pag di mo madadaanan di mo talaga malalagpasan.

SCOOP: Kapag ganitong magulo ang buhay kailangan may maisip ka na paraan para hindi lalong gumulo. Pasensiya na, tumatagal na ang mga araw na wala akong blog, mahirap talaga pag gulo ang isip e. Kaya eto, nakapag-isip-sip ako ng mga kwots uli . Wala lang....

---------------------------------------

MGA KWOTS NI SARDZ

May mga bagay na hindi mo maintindihan
At may mga naiintindihan ka na hindi bagay.
----------------------------

May mga bagay na pare-pareho
Pero iba-iba (katulad ni kitkat di ba?)

----------------------------

Minsan dumarating sa tao na nagkakasakit
Nako "coma," o kaya cancer sa "colon"
Pero ang mga babae kahit kelan lagi na lang masungit
At laging dahilan, may "period!" Hello??? Nasan ang "point" dun??

---------------------------------------------

Mabuti pa ang gitara pag kinakalabit tumutunog
bakit pag si misis ang kinakalabit, iba ang tunog?

-----------------------------------------------

Mabuti pa ang keyboard pag pinindot sumusunod
Samantalang pag si mister ang pinindot may kasunod

------------------------------------------------

May mga taong kahit walang kwenta
Humahanga sa kanyang gawa
Kaya kahit tapos na siya sa pagkwento, sige tuloy pa
Sa pagbasa ..... ng blog niya...

hoy hindi na to kwot no, wala na kong maisip!

Sige tutulog na ko may pasok pa ko bukas, ang hirap mag-isip!!

HULA SCOOP: Maghihintay Ka Ng Matagal Sa Walang Kwentang Bagay

2010-04-15T22:47:00.009+09:00

singkit na mata

HULA: Maghihintay ka ng matagal sa walang kwentang bagay. Pero sige pa rin ang hintay kahit wala naman, umaasa na kahit konti ay may masisilip kang pag-asa....kahit magsingkit na ang mata.

SCOOP: Wala nga!!! Pero parang meron kahit konti.......may konti akong kwots para sa inyo.

----------------------------------------------------------------------

Wala akong maisip! Kulta na utak ko!!! Sensiya na tao lang....pero ayaw kong mapahiya kaya, gumawa ako ng mga kwots ko (ginaya ko anak ko e hehehe).

kwots ni sards: (seryoso yan ha!)

Gravity.....

"Mabuti pa ang yoyo pag binato mo paitaas, bumabalik ito ng kusa,
Di tulad ng bola pag binato mo paitaas, sigurado sa ulo mo babagsak"

Life....

"Ang buhay ay parang buhok
May diretso, maikli, mahaba, magulo
at higit sa lahat buhol-buhol na parang......ayun nga buhok nga"

Friendship....

"Huwag magreklamo sa kaibigan na maingay na parang lata
Pasalamat ka at hindi siya plastic na parang tupperware, di ba?"

Envy.....

"Mabuti pa ang baso kusang nadadampian ng labi
Samantalang ako....kailangan pang uminom
Para madampian ko naman ang baso..."

I wish....

"Minsan gusto kong maging bananacue
Tinutuhog at super sweet!"

Ayan wala na kong maisip! Miss ko na kasi ang bananacue eh! Sige thank you na lang sa nagtyagang basahin ito.

HULA SCOOP: Minsan Kailangan Mong Mag-isip ng Malalim....

2010-04-06T22:52:00.009+09:00

Paano kaya nagawa itong design na ito mula sa buhangin at bato? Ang galing! (Kuha mula sa Japan Day)

▒▒▒▒▒▒▒▒▒▒▒▒▒▒▒▒▒▒▒▒▒▒▒▒▒▒▒▒▒▒▒▒▒▒▒▒▒▒▒▒▒▒

HULA: Minsan kailangan mong mag-isip ng malalim para mahasa naman ang pumupurol mong utak.

SCOOP: Ang mga Pinoy mahilig sa mga palaisipan kaya naisipan kong mag-isip ng malalim kaya eto di ko rin maisip ang mga sagot, matutulungan nyo ba kong mag-isip??? Ang problema baka wala kayong isip hehehe. Kaya mag-isip-isip ka na.

MGA NAKALILITONG TANONG NI SARDONYX:

1. Ang lahat ng pets ni Simang ay aso maliban sa isa. Ang lahat ng pets niya ay pusa maliban sa isa. Ilan ang aso at pusa ni Simang? Waaaaa, help!

2. Sabi ni Mokong kay Inday na may sasabihin siyang “lihim” sa araw bago mag-ikalimang araw mula sa araw pagkatapos ng bukas. Kung ngayon ay Tuesday, Oct. 23. Kailan sasabihin ni Mokong kay Inday ang lihim niya? (Di kaya buntis si Inday? hehehe pero ang tanong....kailan??)

3. Pinakilala ni Inggo si Miguel sa mga bisita niya, “ Ako ay walang kapatid na lalaki at babae, ang tatay ng lalaking ito ay tatay ng anak ko.” Anong relasyon ni Inggo kay Miguel? (Ma at Pa!)

eto pa:

Ang bawat titik sa sunod-sunod na mga titik ay ang umpisang titik ng isang salita. Ang bawat salita ay may relasyon sa isa’t isa. Pakibigay ang susunod na tatlong titik ( 3 letters please).

4. O, T, T, F, F, . . .
5. D, N, O, S, A, . . .

PAHULI: Nose bleed na ko!!!! Ayoko na! Kayo naman!!!

HULA SCOOP: Mapaparaning ka

2010-03-30T19:17:00.013+09:00

Ang bata at ang isip bata

HULA: Mapapraning ka sa araw na ito, di mo alam kung may namimiss ka o nahihirapan ka sa pagbaluktot ng utak mo sa mga katanungan mo sa buhay. Kung anuman yun, pilitin mong idiretso, plantsahin mo kaya?

SCOOP: Malamang mahihirapan ka lang pigain ang utak mo sa mga kahulugan ko kaya mapapraning ka talaga hehehe, sige basahin nyo na!

MGA SALAWIKAIN AT ANG "DINIDIBDIBANG" KAHULUGAN KO:

1. Ang tunay na bakal ay
Sa apoy masusubukan.

kahulugan ko: huwag susunugin ang bakal

2. Marunong man at pantas,
Ay daig ng mamimintas.

kahulugan ko: huwag ng mag-aral kung dadaigin ka pa ng mga chismoso't chismosa lang hehehe

3. Kapag mura ang dayap
Pigain ma'y walang katas.
kahulugan ko: Huwag bumili ng murang dayap, magkalamansi ka na lang mas masarap pa

4. Ano man ang kanin,
kung sa apoy luto,
Kung di palamigin
ay nakakapaso.

kahulugan: Mag microwave na lang sa pagluto para di mapaso

5. Anak na pinaluluha
Kayamanan sa pagtanda

kahulugan ko: paluin ng paluin ang anak para umiyak dahil sa pag tanda datung ang iyong mapapala

6. Marunong bumati ng sa ibang uling,
Datapwa't sa mukha'y naglawit ang agiw.

kahulugan ko: Ano yan?? gagamba?? spiderman?? gagambino??

7. Pag ang tamis ang nauna
Ang kasunod ay ang pakla

kahulugan: e di baliktarin natin, kumain muna ng mapakla para matamis ang huling sarap

8. May mahinhing talipandas,
May dalahirang banayad.

kahulugan ko: mahinhinduting birhen at pukpukin ni taning? hehehe

9. Kahoy na babad sa tubig
Sa apoy, huwag ilapit,
Pag nadagandang ng init
Sapilitang magdidikit

Kahulugan ko: Huwag magluluto sa kahoy, gumamit na lang ng stove.

10. Ibong mahawaka'y pigilang mahigpit
Pag nakawala pa'y baka di magbalik

kahulugan ko: Huwag payagan si mister o ang bf na mag bar o club baka lam nyo na di na bumalik.....

11. Ang tunay na pag-ibig
Hanggang dulo'y matamis.

kahulugan ko: dulo ng ano??? ay ang bastos! kayo na lang mag explain niyan hehehe

PAHABOL:

Ukol sa larawan: nikonian ko pagktapos gumawa ng snowman.......grabe nag iisnow pa dito!!!

HULA SCOOP: Huwag Kang Masyadong Tahimik

2010-03-20T23:16:00.012+09:00

Maraming casino dito sa Japan, isa na dito ay ang Jam Friend

HULA: Huwag kang masyadong tahimik, minsan magsalita ka naman ng kusa o magsimula ka ng kwento hindi yun pinapanis mo laway mo.

SCOOP: Naisip nyo ba kung kailan nangyari sa inyo na hindi kayo nagsalita man lang sa kausap ninyo?? Huwag naman ganun, dapat matuto tayo na makisalamuha sa ibang tao.

-----------------------------------------------------------

Kapag nag lo-long driving kami o road trip, di pwedeng mapanis ang laway ko at ng asawa ko , baka makatulog ang asawa ko na panis pa ang laway habang nagmamaneho aba mahirap na, mabunggo pa kami sayang naman yun sasakyan namin hehehe.

So para magkaroon ng pag-uusapan kahit anong makita namin ay binibigyan namin ng sarili naming interpretasyon at gagawan namin ng kwento, yun ang sikreto namin, eto mga halimbawa :

1. Yun sasakyan humaharurot, nag overtake sa amin- "yun drayber "nadudumi" kaya nagmamadali, hayaan na nating mauna"

2. Nakakita kami ng napakalaking bukid pero walang tanim puro talahib ang nandun- "malamang yun may-ari ng bukid na yan natalo sa sugal kaya walang pampuhunan para makapagtanim"

3. Yun sinusundan namin sasakyan ang bagal:
Papa ko: "malamang babae na Asian ang nagmamaneho niyan"
Ako: "Uy di naman lahat no, mabilis naman akong magdrive, malamang matanda na ang driver"

- Lalapitan namin ng maige at kapag nalaman namin matanda ito naman ang sasabihin namin:

"Tatang pakibilis-bilisan nyo naman po, marami nang nakabuntot sa inyo!"

4. Mag-syota magkaholding hands-
Papa ko: "Lolokohin ka rin niyan!"

5. Yun driver ng isang sasakyan palipat-lipat ng lane at panay ang overtake-
Ako: Grabe naman yun drayber na yun, pati ba naman kalsada tinatahi niya!
Papa ko: Bakit?
Ako: Ikaw kaya ang panay ang zigzag sa pagmamaneho e para ka ng nagtahi yun nga lang kalsada tinatahi mo.
Papa: Baka naman inaantok kaya panay ang change lane para magising siya.
Ako: Siguro o baka naman lashing?
Papa: O baka naman may humahabol sa kanya??
Ako: Siguro nga o baka naman nagtatae?

6. Pag medyo pagod na dumaldal, sinasabayan na lang ang kanta sa ipod (hanep hindi na CD hehehe)....share ko na lang sa inyo yun isang road trip namin last January.

7. Kapag wala na talagang maikwento at inaantok na ko:

Ako: Ok lang ka lang ba "hon"?? Huwag kang matutulog ha, nagda drive ka, sabihin mo lang kung inaantok ka at .....magstop tayo (kala niya magvo volunteer akong magdrive nye hehehe) o kaya itutulog ko na lang ito para sa'yo hehehe.

8. Minsan kinakausap ang driver na sinusundang sasakyan.
Kagaya nitong video.

HULA SCOOP: Huwag pigilin ang nararamdaman

2010-03-14T18:45:00.012+09:00

nagsnow na naman nitong Miyerkules, March 11 kaya busy akong nagpala ng snow namin, anak ko yan, mana lang sa akin papansin hehehe

HULA: Huwag pigilin ang nararamdaman, minsan kailangan aminin mo sa sarili mo na kung ano ka talaga. Wala namang masama kung aaminin mo sa sarili ang kakaibang nararamdaman mo. Teka ano ba yun nararamdaman mo? Baka kailangan mo lang pumunta ng banyo no? go na!

SCOOP: Aminin mo na no.....na .....adik ka na sa pagba blog at pagbisita pa ng ibang blog. Kundi ka naman adik sa pagba blog, malamang sa facebook. Wala nang paligoy-ligoy pa, tara basahin mo na ang post ko, kasi waalng kinalaman ang hula ko sa sasabihin ko ngayon hehehe.

~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~

Sige aaminin ko na adik na talaga ako sa pagba blog at pagbisita ng ibang blog at syempre pa ang facebook at mga applications nito. Di ko nga alam kung paano ko nahahati ang oras ko sa bahay. Dahil lahat ng gawaing bahay nagagawa ko pa pero di ko nararamdaman ang pagod ko pag nasa harapan na ako ng laptop ko. Malaking tulong talaga sa akin ang internet, naaaliw ako sa kalungkutan ko at syempre parang feeling bata ako dahil panay pa ang facebook hehehe.

Sa sobrang adik ko sa blog at facebook wala na akong time manood ng mga TFC shows. Pero kahapon nagtry akong manood sa live stream, at first time kong nanood ng showtime, nabigla ako at ang slang words na "madlang people" ay gamit na gamit sa show na yan. So hindi pala naluluma ang ibang mga slang words ng Pinoy. Natatandaan ko kapanahunan namin nang mauso ang katawagang "madlang people." So at least pwede ko pa palang gamitin dito sa blog ko ang mga lumang slang words hehehe.

Kaya eto mag-aral uli tayo ng mga slang words ng Pinoy:

napapanahon sa eleksiyon:

1. Dekwat- kupit, nakaw
2. Kulimbat- kurakot/kupit/ nakaw sa gobyerno
3. Erap- isa pang tawag sa pare

labo-labo: (hula ko lang pinauso ito ng mga tambay sa kanto hehehe)

4. Petiks- nagliliwaliw, nakikipagdaldalan o nagrerelax habang oras ng trabaho
5. Utol- mula sa salitang "kaputol" meaning kapatid
6. Yosi- sigarilyo (yun "yo" sa dulo at "si" sa unahan na salita ay pinagdugtong, tama ba? hula ko lang hehehe)
7. Arbor- paghingi o paghiram ng isang nagustuhang gamit sa kaibigan o kamag-anak (saan kaya nakuha ang salitang ito??)
8. Sisiw- madali, kayang-kaya (bakit sisiw? bakit di na lang manok?? hehehe)
9. Astig- siga, mula sa salitang "tigas"
10. Bangag- high sa drugs

Mga pinauso ng mga bading:

1. kikay- girly girl
2. maida/aleli- katulong
3. charing- biro lang
4. praning o aning-aning- may "tama" o may mental disorder
5. chaka- pangit
6. chipipay- hindi mahal, mura, hindi maganda ang quality
7. lafang- pagkain ng pagkain hehehe (bahala kayo, alam yo na yan no, aminin
8. echozera- taong chismosa
9. anda- pera (bakit anda?? daan ba yun?)
10. naman batman palaman superman- oo naman (ngek ang haba!)

Madami pa yan kaso ayokong magalit mga bading sa kin e hayaan ko na lang sa kanila ang portion na yan, i-google nyo na lang ang mga kaek-ekan at mga kachenelyn o chervalou nilang gay lingo.

HULA SCOOP: Wala Ka Sa Mood Makipag-usap

2010-03-07T22:04:00.007+09:00

Ang galing ng drawing ko!!

HULA: Wala ka sa mood makipag-usap parang may "s" ka ngayon kaya ilag ang mga tao sa paligid mo. Huwag ka namang ganyan, kung may problema ka, sarilinin mo lang, huwag kang mandadamay.

SCOOP: Bakit nga minsan wala tayo sa mood makipag-usap, minsan tahimik lang tayo pero ang init naman ng ulo??? Kayo ba ganyan ngayon? Ako, wala naman akong "s" pero sa hulascoop ko "speechless" muna ko. Kaya may "s" ako ngayon, may s!!! hehehe. Huwag kayong mag-alala di ko kayo dinadamay.....malungkot lang ako.

------------------------------------------------------------------------

Malungkot ako kasi dami kong namimiss ngayon (syempre ano fa??), kaya dinaan ko na lang sa drawing. Pasensiya na minsan mas mabuti pa ang magdrawing ng "freehand" kesa sa idrawing ko pa sa autocad o kahit sa ano pang CADD program. Napakasimpleng bilog e ido drawing ko pa ba sa computer?? Minsan mas maganda na yan para unique hehehe pasensiya na kayo di ako perfect sa bilog pero magaling akong mambilog hahaha.

Pero teka, alam nyo ba kung ano yan?? Yan kasi namimiss ko sa Pilipinas yun nasa dalawang bilog na yan sa magkabilang dulo yun sa gitna di ko namimiss yan hehehe.

O sige na wala ako sa mood talagang magkwento eh. Sana lang mahulaan nyo ang namimiss ko para mapasaya nyo ako hehehe.

PAHABOL na joke ni Sardz:

Nag-uusap ang dalawang bulol na bata:
Buknoy: Tutan, punta tayo sa kanto meron promo may libre kan tutbrush at colgate pakita mo lan ipen mo.

Susan: Wag mo ko utap, wala ako ta mood!

HULA SCOOP: Umiwas sa apoy

2010-02-28T21:02:00.008+09:00

A 10m Giant Spider at Roppongi Hills, Tokyo during day time (kuha ko last year)

During Night time

HULA: Umiwas sa apoy at sa singsing pero kung hindi maiwasan ok lang, ganun talaga, swerte swerte lang, kung mamalasin di ka talaga swerte kung swerte ka naman e hindi ka malas.

SCOOP: Ang swerte minsan hinahanap at minsan iniiwasan ang malas pero paano nga ba iwasan ang malas at hanapin ang swerte? Yan ang di ko masasagot. Pero ito pa ang mga tanong bakit apoy at singsing?? Dahil ba ang apoy ay nag-aalab?? na parang tukso?? E bakit singsing?? Dahil ba sa baka matukso ka sa taong may wedding ring??? heheheh Hmmm ah ewan!

----------------------------------------------------------------------------
Paano hahanapin ang swerte?

1. Umiwas sa feel mo na mamalasin ka.
2. Kung ang sabi ng hula malas ka ngayon, huwag hanapin ang swerte kasi nga malas ka nga.
3. Kung feel mo na swerte ka, malamang swerte ka nga so swerte mo talaga hehehehe....ang gulo!

Paano maiiwasan ang malas sa araw na ito, ang apoy at singsing???

Hindi ko pa rin alam!! Basta alam ko malas yata ako kasi lahat yata nang napuntahan ko ay may lindol! (Hello??? ano naman kinalaman niyan no??) Pero swerte pa rin ako dahil di pa ako nakapunta sa Haiti at Chile kung saan nagkaroon ng malakas na lindol. Pero malas yata talaga ako at sa tingin ko pagkatapos ng lindol laging may tsunami warning, lagi rin nakabuntot sa akin ang mga warning na yan! Katulad na lang nang una kong pag aabroad, sa California ayun nilindol kami doon, habang wala ang asawa ko pero mahina-hina lang yun time na yun compared sa nararanasan ko dito sa Japan at Pilipinas.

Sa Pilipinas ang malakas na naranasan kong lindol doon ay 7.7 noong 1990, grabe nasa 4th floor ako ng Mapua west building, may seatwork kami sa Differential Calculus, nilindol na kami e sige pa rin ang gawa ng seatwork pero sa sobrang tagal, ayun nagtakbuhan na rin kami sabay tapon ng mga papel. Wala ng stampede kasi kami na pala ang last na bumaba sa building hehehe. Naglakad lang naman ako mula Mapua hanggang Araneta Ave sa bandang QI (Quezon Insitute) at walang masakyan ng jeep....hay unforgettable!

Noong nasa Hawaii kami, 2006 nang nilindol din kami dun na may intensity 6.6 at nawalan ng kuryente buong island ng Oahu kung saan nandun ang sikat na Waikiki sa Honolulu. Pasalamat ako at Linggo nangyari yun wala akong pasok kundi nangatog na tuhod at tumbong ko (ooops excuse my word erase, erase hehehe) dahil nasa 28th floor ang opisina ko noon sa tapat ng Waikiki. Then may tsunami warning din kami noon nang magkaroon ng lindol sa Indonesia, kada yata may lindol sikat ang Hawaii sa tsunami warning (napansin ko lang hehehe).

At nang mapadpad naman kami dito sa Japan, 2 weeks palang kami, nagwelcome kaagad sa amin ang 6.8 na lindol gusto ko nang bumalik kaagad ng Hawaii nun hehehe sa sobrang takot, ang tagal kasi ng pagshake parang dinadambahan ang pinto ng kuwarto namin tapos may after shock pa, hay unforgettable talaga!

Pero ngayon pangkaraniwan na lang ang intensity 6.0 dito pero nakakakaba pa rin, kasi nagkaroon kami ng lindol after ng lindol sa Haiti tapos ngayon naman may tsunami warning dito dahil sa Chile's earthquake. Malas ko talaga dahil sa Northern Japan kami nakatira bandang east kaya nasa amin ang "major tsunami warning" mga 3m o 9ft or more ang ini expect na tsunami dito. Ang lapit lang kasi namin sa beach kung saan nandun ang Pacific Ocean, mga 5 to 10 minutes drive nasa beach na kami so gaano kaya kalakas ang hampas ng wave para kami mahagip dito???? Di ko alam, pero alam ko malapit kami sa dagat hindi katulad sa Pilipinas, California at Hawaii na malayo ang bahay namin sa dagat. Hay ano ba ang mga lugar na napuntahan ko eto yata ang malas ko.......apoy at singsing!!! "Ring of Fire!!" Anak ng tokwa!!!!! Ako pala ang tinutukoy ng hula ko!!!

PAUNAWA: Dalangin ko ang kaligtasan ng nakararami sa nakalipas na lindol sa Chile, sana wala ng tsunami na dumating dito sa amin at sa Pilipinas at iba pang karatig bansa.

LARAWAN: Imaginin ninyo na lang na kasing laki ng gagamba na yan ang tsunami na hahagip sana sa amin dito sa Japan, (pero ang minimum ay 3m o 9ft) pero maaring ganyan kataas. Kakatakot!

HULA SCOOP: Magiging abala ka na naman

2010-02-18T21:25:00.020+09:00

Hirosaki Castle

HULA: Magiging abala ka na naman sa iyong trabaho pero huwag mong kakalimutang bigyan ng quality time ang iyong sarili o pamilya mo. Remember yan ang lagi mong tatandaan, huwag mo lang kakalimutan hehehe gets mo?

SCOOP: Paano mo mabibigyan ng quality time ang sarili mo o pamilya mo?? Eh di mamasyal ka with your family, sabi ko nga "the family that pasyal together swak together" hehehe, yun ang sabi ko ewan ko sa iba.

---------------------------------------------------------------------------

Noong Sabado, Feb 13, 2010 habang abala ang mga tao sa paghahanda ng kanilang ireregalo sa kanilang ka Valentine (waaaa wag nyo ng paalala yan wala asawa ko) ay nagroad trip naman kami sa Hirosaki Castle Park, mga tatlong oras ang biyahe papunta dun. No choice ako, kaya I have to drive din.....pero sisiw lang yan sa kin kasi mga 10 to 15minutes lang ang aking minaneho papunta sa lugar kung saan kami sasakay ng tour bus hehehe mautak yata to ayokong sumagupa sa snow at magda drive na wala ang asawa ko baka kami mastranded no hirap na. Hayun nagbayad ako ng $100 sa trip ako at ang dalawa kong anak, ok na di ba?? ok na yun ang mahalaga hindi ako nagdrive hehehe.

Kaya eto share ko naman sa inyo ang aking mga pictures.

HIROSAKI SNOW LANTERN FESTIVAL

mga tao naglalagay ng candles kahit saan nila trip ilagay

Hello Kitty snow man ay snow kitten pala hehehe (namamaga yun pisngi niya siguro sa lamig)

Hawaiian show girl...ay snow girl pala hehehe (tama ba name?? hehehe)

parol na snow

pusong snow o snow na puso (whatever!)

building snow sculpture (di yan miniature ha)

ayan ganito siya kalaki kasing laki ng building

si mickey mouse ba 'to??? di ko siya kilala e

yan ang anak kong makulit

at syempre ang pinakahihintay ng lahat....ako...bow!! ayan nagbow pa ako hehehe

-------------------------------------------------------------

yun ibang picture dalawin niyo na lang sa isa kong blog para may bumisita naman sa kin dun hehehe, eto click nyo na lang ito "klik"

"paalam"

HULA SCOOP: Mabigat ang Loob Mo

2010-02-12T21:43:00.007+09:00

HULA: Mabigat ang loob mo , wala namang hollow blocks sa katawan mo pero parang pasan mo ang daigdig ngayon. Sana lang, mailabas mo yan....baka kabag lang yan hehehe.

SCOOP: Minsan nararamdaman natin ang bigat ng loob na di mo alam kung paano mo ito papagaangin. Paano nga ba???

----------------------------------------------------------------------------

Kung mabigat ang loob mo, isipin mo lang ako lagi kasi, mabigat din ang loob ko....hehehe at least di ka nag-iisa.

Malungkot kasi ako dahil 4 na buwan na mawawala ang asawa ko tapos makatatanggap ka pa ng malungkot na balita na........baka i-end na ang contract ko sa trabaho, yun ang napakasakit!! Ilang beses nila akong pinalipat-lipat ng opisina, ni hindi ko nga nagawa ang job description na inaplyan ko e tapos dadalhin ako sa isang office para maging secretary, temporary lang naman, reliever ba dahil nasurgery yun secretary nila. Ni sa "hinagap" ng isip ko hindi ko inisip na makakapagtrabaho ko as secretary, ako kasi ang tipong di marunong sumagot sa telepono hehehe, shy kasi ako e (totoo yan! maniwala kayo....parang awa nyo na). Tapos eto na naman at ililipat na naman ako, admin position for 2 weeks, anak ng tinapa talaga! Hindi naman ako makapagreklamo kasi hindi naman nila ginagalaw ang pay rate ko. Para bang pinahihirapan nila ako at kung umayaw ako, e di ako ang talo. Pero ano sila hilo, di ako susuko, sino bang aayaw kung ang sinusweldo mo ay rate ng director sa opisina na yun (paano ko nalaman???? nun sinipag ako nagshred ako ng mga kalat ng boss ko nakita ko mga sweldo nila hehehe) tapos sinuswelduhan ka sa pagsagot lang ng telepono, wow sosy hehehe. Hay buhay......after 2 weeks di ko pa alam kung may trabaho pang naghihintay sa kin. Di ko talaga maisip na naghire sila ng isang posisyon na hanggang ngayon ay lulutang-lutang lang sa ere. Para bang nag-ubos lang sila ng pondo last year kaya naghire lang ng kahit anong posisyon. At ngayon, nagka cut down sila ng mga overhire at isa na ako doon.....huhuhu

Ilang araw akong nagmuni-muni para makagawa ng hulascoop kaso wala talagang pumapasok sa utak ko. YUn ang isa pang problema kung may utak nga ba ako???

Kaya ayun, uminom ako ng uminom ng beer......iba pala ang lasa kapag iniinom mo tapos nasa isip mo ay beer pero yun mismong iniinom mo ay rootbeer at least beer din di ba???? hehehe.

Kung iinom naman ako ng kape eh pampanerbyos naman yun, kahit ang gatas ay pampalakas di naman ako umiinom ng purong gatas lang. Bawal din daw ang kape na may gatas kasi yun kape pampanerbyos, yun gatas pampalakas so pag kape na may gatas, pampalakas ng nerbyos, mas lalong ayoko naman nun.

Bakit nga ba ako magpapakalasing, gugugulin ko na lang ang panahon ko sa mga mahahalagang bagay. At pinaplano ko nga na magbusiness na lang ako. Since naumpisahan ko na ang resto ko ay pag-uukulan ko ng buong pansin ang tinayo kong ito, bukod pa dun may isa pa naman akong business na medyo lumalago na rin.....sshhh huwag kayong maingay, bumili ako ng napakalaking ekta-ektaryang lupain, dalawa pa say nyo, hindi ko na nga naasikaso at least kung wala na akong trabaho, sobrang buhos pansin ang gagawin ko sa dalawang negosyo kong ito.

O sige maiwan ko na muna kayo, maglalaro na ako ng restaurant city, farmville at farmtown medyo napabayaan ko na ang mga pananim ko eh malaki pa naman ang binili kong lupa sa mga farm na yan. Yun resto ko medyo umuunlad naman na, pero pag nawalan na ako ng trabaho buong oras ko nandito na talaga. O sige bye na! Kitakits na lang tayo sa facebook!

HULA SCOOP: Marami kang matututunan ngayon

2010-02-05T23:14:00.008+09:00

May snow pa rin dito

HULA: Marami kang matututunan ngayon, ang problema lang ay paano ka matututo.
SCOOP: Huwag mo na kayang alamin, hula-scoop lang ang makakasagot sa mga tanong mo hehehe
-------------------------------------------------------
PAUNAWA MUNA: Huwag kayong mabibigla, nagbasa muna ako ng tagalog na bibliya kaya seryoso itong hulascoop ko.
BABALA: Huwag hanapin ang "punchline" ng post ko, nasa Tomas Morato, QC makikita ito.

words for today:
Panaghoy-call/cry/lamentation/wail (magsawa kayo!)
Pakakak- trumpet (kala ko frog)

Mga natutunan ko sa aking pagbabasa: (magpakabanal muna tayo)

1. Sino ang dalawang tao sa bibliya na hindi namatay?
Enoch (Genesis 5:24) at Elijah (2 Kings 2:11)

2. Ano ang pinakamaikling English/Tagalog verse sa bibliya?
Jesus wept (John 11:35)

3. Ilang tao ang sumakay sa arko ni Noah (kasama siya) na naligtas sa baha?
8 (noah & wife + 3 sons and their wives) -hmmmp sa baha kaya namatay ang mga dinosaurs baka di sila nakasakay sa arko ni Noah dahil mabigat at malaki sila??? ano sa palagay ninyo? di rin kasi ako mapalagay eh....inisip ko rin bakit pa kasi sumama ang ahas dun sa loob, takot pa naman ako dito

Pagkatapos kong magbasa ng bibliya ay eto naman ang aking binasa, BUGTONG!:
1. May dila nga ngunit ayaw namang magsalita,
kambal sila’t laging kasama ang isat isa
Itali o igapos kahit higpitan mo pa
tiyak silang sa iyo ay sasama- SAPATOS

2. Mahaba ang bituka at itoy lumilipad
Kapag hindi mahangin ito ay tinatamad- SARANGGOLA

3. May ulo’y walang buhok
may tiyan walang pusod- PALAKA

4. Maliit pa si Nene marunong nang manahi- GAGAMBA

5. Dala mo, dala ka, dala pa ang iyong dala- SAPATOS, TSINELAS

SARD'S BUGTONG VERSION:

1. Binabasa mo muna at pinapatigas
Bago isusuot sa butas- SINULID

2. Pinasok ko ng matigas
Malambot na ng lumabas sa butas- BUBBLE GUM

3. Nilalabasan na nga sinasakal mo pa- BOTE

4. Anuman ang tago mo nito, basang-basa(wet) pa rin ito- DILA

5. Ulo aso, katawan aso, paa aso, buntot aso, pero hindi aso- TUTA

HULA SCOOP: May Lungkot Sa'yong Mga Mata

2010-02-02T20:20:00.008+09:00

Zoom! Zoom!

HULA: May lungkot sa'yong mga mga mata at kay bigat ng yong dinadala.....
SCOOP: Hindi ko hula yan, kanta ni Rey Valera yan hehehe, pero sa totoo lang malungkot talaga ako....huhuhu

Eto ang talagang scoop ko....

Malungkot nga ako kasi:

1. Umalis kanina ang asawa ko papuntang Qatar (bakit kasi di pa ipull out ang US troops sa Middle East, dami nadedeploy tuloy!) huhuhu at mananatili siya doon ng apat na buwan

2. Mamimiss ko ang Papa ko (buti sana kung lagi kaming nag-aaway at talagang di ko siya mamimiss no baka nga ipagtabuyan ko pa siya, kaso di na nga kami nag-aaway nun e huhuhuhu)

3. Akala ko tapos na ang pag iisnow dito, hindi pala so walang magpapala ng driveway namin kundi ako lang....ako lang (tapos na ang pagpopose ko sa picture, totoo na 'to hehehe)

4. Mapipilitan akong magdrive sa malayong lugar kapag weekend para makapamasyal (ang tamad ko pa namang magdrive lalo na pag may snow huhuhu talaga, bakit ba kasi mahal ang taxi dito!!)

5. Walang magmamasahe sa kin kapag masakit ang likod ko kakapala ng snow ( magiging best friend ko nito talaga si kumareng salonpas)

6. Wala akong katabi, walang mayakap, walang malambing......walang........ayoko na ayoko nang mag-isip!!! hehehe baka saan pa mapunta ......Gusto ko pasayahiin ang sarili ko.....paano?? pumunta na lang kaya kami ng Tokyo Disneyland?? Di ba sabi nga sa slogan nila "Disneyland is the happiest place on earth" so dapat talaga pumunta ako doon, masaya raw doon eh. Pero ayoko pa rin, wala rin si Papa ko e, maraming paraan......eto na lang

Paano ba maging masaya kapag alam mong malungkot ka?

1. Magbasa ng palaisipan at sagutin mo ito, tulad nito:
"What occurs once in every minute, twice in every moment, yet never in a thousand years??? (hayyy sumakit ulo ko kaya dapat may back-up kayo kung anong next na pwedeng gawin)

2. Mag-aral ng tagalog words na isasalin mo sa ingles, tulad ng mga ito (ayan nasagutan ko yan huh!):

"Pamatok"- yoke pala yun akala ko patpat na ibabatok mo sa ulo e hehehe
"bagabag"- hardship (naks naman hindi yan mga bag huh )
"matuwid"- right (bakit hindi left?? e diretso din naman yun left, di ba?)
eto pa:
bukong-bukong-
alak-alakan-

3. Magbasa ng mga jokes:

“Oo na Pacquiao, People’s champ ka na. Pero tandaan mo kung may makapagpapadugo ng ilong mo, ako lang yun! Tanging ako lang!” -english.

Lasing1: Pare, syota ko noon ang nanay mo.
Lasing2: (Tahimik)
Lasing1: Nakikinig ka ba pare? Sabi ko, syota ko noon nanay mo.
Lasing2: Tama na, itay! Lasing na kayo eh! Shot na!

4. Magbasa ng mga quotes:

Love is like a bowl of oatmeal; warm, mushy and good for you. Lust is like soup, it is only good when it is hot. =)

It is not who I am underneath, it is what I do that defines me. - Batman. Iniisip nila ay hindi mahalaga, mahal kita maging sino ka man. - Robin.

Tama na! Baka di na ako makapagpost ng blog nito hehehe, siguro naman di na ako malulungkot lalo na kung mag-iiwan kayo ng comments hahaha

HULA SCOOP: Magulo ang isip mo ngayon

2010-01-26T20:33:00.018+09:00

HULA: Magulo ang isip mo ngayon parang tali na buhol-buhol. Mag-ingat ka at baka di mo makalas yan. Dahan-dahanin mo na bigla ang kailangan diyan hehehe.

SCOOP: Minsan talaga sa buhay may oras na magulo ang isip natin, buhol- buhol na parang buhok ooopps na parang tali pala. Kaya eto maraming gumugulo sa isipan ko na aking sinaliksik pa para lang maayos ko ang gulo sa utak ko. Hay buti na lang nandiyan lagi si mareng yahoo at kumpareng google laging kaagapay ko.

Ibinabahagi ko sa inyo ang aking natutunan:

Mga lalawigan sa Pilipinas at ang kanilang kahulugan:

1. ANTIQUE - hantik o malaking langgam (marami kayang hantik dito? ang alam ko maraming aswang dito hehehe)
2. BABUYAN ISLAND- tawag din sa lugar o lagayan ng mga baboy ( so talagang baboy pala meaning asa pa naman ako iba meaning ng babuyan hehehe)
3. MARINDUQUE- mula sa alamat na Marina and Garduke, a legendary couple ( so totoo pala na galing sa alamat ang name nito?? hmmm ang alam ko lang tagarito ang Nanay ko hehehe)
4. BULACAN- bulak or cotton (siguro maraming bulak dito o cotton candy)
5. COTABATO- mula sa salita na kuta bato or a stone fort ( sa Cotabato ba ay bisaya rin ba salita kaya yun "kuta" naging Cota?- "siguro" sagot ko hehehe)
6. ILOILO- ilong or nose (ano kaya maraming ilong dito? o ibang klase ang ilong nila kaya malambing ang salita nila kahit galit na? )
7. MINDORO- mula sa salitang Spanish mina de oro, or gold mine (wow mayayaman kaya tao dito o puro lang sila minero?? taga pala o taga piko??)
8. TARLAC- mula sa salitang Aeta word na ang kahulugan ay weed (madamo pala dito hehehe)
9. NEGROS- mula sa Spanish term for black people (marami kayang negro dun???)
10. MASBATE- masa bati, which means mix and beat as in making bread (ano ba yan? parang ang weird naman nun meaning na 'to lalo na pag binilisan ko ang pagbasa, parang mali pa yata na nalaman ko meaning nito hehehe)

Hay kakapagod naman mag-aral parang di na ko sanay, ang problema may natutunan ba ako o puro tanong din sa bawat meaning na binigay ko.

eto pa sana kaso tinatamad na ko, kayo naman kung sinisipag kayo kung hindi naman, ok lang ganun talaga ang buhay.....

paki ingles:

bulubundukin
alalaong baga
bukang liwayway
takipsilim
agaw-buhay

eto pa:

muta
libag
uhog
anghit
anit
surot
hanip
kingki
buhaghag
lamas

PASALAMAT AT PAHABOL: Salamat muli sa larawan na ginamit ko ngayon, dinekwat ko sa Kuya ko sa kanyang flickr (paki click na lang yun "flickr" kung gusto niyo silipin mga model at awesome photos niya hehehe- sorry lang at wala akong picture doon baka kasi wala ng dumalaw sa site niya hehehe). Kuha niya yan nang dumalaw siya sa lalawigan ng aking nasirang ina na kung saan naninirahan ang aking ama ngayon .....sa Marinduque, kuha sa Moriones Festival. Miss ko na ang Marinduque sana makadalaw ako ngayon taon na ito doon at sana lang....walang bagyo, kasi popular lang ito kapag may bagyo, laging signal no.3 hehehe.

HULA SCOOP: Magtataka Ka...

2010-01-20T22:30:00.007+09:00

HULA: Magtataka ka kung bakit wala yun hinahanap mo.
SCOOP: Wala nga...wala talaga! Wala akong hula ngayon! hehehe. Babawi na lang ako sa pictures, pwede ba?

Three day weekend kasi last Jan 16 to 18 kaya nagdrive kami noong Linggo sa Ajigasawa, Aomori, sa Naqua Shirakami Ski Resort, mga 3 hours ang layo dahil may snow, pag walang snow mga 2 hours at 50 minutes siguro ang aabutin hehehe

Hindi masyadong zigzag papunta dito kasi sinipag mga Hapon kaya binutas na lang nila mga bundok para gumawa ng tunnel para mas mapadali ang byahe. Mabuti naman kundi sumuka na ako sa byahe kapag ala bituka ng manok ang daan.

Mas mataas ang snow dito sa Aomori kumpara sa aming lugar, pero ang pagkakapareho nag-iisnow rin hehehe, mga 1 inch siguro ang pagkakataas ng snow nila sa amin hehehe (actually di ko alam talaga) basta ang alam ko ang average ng snow dito nasa 10ft daw (daw kasi sabi lang ng asawa ko hehehe)

At ang pamatay dito...ayan! Sakit katawan ko kasi first time kong magsnowboard napasabak kaagad ako na bunuin ang napakataas na slope na 921m para lang makababa huhuhu kaya wala akong hula kasi bugbog pa rin katawan ko.

Natulog kami diyan ng isang gabi kahit mahal ok lang ang mahalaga importante talaga.

----------------------------------------------------------------

O sige na babay na tutulog na ako next time na ang mala alamat na kwento ko, paalam!

HULA SCOOP: Masanay Ka Na

2010-01-15T23:56:00.003+09:00

babaeng nagpapala ng snow sa tapat ng bahay nila (kawawa naman siya)

HULA: Masanay ka na sa mga bagay o gawain na bago palang sa paningin mo o di mo pa nagagawa, dahil balang araw....masasanay ka rin kaya huwag mo ng hintayin magkaroon ng bala ang araw, sanayan lang yan!

SCOOP: Mahirap talagang masanay sa mga bagay na hindi mo nakagawian, pero dapat talaga tayong masanay, kasi yun ang sabi ko. Ikaw ba meron dapat sanayin? Bakit di ka pa ba sanay sa mga post ko? hehehe

Anu-ano ang mga bagay o gawain na dapat kong sanayin:

1. Dapat matuto na akong magpala o magshovel....kung dati lupa sa paso lang ang pinapala ko ngayon snow na sa harapan ng bahay namin.

2. Dapat na akong masanay sa lindol na may intensity 5.0 o pataas na kada linggo yata ay meron dito, yun bang akala mo inuuga ang pintuan mo eh yun pala lindol na. Kaninang umaga lang meron na naman at noong isang linggo rin parehong intensity 5.0, ang matindi pa nito ang tagal ng lindol dito!!! Actually (naks naman feeling artista ako kada sinasabi ko ang salita na ito e hehehe), unang dating palang namin dito sa Japan, nawelcome na kaagad kami ng 6.8 na dumadagundong. Dinuduyan lang naman kami sa 3rd floor ng inn na kung saan kami pansamantalang nakatira at habang kumakalampag ang sarado naming pinto akala ko katapusan na ng mundo yun pala umpisa palang pala yun ng karanasan namin sa maraming lindol dito. Hayyy naku di yata ako masasanay nito.

3. Dapat marunong na akong magpalit ng ilaw na pundido, magsungkit ng baradong inodoro, maglinis ng dalawang sasakyan, dalhin ang mga sasakyan sa autoshop para magpa change oil, marunong magjump start ng kotse pag nadiskarga ang baterya nito at mga bagay na ginagawa ng mister dahil sa nalalapit na pagpunta ng asawa ko sa isang lugar sa middle east. In other words (sa madaling salita....hmmm mali dapat mga salita di ba? whatever!) dapat maging mister na ako hehehe.

4. Dapat matuto na akong di gamitin ang salitang "kasi" kapag sinisisi ko ang asawa ko, papalitan ko na lang na "dapat ginawa mo ito...." hehehe para hindi masyadong obvious na naninisi pa rin ako hehehe.

5. Dapat...dapat....puro na lang ba dapat???? Hindi talaga ako masasanay kung walang salita na "dapat" kasi dapat meron talaga niyang dapat dahil kapag wala, hindi na karapat dapat ang anumang papalit sa akala ng iba na nararapat na dapat ipalit....dapat lang!!

6. Ayoko na!! Ang hirap masanay!

naks naman ang pose!! (hmmm kakainis bakit ba ako yan?? dapat hindi ako yan e hehehe)

PAHABOL: Nakikiramay ako sa mga nabiktima ng lindol sa Haiti. Nagpapasalamat pa rin ako na kahit panay ang lindol dito ay wala naman bumabagsak na mga building at nasasaktang mga tao.

HULA SCOOP: Pag-ingatan Mo ang Mga Bagay na Akala Mo Ay Di Na Mahalaga

2010-01-10T16:13:00.021+09:00

HULA: Pag-ingatan ang mga bagay na akala mong hindi na mahalaga sa iyo pero mahalaga pala sa ibang tao. Magagamit mo ito sa ibang paraan, isipin mo lang kung paano. Kung di mo maisip sige ipamigay mo na lang sa may gusto nito, ang mahalaga... importante talaga, di ba?

SCOOP: Ang labo talaga ng hula ko. Ang mahalaga may hula hehehe, pero teka alam ko na.....speaking of "pag-iingat" mayroon akong natatagong o tinatagong katangian na nakahiligan ko ....ang magtago ng ilang bagay na di ko naman alam kung magagamit ko nga ang mga ito.

"May mga bagay na basura sa paningin ng iba pero kayamanan naman sa ilan" - Sards (ngek hehehe, asa ka pa na iba ang nag quote nito??? serious yan huh!)

Tama ba?? katulad na lang nito.....

Collection #1- Stamps o Selyo

Ang isa sa nakahiligan ko ay ang pagkokolek ng stamps, naging inspirasyon sa akin na gawin ito nang makita ko ang stamp album ng lolo ko (yes si Lolo na naman ang bida, hehehe)

Nag-umpisa ito nang nasa 4th year high school ako, naging pangulo ako ng Philatelic Society Club sa school, ang adviser at principal namin noon ay mahilig din sa pagcollect ng stamps kaya siguro tinayo ang club namin. Dahil sa wala naman akong masyadong stamps noon ay dinala ko ang stamps album ng Lolo ko sa school ayun sabi ng adviser ko dapat daw hindi dinikit ni Lolo sa mismong papel ang mga stamps, sayang pero tinago ko pa rin. May mga loose stamps siya na nakaipit sa album yun ang iningatan ko at binalot ko pa sa plastic ang bawat isang stamp.

Eto ang gutay-gutay na 2 stamp albums ng Lolo ko, masuwerte siya nakarating na siya ng California, Hawaii at Japan tinalo pa ang mga kapatid ko hehehe

Unang pahina, si Lolo colorful magdesign hehehe, ano kaya ang hobby#1 ng Lolo ko? kasi hobby #2 na ito eh

Stamps ni Lolo na nilagay ko sa medyo magarang album, binalutan pa ng plastic para di masira ang perforation, mga scientific names ng ibon at hayop

Stamps pa rin ni Lolo, mga quotations ng mga dating Pangulo ng Pilipinas

Si Idol, Jose Rizal siyempre laging nasa stamps, mula 2 centavos meron na ang Lolo ko, galing niya!

Eto ang mga stamps na nasayang ang value dahil sa dinikit mismo ni Lolo sa papel ng album, dapat kasi may "hinges" na nilalagay sa likod nito para maingatan ang mga stamps

Eto ang bago kong collection, hello kitty at naruto stamps from Japan! hehehe

LARAWAN: Ang larawan na nasa itaas ay ang mga stamps na binigay sa akin ni Nebz, salamat Nebz! Kahit basura na sa'yo pinagtiyagaan mo pa rin ipadala dito para mapakinabangan ko. Pasensiya na di ko pa naasikaso at nalalagay sa album. Paki click ninyo para makita ninyo yun sobre na pinaggalingan nito, galing Saudi pa hanep! hehehe Yan ang pangalawang bida si Nebz! Idol!! Number 1 ng PEBA (sipsip!!)

PAHABOL: Ang nakakatawa, nagtago pa kami sa mga pangalan namin eh mabubunyag din pala ng PEBA hehehe.

Teka parang wala yun mga stamps na kinolek ko dito sa post ko??? Dami ko pang stamps kaso di ko mahalughog ...next time na lang pag nagpakita na sila sa akin hehehe

HULA SCOOP: Matatagpuan Mo Ang Isang Bagay....

2010-01-05T19:28:00.013+09:00

Binili ko ang pagkain na ito para sa New Year na hanggang ngayon di ko alam kung ano

HULA: Matatagpuan mo ang isang bagay na magiging inspirasyon mo sa iyong tinatahak na buhay. Kung anuman ang tatahakin mo, sana lang.....alam mo. Dahil kahit ako hindi ko alam saan yun.

SCOOP: Ano ba ang nagbibigay sa'yo ng inspirasyon ?? Yun ang hanapin mo para matagpuan at matamo mo ang hula sa araw na ito. Para sa akin iba ang inspirasyon ko.....eto:

~~~~~~~~~~~~~~~~~~~~~~~~~~~~~~~~~~~~~~~~~~~~~~~~~

Habang uso pa ang "New Year's Resolution" ay natagpuan ko uli ang diary ng lolo ko, napahiya ako sa pinost kong New Year's Resolution noong isang araw dito sa blog ko kasi nabasa ko uli ang version ng lolo ko. Parang gusto ko tuloy bawiin ang post ko hehehe.

Wala na pala ang www.geocities.com kung saan doon ko pinost ang diary ng lolo ko mabuti na lang nasave ko ang ilang pages kaya nandito muli si lolo.

1933 RESOLUTIONS FOR MAKING A COMFORTABLE, PROGRESSIVE AND HAPPY FAMILY LIFE

As we have now realized and actually experienced during our two years of marital life that we had never made any possible progress, it is then best and proper for us to adopt a Family resolutions beginning January 1, 1933, in order to develop our moral, mental, physical and financial standard of living. And for this, we should then cooperate and help each other to make our present mode of living more lustrious and progressive in the days ahead, God granting:

Being then the sole head of the family, we should now strive to the best of our ability, do everything in our power to make life worthy of living as the very success of our endeavor largely lies upon us. In our daily toils and struggles for existence, there must be a definite goal which we should aim at. And such goal would comprise the following:

· A model of love and kindness in the community.
· A good and ideal home of our own.
· A good savings bank account.
· A good family income.
· A decent and proper education of our children.
· A good sari-sari store.
· Alertness of mind and good judgement of the day’s problems.

The main weakness which hampered the progress of our homemaking were:

1. That we had not cultivated the habit of wise saving which often led us to borrow in most occasions.
2. That we had opened a Chinese account which was the chief cause of our financial ruin.
3. That we have easily provoked ourselves to anger without just cause.
4. That we lacked good humor and had no resistance to overcome our everyday worries.
5. That the wife must be humble in every instance and little highness should necessarily be avoided.
6. That the wife had sometimes ignored her dear husband’s good advices.
7. That the wife’s fond of commanding her husband should be eliminated.
8. That the wife had been always nagging and suspecting her dear husband from other girls.
9. That we have not quite developed our physical culture which is an asset to our health.
10. That we have little neglected our Christian duty which is the chief helper of our struggles.

Hereafter, all the above deficiencies should now be corrected and abolished and that these will only serve as the Stepping Stone to a brighter and better prospect in the future. With the record of the past on hand, we could know what to be avoided and what are to be perfected.

Tama na, tama na Lolo masyado mong pinapaliit sa mata ng tao ang mga ginawa kong New Year's Resolution huhuhu, ang galing mo talaga...IDOL!!!

Kayo, may ganito bang Resolution???? Ako....WALA hehehe. Isa lang ang sa akin...."kailangan kong magdiet!" hehehe

PAHABOL: Sa totoo lang meron pang duties of husband and wife yun resolution niya kaso masyado ng mahaba para ipost ko hehehe. Eto pa, meron pang "love and harmony at ang pinaka dito yun family budget, grabe! Di ko kinaya ang New Year's Resolution ni Lolo. Eto lang masasabi ko sa Lolo ko, "Kung nasaan ka man 'Lo suportahan ta ka!" hehehe

HULA SCOOP: Salubungin ang bagong taon ng may pag-asa....

2010-01-03T21:37:00.009+09:00

HULA: Salubungin ang bagong taon ng may pag-asa at tibay ng pananampalataya sa Ama; saya at may pagmamahal sa bawat isa. Lahat ng lungkot ay kalimutan na sapagkat ang 2009 ay tapos na.

SCOOP: Happy New Year sa Lahat! Happy 2010!! Paalam 2009

~~~~~~~~~~~~~~~~~~~~~~~~~~~~~~~~~~~~~~~~~~~~~~~

Uso na naman ang New Year's Resolution kaya eto wala akong maisip kaya pagpasensiyahan ninyo na, lahat ng mga nagawa ko last year ay hindi ko na gagawin ngayong taon na ito:

1. Hindi na ako maglalaba
2. Hindi na ako magluluto
3. Hindi na ako maglilinis ng bahay
4. Hindi na ako mamalantsa
5. Hindi na ako magpapala ng snow

Teka parang may mali????

Baliktarin natin, ang mga hindi ko nagawa last year ay gagawin ko ngayong taon na ito:

1. Maninigarilyo na ako kahit dadalahikin ako ng ubo
2. Iinom na ako ng beer kahit mapait o kaya alak na mapait pa rin kahit na may allergy ako sa mga ito
3. Magba bar hopping ako nang makita ko naman anong meron sa loob ng bar dito sa Japan, kung gaano kaseksi ang mga Haponesa at kung paano sila rumampa
4. Makikibarkada ako ng husto, party dito party doon, banda rito, banda roon.....sayaw dito sayaw doon
5. Manlalalaki ako ....ngek mali, mali!!!! mambababe na lang?? ngek mali pa rin!! di ko kaya to! nevah! nevah! erase, erase!!! erase lahat ng mga yan!!!

mali talaga, bawal ang lahat ng yan!

sige wag na lang balik na lang ako sa kung anong ako, sabi nga ni Maricel Soriano, "I am what I am" ah peborit pala niya yang kantahin hehehe........eh ano nga ba ako noon 2009? next hula na lang hehehe, inaantok na ako at may pasok na naman bukas, ang bilis naman ng apat na araw na bakasyon! kakainis sana wala na lang pala akong trabaho hehehe para araw-araw may hula scoop at makapaglimayon sa ibang mga blogs...hay ayan na naman ako.....

HULA SCOOP: Mabibigla Ka....

2009-12-28T19:15:00.014+09:00

#10

(dinekwat ko ang larawan na ito sa PEBA website)

HULA: Mabibigla ka dahil ang akala mong di mangyayari ay nangyari sa'yo. Pero kung ang akala mong mangyayari ay di nangyari, di ka lang sinuwerte, may next time pa naman. Malay mo..... malay ko.... yan ang totoo. Malay nating lahat hehehe.

SCOOP: Alam ninyo na siguro kung ano ang tinutumbok ng mga hula ko? Kung di mo pa alam, naku ha alamin mo na mga prends! Dahil akala ko....alam niyo na no hehehe

Eto na:

Congratulations sa PEBA winners!!!! Natapos din ang kaabang-abang na sandali ng 2009.

Eto ang mga akala ko na di mangyayari pero nangyari sa akin:

1. Hindi ko akalain na sasabit ako sa #10, sa top ten Pinoy OFW/Expats ng PEBA ..........yahoo!!!!!
2. Hindi ako nakapagbukas ng e-mail, akala ko wala akong award, hindi ko tuloy nabasa ang e-mail sa akin ni Ms. Azel, hindi tuloy ako nakapagrecord ng video para magpasalamat man lang sa PEBA team lalo na kay Mr. Kenji at NJ.
3. Hindi ko akalain na ang mga judges mapapansin ang hamak na aba at kaawa-awa kong blog entry hehehe, salamat talaga sa inyo!
4. Akala ko pupunta ang kapatid ko, hindi pala wala tuloy akong representative huhuhu.
5. Akala ko sasayaw si Mr. Thoughtskoto hindi pala hehehe (joke lang baka bawiin sa akin yun award hehehe).

Muli po nagpapasalamat ako sa bumubuo ng PEBA lalong lalo na kay Mr. Thoughtskoto dahil sa sipag at tiyaga naisakatuparan niya ang mga pinapangarap ng mga OFWs at Expats....ang maparangalan ang tinatago naming mga talento ay mali ang aming natatanging talento pala hehehe.

Sa mga judges, saludo ako sa inyo, mahirap magbasa ng 37 blog entries, kung ako nga di ko tinatapos basahin ang mismo kong blog entry yun pa kayang 36 na iba pang blog? di ba? hehehe. Kaya salamat sa pagtitiyaga at sa dedication na mapili ang tunay at karapat dapat na mapili.

At sa lahat ng mga nominees, panalo tayong lahat, may number nga lang kaya may nauuna at may nahuhuli at higit sa lahat may maswerteng nakakasabit sa dulo ng top ten, ako yun hehehe.

At sa #1 blogger.......congrats Nebz!! Galing mo naman! Blow out ha hehehe

Mula ngayon, pagsisikapin kong dalawin ang iba pang nominees na hindi ko nagawang bisitahin dahil sa naging busy ako ngayon (sana magawa ko, di bale may new year pa naman hehehe).

Narito ang PEBA website para mabisita ninyo kung sinu-sino pa ang mga nanalo.